Salmos 137

137

1Dxu'a xe̱gu chee̱ xe̱zr la xu Babilonia gudxé'edxu,

ne gudxézredxu gate xeajsá lázredxu chee̱ xe̱zre Sión.

2Lu zruze xaga labada' dxu'a xe̱gu na'

buqué̱ladxu da cun zríadi'i na du chee̱dxu ca'.

3Benne' ca' guleché̱'e̱ dxi'u ca benne' zaj nada'u

gulenábene̱' dxi'u gúl-ladxu.

Benne' ca' buluzría xi' xe̱zre chee̱dxu gulé̱'e̱ dxi'u

súadxu lu xel-la' dxebé, gulenné̱':

Le gul-la chee̱ntu' da ca' bíl-lale lu xe̱zre Sión.

4¿Ájazra gúl-ladxu da güe lá'anadxu Xránadxu Dios

naga zúantu' lu xe̱zr la xu chee̱ benne' zitu' ca'?

5Chela gal-la lazra' lue', xe̱zre Jerusalén,

gun Dios gunite na'a xabe̱la xel-la' waca chee̱ na.

6Be̱n xedá' luzra' chíchajla' che quebe cheajsá lazra' chiu',

ne che quebe gucá'ana szrena' lue', Jerusalén,

nacu' da dxezaca ba lázrele̱da'.

7Xrana' Dios, bsa lazre' da cale̱la da belún benne' Edom

lu zra na' guzría xi' xe̱zre Jerusalén,

gate na' gulenné̱': “Le guchinnaj na. Le guchinnaj na,

ca zrinte̱ lu lane chee̱ na.”

8Le'e, benne' Babilonia, cuía xile.

Ba neza zrente̱ gaca na chee̱ bénnea' gune̱' chee̱le

ca da be̱nle le'e chee̱ntu' netu'.

9Ba neza zrente̱ gaca na chee̱ bénnea' que̱'e̱ bidu chee̱le ca',

ne quine̱'-be' lu xiaj xre na'.

Actualmente seleccionado:

Salmos 137: zat

Destacar

Copiar

Comparar

¿Quieres tener guardados todos tus destacados en todos tus dispositivos? Regístrate o inicia sesión

Versículos bíblicos populares de
Salmos 137