माथ 17
17
बुरुरे जिसुवाक् बोरोन फेरावक्कान
(मा़र ९:२-१३; लु ९:२८-३६)
1आदो तुरुइ दिन तायोम जिसु दो पातरास, जाकब आर उनिरेन बोयहा जोहान सोङगे तोराकाते मित्टेन उसुल बुरुते एसकाररेये आ़युर राकाप्केत्कोवा। 2आर ओनको सामाङरेये एटाक् बोरोन एना, उनियाक् मेंत्हाँ दो सिञ चाँदो लेका झाक झाक एना, आर उनियाक् किचरिच् दो मारसाल लेका पिंड़िंत् पिंड़िंत् एनताया। 3आर ञेलपे मोसे आर एलिया़ उनि तुलुच् गालमाक्राव कान ओनको ठेनकिन ञेल ओचोयेना।
4खानगे पातरास दो जिसुइ मेतादेया, “ए प्रोभु आले नोंडे मेनाक्ले दो आ़डि जुता; आमेम मेनले खान नोंडे पेया इञ कुमबा़या, मित् दो आम ला़गित् आर मित् दो मोसे ला़गित् आर मित् दो एलिया़ ला़गित्।”
5उनिये रोरोड़कान ताहेंकान तुलुच्गे, ञेलपे, मित्टेन झालकावक् कान रिमिल ओनकोय उमुल एसेत्केत्कोवा, आर ञेलपे रिमिल खोन मित्टेन आड़ाङ आँजोमेना, “नुयगे इञरेन दुला़ड़िया़ होपोन ओने उनिरेञ कुसियाकान, उनियाक् आँजोमतायपे।”
6आर चेलाको दो नोवा आँजोमकेत् खानको ताबेर गोत्एना, आर बेबा़ड़िच्को बोतोरेना। 7आदो जिसु हेच्कातेये जोटेत्केत्कोवा आरे मेतात्कोवा, “मा बेरेत्पे आर आलोपे बोतोरोक्आ।” 8आदो बेङगेत् राकाप्काते ओकोय हों बाको ञेललेत्कोवा जिसु छाडा।
9आदो बुरु खोनको फेडोक्कानरे जिसु दो का़जिया़ँउकातेये मेतात्कोवा, “नोवा ञेलाक् दो ओकोय हों आलोपे ला़इबाड़ावाकोवा, मानवा होपोन गोच् खोन आ़उरिये जिवेत् बेरेदोक् हा़बिच्।” 10आदो चेलाको कुलिकेदेया, “चेदाक् एनडेखान सोसतोर बाडायको दोको मेनेदा एलिया़गे पा़हिल दो हिजुक् होयोक्ताया?” 11उनि दोए रोड़ रुवा़ड़ात्कोवा, “एलिया़इ हिजुक्काना आर सानामाक्कोय तेङगो आरोकाक्आ। 12इञिञ मेतापेकाना, एलिया़ दोए हेच्लेनगेया मेनखान बाको ञेल ओरोमलेदेया, मेनखान सानालेत्को लेकाकेदेयाको। ओनकागे मानवा होपोन हों ओनको ठेन दुक ए जोमा हापेन।”
13उनरे चेलाकोको बुजहा़उकेदा जोहान बाबा़प्तिसिच् रेयाङे ला़इयात्कोवा मेनते।
भुतचापाड़ कोड़ाए बोगेयेदे
(मा़र ९:१४-२९; लु ९:३७-४३)
14आदो गादेल होड़ जिसु ठेनको हेच्एन खान मित् होड़ उनि ठेने हेच्एना आर उनि ति जाङगारे गिडियेनतेये मेनकेदा, 15“ए प्रोभु होपोनिञ माँयाँवायमे, उनि दोए मिरगिक् काना आर आ़डिये सासेतोक् काना, एनते घाने दो सेङगेलरेये भिनदा़ड़ोक्आ, आर घाने दो दाक्रे। 16आर आमरेन चेलाको ठेनिञ आ़गुलेदेया, मेनखान बाङको बोगे दाड़ेयादेया।” 17आदो जिसुइ रोड़ रुवा़ड़केदा, “ए बेपा़तिया़उ आर पेड़ता पिड़हिरेनको, तिस हा़बिच् आपे ठेनिञ ताहेना? तिस हा़बिच् इञ साहावकातापेया? दिनि इञ ठेन आ़गुयेपे।” 18आदो जिसु उनिये धोमकावकेदे खान बा़ड़िच् जिउ दो उनि खोने ओडोकेना आर कोड़ा दो इना़ घा़ड़िच् खोनगेये बोगेयेना। 19खानगे चेलाको दो जिसु ठेन एसकाररे हेच्कातेको मेनकेदा, “चेकाते आले दो बाले ओडोक गिडि दाड़ेयादेया?” 20जिसुइ मेतात्कोवा, “आपेयाक् नासे बिसवा़स इया़ते, एनते सा़रिगेञ मेतापेकाना, तुड़ि जाङ इना़क्गान बिसवा़स ताहेनतापे खान, नोवा बुरुपे मेताक्, नोंडे खोन हानडे उचा़ड़ोक्मे, खानगे उचा़ड़ोक्आ; आर बाङ दाड़ेयाक्आक् दो आपे ला़गित् चेत् हों बाङ ताहेना। 21मेनखान उनि जा़तरेनको दो कोयजोङ आर उपा़स बेगोरते दो बाको ओडोकोक्आ।”#17:21 मुल ओलाक्रे नोवा का़लि दो बा़नुक्आ, तायोमते जुटुच्आक् काना
आयाक् गुजुक् आर जिवेत् बेरेदोक् रेयाङ दोसार धावे ला़इ लाहायेत्कान
(मा़र ९:३०-३२; लु ९:४३-४५)
22आर गा़लिलरेको दाड़ानकान ताहेंकानरे जिसुइ मेतात्कोवा, “मानवा होपोन दो होड़कोवाक् तिरेये सोपरोत ओचोक् ला़गिदोक् काना, 23आरको गोजेया, आर पे माँहाँ हिलोक्रेये जिवेत् बेरेदोक्आ।” आर ओनको दो आ़डितेत्को मोन दुक एना।
कोयजोङ ओड़ाक् ला़गित् भेजा
24आदो काफारना़हुमतेको हेच्एन खान कोयजोङ ओड़ाक् ला़गित् भेजा उक्ठा़उको पातरास ठेन हेच्कातेको कुलिकेदेया, “आपेरेन गुरु दो कोयजोङ ओड़ाक् रेयाक् भेजा बाय एमेदा?” 25पातरासे मेनकेदा, “हें एमेत्गेयाय।” आदो ओड़ाक्तेये बोलोयेन खान जिसु दो रोड़ दारामादेतेये मेनकेदा, “चेत्एम बुजहा़वेदा, सिमोन धा़रतिरे राजोक्को दो ओकोय ठेन भेजा आर खाजना दोको उक्ठा़वेदा? आकोरेन होपोनको ठेन खोन, से एटाक्को ठेन खोन?” 26उनिये मेतादेया “एटाक्को ठेन खोनगे।” जिसुइ मेतादेया, एनडेखान होपोनको दोको छुटगेया। 27एनरेहों आलोबोन ता़किच् ओचोक्आ मेनते, “दोरयाँवते सेनकाते बा़ड़सि चाडोयमे आर पा़हिले गेरोक् हाको राकाबेम आर उनियाक् मोचाम ओर चाहाप्ले खान मित्टेन चा़नि सिकियेम ञामा, ओना इदिकाते आम आर इञ ञुतुमते एमाकोम।”
Actualmente seleccionado:
माथ 17: NTSPt25
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
The New Testament Books in Santhali Language © The Word for the World International and Santhali Translation Project, Nepal, 2025
माथ 17
17
बुरुरे जिसुवाक् बोरोन फेरावक्कान
(मा़र ९:२-१३; लु ९:२८-३६)
1आदो तुरुइ दिन तायोम जिसु दो पातरास, जाकब आर उनिरेन बोयहा जोहान सोङगे तोराकाते मित्टेन उसुल बुरुते एसकाररेये आ़युर राकाप्केत्कोवा। 2आर ओनको सामाङरेये एटाक् बोरोन एना, उनियाक् मेंत्हाँ दो सिञ चाँदो लेका झाक झाक एना, आर उनियाक् किचरिच् दो मारसाल लेका पिंड़िंत् पिंड़िंत् एनताया। 3आर ञेलपे मोसे आर एलिया़ उनि तुलुच् गालमाक्राव कान ओनको ठेनकिन ञेल ओचोयेना।
4खानगे पातरास दो जिसुइ मेतादेया, “ए प्रोभु आले नोंडे मेनाक्ले दो आ़डि जुता; आमेम मेनले खान नोंडे पेया इञ कुमबा़या, मित् दो आम ला़गित् आर मित् दो मोसे ला़गित् आर मित् दो एलिया़ ला़गित्।”
5उनिये रोरोड़कान ताहेंकान तुलुच्गे, ञेलपे, मित्टेन झालकावक् कान रिमिल ओनकोय उमुल एसेत्केत्कोवा, आर ञेलपे रिमिल खोन मित्टेन आड़ाङ आँजोमेना, “नुयगे इञरेन दुला़ड़िया़ होपोन ओने उनिरेञ कुसियाकान, उनियाक् आँजोमतायपे।”
6आर चेलाको दो नोवा आँजोमकेत् खानको ताबेर गोत्एना, आर बेबा़ड़िच्को बोतोरेना। 7आदो जिसु हेच्कातेये जोटेत्केत्कोवा आरे मेतात्कोवा, “मा बेरेत्पे आर आलोपे बोतोरोक्आ।” 8आदो बेङगेत् राकाप्काते ओकोय हों बाको ञेललेत्कोवा जिसु छाडा।
9आदो बुरु खोनको फेडोक्कानरे जिसु दो का़जिया़ँउकातेये मेतात्कोवा, “नोवा ञेलाक् दो ओकोय हों आलोपे ला़इबाड़ावाकोवा, मानवा होपोन गोच् खोन आ़उरिये जिवेत् बेरेदोक् हा़बिच्।” 10आदो चेलाको कुलिकेदेया, “चेदाक् एनडेखान सोसतोर बाडायको दोको मेनेदा एलिया़गे पा़हिल दो हिजुक् होयोक्ताया?” 11उनि दोए रोड़ रुवा़ड़ात्कोवा, “एलिया़इ हिजुक्काना आर सानामाक्कोय तेङगो आरोकाक्आ। 12इञिञ मेतापेकाना, एलिया़ दोए हेच्लेनगेया मेनखान बाको ञेल ओरोमलेदेया, मेनखान सानालेत्को लेकाकेदेयाको। ओनकागे मानवा होपोन हों ओनको ठेन दुक ए जोमा हापेन।”
13उनरे चेलाकोको बुजहा़उकेदा जोहान बाबा़प्तिसिच् रेयाङे ला़इयात्कोवा मेनते।
भुतचापाड़ कोड़ाए बोगेयेदे
(मा़र ९:१४-२९; लु ९:३७-४३)
14आदो गादेल होड़ जिसु ठेनको हेच्एन खान मित् होड़ उनि ठेने हेच्एना आर उनि ति जाङगारे गिडियेनतेये मेनकेदा, 15“ए प्रोभु होपोनिञ माँयाँवायमे, उनि दोए मिरगिक् काना आर आ़डिये सासेतोक् काना, एनते घाने दो सेङगेलरेये भिनदा़ड़ोक्आ, आर घाने दो दाक्रे। 16आर आमरेन चेलाको ठेनिञ आ़गुलेदेया, मेनखान बाङको बोगे दाड़ेयादेया।” 17आदो जिसुइ रोड़ रुवा़ड़केदा, “ए बेपा़तिया़उ आर पेड़ता पिड़हिरेनको, तिस हा़बिच् आपे ठेनिञ ताहेना? तिस हा़बिच् इञ साहावकातापेया? दिनि इञ ठेन आ़गुयेपे।” 18आदो जिसु उनिये धोमकावकेदे खान बा़ड़िच् जिउ दो उनि खोने ओडोकेना आर कोड़ा दो इना़ घा़ड़िच् खोनगेये बोगेयेना। 19खानगे चेलाको दो जिसु ठेन एसकाररे हेच्कातेको मेनकेदा, “चेकाते आले दो बाले ओडोक गिडि दाड़ेयादेया?” 20जिसुइ मेतात्कोवा, “आपेयाक् नासे बिसवा़स इया़ते, एनते सा़रिगेञ मेतापेकाना, तुड़ि जाङ इना़क्गान बिसवा़स ताहेनतापे खान, नोवा बुरुपे मेताक्, नोंडे खोन हानडे उचा़ड़ोक्मे, खानगे उचा़ड़ोक्आ; आर बाङ दाड़ेयाक्आक् दो आपे ला़गित् चेत् हों बाङ ताहेना। 21मेनखान उनि जा़तरेनको दो कोयजोङ आर उपा़स बेगोरते दो बाको ओडोकोक्आ।”#17:21 मुल ओलाक्रे नोवा का़लि दो बा़नुक्आ, तायोमते जुटुच्आक् काना
आयाक् गुजुक् आर जिवेत् बेरेदोक् रेयाङ दोसार धावे ला़इ लाहायेत्कान
(मा़र ९:३०-३२; लु ९:४३-४५)
22आर गा़लिलरेको दाड़ानकान ताहेंकानरे जिसुइ मेतात्कोवा, “मानवा होपोन दो होड़कोवाक् तिरेये सोपरोत ओचोक् ला़गिदोक् काना, 23आरको गोजेया, आर पे माँहाँ हिलोक्रेये जिवेत् बेरेदोक्आ।” आर ओनको दो आ़डितेत्को मोन दुक एना।
कोयजोङ ओड़ाक् ला़गित् भेजा
24आदो काफारना़हुमतेको हेच्एन खान कोयजोङ ओड़ाक् ला़गित् भेजा उक्ठा़उको पातरास ठेन हेच्कातेको कुलिकेदेया, “आपेरेन गुरु दो कोयजोङ ओड़ाक् रेयाक् भेजा बाय एमेदा?” 25पातरासे मेनकेदा, “हें एमेत्गेयाय।” आदो ओड़ाक्तेये बोलोयेन खान जिसु दो रोड़ दारामादेतेये मेनकेदा, “चेत्एम बुजहा़वेदा, सिमोन धा़रतिरे राजोक्को दो ओकोय ठेन भेजा आर खाजना दोको उक्ठा़वेदा? आकोरेन होपोनको ठेन खोन, से एटाक्को ठेन खोन?” 26उनिये मेतादेया “एटाक्को ठेन खोनगे।” जिसुइ मेतादेया, एनडेखान होपोनको दोको छुटगेया। 27एनरेहों आलोबोन ता़किच् ओचोक्आ मेनते, “दोरयाँवते सेनकाते बा़ड़सि चाडोयमे आर पा़हिले गेरोक् हाको राकाबेम आर उनियाक् मोचाम ओर चाहाप्ले खान मित्टेन चा़नि सिकियेम ञामा, ओना इदिकाते आम आर इञ ञुतुमते एमाकोम।”
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
The New Testament Books in Santhali Language © The Word for the World International and Santhali Translation Project, Nepal, 2025