माथ 8
8
मुरहुच् जोम होड़े बोगेयेन
(मा़र १:४०-४५; लु ५:१२-१६)
1आदो बुरु खोन फेडेन खान आ़डि गादेल होड़को पाँजाकेदेया। 2आर ञेलपे मित्टेन मुरहुच् जोम होड़ हेच्कातेये सेवावादेया आरे मेतादेया, “ए प्रोभु सानालेम खानेम बोगे दाड़ेयाञा,” 3आदो ति तिया़रकातेये जोटेत्केदेया, आरे मेतादेया, “सानाञकानगेया मा बोगेकोक्मे।” खानगे मुरहुच् जोम रोग दो बोगे गोत्एनताया। 4आदो जिसु उनिये मेतादेया, “मेन ओकोय हों आलोम ला़इबाड़ावाकोवा; मेनखान सेनकाते नायके ठेन ञेल ओचोक्मे, आर मोसेये हुकुम आकात् लेका सामाङोक्आक् सामाङमे ओनको ला़गित् सुहि ञुतुमते।”#लेबितिकुस 13:49; 14:2-32
रोमि हा़किमाक् बिसवा़स
(लु ७:१-१०)
5आर जिसु काफारना़हुमतेये बोलोयेन खान मित्टेन रोमि हा़किम उनि ठेन हेच्काते नेहोंरादेतेये मेतादेया, 6“ए प्रोभु इञरेन गुति मित्काड़गोच् रोगते ओड़ाक्रेये जाड़ाव आकाना, आ़डि बा़ड़िच् ए सासेतोक् काना।” 7मेतादेयाय, “सेनकातेञ बोगेयेया,” 8उनि रोमि हा़किम दोए रोड़ रुवा़ड़केदा, “ए प्रोभु इञाक् चाल लाताररेम हेच्आ़ञ लेकगेञ बाङ काना, एकेन काथा रोड़ गोत्काम, इना़तेगे इञरेन गुतिये बोगेक्आ। 9एनते इञ हों एकतिया़रि लाताररेन होड़ कानाञ, आर इञ लाताररे पालटोन मेनाक्कोतिञा, आर मित्टेच् इञ मेताय खान ‘चालाक्मे’ आदोए चालाक्आ, आर एटागिच् ‘हिजुक्मे’ आदोए हिजुक्आ, आर इञरेन गोलाम नोवा ‘का़मियमे’ आदोए का़मिया।” 10जिसु दो नोवा आँजोमकातेये भाड़ोयेना आर पाँजाकानकोय मेतात्कोवा, “सा़रिगेञ मेतापेकाना इसराएलको मोदरे हों नुन माराङ बिसवा़स दो बा़ञ ञामआकादा। 11आर इञ मेतापेकाना आ़डि होड़ पुरुब आर पा़छिम खोन हेच्काते आबराहाम आर इसाहाक आर जाकब सोङगेते सेरमा राज रेयाक् भोजरेको दुड़ुप्आ, 12मेनखान राजरेन होपोनको दो बाहरे ञुतरेको ओडोक गिडि ओचोक्आ, ओंडे दो राक्जोङ आर तोगोच्डाटा होयोक्आ।” 13आर जिसु दो रोमि हा़किमे मेतादेया, “मा चालाक्मे, आमेम पा़तिया़वेन लेका होयोक्ताममा।” आर इना़ घा़ड़िच्तेगे उनि गुति दोए बोगे गोत्एना।
आ़डिउता़र रुगिकोय बोगेयेत्को
(मा़र १:२९-३४; लु ४:३८-४१)
14आर जिसु दो पातरास ओड़ाक्तेये बोलोयेन खान उनिरेन हानहारतेत् रुवा़ जाड़ावआकाने ञेलकेदेया। 15आदो उनियाक् तिये जोटेत् केत्ताया, खानगे रुवा़ दो छुटा़उ गोत्एनताया, आर बेरेत्कातेये साप्सोरादेया। 16आर आ़युप् एन खान आ़डि उता़र भुत चापाड़ होड़ उनि ठेनको आ़गुकेत्कोवा आर आयाक् रोड़तेगे भुतकोय ओडोक गिडिकेत्कोवा आर जोतो रुगिकोय बोगेकेत्कोवा 17जेमोन जेसाया ना़बि होतेते रोड़लेनाक् काथा पुरा़उक् एनकाथाय;
“उनि दो आबोवाक् निजोरकोय हातावकेत्ताबोना, आर आबोवाक् रोगकोय लादेयाना।”#जेसाया 53:4
जिसुरेन चेला होयोक् रेयाङ गोनोङ
(लु ९:५७-६२)
18आदो जिसु आच् बेड़हायते आ़डि उता़र गादेल होड़ ञेलकेत्कोते दोरयाँव हानासा चालाक् ए हुकुमकेदा। 19खान मित्टेन सोसतोर बाडाय होड़ हेच्सोरकातेये मेतादेया, “ए गुरु, जाहाँतेगेम चालाक् इञ पाँजामेया।” 20जिसुइ मेतादेया, “तोयोको दो भुगा़क् आर चोट सेरमारेन उडा़उक् चेंड़ेंको तुका़ मेनाक्ताकोवा, मेनखान मानवा होपोन दो बोहोक् आठड़ेंताय ला़गित् ठा़ँइ बा़नुक्ताया।” 21आदो चेलाको मोदरेन एटागिच् ए मेतादेया, “ए प्रोभु सेन माड़ाङ ओचोवा़ञमे आ़पुञ तोपाये ला़गित्।” 22मेनखान जिसुइ मेतादेया, “आम दो पाँजाञमे, गोच्को दो आकोरेन गोच्को तोपा ओचोवाकोमे।”
बिरबाँवे थिर ओचोयेत्
(मा़र ४:३५-४१; लु ८:२२-२५)
23आदो जिसु ला़उका़रेये देच् एना आर उनिरेन चेलाकोको पाँजाकेदेया। 24आर ञेलपे आचकागे दोरयाँवरे आ़डि माराङ बिरबाँव हेच् एना, आर ढेवकोते ला़उका़ जा़पुत् एसेदोक् लेकागे, मेनखान जिसु दोए जा़पित् आकात् ताहेंकाना। 25आदो उनि ठेन सेनकाते बेरेत्केदेतेको मेतादेया, “ए प्रोभु बाञचावबोनमे जोसावेनाबोन।” 26आदोए मेतात्कोवा, “चेकाते नोनका दोपे डुरुकिया़वा, ए नासेनासे पा़तिया़उक्को?” आदो बेरेत्काते होय आर दोरयाँवे धोमकावकेदा, आदो डेलडेल थिर हापेयेना। 27आर ओनको होड़ दो हाहाड़ायेनतेको मेनकेदा, नुय दो ओकालेकान होड़कानते होय हों होय आर दोरयाँव हों दोरयाँवकिन बातावेत्ताया।
जिसु दो बा़ड़िच् जिउवान बार होड़े बोगेयेत्किन
(मा़र ५:१-२०; लु ८:२६-३९)
28आदो जिसु दोरयाँव ओन पारोम गादारिनिकोवाक् दिसा़मतेये सेटेरेन खान बारया बा़ड़िच् जिउते पेरेच् होड़ तोपा दाँदेरको खोन ओडोककातेकिन सेन दारामकेदेया, उनकिन दो आ़डि हाडरापकिन ताहेंकाना, नुना़क् हा़बिच् जे ओकोय हों ओना होरते बाको पारोम दाड़ेयाक्कान ताहेंकाना। 29आदो किकिया़उआतेकिन मेतादेया, “आले तुलुच् आमाक् दो चेत्, ए इसोररेन होपोन? ओकते आ़उरिरेगे सासेतले ला़गित् नोंडेम हेच् आकाना?” 30ओनको खोन सा़ङगिञञोंक्रे आ़डि उता़र सुकरिको आ़तिञ कान ताहेंकाना। 31आर ओनको बा़ड़िच् जिउको दो नेहोंरादेतेको मेनकेदा, “आलेम ओडोक गिडिले खान, ओनको खा़ड़ सुकरिरे कोलकालेमे।” 32आदोए मेतात्कोवा, “दो चालाक्पे,” आर ओनको दो ओडोककाते सुकरिरेको बोलोयेना, आर सानाम खा़ड़गे दाड़ाङ खोनको गादगादाव फेडेनते दाक्रेको उनुम गोच् एना। 33आर आ़क्तिञको दोको दा़ड़केदा, आर नागराहाते सेनकाते सानामाक्को ला़इ पासनावकेदा आर उनकिन बा़ड़िच् जिउवानकिन रेयाक्को हों। 34आर ञेलपे गोटा नागराहारेनको जिसु ञापामे ला़गित्को ओडोक हेच् एना, आर उनि ञेलकेदेतेको नेहोंरादेया जेमोन आकोवाक् टोठा खोने सेनजोङ।
Actualmente seleccionado:
माथ 8: NTSPt25
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
The New Testament Books in Santhali Language © The Word for the World International and Santhali Translation Project, Nepal, 2025