Málákuse 3
3
Yésu méŋúgi mɔnd buɔ́s bá gudúkid bá Beyúdɛn
(Mat 12.9-14; Lúk 6.6-11)
1Yésu guand gubíŋín agá gians gá mbísógól gá Beyúdɛn; mɔnd mabá kɔ́ unúma buánana agá ɔmbɔ́g. 2Bómobísónónyí Yésu gá guán ɔ́gɔ ugeguéŋúgi wɔ́ buɔ́s bɔ́b bá gudúkid ká bɔ́sɔ́mɛ́n wɔ́#3.2 Bágúamba gusɔ́mɛ́n Yésu gágual ká umeéŋúgi mɔnd buɔ́s bámáabá bádialá buól.. 3Uganyɛ gá mɔnd uwaány ká: «adɔ́g, édélímin aya.» 4Uwad guófún bɔ́ ká: «Bisele bás gúdífánan bugaga ká diála bɔbɛ ɔ́gɔ ká bese buɔ́s bás bá gudúkid e? Gúmén ká dísódonyi band e, ɔ́gɔ ká diɔ́nɔ bɔ́ e?» Ebélúŋ pɔɔ́, ta wagubɛ́kákɔn. 5Uwegéŋelidi bɔ́ na eŋís yá ilób, mahan amádɛgɛn wɔ́ gágual ká ɛdɛm sɔ́b mabá gulal. Uganyɛ gá mɔnd uwaány ká: «Ganɔ́n ɔmbɔ́g wɔ́w!» Uwaganɔn ɔmbɔ́g wág, uwéŋúg. 6Bafalisiɛ́ŋ bámáabá kɔ́ máal na guám agá gians gá mbísógól, kɔ́ na kɔ́, abábɛ́gɔ́sɛ́d na band bá ɔlɔŋ wá Elódo ká bámbɛd nŋili ya guɔ́n Yésu.
Yésu na biŋi bá band
(Mat 4.25; 12.15-16; Lúk 6.17-19)
7Yésu gɔb na bafɔ́nɔfɔ́n bág agá gɛsál gá manáŋ abɔ́sa unyá Galilé, gianta gá giŋi gá band igíalád wɔ́. Band móolónín Galilé na Yudé, 8anaány sɔ́n band móolónín agá tísɔn wá yelósalɛm, na giéns gá gus bábɛ́laná ká Idumé na buáy ebúné bá asa wá Yuludɛ́ŋ, bómodió móolín buáy bá batísɔn wá Tíl na Sidɔ́ŋ. Bámabaán giod agá Yésu anyɛ́ bɔ́mɔ́ɔbɔɔ́n manda gidigid umáalá. 9Uganyɛ gá bafɔ́nɔfɔ́n bág ká: Ánɔbɛ́dábɔ́n na gilu gám góbúsió, anaány ká band dɛmɛɛ́n. 10Anyɛ́ umáabá wéŋúgenyi band giod, buád buanda band gidigid bámáabá bánɔ́ma máabaán fiaŋ fiaŋ agagá ká bébísíden wɔ́#3.10 Bémebísídén wɔ́ gágual ká bámalɛnsán ká anyɛ́ bégegúnúbísíd wɔ́, bégeguéŋúg.. 11Gɛsɛgɛl ɛgɛ́ biád bá bíliíndié bɛ́máabá agá duɔ́l dá band máabá bɛ́máan Yésu, bɛ́mabá biál ká band abaány águánɛ́n wɔ́ agá bɛgɔnd biánsála biɔ́yɔ ká: «Anyɛ Mɔɔn wá Gɔdányá o!» 12Ta anaány, Yésu uweleg bɛ́ na bugaga gidigid ká bídídógí wɔ́.
Gieyide gá báta na bándɛ
(Mat 10.1-4; Lúk 6.12-16)
13Agá gélem ány, Yésu uwadad agá nɔgɔnd, uwabɛ́laan band ɔbɔ́ uméebíléné ká bábá naga, abaáb, obónogógínyí wɔ́. 14Anaány uméeyíd band bát na bándɛ agá ɔlɔŋ uwaány ká boól bédílígeén wɔ́, údúmaan bɔ́ sɔ́n gá guúl guɔ́yɔ́ Ndág ya Nsɔ́m#3.14 Bómodió guɔ́yɛ́kɔnɛn ká: uwalɔg bɔ́ ká badɔ́máb., 15bónd bákɔ́ŋa biád bá bíliíndié na bugaga bág. 16Ɛfɛ́n sɔ́b esie: Símune, Yésu uwalɔg wɔ́ ká Piéle, 17Sáka na Sáŋa bɔ́bɔ́ bem bándɛ baan bá Sebedé, uwalɔg bɔ́ ká Buanɛ́lɛ́gɛs, anaány gúnyá ká baan bá imalamanda, 18Andelé, Fílibe, Batelemí, Matáyoso, Tómasia, Sáka mɔɔn wa Alafé, Tadé, na Símune umáabá unuana gág gá gɛdɔŋ#3.18 Selóto: guamba guɔyɛd ká: Gimbi gá band gɛ́maábá gɛ́nuanan góbusió bá Ísalayɛ́l gɛdɔŋ gɔb. Símune mabá gá ɔlɔŋ uwány., 19na Yúdasa Isikalióto, ɔwɔ́ waád uganuándɛn Yésu ɛdɔg.
Na Yésu na Bɛlɛsebúl
(Mat 12.24-32; Lúk 11.15-23; 12.10)
20Agá gélem ány, Yésu uwond agá nuyá. Band abánd gɔbɛ́gɔ́sɛ́d nɛnama nɛ́nyá ká, nág na bafɔ́nɔfɔ́n bág, bádɛmabia giás gá gúnyá. 21Bebiény bá Yésu máal na guɔ́b anaány, abáb ká bɔ́gɔ́l wɔ́. Bɔ́mɔyɔ́ ká: «Uganyɛ na duelél.» 22Befúnyifúny bisele bómóolín Yelúsalɛm mɔyɔ́ ká: «Bɛlɛsebúl, ɔgɔ́n wa biád bá bíliíndié nyɛ nagadá wa nuɔ́l nág; ɔwɔ́ waád wéŋené Yésu bugaga bágúkɔ́ŋa bɛ́!» 23Gɔɔ́gɔ Yésu máabɛ́lɛ́gɛ́n bɔ́, uwagála gɔ́b nsab nsaba ká: «Nanyá Sátan nyá bágɔ́bɛ́kɔ́ŋɛd ɔwɔ́ muát e? 24Band bá Bufuŋ búmoom mánuanan bɔ́bɔ́ na bɔ́bɔ́, bédigelíkíd; 25Nigúl ná band mábá na dusalasala nagadá wa nɛ́, nɛ́dɛ́bá bágɔb nobusió ta buɔ́s. 26Búmábá gɔg ká Sátan gúbínuenesi ɔwɔ́ muát, ubísála, Bufuŋ bág dɛbá bágúgɛ́gɛd búmásálɔ́g. 27Mɔnd dɛbá bégúbíŋín agá gians gá sɔ́gɔ́ unyá na magɛ́nda ká wébeén manda mág, kand ká umákɛ́n guadɛgɛn wɔ́, umágɔ́d wɔ́, ány wad guében. 28Agá meliŋítas, ngúnuɔ́yɔn ká, Gɔdányá ganɛnɛn band befal bɔ́b na insɛgɛ gidigid. 29Mɔnd másɛgɛd gɔg Ɛsámb yá Mefúny, ta buɔ́s udɛɛ́núbia gɛnɛnɛna gágual ká gɛfal igiány nyɛ na baan amana#3.29 Buónyi ubuány guámba guɔyɛd ká, émén adiádáb Yésu, adɛbá na gusɔ́d gá kand nɛmanɛ́ná kɔɔ́kɔ anyɛ́ búnyá agá Mál 16.15-16..» 30Yésu magálán bɔ́ anaány gágual ká bɔ́mɔyɔ ká: «Giád gá gíliíndié nyɛ nagadá wa nuɔ́l nág.»
Mbanda nuɔndɔ ná Yésu
(Mat 12.46-50; Lúk 8.19-21)
31Na inyódió na belimen#3.31 Bómodió guɔyɔ ká: belimen. abásiám, ɔbɔ́lɔbɛn agá ɔɔnd, abádɔ́m mɔnd ká wábɛ́lɛ́gɛ́n wɔ́. 32Giŋi gá band mabá ilukié gibɔŋɔ́n wɔ́, mɔnd ganyɛ gág ká: «Na nigódió na belimen bɔ́w ebéné agá ɔɔnd báguambaná.» 33Uwondinyi bɔ́ ká: «Ányá unyá ináa, baan yá baan yá beliméne bámɛ e?» 34Uwegéŋélidi band abaány bɔ́mɔɔ́bɔŋ wɔ́ na eŋís, uganyɛ ká: «Ɛ́nɛ́ gɔɔ́gɔ, na ináa na belimen bám ebe. 35Mɔnd gidigid walaná gubílén gá Gɔdányá, ɔwɔ́ unyá endimen wám, ɔ́gɔ ká ináa.»
Actualmente seleccionado:
Málákuse 3: MMU2
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
Málákuse 3
3
Yésu méŋúgi mɔnd buɔ́s bá gudúkid bá Beyúdɛn
(Mat 12.9-14; Lúk 6.6-11)
1Yésu guand gubíŋín agá gians gá mbísógól gá Beyúdɛn; mɔnd mabá kɔ́ unúma buánana agá ɔmbɔ́g. 2Bómobísónónyí Yésu gá guán ɔ́gɔ ugeguéŋúgi wɔ́ buɔ́s bɔ́b bá gudúkid ká bɔ́sɔ́mɛ́n wɔ́#3.2 Bágúamba gusɔ́mɛ́n Yésu gágual ká umeéŋúgi mɔnd buɔ́s bámáabá bádialá buól.. 3Uganyɛ gá mɔnd uwaány ká: «adɔ́g, édélímin aya.» 4Uwad guófún bɔ́ ká: «Bisele bás gúdífánan bugaga ká diála bɔbɛ ɔ́gɔ ká bese buɔ́s bás bá gudúkid e? Gúmén ká dísódonyi band e, ɔ́gɔ ká diɔ́nɔ bɔ́ e?» Ebélúŋ pɔɔ́, ta wagubɛ́kákɔn. 5Uwegéŋelidi bɔ́ na eŋís yá ilób, mahan amádɛgɛn wɔ́ gágual ká ɛdɛm sɔ́b mabá gulal. Uganyɛ gá mɔnd uwaány ká: «Ganɔ́n ɔmbɔ́g wɔ́w!» Uwaganɔn ɔmbɔ́g wág, uwéŋúg. 6Bafalisiɛ́ŋ bámáabá kɔ́ máal na guám agá gians gá mbísógól, kɔ́ na kɔ́, abábɛ́gɔ́sɛ́d na band bá ɔlɔŋ wá Elódo ká bámbɛd nŋili ya guɔ́n Yésu.
Yésu na biŋi bá band
(Mat 4.25; 12.15-16; Lúk 6.17-19)
7Yésu gɔb na bafɔ́nɔfɔ́n bág agá gɛsál gá manáŋ abɔ́sa unyá Galilé, gianta gá giŋi gá band igíalád wɔ́. Band móolónín Galilé na Yudé, 8anaány sɔ́n band móolónín agá tísɔn wá yelósalɛm, na giéns gá gus bábɛ́laná ká Idumé na buáy ebúné bá asa wá Yuludɛ́ŋ, bómodió móolín buáy bá batísɔn wá Tíl na Sidɔ́ŋ. Bámabaán giod agá Yésu anyɛ́ bɔ́mɔ́ɔbɔɔ́n manda gidigid umáalá. 9Uganyɛ gá bafɔ́nɔfɔ́n bág ká: Ánɔbɛ́dábɔ́n na gilu gám góbúsió, anaány ká band dɛmɛɛ́n. 10Anyɛ́ umáabá wéŋúgenyi band giod, buád buanda band gidigid bámáabá bánɔ́ma máabaán fiaŋ fiaŋ agagá ká bébísíden wɔ́#3.10 Bémebísídén wɔ́ gágual ká bámalɛnsán ká anyɛ́ bégegúnúbísíd wɔ́, bégeguéŋúg.. 11Gɛsɛgɛl ɛgɛ́ biád bá bíliíndié bɛ́máabá agá duɔ́l dá band máabá bɛ́máan Yésu, bɛ́mabá biál ká band abaány águánɛ́n wɔ́ agá bɛgɔnd biánsála biɔ́yɔ ká: «Anyɛ Mɔɔn wá Gɔdányá o!» 12Ta anaány, Yésu uweleg bɛ́ na bugaga gidigid ká bídídógí wɔ́.
Gieyide gá báta na bándɛ
(Mat 10.1-4; Lúk 6.12-16)
13Agá gélem ány, Yésu uwadad agá nɔgɔnd, uwabɛ́laan band ɔbɔ́ uméebíléné ká bábá naga, abaáb, obónogógínyí wɔ́. 14Anaány uméeyíd band bát na bándɛ agá ɔlɔŋ uwaány ká boól bédílígeén wɔ́, údúmaan bɔ́ sɔ́n gá guúl guɔ́yɔ́ Ndág ya Nsɔ́m#3.14 Bómodió guɔ́yɛ́kɔnɛn ká: uwalɔg bɔ́ ká badɔ́máb., 15bónd bákɔ́ŋa biád bá bíliíndié na bugaga bág. 16Ɛfɛ́n sɔ́b esie: Símune, Yésu uwalɔg wɔ́ ká Piéle, 17Sáka na Sáŋa bɔ́bɔ́ bem bándɛ baan bá Sebedé, uwalɔg bɔ́ ká Buanɛ́lɛ́gɛs, anaány gúnyá ká baan bá imalamanda, 18Andelé, Fílibe, Batelemí, Matáyoso, Tómasia, Sáka mɔɔn wa Alafé, Tadé, na Símune umáabá unuana gág gá gɛdɔŋ#3.18 Selóto: guamba guɔyɛd ká: Gimbi gá band gɛ́maábá gɛ́nuanan góbusió bá Ísalayɛ́l gɛdɔŋ gɔb. Símune mabá gá ɔlɔŋ uwány., 19na Yúdasa Isikalióto, ɔwɔ́ waád uganuándɛn Yésu ɛdɔg.
Na Yésu na Bɛlɛsebúl
(Mat 12.24-32; Lúk 11.15-23; 12.10)
20Agá gélem ány, Yésu uwond agá nuyá. Band abánd gɔbɛ́gɔ́sɛ́d nɛnama nɛ́nyá ká, nág na bafɔ́nɔfɔ́n bág, bádɛmabia giás gá gúnyá. 21Bebiény bá Yésu máal na guɔ́b anaány, abáb ká bɔ́gɔ́l wɔ́. Bɔ́mɔyɔ́ ká: «Uganyɛ na duelél.» 22Befúnyifúny bisele bómóolín Yelúsalɛm mɔyɔ́ ká: «Bɛlɛsebúl, ɔgɔ́n wa biád bá bíliíndié nyɛ nagadá wa nuɔ́l nág; ɔwɔ́ waád wéŋené Yésu bugaga bágúkɔ́ŋa bɛ́!» 23Gɔɔ́gɔ Yésu máabɛ́lɛ́gɛ́n bɔ́, uwagála gɔ́b nsab nsaba ká: «Nanyá Sátan nyá bágɔ́bɛ́kɔ́ŋɛd ɔwɔ́ muát e? 24Band bá Bufuŋ búmoom mánuanan bɔ́bɔ́ na bɔ́bɔ́, bédigelíkíd; 25Nigúl ná band mábá na dusalasala nagadá wa nɛ́, nɛ́dɛ́bá bágɔb nobusió ta buɔ́s. 26Búmábá gɔg ká Sátan gúbínuenesi ɔwɔ́ muát, ubísála, Bufuŋ bág dɛbá bágúgɛ́gɛd búmásálɔ́g. 27Mɔnd dɛbá bégúbíŋín agá gians gá sɔ́gɔ́ unyá na magɛ́nda ká wébeén manda mág, kand ká umákɛ́n guadɛgɛn wɔ́, umágɔ́d wɔ́, ány wad guében. 28Agá meliŋítas, ngúnuɔ́yɔn ká, Gɔdányá ganɛnɛn band befal bɔ́b na insɛgɛ gidigid. 29Mɔnd másɛgɛd gɔg Ɛsámb yá Mefúny, ta buɔ́s udɛɛ́núbia gɛnɛnɛna gágual ká gɛfal igiány nyɛ na baan amana#3.29 Buónyi ubuány guámba guɔyɛd ká, émén adiádáb Yésu, adɛbá na gusɔ́d gá kand nɛmanɛ́ná kɔɔ́kɔ anyɛ́ búnyá agá Mál 16.15-16..» 30Yésu magálán bɔ́ anaány gágual ká bɔ́mɔyɔ ká: «Giád gá gíliíndié nyɛ nagadá wa nuɔ́l nág.»
Mbanda nuɔndɔ ná Yésu
(Mat 12.46-50; Lúk 8.19-21)
31Na inyódió na belimen#3.31 Bómodió guɔyɔ ká: belimen. abásiám, ɔbɔ́lɔbɛn agá ɔɔnd, abádɔ́m mɔnd ká wábɛ́lɛ́gɛ́n wɔ́. 32Giŋi gá band mabá ilukié gibɔŋɔ́n wɔ́, mɔnd ganyɛ gág ká: «Na nigódió na belimen bɔ́w ebéné agá ɔɔnd báguambaná.» 33Uwondinyi bɔ́ ká: «Ányá unyá ináa, baan yá baan yá beliméne bámɛ e?» 34Uwegéŋélidi band abaány bɔ́mɔɔ́bɔŋ wɔ́ na eŋís, uganyɛ ká: «Ɛ́nɛ́ gɔɔ́gɔ, na ináa na belimen bám ebe. 35Mɔnd gidigid walaná gubílén gá Gɔdányá, ɔwɔ́ unyá endimen wám, ɔ́gɔ ká ináa.»
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión