Málákuse 2
2
Yésu meéŋúgi ginsúgule
(Mat 9.1-8; Lúk 5.17-26)
1Mɔɔ́s máal mámádɔ́mbɔ, Yésu guond Kapɛlɛnahúm. Band máal na guɔ́b ká unyɛ agá nuyá, 2abásɛbɛ́gɔ́sá kɔ́ nɛnama nɛ́nyá, giás dɛmand guánɛ́gaan ta agá masiá má niíd ná gians. Yésu uwedúm#Bie 4.29-31; 8.25. gufúnyifunyi bɔ́ moóny má Gɔdányá. 3Gɛdam gá band gímodió igílénin wɔ́ ginsúgule; band béní bá ɔlɔŋ wɔ́b mabɛ́dɔ́gán gɛ́. 4Anɛ́ giás gá guámɛ́n wɔ́ na ginsúgule máal gɛ́dɛ́bá, gágual ká band mabá giod, abágadɛd nsaga kɔɔ́m Yésu máaba, ebédúnúgi gɛ́, gɛ́mabá ɛmbɛ́diá agá akan. 5Anyɛ́ Yésu máan ká bányɛ na giondiɔdɛ́mɔ́, uganyɛ gá ginsúgule#2.5 Bomodió guɔyɔ ká ginsúgule. ká: «Mɔɔn ɔ, mmágɔtɛ́nɛ́n bɛfal bɔ́w.» 6Gɛdam gá belinsi bisele gímáabá kɔ́ ilukié ɛgɛ́b gá gúbɛ́dága na mɔɔn a ubiɔ́yɔɔn agá ɔdɛm ká: 7«Giágɛ gɛnɔ́g egie gálaná ana e? Ugúsɛga Gɔdányá! Ány mɔnd a unyá bágútɛ́nɛn sɔ́gɔ́ bɛfal bág úmáal udiál Gɔdányá e?» 8Anɛ́ Yésu máalɛnsán gɔbɛ́dágɛd gɔ́b, uganyɛ ká: «Góbusió bá giág nubiananá isíany ɛmbɛ́dágɛ́dɛ́n e? 9Gá moóny eme mándɛ, búnúm búnyá fɛɛ́dɛfɛɛ́d guɔyɛdɛn ginsúgule ká: “Imágɔtɛ́nɛ́n bɛfal bɔ́w”, ɔ́gɔ ká: “adɔ́g, gɔ́l akan wɔ́w, dɔ́mbɔ e#2.9 Anyɛ́ nubɛ́dáganá ká ndɛbá na bugaga bágɔ́tɛ́nɛn mɔnd bɛfal bág, yéŋúgi wɔ́ agán gá eŋísi ká nɔ́lɛnsɛ ká inyɛ Gɔdányá, imánɛ́nɛ́n wɔ́ bɔbɛ bág.?” 10Óo, nguámba gunúlínsi ká yaŋuá mɔɔn wá mɔnd inyɛ na bugaga bá gúnɛnanɛn band bɛfal bɔ́b egegus.» Uganyɛ gá ginsúgule#2.10 Bómodió guɔ́yɔ gɛsɛ́gɛla. ká: 11«Mmáal gɔ́w ká, adɔ́g, gɔ́l akan wɔ́w, ɛmbɛ ɔgɔwɔ!» 12Mɔnd uwedúmbi guadɔg, uwɔgɔ́l akan wág, uwaám band gidigid lɛ́ŋa wɔ́, abáb gá guméŋeméŋ, ebédúm gukanya Gɔdányá. Bɔ́yɔ ká: «Dɛmabása dɛdián nɛnama ná buanda ana tá buɔ́s!»
Yésu gɔ́bɛ́laan léfi
(Mat 9.9-13; Lúk 5.27-32)
13Yésu guand guond agá gɛsál gá manáŋ abúsa unyá Galilé. Giŋi gá band mabaán agagá, uwefúnyifunyi gɛ́. 14Gigúl umáadɔ́mbána, uwaán Léfi#2.14 Léfi nyɛ mɔnd umáandɛ́n bɔsɔ́gɔ́ Beyúdɛn ɛdɔgɛ anyɛ́ umáadáb ká úduénin bá Lomɛ́ŋ táas, buád buanda bɔ́mɔɔ́gɔ́lɔ́n wɔ́ anyɛ afalafal., mɔɔn wa Alafé ilukié agá kɔɔ́m umáabá uduénen táas, uganyɛ gág ká: «Ɛ́lad!» Léfi guadɔg, gulád wɔ́. 15Agá gélem ány, Yésu gɔb agá nuyá ná Léfi gá ɔnyɔ́, bedús taás mabá kɔ́ giod na bafalafal, ebélukumeen kɔɔ́m gómoom na Yésu na bafɔ́nɔfɔ́n gá gúnyánan. Gágual ká giod gá band nɛnama iniány mabá nɛ́ládaan wɔ́. 16Bafalisiɛ́ŋ bányá sɔ́n Befúnyifúny bisele mabá ány, bánaan anyɛ́ Yésu máanyánán ɔlɔŋ na band abaány, bágányɛ gá bafɔ́nɔfɔ́n bág ká: «Góbusió bá giág Yésu nyánaná na bedús taás na bafalafal e?» 17Umáal nɔ́guɔ́b anaány, uganyɛ gɔ́b ká: «Band bányá kilikil dɛguámba aŋanyány, aŋanyány nyɛ́ gá band bánɔ́maná, nguúl gá gúsibɛ́láan bafalafal, saá band bɔ́biɔ́yɔnɔ́ ká bányɛ besi.»
Nŋófúnyi gá buóny bá gubílég manyán
(Mat 9.14-17; Lúk 5.33-35)
18Buɔ́s búmodió, bafɔ́nɔfɔ́n bá Sáŋa na Bafalisiɛ́ŋ mebílég manyán. Gɔɔ́gɔ band móol agá Yésu obófuún wɔ́ ká: «Nanyá búnyá ká bafɔ́nɔfɔ́n bá Sáŋa na bá Bafalisiɛ́ŋ ála gubílég gá manyán, bɔ́w dialá e#2.18 Bafɔ́nɔfɔ́n sá Bafalisiɛ́ŋ mabá band bámáabá báfɔ́nɔfɔn gufúnyifunyi gá Bafalisiɛ́ŋ.?» 19Uwondinyi bɔ́ ká: «Nugúbɛ́dága ká begúl bá muát gigiŋ nyɛ bégúbílég manyán gigúl muát gigiŋ nyá kɔ́ e? Buákó! Gigúl gidigid ɛgɛ́ muát gigiŋ mányá na begúl bág, bádɛ́bá bégúbílég manyán. 20Buɔ́s gúleen gɔg ubú begenúsiéli muát gigiŋ, buɔ́s ubuány bégenúbílég manyán. 21Bédigúgíde gilunu gá gɛla na giéns gá gɛla gɛgɔ́s, ámaál anaány, anyɛ́ aganɔ́sɔ́gɛd gɛla, giéns ɛgɛgɔ́s gebídíde, gilefié biɔ́yɛ́kɛnɛn. 22Anaány sɔ́n bádiáfɛgána magɛ́b mɔgɔ́s agá bilunu bá bɛbáŋá bámáayɛ́ŋaán na gɛɛmf gá mbúny#2.22 Beyúdɛn mabá báyɛŋan bɛbáŋa bɔ́b na bɛmfɛ bá imbúnyi., ámaál anaány, magɛ́b guáda bɛ́, esúgúdenyi guáyɛ́n, na magɛ́b#2.22 Magɛ́bɛ ɔmɔgɔ́sɛ gúdúya giod bámág mɔ́ agá gilunu gá gɛbáŋá gidiandɔ gubɛ́laluna, giguádad. e, na bɛbáŋa e. Buád buanda magɛ́b ɔmɔgɔ́s ófonó bɛbáŋá ɛbɛgɔ́s.#2.22 Insab esie ɛyandɛ na ya gɛla na ya magɛ́bɛ guamba guɔyɛd ká: gufúnyifunyi gá Yésu digúbianan gúbíbúlenyi na gá bielínyélínyé bá Beyudɛn bímodió.»
Yésu na buɔ́s bégúdúkid bá Beyúdɛn
(Mat 12.1-8; Lúk 6.1-5)
23Buɔ́s bá sabát búmodió, na Yésu na bafɔ́nɔfɔ́n bág mandaán agá bisién bá ndásia, oboól bɔ́lúnɔ́ bifígíd bá ndásia nŋili gidigid. 24Bafalisiɛ́ŋ ganyɛ gá Yésu ká: «Lɛ́ŋɛ́d buanda bafɔ́nɔfɔ́n bɔ́w álaná buɔ́s bá sábát! Bisele bás diguɔ́yɔ nɔ́.» 25Uwondinyi bɔ́ ká: «Numabása nudɛbana buanda Défide máal gɛsɛgɛl umáabá agá meyú, nsana núma wɔ́#2.25 Nulɛŋɛ́d 1 Samiɛ́l 21.2-7. na band bág e? 26Umebíŋín agá gians gá Gɔdányá uwanyá bɛnyɔka bámáabiág Gɔdányá na bɛ́#2.26 Bɛnyɔka ibiány mabá bɛbiág bémeéŋín Gɔdányá. Bɛ́mabá biála gɛnyɛ gímomu., uwéŋin sɔ́n band bámáabá naga. Nánié gɔɔ́gɔ bɔgɔ́gɔ bá Gɔdányá bámáabiánán bugaga bágúnyá bɛ́. Búmabiálá agá gigúl ɛgɛ́ Abiatál máabá uganyɛ egúy ká wɛɛ́y ɔgɔn wa bɔgɔ́gɔ#2.26 Saá Abiatál umáabá ofuísi bɛbiága bá Gɔdányá gigul igiány, sié umáaba..» 27Uganyɛ gɔ́b sɔ́n ká: «Gɔdányá máal buɔ́s bá sábát góbusió bá mɔnd, udɛmaal mɔnd góbusió bá buɔ́s bá sábát. 28Buád buanda Mɔɔn wá mɔnd nyá muát buɔ́s bá sábát.»
Actualmente seleccionado:
Málákuse 2: MMU2
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
Málákuse 2
2
Yésu meéŋúgi ginsúgule
(Mat 9.1-8; Lúk 5.17-26)
1Mɔɔ́s máal mámádɔ́mbɔ, Yésu guond Kapɛlɛnahúm. Band máal na guɔ́b ká unyɛ agá nuyá, 2abásɛbɛ́gɔ́sá kɔ́ nɛnama nɛ́nyá, giás dɛmand guánɛ́gaan ta agá masiá má niíd ná gians. Yésu uwedúm#Bie 4.29-31; 8.25. gufúnyifunyi bɔ́ moóny má Gɔdányá. 3Gɛdam gá band gímodió igílénin wɔ́ ginsúgule; band béní bá ɔlɔŋ wɔ́b mabɛ́dɔ́gán gɛ́. 4Anɛ́ giás gá guámɛ́n wɔ́ na ginsúgule máal gɛ́dɛ́bá, gágual ká band mabá giod, abágadɛd nsaga kɔɔ́m Yésu máaba, ebédúnúgi gɛ́, gɛ́mabá ɛmbɛ́diá agá akan. 5Anyɛ́ Yésu máan ká bányɛ na giondiɔdɛ́mɔ́, uganyɛ gá ginsúgule#2.5 Bomodió guɔyɔ ká ginsúgule. ká: «Mɔɔn ɔ, mmágɔtɛ́nɛ́n bɛfal bɔ́w.» 6Gɛdam gá belinsi bisele gímáabá kɔ́ ilukié ɛgɛ́b gá gúbɛ́dága na mɔɔn a ubiɔ́yɔɔn agá ɔdɛm ká: 7«Giágɛ gɛnɔ́g egie gálaná ana e? Ugúsɛga Gɔdányá! Ány mɔnd a unyá bágútɛ́nɛn sɔ́gɔ́ bɛfal bág úmáal udiál Gɔdányá e?» 8Anɛ́ Yésu máalɛnsán gɔbɛ́dágɛd gɔ́b, uganyɛ ká: «Góbusió bá giág nubiananá isíany ɛmbɛ́dágɛ́dɛ́n e? 9Gá moóny eme mándɛ, búnúm búnyá fɛɛ́dɛfɛɛ́d guɔyɛdɛn ginsúgule ká: “Imágɔtɛ́nɛ́n bɛfal bɔ́w”, ɔ́gɔ ká: “adɔ́g, gɔ́l akan wɔ́w, dɔ́mbɔ e#2.9 Anyɛ́ nubɛ́dáganá ká ndɛbá na bugaga bágɔ́tɛ́nɛn mɔnd bɛfal bág, yéŋúgi wɔ́ agán gá eŋísi ká nɔ́lɛnsɛ ká inyɛ Gɔdányá, imánɛ́nɛ́n wɔ́ bɔbɛ bág.?” 10Óo, nguámba gunúlínsi ká yaŋuá mɔɔn wá mɔnd inyɛ na bugaga bá gúnɛnanɛn band bɛfal bɔ́b egegus.» Uganyɛ gá ginsúgule#2.10 Bómodió guɔ́yɔ gɛsɛ́gɛla. ká: 11«Mmáal gɔ́w ká, adɔ́g, gɔ́l akan wɔ́w, ɛmbɛ ɔgɔwɔ!» 12Mɔnd uwedúmbi guadɔg, uwɔgɔ́l akan wág, uwaám band gidigid lɛ́ŋa wɔ́, abáb gá guméŋeméŋ, ebédúm gukanya Gɔdányá. Bɔ́yɔ ká: «Dɛmabása dɛdián nɛnama ná buanda ana tá buɔ́s!»
Yésu gɔ́bɛ́laan léfi
(Mat 9.9-13; Lúk 5.27-32)
13Yésu guand guond agá gɛsál gá manáŋ abúsa unyá Galilé. Giŋi gá band mabaán agagá, uwefúnyifunyi gɛ́. 14Gigúl umáadɔ́mbána, uwaán Léfi#2.14 Léfi nyɛ mɔnd umáandɛ́n bɔsɔ́gɔ́ Beyúdɛn ɛdɔgɛ anyɛ́ umáadáb ká úduénin bá Lomɛ́ŋ táas, buád buanda bɔ́mɔɔ́gɔ́lɔ́n wɔ́ anyɛ afalafal., mɔɔn wa Alafé ilukié agá kɔɔ́m umáabá uduénen táas, uganyɛ gág ká: «Ɛ́lad!» Léfi guadɔg, gulád wɔ́. 15Agá gélem ány, Yésu gɔb agá nuyá ná Léfi gá ɔnyɔ́, bedús taás mabá kɔ́ giod na bafalafal, ebélukumeen kɔɔ́m gómoom na Yésu na bafɔ́nɔfɔ́n gá gúnyánan. Gágual ká giod gá band nɛnama iniány mabá nɛ́ládaan wɔ́. 16Bafalisiɛ́ŋ bányá sɔ́n Befúnyifúny bisele mabá ány, bánaan anyɛ́ Yésu máanyánán ɔlɔŋ na band abaány, bágányɛ gá bafɔ́nɔfɔ́n bág ká: «Góbusió bá giág Yésu nyánaná na bedús taás na bafalafal e?» 17Umáal nɔ́guɔ́b anaány, uganyɛ gɔ́b ká: «Band bányá kilikil dɛguámba aŋanyány, aŋanyány nyɛ́ gá band bánɔ́maná, nguúl gá gúsibɛ́láan bafalafal, saá band bɔ́biɔ́yɔnɔ́ ká bányɛ besi.»
Nŋófúnyi gá buóny bá gubílég manyán
(Mat 9.14-17; Lúk 5.33-35)
18Buɔ́s búmodió, bafɔ́nɔfɔ́n bá Sáŋa na Bafalisiɛ́ŋ mebílég manyán. Gɔɔ́gɔ band móol agá Yésu obófuún wɔ́ ká: «Nanyá búnyá ká bafɔ́nɔfɔ́n bá Sáŋa na bá Bafalisiɛ́ŋ ála gubílég gá manyán, bɔ́w dialá e#2.18 Bafɔ́nɔfɔ́n sá Bafalisiɛ́ŋ mabá band bámáabá báfɔ́nɔfɔn gufúnyifunyi gá Bafalisiɛ́ŋ.?» 19Uwondinyi bɔ́ ká: «Nugúbɛ́dága ká begúl bá muát gigiŋ nyɛ bégúbílég manyán gigúl muát gigiŋ nyá kɔ́ e? Buákó! Gigúl gidigid ɛgɛ́ muát gigiŋ mányá na begúl bág, bádɛ́bá bégúbílég manyán. 20Buɔ́s gúleen gɔg ubú begenúsiéli muát gigiŋ, buɔ́s ubuány bégenúbílég manyán. 21Bédigúgíde gilunu gá gɛla na giéns gá gɛla gɛgɔ́s, ámaál anaány, anyɛ́ aganɔ́sɔ́gɛd gɛla, giéns ɛgɛgɔ́s gebídíde, gilefié biɔ́yɛ́kɛnɛn. 22Anaány sɔ́n bádiáfɛgána magɛ́b mɔgɔ́s agá bilunu bá bɛbáŋá bámáayɛ́ŋaán na gɛɛmf gá mbúny#2.22 Beyúdɛn mabá báyɛŋan bɛbáŋa bɔ́b na bɛmfɛ bá imbúnyi., ámaál anaány, magɛ́b guáda bɛ́, esúgúdenyi guáyɛ́n, na magɛ́b#2.22 Magɛ́bɛ ɔmɔgɔ́sɛ gúdúya giod bámág mɔ́ agá gilunu gá gɛbáŋá gidiandɔ gubɛ́laluna, giguádad. e, na bɛbáŋa e. Buád buanda magɛ́b ɔmɔgɔ́s ófonó bɛbáŋá ɛbɛgɔ́s.#2.22 Insab esie ɛyandɛ na ya gɛla na ya magɛ́bɛ guamba guɔyɛd ká: gufúnyifunyi gá Yésu digúbianan gúbíbúlenyi na gá bielínyélínyé bá Beyudɛn bímodió.»
Yésu na buɔ́s bégúdúkid bá Beyúdɛn
(Mat 12.1-8; Lúk 6.1-5)
23Buɔ́s bá sabát búmodió, na Yésu na bafɔ́nɔfɔ́n bág mandaán agá bisién bá ndásia, oboól bɔ́lúnɔ́ bifígíd bá ndásia nŋili gidigid. 24Bafalisiɛ́ŋ ganyɛ gá Yésu ká: «Lɛ́ŋɛ́d buanda bafɔ́nɔfɔ́n bɔ́w álaná buɔ́s bá sábát! Bisele bás diguɔ́yɔ nɔ́.» 25Uwondinyi bɔ́ ká: «Numabása nudɛbana buanda Défide máal gɛsɛgɛl umáabá agá meyú, nsana núma wɔ́#2.25 Nulɛŋɛ́d 1 Samiɛ́l 21.2-7. na band bág e? 26Umebíŋín agá gians gá Gɔdányá uwanyá bɛnyɔka bámáabiág Gɔdányá na bɛ́#2.26 Bɛnyɔka ibiány mabá bɛbiág bémeéŋín Gɔdányá. Bɛ́mabá biála gɛnyɛ gímomu., uwéŋin sɔ́n band bámáabá naga. Nánié gɔɔ́gɔ bɔgɔ́gɔ bá Gɔdányá bámáabiánán bugaga bágúnyá bɛ́. Búmabiálá agá gigúl ɛgɛ́ Abiatál máabá uganyɛ egúy ká wɛɛ́y ɔgɔn wa bɔgɔ́gɔ#2.26 Saá Abiatál umáabá ofuísi bɛbiága bá Gɔdányá gigul igiány, sié umáaba..» 27Uganyɛ gɔ́b sɔ́n ká: «Gɔdányá máal buɔ́s bá sábát góbusió bá mɔnd, udɛmaal mɔnd góbusió bá buɔ́s bá sábát. 28Buád buanda Mɔɔn wá mɔnd nyá muát buɔ́s bá sábát.»
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión