Salmos 75
75
1“Xcalenu'”, dxe̱ntu' Lue', Dios: “Xcalenu'.”
Dxuzentu' bénneache zúale̱nu' netu', ne ba nunu' da ca'
dxexebánequezentu'.
2Dxenná Dios: “Ba nuzúa' zra guchi'a chee̱ bénneache.
Guchi'a ca naca da xrlátaje.
3Lácala xru' dute̱ xe̱zr la xu, ne xelezrize xúgute̱
da zaj naca ban na,
neda' gúxruqueza' ca naca lane xe̱zr la xu na'.
4Dxapa' benne' xala ca': Quebe gáwele.
Dxapa' benne' ca' dxelune̱' da cale̱la:
Quebe gucá'ana szren cuínale.
5Quebe guxrén lázrele xel-la' wal-la chee̱le.
Quebe gácale benne' lázxdau zide'.”
6Quebe za xel-la' szren naga dxalaj gubizra,
ne naga dxebía na,
ne quebe za na le̱'e̱ xixre' lawe' lataj.
7Dios naque̱' Bénnea' guchi'e̱ chee̱ bénneache.
Dxucá'ane̱' cá'aze tu benne', ne dxucá'ane̱' szren xetú benne'.
8Dios nuxre̱' tu zriga', da nazrate̱ na xrise uva wal-la,
da zeaje na xel-la' dxezrá'a chee̱'.
Dxulálaje̱' na chee̱ xele̱'aj benne' ca' dxelune̱' da cale̱la.
Xelé̱'aje̱' na xebizrte̱ na.
9Neda' guzénquezda' bénneache,
ne gul-la' da güe lá'ana' Dios chee̱ Jacob.
10Le̱' guchínnajqueze̱' xel-la' waca chee̱ benne'
we̱n da cale̱la ca'.
Gusezrendxe̱' xel-la' waca chee̱ benne' xrlátaje ca'.
Actualmente seleccionado:
Salmos 75: zat
Destacar
Copiar
Comparar
Compartir
¿Quieres tener guardados todos tus destacados en todos tus dispositivos? Regístrate o inicia sesión
© 1981, Wycliffe Bible Translators, Inc. All rights reserved.