Versículos más leídos de la Biblia MWIILOSHA 1

Compartir

Mashika iva na urango nnu, na isaukwa niindo lyikooya ing'ana. Neeto engera imamya mmwasi, mmbo eengera ting'wa mmwasi

Filya fiyo mfyo fishekaa-u, Filya filentanwa mfyo fishetanyikaa, Mashika nkwiiyo kyindo kyimwi kyiiya yaa ulaniny-fo.

Mbony shoose mmbo tikeyeende maariso, Alawaa yaambawa, Iriso llyikeyaara ilola, nta yaarwi yaarannya-fo.

Mmuukeekwarisa deny, Ni yeny Mwiilosha shamuvia. Wo kindo mukeetana mmbo mukeekwarisa! Ni mbusha-kyi mutiri, Kwa sina yei shoose yaa ulaniny?

Shakooya wo kindo kyikeekyitani kwasi ya ngina ni maariso na nndu akeerishisa uraato.

Ngyeeri mmbo ikeeira, ngyeeri ingyi ikasha; Indi ulana llushaalashika-fo.

Nkwiifo nndu akumbuye filya fya kasha-fo, Nta nkwiifo ashekummbwaa efyo fisheshaa numa-fo.

Nshekunndye yaavanisa nnang'ani ya urango, ukwale na utondo, numa yavayo itana indo, ni kyimwi sha nndu akeerishisa uraato.