SADEONG 85
85
Sambeang sulano kobangsa naaman
1Tuuk mokatuaiyo konyanyian. Korah pulino na Sadeong doi Temeneno.
2Oh Temeneno, Ikoo yase komu buta,
ko Israel ndondongo Ikoo piliyomo.
3Ikoo lapamo ompuniyo Komumian nalalim-lalim;
sasibino konapo kasalahan lapamo Ikoo maafkanggene.
4Akimo koidan Munggimoliiyo yanila;
Komungginalan minasaindinggon Ikoo bubute koi-koidan.
5Oh Mian Bisa mai pasalamat, abalikanggamikai domai tuboan loolukon,
inai monggimolikami koidan.
6Tuuk posidutukonkai komunggimoliiyano kami,
tukon komungginalan tataap polong domai katulunan?
7Abalakenekai komai bukuanan koidan
sulano kami teali labalaba sabab mutulungan.
8Oh Temeneno, okitakenekai baikon komu seang tataap sidutu-posidutukon,
tukon komukasalamatan moluwedoi Ikoo beekanggamikai.
9Yaku yase molongol ko Temeneno Mian Bisa Nabantilan;
sabab Yana perjanjikenemo kotuboan moaman doi kita, Namian,
asal akimo koidan nda abali mokubai lalim.
10Tutuu, Yana basadia mosalamatene komian motubo setia,
tukon Mian Bisa mobabasal naikon dungol doi nda tano.
11Koseang tukon kotaatan naikon pososung,
kokaadilan tukon podamean naikon polobok-lobok.
12Kobangkapi nataatan naikon tubo luwedoi dunia,
tukon ko Mian Bisa nakaadilan tootuku luwedoi timbu.
13Ko Temeneno beekene komo monondok,
sampe konda buta lubatene konahasil.
14Kokaadilan naikon loolukoniyo ko Temeneno,
tukon masadiakene loloon doiyana.
Actualmente seleccionado:
SADEONG 85: LAIBGZ
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
