Luk 5
5
Yisọs Okood Mme Mbed Nse
Mt. 4:18-22; Mk. 1:16-20
1Usen keen nte Yisọs adaade ke mben inyaŋ Kadidii. Otu owom edikanade eme ọkuk nte mmọ okopde ikọ Abasi. 2Yisọs okud ubom ukọi iyak ibaa anaade ukpọk, emi mman ukọi iyak ekewọrọde ayak ekeyed iyide mmọ. 3Enye ebei ọduk ekid ubom keen ekedede ubom Saimọn, ete Saimọn nnuk ubom iken kaa iso esisiọŋ. Yisọs ọsuuk etie ke ekid ubom ikoro anyaŋ otoŋo ekpeb otu owom mkpọ.
4K'ini enye ekpebde otu owom mkpọ ama, enye ọdọhọ Saimọn ete, «Wad ubom fo duk enim, nyaŋ sin iyide fo man ọmum iyak.»
5Ede Saimọn ọbọọrọ Yisọs ete, «Ette-ufọk, nnyin inam ọkpọsọŋ utom efri itroyo iken ede nnyin imumke iyak ntekeen, ede sia ọdọhọde ntoro mme nyayak iyide mi nsin.»
6K'ini Saimọn ma mman utom ise ayakde iyide mmọ esin nte Yisọs ekedọhọde mmọ, mmọ ọmum iyak enye awak tutu iyide mmọ otooŋo awaai. 7Ke ntoro mmọ okood mme ufan mmọ ke ubom ewen ete yak mmọ edinwam mmọ. Mmọ edisioŋo iyak ọyọhọ ubom mmọ mbummba, tutu ubom mmọ otooŋo iteŋ.
8K'ini Saimọn emi ekerede sọ Bite okudde mkpọ nken, enye ọduọ Yisọs ke edọŋ ete, «Mbọk daha-kpọŋ min Ọbọọŋ, ke nde idiọk owom.» 9Bite eketiŋ ikọ iken ke ntak idem ama akpa eme ma mman nsaŋa nse ekedude ma eme k'ini mmọ ọmumde uwak iyak ikoro. 10Mman nsaŋa Saimọn, Yems ma akpraŋ enyinika ese Yọọn ntitọŋ ideeni Sebidii, odu ke mkpaidem.
Ede Yisọs ete Saimọn, «Kuyak ndik anam fin. K'idaha akpa ekese ọkọ iyak ede tooŋo mi kaiso omusu uda mman owom udi mman mmọ ede mbed mi.» 11K'ini mme ọkọ iyak awadde ubom mmọ edisim mben mmuŋ, mmọ ọkpọŋ ukọ iyak ekene Yisọs ekekabare ede mbed nse.
Yisọs Anam Owom Akpamfia Asana
Mt. 8:1-4; Mk. 1:40-45
12Ede usen keen, nte Yisọs odude ke obio keen ke ikpehe ukara Kadidii, owom ọdọŋọde akpamfia ekedudo. K'ini enye okudde Yisọs, enye ọduọ ọfuk iso k'isọŋ ke ido ukpono, anyaŋ ekpei Yisọs ete, «Ette-ufọk, ke enyiimede, emekeme inam min nsana.»
13Ke ntoro, Yisọs anyan ubọk ise ọtuuk eme ete, «Mmeyiime, sana!» Idaha-Idaha ikoro udọŋọ akpamfia ekueŋe eme.
14Ede Yisọs ete eme, «Kutiŋ unọ owom ntekeen nte asaŋade ọbọ ukọk. Ede kaa itie-uwa ke obio Yedusedem ke wuri oku idem fo yak enye eche ma eme asana. Nyaŋ nnam uwa nte ibed Muses ekewukde yak mman se ọbọọde ukọk ke akpamfia anam, ke nte anamde ntoro mfifien owom emididiọŋọ ke eme asana.»
15Ede etop ke Yisọs ekeme ikọk udọŋọ akakaiso asuana, ke ntak nkoro otu owom ediboho okop ukpeb mkpọ nse, anyaŋ ọbọ ukọk ke mme udọŋọ mmọ. 16Ede Yisọs ese awak ikaa nnauded nketie ọkpọọŋ mbọŋ akam nnọ Abasi.
Yisọs Ọkọk Owom Akpa-ubeŋ
Mt. 9:2-8; Mk. 2:2-12
17Usen ewen, k'ini Yisọs ekesuŋ ekpebde mkpọ, usuk mman Farisi#5:17 Mme ekpeb ibed: Mman ese ekpebde, akabade mman owom mbed Abasi. ma mme ekpeb ibed Muses eketiedo, emi eketode mme nsio-nsio obio ke ikpehe ukara Kadidii ma ikpehe ukara Yudia ma obio Yedusedem. K'ini ikoro, odudu Abasi amaadu ma eme ndikọk mman owom udọŋọ. 18K'idaha ikoro, mman owom eben owom ekedọŋọde akpa-ubeŋ ke mbri edi, mmọ eyem nte mmọ ebende eme ọduk ufọk ikoro ekenum Yisọs k'iso. 19Sia mmọ ikikwe usuŋ se mmọ ebende eme ọduk ke ntak otu owom. Mmọ ọdọọk ekeyaada onyuŋ ọkọm ufọk ikoro, anyaŋ ọsuuk eme ma mbri nse onum k'iso Yisọs.
20K'ini Yisọs ọdiọŋọde ke mmọ onum ke eme ikeme ikọk owom akpa-ubeŋ ikoro, enye ete eme, «Enyinika, mmọ efen idiọk mkpọ fo.»
21Mme Ekpeb ibed ma mman Farisi otooŋo ekere ke otu mmọ, ete, «Enye emi ọchọŋọde Abasi anyin, ọdọhọde ikọ ntebe ke enye ede Abasi? Nnyin idiọŋọ ke Abasi ọkpọọŋ ekeme ifen mme idiọk mkpọ!» 22Ede sia Yisọs ima idiọŋọ ekikere ekid mmọ, enye ete mmọ; nsode mfo ikerede ntoro? 23Mmekeme idọhọ owom akpa-ubeŋ iken, ‹‹Mmọ efen mme idiọk mkpọ fo, mme ndiyaŋ ndidọhọ eme, ‹bene saŋa»› Ewe ede mmem-mmem? 24Ede idaha iken, mme nkọkọk owom iken udọŋọ man otodo mfo idiọŋọ ke eyen owom enyine unen ndifen mme idiọk mkpọ ke ererimbod.» Nte enye atiŋde ikọ iken amaa, enye akanade anyin eche owom odo ekedọŋọde akpa-ubeŋ anyaŋ ọdọhọ eme ete, ‹bene ke onyuŋ, ben mbri fo nyuŋ ufọk fo.› 25Idaha-idaha ikoro, enye ebeene ke iso efri mmọ, eben mbri nse, onyuŋ ufọk ise, anyaŋ otoro Abasi. 26Idem ama akpa mfifien mman ekedudedo, mmọ otooŋo ọdọhọ ete, «Itoro enyine Abasi.» Uteeŋe ọmum mmọ ke se mmọ ekekudde, mmọ ete, nnyin ikud utibe mkpọ mfen nken.»
Yisọs Okood Difai
Mt. 9:9-13; Mk. 2:13-17
27Ke mkpọ nken ebeide, Yisọs adaha ọkpọŋ ufọk ikoro, nte enye akaade k'usuŋ, enye okud owom ọbọ taksi emi ekekerede Difai nte enye etie ke itie ubọ taksi, enye ete eme, «Kene min dide mbed mi.» 28Difai ebeene echin utom ubọ taksi ise ekene Yisọs man edide mbed nse.
29Difai anam akua usọrọ ọnọ Yisọs ke ufọk ise, uwak mme ọbọ taksi ma mman ewen ekedudo, emi ekediade mkpọ ma mmọ. 30Ede mman Farisi ma mme ekpeb ibed ọtubọ ma mme mbed Yisọs, ete, «Nso ede ntak mfo idiade mkpọ ma mme ọbọ taksi ma mman idiọk owom?»
31Yisọs ọbọọrọ mme Farisi ido ete, «Mman nchọŋidem iyemke abia-usọbọ, ede mman ọdọŋọde ọkpọọŋ eyem abia-usọbọ.» 32Ke ukem ikoro, nkedihe ikood mme nti owom yak mmọ akabade ekid, ede nkedi ikood mme anam idiọk mkpọ yak mmọ akabade ekid.
Ukpeb Mkpọ Abaaŋa Utude-ndia
Mt. 9:14-17; Mk. 2:18-22
33Ede usuk owom ebib Yisọs ete, «Nso ede mme mbed Yọọn ọduọk-mmuŋ ma mbed mman Farisi ese etiede utude-ndia ọbọŋ akam efri ini ede mbed mfo itiehe utude ndia ibọŋ akam?» 34Yisọs ọbọọrọ mmọ ete, «Nte mfo ikeme inam mme ufan ebe-ndọ otude idia ndia, k'ini ebe-ndo odudedo mma mmọ? Ikemeke itibe ntoro! 35Ede usen osuŋ edi, emi mmọ emibende ebe ndọ ikpọŋ mmọ. Ndien mmọ emititie utude-ndia.»
36Yisọs amaana atiŋ mbuk ewen ọnọ mmọ ete, «Owom ibenke ben mbai afufa ọfọŋ idian ke akaani ọfọŋ ikum, sia mfo imibibiad afufa ọfọŋ okoro, akandedo afufa ndiani ibuhi iyai ke akaani ọfọŋ.» 37Yisọs ọdọhọ sọ ete, ke ukem usuŋ ikoro, Owom ibenke ben afufa ukọd isin ke akaani ọkpọọ, mmọ inam ntoro, afufa ukọd ikoro ifuudi emibobom akaani ọkpọọ okoro, ndien ukọd ikoro emiduduọhọ itak. 38Ede anaa nte owom esin afufa ukọd ke afufa ọkpọọ, man ukọd ikoro ma ọkpọọ ikinyine mfina. 39Ede akpanikọ ke man se akaani ukọd imemehe, mmọ isiyineke udọŋ inọ afufa, sia mmọ ete, ke akaani ukọd enem akan afufa ukọd.
Actualmente seleccionado:
Luk 5: ITM
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
Itu Mbon Uzo Bible by Beyond Translation is licensed under Creative Commons Attribution-ShareAlike 4.0 License.
Luk 5
5
Yisọs Okood Mme Mbed Nse
Mt. 4:18-22; Mk. 1:16-20
1Usen keen nte Yisọs adaade ke mben inyaŋ Kadidii. Otu owom edikanade eme ọkuk nte mmọ okopde ikọ Abasi. 2Yisọs okud ubom ukọi iyak ibaa anaade ukpọk, emi mman ukọi iyak ekewọrọde ayak ekeyed iyide mmọ. 3Enye ebei ọduk ekid ubom keen ekedede ubom Saimọn, ete Saimọn nnuk ubom iken kaa iso esisiọŋ. Yisọs ọsuuk etie ke ekid ubom ikoro anyaŋ otoŋo ekpeb otu owom mkpọ.
4K'ini enye ekpebde otu owom mkpọ ama, enye ọdọhọ Saimọn ete, «Wad ubom fo duk enim, nyaŋ sin iyide fo man ọmum iyak.»
5Ede Saimọn ọbọọrọ Yisọs ete, «Ette-ufọk, nnyin inam ọkpọsọŋ utom efri itroyo iken ede nnyin imumke iyak ntekeen, ede sia ọdọhọde ntoro mme nyayak iyide mi nsin.»
6K'ini Saimọn ma mman utom ise ayakde iyide mmọ esin nte Yisọs ekedọhọde mmọ, mmọ ọmum iyak enye awak tutu iyide mmọ otooŋo awaai. 7Ke ntoro mmọ okood mme ufan mmọ ke ubom ewen ete yak mmọ edinwam mmọ. Mmọ edisioŋo iyak ọyọhọ ubom mmọ mbummba, tutu ubom mmọ otooŋo iteŋ.
8K'ini Saimọn emi ekerede sọ Bite okudde mkpọ nken, enye ọduọ Yisọs ke edọŋ ete, «Mbọk daha-kpọŋ min Ọbọọŋ, ke nde idiọk owom.» 9Bite eketiŋ ikọ iken ke ntak idem ama akpa eme ma mman nsaŋa nse ekedude ma eme k'ini mmọ ọmumde uwak iyak ikoro. 10Mman nsaŋa Saimọn, Yems ma akpraŋ enyinika ese Yọọn ntitọŋ ideeni Sebidii, odu ke mkpaidem.
Ede Yisọs ete Saimọn, «Kuyak ndik anam fin. K'idaha akpa ekese ọkọ iyak ede tooŋo mi kaiso omusu uda mman owom udi mman mmọ ede mbed mi.» 11K'ini mme ọkọ iyak awadde ubom mmọ edisim mben mmuŋ, mmọ ọkpọŋ ukọ iyak ekene Yisọs ekekabare ede mbed nse.
Yisọs Anam Owom Akpamfia Asana
Mt. 8:1-4; Mk. 1:40-45
12Ede usen keen, nte Yisọs odude ke obio keen ke ikpehe ukara Kadidii, owom ọdọŋọde akpamfia ekedudo. K'ini enye okudde Yisọs, enye ọduọ ọfuk iso k'isọŋ ke ido ukpono, anyaŋ ekpei Yisọs ete, «Ette-ufọk, ke enyiimede, emekeme inam min nsana.»
13Ke ntoro, Yisọs anyan ubọk ise ọtuuk eme ete, «Mmeyiime, sana!» Idaha-Idaha ikoro udọŋọ akpamfia ekueŋe eme.
14Ede Yisọs ete eme, «Kutiŋ unọ owom ntekeen nte asaŋade ọbọ ukọk. Ede kaa itie-uwa ke obio Yedusedem ke wuri oku idem fo yak enye eche ma eme asana. Nyaŋ nnam uwa nte ibed Muses ekewukde yak mman se ọbọọde ukọk ke akpamfia anam, ke nte anamde ntoro mfifien owom emididiọŋọ ke eme asana.»
15Ede etop ke Yisọs ekeme ikọk udọŋọ akakaiso asuana, ke ntak nkoro otu owom ediboho okop ukpeb mkpọ nse, anyaŋ ọbọ ukọk ke mme udọŋọ mmọ. 16Ede Yisọs ese awak ikaa nnauded nketie ọkpọọŋ mbọŋ akam nnọ Abasi.
Yisọs Ọkọk Owom Akpa-ubeŋ
Mt. 9:2-8; Mk. 2:2-12
17Usen ewen, k'ini Yisọs ekesuŋ ekpebde mkpọ, usuk mman Farisi#5:17 Mme ekpeb ibed: Mman ese ekpebde, akabade mman owom mbed Abasi. ma mme ekpeb ibed Muses eketiedo, emi eketode mme nsio-nsio obio ke ikpehe ukara Kadidii ma ikpehe ukara Yudia ma obio Yedusedem. K'ini ikoro, odudu Abasi amaadu ma eme ndikọk mman owom udọŋọ. 18K'idaha ikoro, mman owom eben owom ekedọŋọde akpa-ubeŋ ke mbri edi, mmọ eyem nte mmọ ebende eme ọduk ufọk ikoro ekenum Yisọs k'iso. 19Sia mmọ ikikwe usuŋ se mmọ ebende eme ọduk ke ntak otu owom. Mmọ ọdọọk ekeyaada onyuŋ ọkọm ufọk ikoro, anyaŋ ọsuuk eme ma mbri nse onum k'iso Yisọs.
20K'ini Yisọs ọdiọŋọde ke mmọ onum ke eme ikeme ikọk owom akpa-ubeŋ ikoro, enye ete eme, «Enyinika, mmọ efen idiọk mkpọ fo.»
21Mme Ekpeb ibed ma mman Farisi otooŋo ekere ke otu mmọ, ete, «Enye emi ọchọŋọde Abasi anyin, ọdọhọde ikọ ntebe ke enye ede Abasi? Nnyin idiọŋọ ke Abasi ọkpọọŋ ekeme ifen mme idiọk mkpọ!» 22Ede sia Yisọs ima idiọŋọ ekikere ekid mmọ, enye ete mmọ; nsode mfo ikerede ntoro? 23Mmekeme idọhọ owom akpa-ubeŋ iken, ‹‹Mmọ efen mme idiọk mkpọ fo, mme ndiyaŋ ndidọhọ eme, ‹bene saŋa»› Ewe ede mmem-mmem? 24Ede idaha iken, mme nkọkọk owom iken udọŋọ man otodo mfo idiọŋọ ke eyen owom enyine unen ndifen mme idiọk mkpọ ke ererimbod.» Nte enye atiŋde ikọ iken amaa, enye akanade anyin eche owom odo ekedọŋọde akpa-ubeŋ anyaŋ ọdọhọ eme ete, ‹bene ke onyuŋ, ben mbri fo nyuŋ ufọk fo.› 25Idaha-idaha ikoro, enye ebeene ke iso efri mmọ, eben mbri nse, onyuŋ ufọk ise, anyaŋ otoro Abasi. 26Idem ama akpa mfifien mman ekedudedo, mmọ otooŋo ọdọhọ ete, «Itoro enyine Abasi.» Uteeŋe ọmum mmọ ke se mmọ ekekudde, mmọ ete, nnyin ikud utibe mkpọ mfen nken.»
Yisọs Okood Difai
Mt. 9:9-13; Mk. 2:13-17
27Ke mkpọ nken ebeide, Yisọs adaha ọkpọŋ ufọk ikoro, nte enye akaade k'usuŋ, enye okud owom ọbọ taksi emi ekekerede Difai nte enye etie ke itie ubọ taksi, enye ete eme, «Kene min dide mbed mi.» 28Difai ebeene echin utom ubọ taksi ise ekene Yisọs man edide mbed nse.
29Difai anam akua usọrọ ọnọ Yisọs ke ufọk ise, uwak mme ọbọ taksi ma mman ewen ekedudo, emi ekediade mkpọ ma mmọ. 30Ede mman Farisi ma mme ekpeb ibed ọtubọ ma mme mbed Yisọs, ete, «Nso ede ntak mfo idiade mkpọ ma mme ọbọ taksi ma mman idiọk owom?»
31Yisọs ọbọọrọ mme Farisi ido ete, «Mman nchọŋidem iyemke abia-usọbọ, ede mman ọdọŋọde ọkpọọŋ eyem abia-usọbọ.» 32Ke ukem ikoro, nkedihe ikood mme nti owom yak mmọ akabade ekid, ede nkedi ikood mme anam idiọk mkpọ yak mmọ akabade ekid.
Ukpeb Mkpọ Abaaŋa Utude-ndia
Mt. 9:14-17; Mk. 2:18-22
33Ede usuk owom ebib Yisọs ete, «Nso ede mme mbed Yọọn ọduọk-mmuŋ ma mbed mman Farisi ese etiede utude-ndia ọbọŋ akam efri ini ede mbed mfo itiehe utude ndia ibọŋ akam?» 34Yisọs ọbọọrọ mmọ ete, «Nte mfo ikeme inam mme ufan ebe-ndọ otude idia ndia, k'ini ebe-ndo odudedo mma mmọ? Ikemeke itibe ntoro! 35Ede usen osuŋ edi, emi mmọ emibende ebe ndọ ikpọŋ mmọ. Ndien mmọ emititie utude-ndia.»
36Yisọs amaana atiŋ mbuk ewen ọnọ mmọ ete, «Owom ibenke ben mbai afufa ọfọŋ idian ke akaani ọfọŋ ikum, sia mfo imibibiad afufa ọfọŋ okoro, akandedo afufa ndiani ibuhi iyai ke akaani ọfọŋ.» 37Yisọs ọdọhọ sọ ete, ke ukem usuŋ ikoro, Owom ibenke ben afufa ukọd isin ke akaani ọkpọọ, mmọ inam ntoro, afufa ukọd ikoro ifuudi emibobom akaani ọkpọọ okoro, ndien ukọd ikoro emiduduọhọ itak. 38Ede anaa nte owom esin afufa ukọd ke afufa ọkpọọ, man ukọd ikoro ma ọkpọọ ikinyine mfina. 39Ede akpanikọ ke man se akaani ukọd imemehe, mmọ isiyineke udọŋ inọ afufa, sia mmọ ete, ke akaani ukọd enem akan afufa ukọd.
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
Itu Mbon Uzo Bible by Beyond Translation is licensed under Creative Commons Attribution-ShareAlike 4.0 License.