Yohana Ɓəsawu
Ɓəsawu
Yohana Nabagyi Manai, kwo shnado lo n Anabagyi Amanai ngwnu-anyi ajei. Kwo shikwonyi əkwo ɓətukwo vnyanya nyi nge kwa wu Yeisu anyìgyi nu ɓədo n əwo ɓəvyitnutnui, kwo to n aɓəsisii fyilo m. Nabagyi Manai Yohana nya kwo wu aɓoawowoi ngwnu-tnaaba; Ngwnu-aba kafyilo n Anabagyi Manai aje, njesnu aɓoawowoi ngwnu-atnu n Yohana nu ɓə ɓwa əɓa əɓo da.
Yohana ɓə ka she Yeisu ɓə pə əwohni wu n zhni Shekwoyi n aɓədai nu ngwnu-tnaaba nge “Əmi nu.” Zokwo nu nyi n Shekwoyi ɓə wu əwohni n Aisrailayi aba dna n Masar. Ntucenu kwo kwu wu pəipəi ge Yeisu zhni Shekwoyi nu.
Nyakayi
Yohana Zebədi nugwnu, Jemyis əzado.
Ɓətukwo
“Ama a n aɓo yei kafyi nabai n fye ɓa ga gaiciya nu ge Yeisu nu zhni Kirisiti, Shekwoyi Nugwnu, njesnu ge n gaiciyagai n əwo, fye ɓa myi fya ɓwa wyewyeyi dna n əwo əye” (20:31).
Aba n a ɓə ka pafyi ye
Kwo ye lo n wui ngye a ɓə ɓa ka pafyi ye dna n Afyisus nu.
Əye n a ɓə ka pafyi ye
Əye 57 n Dagayi Ɓeɓe Avnu (DƁA).
Aza n a ɓa gna əɓa aye wyegye n pafyi ye
Yeisu, əwo əya ɓədo n əwo amwutuyii; Yohana Batizimazhniyi n əwo amwutuyii; Mariyamwu, Marita n Liyazurui; Byilatusu; Ayahudiyi atukwoda; ɓədo n Mariyamwu Magadalayii.
Əɓo kpokəloi
Yohana Nabagyi Manai n əɓoi da n əɓwai myimyii tu n Yeisu nu, ge əwo nu zhni Shekwoyi. Njesnu kwo ga awyega n nunui ntu Əznù ɓo n Anabagyi Manai aje yi ɓa nge aɓoawowoi, nabai n nyabayi ɓa ga gaiciya nge Yeisu nu zhni Kirisiti, Shekwoyi Nugwnu, njesnu nge əza ɓa ɓwa wyewyeyi nyalonyalo nya, ndəi n əza ga gaiciya dna n Yeisu nu.
Aɓo adnagbmai
Dna n Nabagyi Manai ye, yi ɓwa anabagyi aɓoawowoi nyaho n Yeisu ɓə zhni, jesnu n əwo nyawui n kwo to kafyilo n Anabagyi Amanai aje m. Ənya n kwo ya n sura 14–17 ɓa ga yi nyawu n nunui n wo ɓə wu əwo amwutuyi wa kpe fyi. Okwu kpmasnui ga awyega she Yeisu ɓə wu əwohni n əwo amwutuyi aba n əwo əfyikalala avnu.
Aɓətukwo n ɓa kafyi n pafyi ye
Ɓədagbma kwaa zè nayi (1:1‑18)
Yeisu ɓəvyitnutnu n woi ɓə zhni, waa kpe jezelo Gəlili (1:19–4:54)
Yeisu ɓəvyitnutnu dna n Gəlili ɓədo n anuwnuyii n ɓa ɓə gwnukpe wo n Urishelima (5:1–10:42)
Yeisu la Liyazuru kala n əfyi (11:1‑57)
Yeisu pwo əwo ɓəvyitnutnu (12:1–13:30)
Anyawu kpmasnui Dagayi Yeisu nya (13:31–17:26)
Yeisu fyífyi n əwo əfyikalalai (18:1–20:10)
Yeisu wa kpeyaɓe n əwo əfyikalala avnu (20:11–21:25).
Actualmente seleccionado:
Yohana Ɓəsawu: GNB
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
Gbagyi Nyizeyenya Baibwulu: Shekwoyi Ɓədagbma™, Ɓəgbeshì Woiwoyi
© 1997, 2025 Biblica, Inc.
Apmazhni n gbegai nu. Ɓəznu vnyanya wnafyi lo n anyìvnyanya.
Gbagyi Contemporary Bible™, New Testament
Copyright © 1997, 2025 by Biblica, Inc.
Used with permission. All rights reserved worldwide.