Salmos 122
122
1Gubéle̱na' benne' ca' gulé̱'e̱ neda':
“Chéajdxu xu'u lizre Xránadxu Dios.”
2Na'a zúadxu nigá, ze̱ntu' dxa xu'u ze'e
da naxechaj lue', xe̱zre Jerusalén.
3Jerusalén naca na tu xe̱zre da belexune̱',
na' naca na xrtante̱, ne dxé'le̱'e̱ na cháwedau'.
4Lu xe̱zre na' zjaca xúgute̱ cuen bénneache zaj de̱'e̱
Xránadxu Dios.
Dxelune̱' ca dxenná dizra' da guzre Dios benne' Israel ca',
chee̱ xelúe lá'ane̱' La Xránadxu Dios.
5Lu xe̱zre na' zaj dxe' benne' ca' dxuluchi'e̱ chee̱
benne' Israel ca',
naga zaj dxe' benne' xrtia David, benne' ca' dxelenná be'e̱.
6Le naba lau Dios gata' xel-la' dxebeza zri lazre'
lu xe̱zre Jerusalén,
chee̱ xelepe ban da dxelún benne' ca' zaj nazrí'ine̱' xe̱zre na'.
7Dxenábantu' Dios sua xel-la' dxebeza zri lazre'
lu'ule ze'e da naxechaj na lue', Jerusalén,
ne chee̱ xelezrá' chawe' benne' zaj xu'e̱ xu'u zren chiu'.
8Nazrí'ida' le sa' ljwezra', ne bi ljwezra' ca', na' dxennía':
Gata' xel-la' dxebeza zri lazre' chiu', xe̱zre Jerusalén.
9Lawe' da nazrí'ida' xu'u lizre Xránadxu Dios
dxuna' ba xuzre gaca chawe' chiu'.
Actualmente seleccionado:
Salmos 122: zat
Destacar
Copiar
Comparar
Compartir
¿Quieres tener guardados todos tus destacados en todos tus dispositivos? Regístrate o inicia sesión
© 1981, Wycliffe Bible Translators, Inc. All rights reserved.