माथ 20
20
दारखा बागवानरेन का़मिया़को रेयाङ फेन
1एनते सेरमा राज दो मित्टेन जुमिदार लेकाना, ओकोय पाहापोहोरे आयाक् दारखा बागवानरे का़मिया़को आ़चुको ला़गित् ए ओडोकेन। 2आर का़मिया़को तुलुच् दिनरे मिमित् चा़नि सिकि आङगोचकाते आयाक् दारखा बागवानतेये कोलकात्कोवा। 3आर आरे बाजा गानरे ओडोक सेनेनते बाजाररे एटाक्को आ़उड़ियाक् तेङगो बाड़ा आकाने ञेलकेत्कोवा। 4आरे मेतात्कोवा, “दो आपे हों दारखा बागवानते चालाक्पे आर ओका होककान इञ एमापेया।” 5आदोको चालावेना। आदो तिकिन आर तारासिञ जोखेच् आरहों सेनकातेये ओनकाकेदा। 6आरहों मोंड़ें बाजा ओकते ओडोक सेनकाते एटाक्को तेङगोवाकाने ञामकेत्कोवा आरे मेतात्कोवा, “चेदाक् नोंडे दिनमान आ़उड़ियाक्पे तेङगो बाड़ा आकाना?” 7मेतादेयाको, “ओकोय हों एनते बाको आ़चुलेत्लेया।” मेतात्कोवाय, “दो आपे हों दारखा बागवानरे का़मि ला़गित् चालाक्पे।” 8आ़युप्एन खान दारखा बागवानरेन किसा़ँड़ दो आच्रेन लोनबोनिच् ए मेतादेया, “का़मिया़को होहो आ़गुकोम आर तायोमतेनको खोन एहोप्काते लाहातेनको हा़बिच् कुड़ा़इ एमाकोम।” 9आदो ओनको मोंड़ें बाजा ओकतेरेनको हेच्एनते मित् दिन रेयाक् कुड़ा़इ मिमित् चा़नि सिकिकातेको ञामकेदा। 10आर पा़हिलतेनको दो हेच्कातेको हुदिसकेदा बा़ड़तिको ञामा नाहाँक्, मेनखान ओनको हों मित् दिन रेयाक् कुड़ा़इ मिमित् सिकिकातेको ञामकेदा। 11आदो ओना आताङकाते ओड़ाक् किसा़ँड़ उपा़रतेको काराच्कुरुच्एना, 12मेनकेदाको, “नोको तायोमतेनको दो मित् घोन्टागेको का़मिलाक्आ, आर आले गोटा सिञ रेयाक् झारला झा़रलि सेतोङले साहाव आकात् होड़ तुलुच्एम बाराबा़रिकेत्कोवा।” 13मेनखान उनि दो रोड़ रुवा़ड़काते ओनको मोदरेन मित् होड़े मेतादेया, “ए हो बाचोञ बेहोकेत्मे, मित् चा़नि सिकि रेयाक् इञ तुलुच् बाम आङगोचलाक्आ? 14आमाक् कुड़ा़इ हातावकाते चालाक्मे, नुय तायोमिच् हों आम बाराबा़रि एमाय इञ मेनजोङकाना। 15इञाक् मेनाक्आक्को रेयाङ दो, चेत् इञिञ मेनजोङकान लेकाय बाङ गानोक्तिञा? से इञिञ भागे इया़ते मेंत् जोलोक् कानतामा? 16ओनकागे तायोमतेनको दोको लाहाक्आ, आर लाहातेनको दोको तायोमोक्आ।”
जिसु आयाक् गुजुक् रेयाङ तेसार धावे ला़इ लाहायेत्कान
(मा़र १०:३२-३४; लु १८:३१-३४)
17आदो जिसु जेरुसालेमतेये राकाप् चालाक्कान ताहेंकानरे ओनको गेलबार चेलाको एसकाररे इदि तोराकेत्कोते होररेये मेतात्कोवा, 18“ञेलपे जेरुसालेमतेबोन राकाप् चालाक्काना, आर मानवा होपोन दो माराङ नायकेको आर सोसतोर बाडायको ठेने सोपरोत ओचोक्आ, आर गोजे रेयाक्को बिचा़र दुसियेया, 19आर जिहुदि बाहरेरेन होड़कोवाक् ति रेको सोपरोतेया, सिड़ोगाय, कोडराये, आर कुरुसे ला़गित्, खान पे माँहाँ हिलोक्रेये जिवेत् बेरेदोक्आ।”
मित्टेन एङगाताक् नेहोंरजोङ
(मा़र १०:३५-४५)
20उनरे साबदाय होपोनकिनरेन एङगात दो होपोनतेत्किन साँवते जिसु ठेने हेच् एना, आर इकड़ुमकाते उनि ठेन मित्टेच् ए नेहोंरकेदा। 21जिसु दोए मेतादेया, चेत्एम ञामकाना? मेतादेयाय मेनमे, जेमोन आमाक् राजरे नुकिन होपोनिञकिन दुड़ुप् मित् दो आम एतोम आर मित् दो आम कोञें सेच्रे। 22जिसुइ मेतादेया, “चेत्पे कोयजोङकान ओना दो बापे बाडाया। इञ ओकाटाक् बा़टि रेयाक् इञ ञुय ला़गिदोक्कान, ओना दुक रेयाक् बा़टि खोन बेन ञु दाड़ेयाक्आ?” मेतादेयाकिन, “ञु दाड़ेयाक्गेयालिञ।” 23जिसुइ मेतात्किना, “इञाक् बा़टि रेयाक् मा बेन ञुयगे, मेनखान इञाक् एतोम सेच् आर इञाक् कोञें सेच्रे दुड़ुप्को रेयाक् इञाक् दो बाङकाना, मेनखान ओनाको दो आ़पुञे तेयारआकावात्को ओनको ला़गित्गे।” 24खानगे ओनको गेल चेलाको दो ओना आँजोमकाते उनकिन बार बोयहा उपा़रतेको एदरेयेना। 25मेनखान जिसु दो ओनको आच् ठेन होहो सोरकातेये मेनकेदा, “बाडायगेयापे, जिहुदि बाहरेरेन होड़कोरेन रापाजको दो ओनको चेतानरेको मा़लिकोक् काना आर ओनकोरेन नापड़ाक्को दो ओनको चेतानरे एकतिया़रिको चालावेदा। 26आपे तालारे ओनका दो बाङकाना, बिचकोम आपे तालारे जाहाँयगे माराङ होयोक् सानाये खान, उनि दो आपेरेन साप्दाप्इच् ए होयोक्मा, 27आर जाहाँयगे आपे तालारे पा़हिलिच् होयोक् सानाये खान, उनि दो आपेरेन गुतिये होयोक्मा।” 28चेत्लेका मानवा होपोन हों साप्सोर ओचोक् ला़गित् दो बाय हेच् आकाना, मेनखान साप्सोसोर ला़गित्गे, आर आ़डि उता़र होड़को बोदोलते छाक्डाव दाम मेनकाते आयाक् जिवि एमोक्ए हेच् आकाना।
बारया काँड़ाँ होड़े बोगेयेत्किन
(मा़र १०:४६-५२; लु १८:३५-४३)
29आदो जिसु जेरिखो खोनको ओडोक चालाक् जोखेच् आ़डि गादेल होड़को पाँजा इदिकेदेया। 30आर ञेलपे बारया काँड़ाँ होड़ होर आड़ेरेकिन दुड़ुप् आकान ताहेंकाना, आर जिसुइ पारोम चालाक् कानकिन आँजोमकेत् खान होहोवातेकिन मेनकेदा, “ए प्रोभु दा़उदरेन होपोन दे माँयाँवालिञमे।” 31आर हापेक्आ मेनते गादेल होड़ दोको धोमकावकेत्किना, मेनखान उनकिन दो आरतेत्गे आँटतेकिन होहो इदिकेदा “ए प्रोभु दा़उदरेन होपोन माँयाँवालिञमे बाड़े।” 32आदो जिसु तेङगोयेनतेये होहोवात्किना आरे मेनकेदा, “चेत् इञ चेकावाबेनबेन ञामकाना?” 33मेतादेयाकिन, “ए प्रोभु मेंत् बेङगेदोक् ता़लिञमा।” 34आर जिसु दो माँयाँयेनते मेंत् ए जोटेत्केत्ताकिना, आर साटमेनतेकिन बेङगेत् गोत्केदा आर उनिकिन पाँजाकेदेया।
Actualmente seleccionado:
माथ 20: NTSPt25
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
The New Testament Books in Santhali Language © The Word for the World International and Santhali Translation Project, Nepal, 2025