SADEONG 70
70
Sambeang makabian tulungan
(Sad. 40:13-17)
1Tuuk mokatuaiyo konyanyian. Luwedoi Daud, doi tempo namososubakonan sosubakon poingotii.
2Oh Mian Bisa, salamatanakukai,
Temeneno, basadiamokai motulungaku!
3Batadikenemokai komian moiyase akateaku
napui linunggui tukon bulen kebingungan.
Tinggalemokai komian nakokuweisiyo daku susaan
napo inumbas tukon sinakukon maka natinotulai.
4Batadikenemokai komian mokokumbitaku
napo teali ngginggim tukon mamaa.
5Boliisi sasaibino komian mo sosubaiyo Ikoo
napo tetedes tukon laba-laba;
tukon sasaibino komo kitayo kokasalamatan luwe doi-Koo
napo banggadudul bantile, “Tutuu babasalkai ko Temeneno.”
6Yakuniakai talalais tukon akimo kubukuan;
mosobit lubat, oh Mian Bisa.
Ikoomokai komo tulungaku tukon mosalamatanaku,
inai momalumbit, oh Temeneno.
Actualmente seleccionado:
SADEONG 70: LAIBGZ
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
