Salmos 121
121
1Chisa xíchaja' nna'a da dxelún bénneache lu xi'a ca'.
¿Gazra za' da gácale̱ na neda'?
2Da gácale̱ na neda' za' lu na' Xránadxu Dios,
Bénnea' be̱ne̱' xabáa, ne xe̱zr la xu.
3Quebe gu'e̱ lataj cheajcháziu'.
Quebe gase Bénnea' dxuxúequeze̱' lue'.
4Gunná' xque, quebe te bchigala chee̱ Bénnea'.
Québequeze gase Bénnea' dxuxúequeze̱' benne' Israel ca.
5Xránadxu Dios dxucú'uje̱' lue'.
Xránadxu Dios zue̱' cuitu' xabe̱la dxegu'e̱ lue' zrul-la.
6Quebe guzezxe gubizra lue' te zra,
ne quebe bi gune beu' lue' chizrela.
7Xranu' Dios guxúequeze̱' lue' chee̱ quebe bi da cale̱la
gaca na chiu'.
Guxúequeze̱' bénne'du xu'u.
8Xránadxu Dios guxúequeze̱' lue' gate dxedxúaju',
ne gate dxexú'u, na'a zra, ne chadía chacanna.
Actualmente seleccionado:
Salmos 121: zat
Destacar
Copiar
Comparar
Compartir
¿Quieres tener guardados todos tus destacados en todos tus dispositivos? Regístrate o inicia sesión
© 1981, Wycliffe Bible Translators, Inc. All rights reserved.