Málákuse 9
9
1Uganyɛ gɔ́b sɔ́n ká: «Agá meliŋítas, ngúnuɔ́yɔn ká, agá band bányá aya, bóndodi digegú kand ká bámaán guúl gá Bufuŋ bá Gɔdányá na bumalamand bá bú.»
Piéle, Sáka na Sáŋa maán Yésu nagadá wa nugúm
(Mat 17.1-9; Lúk 9.28-36; 2Pi 1.17-18)
2Medúg mátindád máal mámádɔ́mb, Yésu gugɔ́l Piéle, Sáka na Sáŋa uwuban bɔ́ bɔ́bɔ́ eŋényé agá nɔgɔnd núnyá guya. Gɔdányá uwenúgi wɔ́ ɔgɔ́b gá eŋís; 3Bɛsɔnɔ bág ibiíl fuúmm, bíményimine nɛnama nɛ́nyá ká mɔnd mabása udiánɛ́g egegus unyá woguondi bɛsɔnɔ nɛnama iniány. 4Kɔ́ na kɔ́, Bafɔ́nɔfɔ́n bem bádadɔ, abaán Elí na Moyíso bɔ́yɔ moóny na Yésu. 5Piéle uwɔgɔ́l gugál, uganyɛ gá Yésu ká: «Lábi, búnyɛ bese ká dɛ́bá aya; nsɛ́ dɛ́fuág muans múdadɔ: aŋuá ímoom, Moyíso ímoom, Elí ímoom.» 6Udɛmalɛnsan buanda bɔ́guɔyɛd gágual ká nág na bɔsɔ́gɔ́ bág bémelígímíné na buwa. 7Gɛlɔndɔ igiásiám, igiábɔgɛn bɔ́ na giwewe gág. Ekelu uwuúlín agá gɛlɔndɔ igiány wɔ́yɔ ká: «Unyɛ Mɔɔn wám wa ɔdɛm, ɔ́nubɛ́dɔ́lɛ́gɔ́n wɔ́!» 8Kɔ́ na kɔ́, bábɛ́lɛ́ŋɛ́dɛ́nɛ, ta guand guán mɔnd, kɔɔ́kɔ Yésu bámaán. 9Bámáal bágányá gúselen nɔgɔndɔ, uwasásɛ́d bɔ́ ká bɔ́diɔyɛ́dɛ́n ta mɔnd buanda ubú bámáan, gɔb águám anyɛ́ Mɔɔn wá mɔnd ganuányɔg aga ebeguén. 10Obófuógidonyi nsás iyaány. Ta anaány bóbiófoon bɔ́bɔ́ na bɔ́bɔ́ ká: «Giág gínyá guanyɔg aga ebeguén e?»
11Obófún Yésu sɔ́n ká: «Góbusió bágiág befúnyifúny bá bisele ɔ́yɔnɔ ká Elí gakɛn guúl e?» 12Uganyɛ gɔ́b ká: «Búnyɛ nɔ́, Elí gakɛn guúl ká úsiondí buanda gidigid anyɛ́ búmáabá, giág gɔ́g búnyá buɔ́ŋɔ́n agá mbɔbɔnɔ#9.12 Bómodió guɔ́yɔ ká: ɔmbɔbɔnɔ wá Gɔdányá. ya Gɔdányá ká, yaŋuá Mɔɔn wá mɔnd ngúbianan ká yɔ́bɛ́gɔɔn giod yónd ndáŋáb nsɛ́gɛna e? 13Oo! Yaŋuá gɔg ngúnuɔ́yɔɔn ká, mɔnd anyɛ Elí#9.13 Dímálɛ́ŋa Mat 17.13, bafɔ́nɔfɔ́n mɔɔ́b ká gugál Yésu gálaná aya gúlɛ́ŋa Sáŋa Batís. Aya Yésu mɔɔ́yɔɔ́n Sáŋa Batís umáaba umáman guúl. móol, abála naga anyɛ́ béméebíléné, gɔɔ́gɔ anyɛ́ búnyá buɔ́ŋɔ́n gág góbusió agá mbɔbɔnɔ ya Gɔdányá.»
Yésu méŋúgí agánd umónd uményúgí mɔ́nɔmbɔ
(Mat 17.14-21; Lúk 9.37-43)
14Anyɛ́ Yésu na bafɔ́nɔfɔ́n bág méesiég kɔɔ́m bɔsɔ́g bafɔ́nɔfɔ́n máabá, abaán gianta gá giŋi gá band gímɔ́ɔbɔ́ŋ bɔ́, bafɔ́nɔfɔ́n béméesién mabá bésúŋenenyi na befúnyifúny bisele. 15Bamáal bánaan Yésu, ebédúm guméŋeméŋ ta bɔ́guɔyɔ, ebékúlúguden gá guebígélígélí wɔ́. 16Uwófún ká: «Giág nusuŋunenyé nɔ́bɔ e?» 17Mɔnd uwɔyɛd nagadá wa giŋi gá band ká: «Ofúnyifúny nsegúlénin mɔɔn wám, Giád gá gíliíndié gúméŋélenyi wɔ́, gídiguádábaan ká úgálágal. 18Gínyɛ kɔɔ́m gidigid gímánuadɛ́gɛ́n wɔ́, gɛ́sɔ́bɛ́d wɔ́ egegus, udúm guémenyi bibus, ubíbánda bikeled, nuɔ́l nág ónd tánánanana. Nsaal gá bafɔ́nɔfɔ́n bɔ́w ká bákɔ́ŋɛd gɛ́, gɛ́máyág bɔ́.» 19«Yésu ganyɛ ká: Banuá ebe nudiádábáná, guám niík nganúbá nanɔ e? Ngenúbílímbe gɔg guám niík e? Onuŋólónín wɔ́.» 20Obólónin wɔ́ mɔ́nɔmbɔ. Giád gá Gíliíndié igiány máal naguán Yésu, igiáfɔ́gɛ́dɛn mɔ́nɔmbɔ magɔ́gɔ́n, uwagua egegus, uwebíbíŋílenyi, bibús ámaan wɔ́ agá niíd. 21Yésu guófún sié wa mɔ́nɔmbɔ ká: «Gudúm niík buálaná wɔ́ ana e?» Sié sɛ ká: «gutɔ gudúm buábayuá#9.21 Bómodió guɔ́yɔ ká búbáyuá.. 22Bigúl bímodió, gígányɛ giéti wɔ́ agá yoóg, ɔ́gɔ ká agá madɛ́ga, ká úgú. Sígól, dídúgún ɔ́gɔ anyɛ bɔ́guɔ́d!» 23Yésu ganyɛ ká: «Ɔguɔ́yɔ súge ká ɔ́gɔ inyɛ wɔ́guɔ́d! Lɛnsɛ ká buanda dɛbá bágual búyág mɔnd wondonyó ɔdɛm#9.23 Bómodió guɔyɔ ká gubióndi gá ɔdɛm..» 24Ádɛ ány, sié wa mɔ́nɔmbɔ uwɔyɛd ekelu magɔ́gɔ́n ká: «Nguóndonyi ɔdɛm! Ndúgún, giondiɔdɛ́mɔ́ gám gɔg dɛbá nsɔ́b!» 25Yésu máal naguán giŋi gá band óloon kɔɔ́m bámáabá, uwánsɛ́dɛn giád gá gíliíndié, usɛ gá gɛ́ ká: «Aŋuá giád gá gíliíndié gídiádábaná ká mɔ́nɔmbɔ ewe gálágal, ta káa wɔ́bɔɔ́n, mmál gɔ́w ká, ámá agág gá nuɔ́l, adiánd gúbíŋín kɔ́ ta buɔ́s!» 26Igiáfɔ́gɛ́dɛn mɔ́nɔmbɔ uwaány magɔ́gɔ́n giánsa, igiégusi wɔ́ egegus, igiám. Mɔ́nɔmbɔ uwagɔ́nd, band giod abáb gá guɔyɔ ká: «Umégu.» 27Yésu gɔg gudóŋinyi wɔ́ ɔmbɔ́g ká wádɔg, mɔ́nɔmbɔ uwedélímin. 28Umáal ná guond agá nuyá na bafɔ́nɔfɔ́n bág, bágányɛ bɔ́bɔ́ na bɔ́bɔ́, obófún wɔ́ ká: «Gukɔ́ŋɛd giád gá gíliíndié igiány sadɛ́yág basuá góbusió bágiág e?» 29Uganyɛ ká: «mbísógól gusúg yémenyé nɛnama ná giád gá gíliíndié igiány.»
Yésu maánd guɔyɛd nigú na guanyɔg gág
(Mat 17.22-23; Lúk 9.43-45)
30Abádɔg ány, abáb agá giéns gá gus bábɛ́laná ká Galilé. Yésu dimebíléne ká bálɛ́ns kɔɔ́m unyá. 31Gágual ká umabá ufúnyifunyi bafɔ́nɔfɔ́n bág wɔyɔ ká: «Bágaŋandɛn yaŋuá Mɔɔn wá mɔnd ɛdɔg; bɔ́ŋɔ́n, agá gélem gá medúg mádadɔ, wányɔg aga ebeguén.» 32Badɛmasɔ́ŋɔ́na gugál gág uguány bese, ta anaány bédíne guófún wɔ́ nŋófúny.
Ányá unyá ɔgúnɔ e?
(Mat 18.1-5; Lúk 9.46-48)
33Ebénége Kapɛlɛnahúm. Bámáal bágányɛ agá gians nagadá, Yésu guófún bɔ́ ká: «Giág numénúsuŋúnényí gá gɛ́ agá nŋili e?» 34Ebélúŋ pɔ́, gágual ká bámabá boól básáŋá agá nŋili ká bálɛ́ns ányá unyá ɔgɔ́n. 35Uwelukumin, uwabɛ́lɛ́gɛn bát na bándɛ, uganyɛ gɔ́b ká: «Mɔnd mambá ká úbá wobusió, nsɛ́ ubá wegusúgúdenyi wa bem, wónd úbá eŋél buol wá bem.» 36Uwɔgɔ́l mɔ́nɔmbɔ, uwedélíminyi wɔ́ gadágadá wɔbɔ. Uwabɛ́dɔ́gɛn wɔ́ agág gá ambana, uganyɛ gɔ́b ká: 37«Mɔnd gidigid umónúgóli mɔ́nɔmbɔ anyɛ ewe agám gá ɔfɛ́n, yaŋuá muát umónúŋgólí; ewe umónúŋgólí, saá yaŋuá eŋényé gusúg umónugóli, umógóli sɔ́n ewe umáŋdɔ́m.»
Ewe udiádɛ́bɛ́sáŋɔ́nána nyɛ nasɔ
(Lúk 9.49-50)
38Sáŋa ganyɛ gá Yésu ká: «Ɔgúnɔ́, dɛsán mɔnd ukúŋa biád bá bíliíndié agá ɔfɛ́n wɔ́w, dimáal dílég wɔ́ gágual ká udɛbá ɔlɔŋɔ nasɔ.» 39Uwondinyi ká: «Nudilég wɔ́, gágual ká mɔnd mála gisey na ɔfɛ́n wám, agá gélem ány, udɛbá báguŋgálɛ́nɛgalɛn bɔbɛ. 40Ewe udiédínúsényé nyɛ nasɔ. 41Ewe gidigid uganúnúfá ɛdɔ́ga yá madɛ́ga mágúbúwá gágual ká nunyɛ band bá Kilíse anaány gúnyá Kilíse, agá meliŋítas, ngúnuɔ́yɔɔn ká, ugabia bɛnama.
Nsás
(Mat 18.6-11; Lúk 17.1-2)
42«Ewe ugenúdídígin omoom agá ɔlɔŋ wá baábayɔ ebe bóndonyó ɔdɛm agamia ká wála bɔbɛ, búnyɛ bese ká bágɔ́d wɔ́ gɛnɔ́m gá nɛdany agá ekelu, béti wɔ́ agá manáŋ abɔ́sa. 43Ɔ́gɔ ɔmbɔg wɔ́w wálaná ká ágɔɔn agá bɔbɛ, sɔ́mb wɔ́; búnyɛ́ menyí bese ká ébíŋín na ɔmbɔ́g giéns agá mbanda gusɔ́d; na ká áb agá kɔɔ́m gá meyú, agá yoóg yá medug mem na ɛmbɔ́g sɔ́w inkim ɛ́yandɛ. [ 44]#9.44 Búnyɛ buɔ́ŋɔ́n agá imbɔbɔnɔ símodió ká. Ány biyeli digúguénen, yoóg sɔ́n digúfuénen kɔ́ ta buɔs. 45Ɔ́gɔ gɛgɔnd gɔ́w giálaná ká ágɔɔn agá bɔbɛ, sɔ́mb gɛ́; búnyɛ menyí bese ká ébíŋín na gɛgɔnd giéns agá mbanda gusɔ́d; na ká áb agá kɔɔ́m gá meyú na bɛgɔnd bɔ́w bim biándɛ. [ 46]#9.46 Búnyɛ buɔ́ŋɔ́n agá imbɔbɔnɔ símodió ká: Ány biyeli digúguénen, yoóg o sɔ́n digúfuénen kɔ́ ta buɔ́s. 47Ɔ́gɔ niís nɔ́w niálaná ká ágɔɔn agá bɔbɛ, sɔ́gɔ́n nɛ́; búnyɛ menyí bese ká ébíŋín na niís nímoom agá Bufuŋ bá Gɔdányá; na ká béguéti agá kɔɔ́m gá meyú na eŋís yɔ́w enkim ándɛ. 48Ány biyeli digúguénen, yoóg sɔ́n digúfuénen kɔ́ ta buɔ́s. 49Mɔnd gidigid gadɔ́mbɛ́n agá yoóg yá meyú ká úbɛ́dɛ́gɛn gusɔ́d gá medug mem Kɔɔ́kɔ anyɛ́ bálaná na nɛgɔb. 50Nɛgɔb nyɛ́ gɛnɔ́g gá buanda, gɔg ká, nɛ́másɛbá lɛmɛlɛm, giág gínyá bóguondi gɔsɛm gág e? Ánubá na nɛgɔb banuá bá muát, nuónd núsɔ́dɔɔn agá gufuog banuá na banuá.»
Actualmente seleccionado:
Málákuse 9: MMU2
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
Málákuse 9
9
1Uganyɛ gɔ́b sɔ́n ká: «Agá meliŋítas, ngúnuɔ́yɔn ká, agá band bányá aya, bóndodi digegú kand ká bámaán guúl gá Bufuŋ bá Gɔdányá na bumalamand bá bú.»
Piéle, Sáka na Sáŋa maán Yésu nagadá wa nugúm
(Mat 17.1-9; Lúk 9.28-36; 2Pi 1.17-18)
2Medúg mátindád máal mámádɔ́mb, Yésu gugɔ́l Piéle, Sáka na Sáŋa uwuban bɔ́ bɔ́bɔ́ eŋényé agá nɔgɔnd núnyá guya. Gɔdányá uwenúgi wɔ́ ɔgɔ́b gá eŋís; 3Bɛsɔnɔ bág ibiíl fuúmm, bíményimine nɛnama nɛ́nyá ká mɔnd mabása udiánɛ́g egegus unyá woguondi bɛsɔnɔ nɛnama iniány. 4Kɔ́ na kɔ́, Bafɔ́nɔfɔ́n bem bádadɔ, abaán Elí na Moyíso bɔ́yɔ moóny na Yésu. 5Piéle uwɔgɔ́l gugál, uganyɛ gá Yésu ká: «Lábi, búnyɛ bese ká dɛ́bá aya; nsɛ́ dɛ́fuág muans múdadɔ: aŋuá ímoom, Moyíso ímoom, Elí ímoom.» 6Udɛmalɛnsan buanda bɔ́guɔyɛd gágual ká nág na bɔsɔ́gɔ́ bág bémelígímíné na buwa. 7Gɛlɔndɔ igiásiám, igiábɔgɛn bɔ́ na giwewe gág. Ekelu uwuúlín agá gɛlɔndɔ igiány wɔ́yɔ ká: «Unyɛ Mɔɔn wám wa ɔdɛm, ɔ́nubɛ́dɔ́lɛ́gɔ́n wɔ́!» 8Kɔ́ na kɔ́, bábɛ́lɛ́ŋɛ́dɛ́nɛ, ta guand guán mɔnd, kɔɔ́kɔ Yésu bámaán. 9Bámáal bágányá gúselen nɔgɔndɔ, uwasásɛ́d bɔ́ ká bɔ́diɔyɛ́dɛ́n ta mɔnd buanda ubú bámáan, gɔb águám anyɛ́ Mɔɔn wá mɔnd ganuányɔg aga ebeguén. 10Obófuógidonyi nsás iyaány. Ta anaány bóbiófoon bɔ́bɔ́ na bɔ́bɔ́ ká: «Giág gínyá guanyɔg aga ebeguén e?»
11Obófún Yésu sɔ́n ká: «Góbusió bágiág befúnyifúny bá bisele ɔ́yɔnɔ ká Elí gakɛn guúl e?» 12Uganyɛ gɔ́b ká: «Búnyɛ nɔ́, Elí gakɛn guúl ká úsiondí buanda gidigid anyɛ́ búmáabá, giág gɔ́g búnyá buɔ́ŋɔ́n agá mbɔbɔnɔ#9.12 Bómodió guɔ́yɔ ká: ɔmbɔbɔnɔ wá Gɔdányá. ya Gɔdányá ká, yaŋuá Mɔɔn wá mɔnd ngúbianan ká yɔ́bɛ́gɔɔn giod yónd ndáŋáb nsɛ́gɛna e? 13Oo! Yaŋuá gɔg ngúnuɔ́yɔɔn ká, mɔnd anyɛ Elí#9.13 Dímálɛ́ŋa Mat 17.13, bafɔ́nɔfɔ́n mɔɔ́b ká gugál Yésu gálaná aya gúlɛ́ŋa Sáŋa Batís. Aya Yésu mɔɔ́yɔɔ́n Sáŋa Batís umáaba umáman guúl. móol, abála naga anyɛ́ béméebíléné, gɔɔ́gɔ anyɛ́ búnyá buɔ́ŋɔ́n gág góbusió agá mbɔbɔnɔ ya Gɔdányá.»
Yésu méŋúgí agánd umónd uményúgí mɔ́nɔmbɔ
(Mat 17.14-21; Lúk 9.37-43)
14Anyɛ́ Yésu na bafɔ́nɔfɔ́n bág méesiég kɔɔ́m bɔsɔ́g bafɔ́nɔfɔ́n máabá, abaán gianta gá giŋi gá band gímɔ́ɔbɔ́ŋ bɔ́, bafɔ́nɔfɔ́n béméesién mabá bésúŋenenyi na befúnyifúny bisele. 15Bamáal bánaan Yésu, ebédúm guméŋeméŋ ta bɔ́guɔyɔ, ebékúlúguden gá guebígélígélí wɔ́. 16Uwófún ká: «Giág nusuŋunenyé nɔ́bɔ e?» 17Mɔnd uwɔyɛd nagadá wa giŋi gá band ká: «Ofúnyifúny nsegúlénin mɔɔn wám, Giád gá gíliíndié gúméŋélenyi wɔ́, gídiguádábaan ká úgálágal. 18Gínyɛ kɔɔ́m gidigid gímánuadɛ́gɛ́n wɔ́, gɛ́sɔ́bɛ́d wɔ́ egegus, udúm guémenyi bibus, ubíbánda bikeled, nuɔ́l nág ónd tánánanana. Nsaal gá bafɔ́nɔfɔ́n bɔ́w ká bákɔ́ŋɛd gɛ́, gɛ́máyág bɔ́.» 19«Yésu ganyɛ ká: Banuá ebe nudiádábáná, guám niík nganúbá nanɔ e? Ngenúbílímbe gɔg guám niík e? Onuŋólónín wɔ́.» 20Obólónin wɔ́ mɔ́nɔmbɔ. Giád gá Gíliíndié igiány máal naguán Yésu, igiáfɔ́gɛ́dɛn mɔ́nɔmbɔ magɔ́gɔ́n, uwagua egegus, uwebíbíŋílenyi, bibús ámaan wɔ́ agá niíd. 21Yésu guófún sié wa mɔ́nɔmbɔ ká: «Gudúm niík buálaná wɔ́ ana e?» Sié sɛ ká: «gutɔ gudúm buábayuá#9.21 Bómodió guɔ́yɔ ká búbáyuá.. 22Bigúl bímodió, gígányɛ giéti wɔ́ agá yoóg, ɔ́gɔ ká agá madɛ́ga, ká úgú. Sígól, dídúgún ɔ́gɔ anyɛ bɔ́guɔ́d!» 23Yésu ganyɛ ká: «Ɔguɔ́yɔ súge ká ɔ́gɔ inyɛ wɔ́guɔ́d! Lɛnsɛ ká buanda dɛbá bágual búyág mɔnd wondonyó ɔdɛm#9.23 Bómodió guɔyɔ ká gubióndi gá ɔdɛm..» 24Ádɛ ány, sié wa mɔ́nɔmbɔ uwɔyɛd ekelu magɔ́gɔ́n ká: «Nguóndonyi ɔdɛm! Ndúgún, giondiɔdɛ́mɔ́ gám gɔg dɛbá nsɔ́b!» 25Yésu máal naguán giŋi gá band óloon kɔɔ́m bámáabá, uwánsɛ́dɛn giád gá gíliíndié, usɛ gá gɛ́ ká: «Aŋuá giád gá gíliíndié gídiádábaná ká mɔ́nɔmbɔ ewe gálágal, ta káa wɔ́bɔɔ́n, mmál gɔ́w ká, ámá agág gá nuɔ́l, adiánd gúbíŋín kɔ́ ta buɔ́s!» 26Igiáfɔ́gɛ́dɛn mɔ́nɔmbɔ uwaány magɔ́gɔ́n giánsa, igiégusi wɔ́ egegus, igiám. Mɔ́nɔmbɔ uwagɔ́nd, band giod abáb gá guɔyɔ ká: «Umégu.» 27Yésu gɔg gudóŋinyi wɔ́ ɔmbɔ́g ká wádɔg, mɔ́nɔmbɔ uwedélímin. 28Umáal ná guond agá nuyá na bafɔ́nɔfɔ́n bág, bágányɛ bɔ́bɔ́ na bɔ́bɔ́, obófún wɔ́ ká: «Gukɔ́ŋɛd giád gá gíliíndié igiány sadɛ́yág basuá góbusió bágiág e?» 29Uganyɛ ká: «mbísógól gusúg yémenyé nɛnama ná giád gá gíliíndié igiány.»
Yésu maánd guɔyɛd nigú na guanyɔg gág
(Mat 17.22-23; Lúk 9.43-45)
30Abádɔg ány, abáb agá giéns gá gus bábɛ́laná ká Galilé. Yésu dimebíléne ká bálɛ́ns kɔɔ́m unyá. 31Gágual ká umabá ufúnyifunyi bafɔ́nɔfɔ́n bág wɔyɔ ká: «Bágaŋandɛn yaŋuá Mɔɔn wá mɔnd ɛdɔg; bɔ́ŋɔ́n, agá gélem gá medúg mádadɔ, wányɔg aga ebeguén.» 32Badɛmasɔ́ŋɔ́na gugál gág uguány bese, ta anaány bédíne guófún wɔ́ nŋófúny.
Ányá unyá ɔgúnɔ e?
(Mat 18.1-5; Lúk 9.46-48)
33Ebénége Kapɛlɛnahúm. Bámáal bágányɛ agá gians nagadá, Yésu guófún bɔ́ ká: «Giág numénúsuŋúnényí gá gɛ́ agá nŋili e?» 34Ebélúŋ pɔ́, gágual ká bámabá boól básáŋá agá nŋili ká bálɛ́ns ányá unyá ɔgɔ́n. 35Uwelukumin, uwabɛ́lɛ́gɛn bát na bándɛ, uganyɛ gɔ́b ká: «Mɔnd mambá ká úbá wobusió, nsɛ́ ubá wegusúgúdenyi wa bem, wónd úbá eŋél buol wá bem.» 36Uwɔgɔ́l mɔ́nɔmbɔ, uwedélíminyi wɔ́ gadágadá wɔbɔ. Uwabɛ́dɔ́gɛn wɔ́ agág gá ambana, uganyɛ gɔ́b ká: 37«Mɔnd gidigid umónúgóli mɔ́nɔmbɔ anyɛ ewe agám gá ɔfɛ́n, yaŋuá muát umónúŋgólí; ewe umónúŋgólí, saá yaŋuá eŋényé gusúg umónugóli, umógóli sɔ́n ewe umáŋdɔ́m.»
Ewe udiádɛ́bɛ́sáŋɔ́nána nyɛ nasɔ
(Lúk 9.49-50)
38Sáŋa ganyɛ gá Yésu ká: «Ɔgúnɔ́, dɛsán mɔnd ukúŋa biád bá bíliíndié agá ɔfɛ́n wɔ́w, dimáal dílég wɔ́ gágual ká udɛbá ɔlɔŋɔ nasɔ.» 39Uwondinyi ká: «Nudilég wɔ́, gágual ká mɔnd mála gisey na ɔfɛ́n wám, agá gélem ány, udɛbá báguŋgálɛ́nɛgalɛn bɔbɛ. 40Ewe udiédínúsényé nyɛ nasɔ. 41Ewe gidigid uganúnúfá ɛdɔ́ga yá madɛ́ga mágúbúwá gágual ká nunyɛ band bá Kilíse anaány gúnyá Kilíse, agá meliŋítas, ngúnuɔ́yɔɔn ká, ugabia bɛnama.
Nsás
(Mat 18.6-11; Lúk 17.1-2)
42«Ewe ugenúdídígin omoom agá ɔlɔŋ wá baábayɔ ebe bóndonyó ɔdɛm agamia ká wála bɔbɛ, búnyɛ bese ká bágɔ́d wɔ́ gɛnɔ́m gá nɛdany agá ekelu, béti wɔ́ agá manáŋ abɔ́sa. 43Ɔ́gɔ ɔmbɔg wɔ́w wálaná ká ágɔɔn agá bɔbɛ, sɔ́mb wɔ́; búnyɛ́ menyí bese ká ébíŋín na ɔmbɔ́g giéns agá mbanda gusɔ́d; na ká áb agá kɔɔ́m gá meyú, agá yoóg yá medug mem na ɛmbɔ́g sɔ́w inkim ɛ́yandɛ. [ 44]#9.44 Búnyɛ buɔ́ŋɔ́n agá imbɔbɔnɔ símodió ká. Ány biyeli digúguénen, yoóg sɔ́n digúfuénen kɔ́ ta buɔs. 45Ɔ́gɔ gɛgɔnd gɔ́w giálaná ká ágɔɔn agá bɔbɛ, sɔ́mb gɛ́; búnyɛ menyí bese ká ébíŋín na gɛgɔnd giéns agá mbanda gusɔ́d; na ká áb agá kɔɔ́m gá meyú na bɛgɔnd bɔ́w bim biándɛ. [ 46]#9.46 Búnyɛ buɔ́ŋɔ́n agá imbɔbɔnɔ símodió ká: Ány biyeli digúguénen, yoóg o sɔ́n digúfuénen kɔ́ ta buɔ́s. 47Ɔ́gɔ niís nɔ́w niálaná ká ágɔɔn agá bɔbɛ, sɔ́gɔ́n nɛ́; búnyɛ menyí bese ká ébíŋín na niís nímoom agá Bufuŋ bá Gɔdányá; na ká béguéti agá kɔɔ́m gá meyú na eŋís yɔ́w enkim ándɛ. 48Ány biyeli digúguénen, yoóg sɔ́n digúfuénen kɔ́ ta buɔ́s. 49Mɔnd gidigid gadɔ́mbɛ́n agá yoóg yá meyú ká úbɛ́dɛ́gɛn gusɔ́d gá medug mem Kɔɔ́kɔ anyɛ́ bálaná na nɛgɔb. 50Nɛgɔb nyɛ́ gɛnɔ́g gá buanda, gɔg ká, nɛ́másɛbá lɛmɛlɛm, giág gínyá bóguondi gɔsɛm gág e? Ánubá na nɛgɔb banuá bá muát, nuónd núsɔ́dɔɔn agá gufuog banuá na banuá.»
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión