ᒨᓯᓯ ᐂᑉᐸᖏᑦ 11
11
ᒨᓯᓯᐅᑉ ᐅᖃᕐᓂᖓ ᐊᖓᔪᒃᓯᕐᐹᖁᑎᒋᔭᐅᔪᑦ ᑐᖁᓂᐊᕐᓂᖏᓐᓂᒃ
1ᐊᑕᓂᕐᓗ ᒨᓯᓯᒧᑦ ᐅᑲᕐᐳᖅ, “ᐊᑕᐅᓯᑐᐃᓐᓇᐅᓕᕐᐳᖅ ᓱᒋᐊᕐᓯᑦᔪᑎᒋᔪᒪᔭᕋ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᐃᓄᖁᑎᖏᓐᓄᓪᓗ, ᑕᒪᓐᓇ ᐱᔭᕇᕐᐸᑦ ᐊᐅᓪᓚᕈᓐᓇᕐᓯᑎᓐᓂᐊᕐᐹᓯ ᓱᓇᒥᒍᓐᓇᕐᓯᓗᓯ ᐊᒡᓛᑦ. 2ᐊᑏ ᐃᓴᕆᐊᓕᒥᐅᑦ ᐅᖃᐅᑎᓂᐊᕐᐸᑎᑦ ᓯᓚᖅᑲᑎᒥᖕᓂᑦ ᑐᒃᓯᕋᖁᓗᒋᑦ ᒎᓗᓂᒃ ᓯᐅᓪᕕᕆᓂᒡᓗ.” 3ᐊᑕᓂᐅᓪᓗ ᐄᑦᔨᑉᑎᒥᐅᑦ ᖁᕕᐊᓲᑎᖃᕐᑎᑉᐰᑦ ᐃᓴᕆᐊᓕᒥᐅᓂᒃ, ᐊᒡᓛᑦ ᒨᓯᓯ ᐊᖓᔪᖅᑳᕐᔪᐊᖑᔪᓄᑦ ᐃᓄᖕᓄᓪᓗ ᐊᔪᖏᑦᑐᐊᓘᓇᓱᒋᔭᐅᓕᕐᑎᑉᐹ.
4ᑕᕝᕙ ᒨᓯᓯ ᐊᖓᔪᖅᑳᕐᔪᐊᕐᒧᑦ ᐅᖃᕐᐳᖅ, “ᐊᑕᓂᖅ ᐅᖃᕐᐳᖅ ᐅᓐᓄᐊᓪᓗᐊᖑᓕᕐᐸᑦ ᐄᑦᔨᑉᑎᒃᑯᑦ ᐃᖏᕐᕋᓂᐊᕐᐳᖓ, 5ᐊᖓᔪᒃᓯᕐᐹᖁᑎᓕᒫᖏᓪᓗ ᐄᑦᔨᑉᑎᒥ ᑐᖁᓂᐊᕐᐳᑦ, ᐊᖓᔪᖅᑳᕐᔪᐊᓪᓗ ᐃᕐᓂᕐᑖᕆᐅᕈᑎᖓ ᑖᓐᓇ ᑭᖑᕝᕕᕐᑎᒃᓴᕆᒐᔭᕐᑕᖓ ᐊᖓᔪᖅᑳᕐᔪᐊᑉ ᐊᒡᓛᑦ ᑐᖁᓂᐊᕆᕗᖅ, ᓯᐊᓛᖑᔪᑦ, ᓱᒃᑯᐃᓪᓗ, ᐊᖓᔪᒃᓯᕐᐹᖁᑎᓕᒫᖏᑦ ᑖᒃᑯᐊ ᓂᐊᖂᔭᒃᓴᓂᒃ ᓯᖁᑦᑎᕆᔨᐅᔪᑦ; ᐃᒻᒧᒃᓯᐅᒊᓪᓗᑦᑕᐅᖅ ᐊᖓᔪᒃᓯᕐᐹᖁᑎᖏᑦ ᑐᖁᓂᐊᕆᕗᑦ. 6ᓂᐱᖅᑯᕐᑐᓗᑎᒃ ᕿᐊᔪᖃᕐᓂᐊᕐᐳᖅ ᐄᑦᔨᑉᑎᓕᒫᒥ, ᑍᒫᑎᒋ ᓯᕗᓂᖓᒍᑦ ᐱᔪᖃᓚᐅᕐᓯᒪᓐᖏᓚᖅ ᑍᒫᒡᓗ ᐱᔪᖃᒃᑲᓐᓂᕐᓂᐊᕋᓂ ᑭᖑᓂᖓᒍᑦ. 7ᕿᒻᒦᓪᓘᓐᓃᑦ ᕿᓗᖕᓂᐊᓐᖏᓚᑦ ᐃᓴᕆᐊᓕᒥᐅᓄᑦ ᓂᕐᔪᑎᖁᑎᖏᓐᓄᓪᓗ, ᑕᕝᕙ ᖃᐅᔨᓂᐊᕐᐳᓯ ᐅᕙᖓ ᐊᑕᓂᖅ ᐄᑦᔨᑉᑎᒥᐅᓂᒃ ᐃᓴᕆᐊᓕᒥᐅᓂᒡᓗ ᐊᑦᔨᒌᓐᖏᑎᑦᓯᓂᓐᓂᒃ.” 8ᒨᓯᓯ ᑭᖑᓪᓕᕐᐹᒥᒃ ᐅᖃᓕᕐᐳᖅ, “ᐱᔨᑎᑦ ᐅᕙᓐᓄᑦ ᕾᓂᐊᕐᐳᑦ ᓵᓐᓄᓪᓗ ᐹᒻᒪᒃᑎᕐᓗᑎᒃ, ᐅᕙᓐᓂᒡᓗ ᐊᐅᓪᓚᖁᔨᕕᒃᔪᐊᕐᓂᐊᕐᐳᑦ ᐃᓄᖁᑎᒃᑲ ᐱᖃᑎᒋᓗᒋᑦ, ᑭᖑᓂᖓᒍᓪᓗ ᐊᐅᓪᓚᕐᓂᐊᕐᐳᖓ.” ᒨᓯᓯᒧᓗ ᐊᑲᐅᒃᓴᖏᑦᑐᒻᒪᕆᐊᓘᓪᓗᓂ ᐊᖓᔪᖅᑳᕐᔪᐊᖅ ᕿᒪᓕᕐᐹ.
9ᐊᑕᓂᕐᓗ ᐅᖃᕐᓯᒪᕗᖅ ᒨᓯᓯᒧᑦ ᐃᒫᒃ, “ᐊᖓᔪᖅᑳᕐᔪᐊᕐᓗ ᐅᖃᐅᓯᕆᔭᕐᓂᒃ ᓈᓚᒍᒪᖃᑦᑕᕐᓂᐊᓐᖏᓚᖅ ᐄᑦᔨᑉᑎᒥ ᑲᒪᓇᕐᑐᓕᒃᑲᓐᓂᖁᓪᓗᖓ.” 10ᒨᓯᓯᐅᓪᓗ ᐂᕉᓂᐅᓪᓗ ᑕᒪᒃᑯᐊ ᑲᒪᓇᕐᑐᑦ ᐱᓇᓱᐊᓚᐅᕐᐰᑦ ᐊᖓᔪᖅᑳᕐᔪᐊᑉ ᑕᒃᑯᐊᓂ, ᐊᑕᓂᐅᓪᓕ ᐊᖓᔪᖅᑳᕐᔪᐊᖅ ᐆᒻᒪᑎᖓ ᓯᑎᔪᑎᓚᐅᕐᒪᒍ ᐃᓴᕆᐊᓕᒥᐅᑦ ᑕᕝᕙᓐᖓᑦ ᓄᓇᒥᓂᑦ ᐊᐅᓪᓚᕈᓐᓇᕐᓯᑎᑦᓱᓐᓇᓚᐅᓐᖏᓔᑦ.
Actualmente seleccionado:
ᒨᓯᓯ ᐂᑉᐸᖏᑦ 11: EAIB
Destacar
Copiar
Comparar
Compartir
¿Quieres tener guardados todos tus destacados en todos tus dispositivos? Regístrate o inicia sesión
Eastern Arctic Inuktitut Bible © Canadian Bible Society, 2012, 2021-2023.