Salmos 95

1Le da, güe lá'anadxu Xránadxu Dios dute̱ xel-la' dxebé.

Dute̱ xel-la' dxebé gúl-ladxu chee̱ Bénnea' nuzúa chúchue̱'

dxi'u naga ladxu.

2Cheajdxu lau Le̱', ne xe̱dxu Le̱': Xcalenu'.

Dute̱ xel-la' dxebé gúl-ladxu da güe lá'anadxu Le̱'.

3Naca Xránadxu tu Dios szrente̱,

ne naque̱' Wenná Bea szrente̱ lawe' dios ca' chee̱ bénneache.

4Dxenná bé'ene̱' du gabí'i xe̱zr la xu,

naga naca situj, ne naga naca sibe chee̱ xi'a ca'.

5Dxenná bé'ene̱' nísadau' da núnqueze Le̱',

ne cá'anqueze xe̱zr la xu da be̱ne̱'.

6Le da, gucá'ana szrendxu Le̱', gátadxu sudxú'ala.

Guzú zríbedxu lau Xránadxu, Bénnea' nune̱' dxi'u.

7Le̱' naque̱' Dios chee̱dxu.

Nácadxu benne' ca' dxuxúequeze̱', ne nácadxu ca zríla'du ca'

cheé̱queze̱'.

8Che dxenle chi'e̱ na'a zra, quebe gun zide' lázrdaule

ca belún xra xrtáule ca' naga nazí le na Meriba,

ne ca belune̱' lu zra na' le̱'e̱ xixre' lawe' lataj naga

nazí le na Masah,

9naga buluchá'a xra xrtáule neda', ne belune̱' neda' da ste̱be

lácala belelé'ene̱' xúgute̱ da be̱na'.

10Lawe' chua iza beditaj lazra' chee̱ benne' ca',

na' gunnía': Zaj naque̱' benne' dxelebéaj xíchaje̱' neda',

ne quebe dxelune̱' ca da dxulé'eda' le̱'.

11Chee̱ le̱ na', dute̱ xel-la' dxezrá'a chia' bzetaj cuina' gunnía':

Quebe xelexú'uqueze̱' naga xelexezí' lazre̱' nen neda'.

Actualmente seleccionado:

Salmos 95: zat

Destacar

Copiar

Comparar

¿Quieres tener guardados todos tus destacados en todos tus dispositivos? Regístrate o inicia sesión

Versículos bíblicos populares de
Salmos 95