Salmos 138

138

1Xrana' Dios, dute̱ lázrdawa' güe lá'ana' Lue'.

Tu dxúl-lazqueza' da dxue lá'ana' Lue' lau dios ca' chee̱

benne' zitu' ca'.

2Dxuzú zriba' lau xudau' lá'azxa chiu',

ne dxue lá'ana' Lau' lawe' da nacu' li lazre',

ne dxexache lazru' bénneache chiu',

ne lawe' da blé'enu' nacu' Benne' szrente̱,

na' szrente̱ naca xrtizru'.

3Gate bláwizra' Lue', na' gúcale̱nu' neda'.

Nen dute̱ xel-la' waca chiu' btipu' lazra'.

4Xúgute̱ benne' wenná bea du gabí'i xe̱zr la xu

xelúe lá'ane̱' Lue', Xrana' Dios.

Caní xelune̱' lawe' da ba belenne̱' ca naca xrtizru'.

5Xelúl-le̱' chee̱ da ba nune̱' Xránadxu Dios,

lawe' da zrente̱ naca xel-la' ba chee̱ Xránadxu.

6Szrente̱ naca Xránadxu Dios, ne dxácale̱ne̱'

benne' baxache' ca',

na' quebe dxu'e̱ lataj benne' dxucá'ana szren cuine̱'

zrine̱' lau Le̱'.

7Lácala zua' lu da ba xa', Lue' dxutipu' lazra'.

Dxedábagu' benne' ca' dxeledábague̱' neda',

ne dute̱ xel-la' waca chiu' dxuseláu' neda'.

8Gun Xránadxu Dios da guche̱be lazre̱' chia'.

Xrana' Dios, tu dxexache lázrezquezu' bénneache chiu'.

Quebe gusanu' dxunu' zrin da guzú lau' dxunu'.

Actualmente seleccionado:

Salmos 138: zat

Destacar

Copiar

Comparar

¿Quieres tener guardados todos tus destacados en todos tus dispositivos? Regístrate o inicia sesión

Versículos bíblicos populares de
Salmos 138