SABURI 113
113
Irumisha kya usha lwa Nndumi
1Haleluya!
Yeni varundi va Nndumi Iruva, nndumisheny,
Rumisheny irina lya Nndumi Iruva!
2Irina lya Nndumi Iruva lyiitikiswa,
Ulaalu na fika llung'anu.
3Pookya ngama fika nkwaany
Irina lya Nndumi Iruva llyeerumisha.
4Nndumi Iruva mwiishillya masanga moose;
Nalo uniini lwakwe lukailannya na iruveeu.
5A ni vi avakye Nndumi Iruva,
We Iruva weeru wa uwe?
6Akunyiisaa elyi alola,
Iruveeu na ulaniny?
7Vakiva mmbo avarosa vakooka yoo-si,
Na vakiva kawoota ando a urumato.
8Nambike ando a vaniini
Ando amwi na vaniini va vandu vakwe.
9Kaiboo nka akee kyuumba,
Mmbo ashevaa maye a vana vaishwe ifura.
Nndumi narumishwa!
Actualmente seleccionado:
SABURI 113: MAS2
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
The Holy Bible in Kimashami © Bible Society of Tanzania, 2016.
