Málákuse 8
8
Yésu ményísi dɔns dá band dúni
(Mat 15.32-39)
1Agá gigúl giád igiány, gianta gá giŋi gá band igiánd gubɛ́gɔ́sɛ́d. Anyɛ́ buanda bágúnyá máal búdiala, Yésu gubɛ́lɛ́gɛn bafɔ́nɔfɔ́n bág, uganyɛ gá gɔ́b ká: 2«Giŋi gá band egie gúŋala gɔsɔ́g, gágual ká búgányɛ medug mádadɔ bányá agám gá masiá bádɛ́guánd gubianan buanda bágúnyá. 3Ímégúgi bɔ́ ɔgɔbɔ́ kand gunyísi bɔ́, bágagúgɔlɔgɔsaan agá nŋili anyɛ́ búnyá ká bóndodi guádúgánɛ́n ayáyá.» 4Obóndinyi wɔ́ ká: «Nány dɛnyá báguán manyán mégúnyísi bɔ́ ká bódúg aya agá giɔ́sɔ́gɔliɔ́ e?» 5Ɔwɔ́ gɔ́b ká: «Nunyɛ na bɛnyɔka bíník e?» Bágányɛ ká: «Bɛ́tɛ́ndád nomo.» 6Uganyɛ gá band abaány ká bélúkumen egegus. Uwɔgɔ́l bɛnyɔka bim bɛ́tɛ́ndád nomo, uwéŋin Gɔdányá nukany, uwánsa bɛ́, uwéŋen gá bafɔ́nɔfɔ́n bág ká báfaan band. Abaál anyɛ́ umɔɔ́yɔ́. 7Bamabiánán sɔ́n gɛdam gá baan bá muɔbɔ; Yésu uwafɔn mú, uganyɛ ká báfaan band mú sɔ́n. 8Abányá, obódúg. Abábáda biéns bíméesiénén, ibiám insada ɛ́tɛ́ndád nomo. 9Yésu uwabád gugúgenyi band abaány, bámabá buanda bá dɔns dúní. 10Kɔ́ na kɔ́ uwabɔ́lɛ́g agá gilu ɔlɔŋ na bafɔ́nɔfɔ́n bág, uwɔb agá giéns gá gus bábɛ́laná ká Dalamanúta.
Bafalisiɛ́ŋ guamba ká Yésu ál gisey
(Mat 12.38-39; 16.1-4; Lúk 11.16-29; 12.54-56)
11Bafalisiɛ́ŋ abásiám, abábanyɛk gusuŋenenyi na Yésu, bámba nŋili yá gual ká úgɔɔn agá yɔɔ́bɛ́dɛn. Bágányɛ gág ká waál gisey gídíyenyé ká ugúlenin ugumuana. 12Uwélúmid magɔ́gɔ́n, usɛ ká: «Nɔgɔndɔ ná band bá ínen! guófoon gisey góbusió bágiág e? Ngúnuɔ́yɔɔn agá meliŋítas ká, ta gisey gímoom, nɔ́dɛgaán.» 13Uwosió bɔ́ ány, uwabɔ́lɛ́g agá gilu, uwɔb gá egíné gɛsal.
Kandɛ nɛsɔ́ŋɔ́nɛ́ná wa bafɔ́nɔfɔ́n
(Mat 16.5-12; Lúk 12.1)
14Bafɔ́nɔfɔ́n mebiélídi gɔbɛ́yɔkɛn bɛnyɔka, gímoom gusúg bámáabiánán agá gilu. 15Yésu uwasásɛ́d bɔ́, usɛ ká: «Ánɔbɛ́nyáŋanyáŋ na ginudúgin gá Bafalisiɛ́ŋ na gá Elódo#8.15 Yésu mambá guɔyɛd ká bábɛ́nyáŋanyaŋ na gufúnyifunyi gá Bafalisiɛ́ŋ na gá Elod gúmáaba sáŋál na gág. Ginudugie aya nyɛ mányígɛ́nɛ́na wa gufúnyifunyi gá Bafalisiɛ́ŋ na gá band bá Elódo. Nɛnama ɛnɛ́ ginudugie fudugenyé okuŋu, anány sɔ́n gufúnyifunyi gá Bafalisiɛ́ŋ na gá band bá Elod, mányíganɛná band..» 16Abáb gá gúsuŋenenyi bɔ́bɔ́ na bɔ́bɔ́ bɔ́yɔ ká: Uguɔ́yɔ anaány gágual ká dɛdɛbá na bɛnyɔka. 17Uwɔbiɔ́b, uganyɛ gɔ́b ká: «Nsuŋié yanɔ gúlenin gágual ká nudɛbá na bɛnyɔka e? Ta buanda nudɛgúsɔ́ŋɔna e, ɛdɛm sán nyɛ́ gulal e 18Nunyɛ na eŋís, nudɛguánan e? Nunyɛ na idú nudɛguɔ́bɔn e? Ánubɛ́dágɛ́d, 19anyɛ́ imáans bɛnyɔka bɛ́tán gá banɔ́mandɔ dɔns dútaán, insada sá biéns sifuógón íník numáabád e?» Bágányɛ ká: «Siát na ɛ́yandɛ.» 20Uganyɛ gɔ́b sɔ́n ká: «Anyɛ́ imáans bɛnyɔka bɛ́tɛ́ndád nomo gá band dɔns dúní, insada sá biéns sifuógón síník numáabád e?» Bágányɛ ká: «ɛ́tɛ́ndád nomo.» 21Uwɔ́ gɔ́b gɔg ká: «Numányɛ nudiɔ́b e?»
Gieŋugie gá obúdobudo
22Ebénége Bɛtɛsáyída, band obólónin wɔ́ obúdobudo, obóbísógólonyi Yésu ká úbísíd wɔ́. 23Uwadɛgɛn obúdobudo uwaány agá ɔmbɔ́g, uwuban wɔ́ ayáyá na gɛdɔŋ, uwetuún wɔ́ bité agá eŋís ká wéŋúgi wɔ́, uwadál wɔ́ ɛmbɔ́g, íŋ guófún wɔ́ ká: «Águánaan buanda e?» 24Uwamanyɔn eŋís, uganyɛ ká: «Nguánan band, bányɛ anyɛ madɛ́d, ta anaány, nguánán bɔ́ baánda.» 25Uwand gudál wɔ́ ɛmbɔ́g agá eŋís, obúdobudo uwedúm guánaan sáŋŋŋ; uwéŋúg, usálúna buanda gidigid bese na bese#8.25 Gieŋugie nyɛ ɛŋandɛgɛna ɛ́yandɛ ká bafɔ́nɔfɔ́n ság dúm gusɔ́ŋɔ́na ányá unyá Yésu.. 26Yésu gugúgi wɔ́ na nsás ká: «Ta gubíŋín, edibíŋín agá gɛdɔŋ.»
Piéle guɔ́yɔ ká Yésu nyɛ Kilíse
(Mat 16.13-23; Lúk 9.18-21)
27Yésu na bafɔ́nɔfɔ́n bág abáb buáy bá bɛdɔŋ bínyá egúy na tísɔn wá Sesalé wa Filípe. Agá nŋili, Yésu guófún bɔ́ ká: «Band guɔ́yɔ ká inyɛ ányá e?» 28Bágányɛ gág ká: «Ebe guɔyɔ ká, Sáŋa Batísite, ebéné ɔ́yɔ ká, Elí, bóndodió ɔ́yɔ ká, ibús yá Gɔdányá ndodió.» 29Usɛ gɔ́b ká: «Banuá gɔg nuguɔ́yɔ ká inyɛ ányá e?» Piéle ganyɛ ká: «Anyɛ Kilíse, gúgúnyá Kilíse#8.29 Kilíse guɔ́yɔ buanda búmoom ká Kilíse, gúgúnyá ofuŋu, ɔwɔ́ sɔ́n osódi band. Ɔwɔ́ Gɔdányá madán ká ugadɔ́m..» 30Uwasásɛ́d bɔ́ ká bɔ́diɔyɛ́dɛ́n ta mɔnd buanda ubuány.
Yésu mɔɔ́dɔ́ nigú na guanyɔg gág agá bɛlɔŋ
(Mat 16.21-23; Lúk 9.22)
31Agá gélem ány, Yésu gudúm gufúnyifunyi bafɔ́nɔfɔ́n bág ká búguófon ká: Yaŋuá Mɔɔn wá mɔnd#8.31 Mɔɔn wá mɔnd guámba. Guɔyɛd ká: Mɔnd ɔwɔ́ Gɔdányá máadɔ́m. yɔ́bɛ́gɔɔn giod, Bagɔn bá Beyúdɛn, bɔgɔ́gɔ bá Gɔdányá bányá bigúmín na befúnyifúny bá bisele gambɛ́sáŋɔ́n, bónd bámbɛd nŋili yá guŋɔ́n, ta anaány, agá gélem gá medug mádadɔ, nganyɔg aga ebeguén. 32Umɔyɔ́ bú pás pás. Piéle gugɔ́gɛ́d wɔ́ agá masiá, uganyɛ gág ká adiágálá anaány#8.32 Piéle mɔyɔ́ anány gágual ká Beyúdɛn mabɛ́dága ká Kilíse ugenuúl gabá gianta gá ofuŋu ugenúgíde bambɛlɛ́mbɛ́lɛ bɔ́b gidigid.. 33Uwabɛ́guagalɛd, uwalɛ́ŋɛ́d bafɔ́nɔfɔ́n bág gɔ́g, uwánsɛ́dɛn Piéle, uganyɛ ká: «Nŋélikínyi agá eŋís Sátan! Ɛmbɛ́dagɛ́dɛ́n sɔ́w nyɛ anyɛ sá band, saá anyɛ sá Gɔdányá.»
Nanyá buófonó guládan Yésu
(Mat 16.24-28; Lúk 9.23-27)
34Uwad gubɛ́lɛ́gɛn giŋi gá band na bafɔ́nɔfɔ́n bág, uganyɛ gɔ́b ká: «Mɔnd mambá ká wúŋlád, nsɛ́ útɛɛ́n guákɛ́nán na ɔwɔ́ muát, wónd wádáb ká wɔ́bɛ́gɔɔn, táa ká úgú gám góbusió#8.34 Bómodió guɔ́yɔ ká: Ɔ́bɛdɔ́gɛn bɔdɛ́d bág bá nsanda úbád gúnlád.. 35Gɔɔ́gɔ gúnyá, ewe wambaná guansɛg gusɔ́d gág, ugáayɛ́n gusɔ́d gá medug mem. Ewe gɔg ugenúnyími gusɔ́d gág gám góbusió na gá Ndág ya Nsɔ́m, ugansɛg gusɔ́d gá medug mem. 36Mɔnd meén gusɔ́d gá medug mem ká úbia bɔnɛ́m bá gus gidigid, kasɛ́ bɛ́nama uganúdáŋámb e? 37Mɔnd meédu gusɔ́d gá medug mem, udɛbá báguand guáŋɔ́n gɔ́. 38Mɔnd meén gubá ɔfɔ́nɔfɔ́n wám, wondo udiálá anyɛ́ gugál gám ɔ́yɔnɔ́ agá gadágadá wa nɔgɔndɔ ná band enue núnyá kand nuládádá na bɛfal, yaŋuá Mɔɔn wá mɔnd sɔ́n, ngeen gusódi wɔ́, gigúl ngenuúl na ɛngɛlɛs bóloninó agá Gɔdányá agá nugúm ná Babá, gá gúsigélényi band.»
Actualmente seleccionado:
Málákuse 8: MMU2
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
Málákuse 8
8
Yésu ményísi dɔns dá band dúni
(Mat 15.32-39)
1Agá gigúl giád igiány, gianta gá giŋi gá band igiánd gubɛ́gɔ́sɛ́d. Anyɛ́ buanda bágúnyá máal búdiala, Yésu gubɛ́lɛ́gɛn bafɔ́nɔfɔ́n bág, uganyɛ gá gɔ́b ká: 2«Giŋi gá band egie gúŋala gɔsɔ́g, gágual ká búgányɛ medug mádadɔ bányá agám gá masiá bádɛ́guánd gubianan buanda bágúnyá. 3Ímégúgi bɔ́ ɔgɔbɔ́ kand gunyísi bɔ́, bágagúgɔlɔgɔsaan agá nŋili anyɛ́ búnyá ká bóndodi guádúgánɛ́n ayáyá.» 4Obóndinyi wɔ́ ká: «Nány dɛnyá báguán manyán mégúnyísi bɔ́ ká bódúg aya agá giɔ́sɔ́gɔliɔ́ e?» 5Ɔwɔ́ gɔ́b ká: «Nunyɛ na bɛnyɔka bíník e?» Bágányɛ ká: «Bɛ́tɛ́ndád nomo.» 6Uganyɛ gá band abaány ká bélúkumen egegus. Uwɔgɔ́l bɛnyɔka bim bɛ́tɛ́ndád nomo, uwéŋin Gɔdányá nukany, uwánsa bɛ́, uwéŋen gá bafɔ́nɔfɔ́n bág ká báfaan band. Abaál anyɛ́ umɔɔ́yɔ́. 7Bamabiánán sɔ́n gɛdam gá baan bá muɔbɔ; Yésu uwafɔn mú, uganyɛ ká báfaan band mú sɔ́n. 8Abányá, obódúg. Abábáda biéns bíméesiénén, ibiám insada ɛ́tɛ́ndád nomo. 9Yésu uwabád gugúgenyi band abaány, bámabá buanda bá dɔns dúní. 10Kɔ́ na kɔ́ uwabɔ́lɛ́g agá gilu ɔlɔŋ na bafɔ́nɔfɔ́n bág, uwɔb agá giéns gá gus bábɛ́laná ká Dalamanúta.
Bafalisiɛ́ŋ guamba ká Yésu ál gisey
(Mat 12.38-39; 16.1-4; Lúk 11.16-29; 12.54-56)
11Bafalisiɛ́ŋ abásiám, abábanyɛk gusuŋenenyi na Yésu, bámba nŋili yá gual ká úgɔɔn agá yɔɔ́bɛ́dɛn. Bágányɛ gág ká waál gisey gídíyenyé ká ugúlenin ugumuana. 12Uwélúmid magɔ́gɔ́n, usɛ ká: «Nɔgɔndɔ ná band bá ínen! guófoon gisey góbusió bágiág e? Ngúnuɔ́yɔɔn agá meliŋítas ká, ta gisey gímoom, nɔ́dɛgaán.» 13Uwosió bɔ́ ány, uwabɔ́lɛ́g agá gilu, uwɔb gá egíné gɛsal.
Kandɛ nɛsɔ́ŋɔ́nɛ́ná wa bafɔ́nɔfɔ́n
(Mat 16.5-12; Lúk 12.1)
14Bafɔ́nɔfɔ́n mebiélídi gɔbɛ́yɔkɛn bɛnyɔka, gímoom gusúg bámáabiánán agá gilu. 15Yésu uwasásɛ́d bɔ́, usɛ ká: «Ánɔbɛ́nyáŋanyáŋ na ginudúgin gá Bafalisiɛ́ŋ na gá Elódo#8.15 Yésu mambá guɔyɛd ká bábɛ́nyáŋanyaŋ na gufúnyifunyi gá Bafalisiɛ́ŋ na gá Elod gúmáaba sáŋál na gág. Ginudugie aya nyɛ mányígɛ́nɛ́na wa gufúnyifunyi gá Bafalisiɛ́ŋ na gá band bá Elódo. Nɛnama ɛnɛ́ ginudugie fudugenyé okuŋu, anány sɔ́n gufúnyifunyi gá Bafalisiɛ́ŋ na gá band bá Elod, mányíganɛná band..» 16Abáb gá gúsuŋenenyi bɔ́bɔ́ na bɔ́bɔ́ bɔ́yɔ ká: Uguɔ́yɔ anaány gágual ká dɛdɛbá na bɛnyɔka. 17Uwɔbiɔ́b, uganyɛ gɔ́b ká: «Nsuŋié yanɔ gúlenin gágual ká nudɛbá na bɛnyɔka e? Ta buanda nudɛgúsɔ́ŋɔna e, ɛdɛm sán nyɛ́ gulal e 18Nunyɛ na eŋís, nudɛguánan e? Nunyɛ na idú nudɛguɔ́bɔn e? Ánubɛ́dágɛ́d, 19anyɛ́ imáans bɛnyɔka bɛ́tán gá banɔ́mandɔ dɔns dútaán, insada sá biéns sifuógón íník numáabád e?» Bágányɛ ká: «Siát na ɛ́yandɛ.» 20Uganyɛ gɔ́b sɔ́n ká: «Anyɛ́ imáans bɛnyɔka bɛ́tɛ́ndád nomo gá band dɔns dúní, insada sá biéns sifuógón síník numáabád e?» Bágányɛ ká: «ɛ́tɛ́ndád nomo.» 21Uwɔ́ gɔ́b gɔg ká: «Numányɛ nudiɔ́b e?»
Gieŋugie gá obúdobudo
22Ebénége Bɛtɛsáyída, band obólónin wɔ́ obúdobudo, obóbísógólonyi Yésu ká úbísíd wɔ́. 23Uwadɛgɛn obúdobudo uwaány agá ɔmbɔ́g, uwuban wɔ́ ayáyá na gɛdɔŋ, uwetuún wɔ́ bité agá eŋís ká wéŋúgi wɔ́, uwadál wɔ́ ɛmbɔ́g, íŋ guófún wɔ́ ká: «Águánaan buanda e?» 24Uwamanyɔn eŋís, uganyɛ ká: «Nguánan band, bányɛ anyɛ madɛ́d, ta anaány, nguánán bɔ́ baánda.» 25Uwand gudál wɔ́ ɛmbɔ́g agá eŋís, obúdobudo uwedúm guánaan sáŋŋŋ; uwéŋúg, usálúna buanda gidigid bese na bese#8.25 Gieŋugie nyɛ ɛŋandɛgɛna ɛ́yandɛ ká bafɔ́nɔfɔ́n ság dúm gusɔ́ŋɔ́na ányá unyá Yésu.. 26Yésu gugúgi wɔ́ na nsás ká: «Ta gubíŋín, edibíŋín agá gɛdɔŋ.»
Piéle guɔ́yɔ ká Yésu nyɛ Kilíse
(Mat 16.13-23; Lúk 9.18-21)
27Yésu na bafɔ́nɔfɔ́n bág abáb buáy bá bɛdɔŋ bínyá egúy na tísɔn wá Sesalé wa Filípe. Agá nŋili, Yésu guófún bɔ́ ká: «Band guɔ́yɔ ká inyɛ ányá e?» 28Bágányɛ gág ká: «Ebe guɔyɔ ká, Sáŋa Batísite, ebéné ɔ́yɔ ká, Elí, bóndodió ɔ́yɔ ká, ibús yá Gɔdányá ndodió.» 29Usɛ gɔ́b ká: «Banuá gɔg nuguɔ́yɔ ká inyɛ ányá e?» Piéle ganyɛ ká: «Anyɛ Kilíse, gúgúnyá Kilíse#8.29 Kilíse guɔ́yɔ buanda búmoom ká Kilíse, gúgúnyá ofuŋu, ɔwɔ́ sɔ́n osódi band. Ɔwɔ́ Gɔdányá madán ká ugadɔ́m..» 30Uwasásɛ́d bɔ́ ká bɔ́diɔyɛ́dɛ́n ta mɔnd buanda ubuány.
Yésu mɔɔ́dɔ́ nigú na guanyɔg gág agá bɛlɔŋ
(Mat 16.21-23; Lúk 9.22)
31Agá gélem ány, Yésu gudúm gufúnyifunyi bafɔ́nɔfɔ́n bág ká búguófon ká: Yaŋuá Mɔɔn wá mɔnd#8.31 Mɔɔn wá mɔnd guámba. Guɔyɛd ká: Mɔnd ɔwɔ́ Gɔdányá máadɔ́m. yɔ́bɛ́gɔɔn giod, Bagɔn bá Beyúdɛn, bɔgɔ́gɔ bá Gɔdányá bányá bigúmín na befúnyifúny bá bisele gambɛ́sáŋɔ́n, bónd bámbɛd nŋili yá guŋɔ́n, ta anaány, agá gélem gá medug mádadɔ, nganyɔg aga ebeguén. 32Umɔyɔ́ bú pás pás. Piéle gugɔ́gɛ́d wɔ́ agá masiá, uganyɛ gág ká adiágálá anaány#8.32 Piéle mɔyɔ́ anány gágual ká Beyúdɛn mabɛ́dága ká Kilíse ugenuúl gabá gianta gá ofuŋu ugenúgíde bambɛlɛ́mbɛ́lɛ bɔ́b gidigid.. 33Uwabɛ́guagalɛd, uwalɛ́ŋɛ́d bafɔ́nɔfɔ́n bág gɔ́g, uwánsɛ́dɛn Piéle, uganyɛ ká: «Nŋélikínyi agá eŋís Sátan! Ɛmbɛ́dagɛ́dɛ́n sɔ́w nyɛ anyɛ sá band, saá anyɛ sá Gɔdányá.»
Nanyá buófonó guládan Yésu
(Mat 16.24-28; Lúk 9.23-27)
34Uwad gubɛ́lɛ́gɛn giŋi gá band na bafɔ́nɔfɔ́n bág, uganyɛ gɔ́b ká: «Mɔnd mambá ká wúŋlád, nsɛ́ útɛɛ́n guákɛ́nán na ɔwɔ́ muát, wónd wádáb ká wɔ́bɛ́gɔɔn, táa ká úgú gám góbusió#8.34 Bómodió guɔ́yɔ ká: Ɔ́bɛdɔ́gɛn bɔdɛ́d bág bá nsanda úbád gúnlád.. 35Gɔɔ́gɔ gúnyá, ewe wambaná guansɛg gusɔ́d gág, ugáayɛ́n gusɔ́d gá medug mem. Ewe gɔg ugenúnyími gusɔ́d gág gám góbusió na gá Ndág ya Nsɔ́m, ugansɛg gusɔ́d gá medug mem. 36Mɔnd meén gusɔ́d gá medug mem ká úbia bɔnɛ́m bá gus gidigid, kasɛ́ bɛ́nama uganúdáŋámb e? 37Mɔnd meédu gusɔ́d gá medug mem, udɛbá báguand guáŋɔ́n gɔ́. 38Mɔnd meén gubá ɔfɔ́nɔfɔ́n wám, wondo udiálá anyɛ́ gugál gám ɔ́yɔnɔ́ agá gadágadá wa nɔgɔndɔ ná band enue núnyá kand nuládádá na bɛfal, yaŋuá Mɔɔn wá mɔnd sɔ́n, ngeen gusódi wɔ́, gigúl ngenuúl na ɛngɛlɛs bóloninó agá Gɔdányá agá nugúm ná Babá, gá gúsigélényi band.»
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión