माथ 22
22
बापला भोज रेयाङ फेन
(लु १४:१५-२४)
1जिसु दो आरहों फेनतेये गालमारावात्कोवा, 2सेरमा राज दो मित्टेन राजा लेकाना, ओने उनि आच्रेन होपोन ला़गित् ए बापला भोजकेत्। 3आदो आच्रेन गोलामे कोलकेत्कोवा, नेवता होड़को बापला भोजरे होहो आ़गुको ला़गित्, मेनखान हिजुक् बाको रेबेनलेना। 4आदो आरहों एटाक् गोलाम नोवा मेनकातेये कोलकेत्कोवा, नेवतावाकानको मेताकोपे, ञेलपे भोज इञ तेयाराकादा। इञरेन पोसाव डाङगरा आर मोटा-मोटा जानवारकोको गुरआकाना, आर सानामाक् तोयनातगेया; देला बापला भोजते हिजुक्पे। 5मेनखान चेत्हों बाको हेतावादा, चालाव बाड़ायेनाको, ओकोय दो आयाक् गोडाते, ओकोय दो आयाक् बा़निज बेपारते, 6आर सारेच्को दो उनिरेन गोलाम साप्कातेको निहा़ँतकेत्कोवा आरको गोच्केत्कोवा। 7खानगे राज दोए राङगावेना, आर आच्रेन पालटोनको कोलकाते ओनको खुनिया़ँहिकोय मारावकेत्कोवा, आर ओनकोवाक् नागराहा दोए डाहाव गिडिकेत्ताकोवा। 8आदो आच्रेन गोलामे मेतात्कोवा, बापला भोजमा तेयारगे, मेनखान नेवता होड़ दो लेक बाको ताहेंकाना। 9ओनाते डाहार रेयाक् दोबा़टिया़कोरे चालाक्पे, आर जाहाँतिना़क्गेपे ञामको बापला भोजते होहो आ़गुकोपे। 10आर ओनको गोलामको दो डाहारकोरे ओडोक सेनकाते बोगे बा़ड़िच् तिना़क्को ञामकेत्को सानामको सामटाव आ़गुकेत्कोवा, आर जोजोम दुड़ुप् आकान होड़कोते बापला ओड़ाक् दो पेरेच्एना। 11खानगे राज दो जोजोम दुड़ुप्आकानको ञेञेले बोलोयेनरे, बापला भोज किचरिच् बाय होरोक्आकात् मित् होड़ ओंडेये ञेलकेदेया 12आरे मेतादेया, हेंदा हो, बेगोर बापला भोज किचरिच्आनते नोंडेम बोलोयेना? आदोए केकलेसेत् एना। 13खानगे राज दो आच्रेन साप्दाप्कोय मेतात्कोवा, ति जाङगा तोलतायते बाहरे ञुतरे खादले ओटोकायपे, ओंडे दो राक्जोङ आर तोगोच्डाटा होयोक्आ। 14एनते होहो आकावात्को माको आ़डि उता़र मेनखान बाछावको दोको थोड़ागेया।
भेजा एमोक् बाबोतते कुकलि
(मा़र १२:१३-१७; लु २०:२०-२६)
15खानगे फा़रिसिको दो सेनकातेको चेपेत्एना चेत्लेकाते काथारेको झा़लिएया मेनते। 16आर हेरोद सेच्रेनको साँवते आकोरेन चेलाको उनि ठेनको कोलकेत्कोवा, नोनका मेताय ला़गित्, ए गुरु, बाडायाले आर दोम सा़रि होड़ काना, आर इसोराक् होर सा़रियाक्तेगेम चेत्आकोकाना, आर ओकोय हों बाम हेतावाकोकाना, एनते होड़कोवाक् मेंत्हाँ दो बाम बेङगेत्आक्काना, 17आदो मासे ला़इयालेमे, चेत्लेकाम बुजहा़वेदा? “का़इसा़र दो खाजना एमाय गानोक्आ से बाङा?” 18जिसु दो ओनकोवाक् फोरफुनदि बाडायकेत्ताकोतेये मेनकेदा, “ए फा़सिया़राको चेदाक्पे बिडा़उएदिञ काना? 19खाजना टाका उदुक्आ़ञपे, आदो मित्टेन सिकिको चालआदेया। 20आदोए कुलिकेत्कोवा, नोवा मुठा़न आर नोवा ओलाक् दो ओकोयाक् काना?” मेतादेयाको “का़इसा़राक्।” 21आदोए मेतात्कोवा, “एनडेखान का़इसा़राक्को दो का़इसा़र बाड़े एमकातायपे, आर इसोराक्को दो इसोरगे।” 22आर ओना आँजोमकातेको भाड़ोयेना, आर बा़गियादेतेको चालावेना।
जिवेत् बेरेदोक् बाबोतते कुकलि
(मा़र १२:१८-२७; लु २०:२७-४०)
23एनहिलोक्गे सा़दुकिको उनि ठेनको हेच् एना, ओने ओकोयको मेन जिवेत् बेरेदोक् दो बा़नुक् आनाङ, आरको कुलिकेदेया। 24“ए गुरु, मोसेये मेन आकात्आ, जाहाँय होड़ आ़उरिये गिदरा़ जोङरेगेये गोच्लेन खान, बोकोततेत् दो उनि रिनिच्ए बापलायेमा आर दादात्तेत् ला़गित् बोंस ए तेङगोकोमा।”#जेनेसिस ३८:८; देउतरोनोमि २५:५-६ 25आले ठेन एयाय बोयहाको ताहेंकाना, आर पा़हिलिच् दो बापलाकातेये बेनडाव एना, आर बेगोर गिदरा़वान आच्रेन ओड़ाक् होड़ दो बोकोततेत् ठेने बा़गि ओटोवादेया। 26ओनकागे दोसारिच् आर तेसारिच् हों, एयायिच् हा़बिच्। 27आर जोतोको तायोम उनि मायजिउ होंए गोच् एना, 28आदो जिवेत् बेरेदोक्रे ओनको एयायको मोदरे ओकोय रिनिच् ए होयोक्आ? एनते जोतोगेको दोहोलेदेया। 29जिसुइ रोड़ रुवा़ड़ात्कोवा, भुलेदापे सोसतोरको बापे बाडायेत्ते आर इसोराक् दाड़े हों बाङ। 30एनते जिवेत् बेरेदोक्रे दो बा़हु हों बाको बा़हु जोङा आर जाँवाँय हों बाको जाँवाँयोक्आ, बिचकोम सेरमारे मेनाक्को दुतको लेकाक्आको। 31मेनखान गोच्को खोन जिवेत् बेरेदोक् रेयाङ दो इसोरे मेन आकावात्पे काथा बापे पाड़हाव आकादा, 32ओनेये मेनलेत्, इञगे आबराहामरेन इसोर, इसाहाकरेन इसोर, जाकबरेन इसोर दो।#एकसोडस ३:६,१६ इसोर दो गोच्कोरेन इसोर माए बाङकान, मेनखान जिवेत्कोरेनगे। 33आर गादेल होड़ दो ओना आँजोमकाते उनियाक् ला़इ चेचेत्आक्तेको भाड़ोयेना।
आ़न रेयाक् माराङ हुकुम
(मा़र १२:२८-३४; लु १०:२५-२८)
34आदो जिसु सा़दुकिकोय हापे ओचोकेत्कोवा मेनते फा़रिसिकोको आँजोमकेत् खानको जारवा मित् एना, 35आर ओनको मोदरेन मित्टेन आ़न गुरु दो बिडा़वे ला़गित् ए कुलिकेदेया, 36“ए गुरु, आ़नरे माराङ हुकुम दो ओकाटाक् काना?”
37आदोए मेतादेया, “प्रोभु आमरेन इसोर दो आमाक् गोटा ओनतोरते, आमाक् गोटा जिविते आर आमाक् गोटा आ़किलते दुला़ड़ेम।#देउतरोनोमि ६:५; १०:१२; ३०:६ 38नोवागे माराङ आर पा़हिल हुकुम दो। 39आर दोसाराक् दो ओना लेकानगेया, आम आडेपासेरेन होड़ आपनार लेका दुला़ड़ेम।#लेबितिकुस १९:१८; माथाय १९:१९ 40नोवाकिन बारया हुकुमरेगे गोटा आ़न आर ना़बिको रेयाक्को दो टारहाव आकाना।”
मा़सि रेयाङ कुकलि
(मा़र १२:३५-३७; लु २०:४१-४४)
41आदो फा़रिसिको जारवा आकान ताहेंकानरे जिसुइ कुलिकेत्कोवा। 42“आपे दो चेत्लेकापे बुजहा़वेदा मा़सि रेयाङ दो, ओकोयरेन होपोन कानाय?” मेतादेयाको “दा़उद बोंसरेनगे।” 43आदोए मेतात्कोवा, चेकाते एनडेखान दा़उद दो जिउ होतेते प्रोभुइ मेतायकाना, एनकाथाय,#२ सामुएल २३:२
44प्रोभु दो इञरेन प्रोभुइ मेतायकाना,
“इञाक् एतोमरे दुड़ुप्मे,
आमरेन बा़इरिको आ़उरिञ
आम जाङगा लातारको हा़बिच्।” #सेरेञको ११:१; आपोस का़मि २:३४,३५
45आदो दा़उद उनिगे प्रोभुइ मेतायकान खान, चेकाते उनिरेन होपोन कानाय?
46आर ओकोयगे मित् काथा हों बाको रोड़ रुवा़ड़ दाड़ेयादेया, आर एनहिलोक् खोन ओकोय हों आर दो उनि कुलिये बाको दिललेदा।
Actualmente seleccionado:
माथ 22: NTSPt25
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
The New Testament Books in Santhali Language © The Word for the World International and Santhali Translation Project, Nepal, 2025