SADEONG 84
84
Peleenggene ko Mian bisa na Bonua
1Tuuk mokatuaiyo konyanyian. Loingiyo: Gitit nalagu. Korah pulino na Sadeong.
2Bolikon langge konasanaangan Komu lipu dungolan,
oh Mian Bisa Mo Babasal tuuno Konakuasa!
3Konoanggu peleenggene tuuno Komu Bonua,
kobutonggu tootubu kokuweis laba doi Mian Bisa motubo.
4Sabeakoi kotomisi toopinis namaalat bonua
tukon kotomisi layang-layang nadaano konatelea,
lipu napo abosano konapau doi loolanian Komubalabaan,
oh Temeneno Mo Babasal Tuuno Konakuasa, daku Tomundo tukon ku Mian Bisa.
5Tutuu konasanaangan komian modungol doi Mu Bonua,
tukon manyanyikene konggaalano doi-Koo sidutu.
6Kinatauwankai komian momaalat bukuanan moluwedoi Ikoo,
tukon komoiyase mokubai ziarah doi Sion Bunggulo.
7Yanila daanoan moambakon mololoiyo ko Baka Pepelako,
doilipudoo yanila boliiyo teali paisu matano,
koudan tumbeno teali balaakat molobi lobian.
8Konapo bukuanan pololokan sosunggi,
doi tempo napo ambakonan doi Sion,
doi Mian Bisa nalipu sasaibino kotomisi nakitakanano kobutonggo.
9Lengelekai daku sambeang, oh Temeneno Mian Bisa Mo Babasal Konakuasa,
lengelekai, oh Yakub na Mian Bisa.
10Oh Mian Bisa, balakaatiyokai komai tomundo,
eseepekai komian molapamo Ikoo lilike.
11Lobian konamomondokon kalu kita dungul meeng kooloyo doi Mu Bonua
tukon kalu kita dungol sololoon kooloyo doilipu bailon.
Yaku iyasemo tukon lilike momoteali padagai tataapon doi ku Mian Bisa Na Bonua
kalu baino yaku modunggol doi mian molokis nabonua.
12Sabab ko Temeneno Mian Bisa pongosoop kita tukon tomundo mobabasal,
mobeena kita seang tukon pongodotii.
Yana aki nabiasa motolayo oilamokai komo monondok
motuuk doi mian konatuboan moakiyo konasalah.
13Oh Temeneno Mo Babasal Konakuasa,
kinatauwankai komian momaangga doi-Koo.
Actualmente seleccionado:
SADEONG 84: LAIBGZ
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
