Lu-ka 5
5
Pô Yê-su iêu dôm anưk xêh tamưrơp
(Ma-thi-ơ 4:18-22; Mag 1:16-20)
1 #
Mat 13:1,2; Mag 3:9,10; Mag 4:1. Tha ƀang dêh, tuk Pô Yê-su dang ngok takai tathik Kavei Ghê-nê-xa-rêt, bôl bhap pablak jhel tom dar Bhô piêh pang Panôic Pô Lingik. 2Bhô ƀôh dwa thruh gilai danưng jek takai tathik; dôm urang tong ikan krung hu tabiak truh di gilai thong krưh dok papah nhôl. 3Bhô đik tha dalam dwa thruh gilai, nạn thruh Si-môn, bloh kanư ong vah gilai tabiak atah di takai tathik đơ xit; bloh Bhô dok ngok gilai lang pato ka bôl bhap.
4Tuk lang bloh, Bhô pađar Si-môn: “Xang vah tamư libik jalam, lek nhôl, piêh tong ikan.” 5#Yâ 21:3.Si-môn thuuk: “Pathau Gru, khol dahlak krung hu ngak bruk taluic mưlam bloh ôh mưk bihu haget, min pang panôic Gru, mưca dahlak lek nhôl.” 6#Yâ 21:6.Khol nhu lek nhôl trun bloh mưk bihu ralô ikan thangak thi tek nhôl. 7Khol nhu tabiak habang iêu dôm ayut dok di gilai pakan mai pajup. Dôm ayut nan mai pajiơng ikan dwa thruh gilai bak, thangak jek karam. 8Ƀôh yau nan, Si-môn Phi-e-rơ khôi trun krah di tauk Pô Yê-su thong pathau: “Pô lơy, likau niga truh di dahlak, kaywa dahlak nạn mưnuix hu glaic.” 9Kaywa Si-môn thong abih urang dok tak nan thong ong jang plơng kadơng ka bruk mưk ikan birau bloh; 10Ya-kơ thong Yâng anưk Xê-ƀê-đê ayut Si-môn lijang yau nan. Pô Yê-su bican thong Si-môn: “Jôi hôic, hakê mưng ni mưca hư gilaic hajiơng urang tong nhôl di mưnuix.” 11Khol nhu ba gilai tamư ar, klāk abih gruk, nao tui Bhô.
Pô Yê-su pajru rwak khalong
(Ma-thi-ơ 8:1-4; Mag 1:40-45)
12Tuk Pô Yê-su krưh dok tak dhan dêh, hu tha urang libuh rwak khalong bak rup, ƀôh Bhô grwak ƀok trun di haluk halar likau: “Pô lơy, mưyah Pô ưng, Pô hu mưda ngak ka dahlak bihu hacih!” 13Pô Yê-su yêr tangin ravơk tal urang nan thong bican: “Ita ưng, xang hacih mek!” Binhêt rwak khalong thrơh lihik. 14Bhô tathit kakei nhu ôh bihu đôm thong thei bloh pađar: “Xang nao biđang ƀok thong gru mưliêng thong ƀai panôja ka bruk hư bihu hacih, tui yau Mô-se pato, yau tha panôic kaxan ka abih drei.” 15Nưm angan Bhô dak harei bik bihu hamit ralô, tapôr mưnuix patom nhom piêh pang Bhô thong piêh bihu pajru dhit rwak. 16Min Bhô pleh tamư libik jwa piêh lang kar.
Pô Yê-su pajru rwak mưtai arak
(Ma-thi-ơ 9:1-8; Mag 2:1-12)
17Tha harei dêh, Pô Yê-su krưh lang pato hu dôm urang Pha-ri-si thong gru pato adat mưng dôm palei dalam nưgar Ga-li-lê, Yu-đê thong mưng dhan Yê-ru-sa-lem mưrai dok tak nan. Gon xagta Pô dok thong Bhô piêh pajru dhit rwak hakik. 18Dêh, hu dôm urang cakông tha urang mưtai arak ngok katong, krưh dwah ganap ba urang nan tamư dalam thang bloh padok di anak Bhô. 19Kaywa ralô urang lô, ôh mưda ba urang mưtai arak tamư bihu, nan ka khol nhu kajān tagôk pabung thang, pok akiak tabiak, bloh ginro mưnuix gam katong trun di anak Pô Yê-su, krưh tapôr ralô. 20Ƀôh sagar khol nhu, Bhô bican: “Anưk lơy, danuh glaic hư krung bihu ampun!” 21Dôm gru pato adat thong mưnuix Pha-ri-si raup tanhi laic: “Urang ni nạn thei bloh khin đôm hanoh niêm yau nan? Klāk Pô Lingik tabiak, thei hu gon ampun glaic?” 22Min Pô Yê-su thau thangka khol nhu, yơ bican: “Ywa haget khol hư thrơh kadha dalam tian yau nan? 23Krưh dwa ganap đôm: ‘Danuh glaic hư krung bihu ampun,’ ngan: ‘Xang dang tagôk yam nao’ ganap halei ƀôn hơl? 24Min piêh ka khol hư thau laic Anưk Mưnuix dok di dunya hu aco gon ampun glaic...” Bhô bican thong urang mưtai arak: “Ita đôm thong hư: Xang dang tagôk, gilam katong gilaic mai thang!” 25Binhêt urang mưtai arak dang tagôk di anak khol nhu, gilam katong krung hu drei đih, bloh nao thang, tahamid Pô Lingik. 26Abih drei jang plơng kadơng bloh tahamid Pô Lingik. Khol nhu thur mưk đôm: “Harei ni khol drei krung hu ƀôh dôm bruk camrih!”
Pô Yê-su iêu Lê-vi
(Ma-thi-ơ 9:9-13; Mag 2:13-17)
27Hadei di nan, Pô Yê-su tabiak lingiu, ƀôh tha urang mưk jiư angan Lê-vi, krưh dok tak libik mưk jiư yơ Bhô bican thong ong: “Xang tui Ita!” 28Lê-vi klāk abih bloh dang tagôk nao tui Bhô. 29Lê-vi pơh đam prong payak Bhô tak thang drei; hu ralô urang mưk jiư, thong dôm urang pakan dok thubik paban thong Bhô. 30#Lu 15:1,2.Dôm urang Pha-ri-si thong dôm gru pato adat ih oh thong anưk xêh Bhô laic: “Habar dôm ong ƀang mưnhum thong kavôm mưnuix mưk jiư thong tapôr mưnuix danuh glaic?” 31Pô Yê-su thuuk: “Mưnuix khang kadang ôh hajat gru bet, min nạn mưnuix rwak. 32Ita ôh mưrai piêh iêu mưnuix kahanôt, min iêu ra hu glaic tumal.”
Panôic tanhi ka gruk ikak tian ơk
(Ma-thi-ơ 9:14-17; Mag 2:18-22)
33Khol nhu đôm thong Bhô: “Anưk xêh Yâng lijang yau anưk xêh mưnuix Pha-ri-si bhian ikak tian ơk lang kar, min anưk xêh Gru gilaic ƀang thong mưnhum!” 34Pô Yê-su thuuk: “Khol hư hu mưda ep tatơk tôi tamưbha đam likhah ikak tian ơk, dalam tuk pacei mưtau mưdok thong khol nhu ô? 35Min tal tuk pacei mưtau bihu ba nao truh di khol nhu, yơ dalam dôm harei nan khol nhu mưng ikak tian ơk.” 36Bhô lijang binô ka khol nhu tha arkatê: “Ôh thei hak tha danan ao birau bloh bal tamư ao klak. Ngak yau nan, ao birau mưca tek, thong danan khan bai birau lijang ôh lek ligeh thong ao klak. 37Lijang ôh thei tuh alag birau tamư tabik kalik klak, kaywa yau nan, alag birau ngak taraic tabik kalik, alag hok tabiak bloh tabik kalik lijang gok pao. 38Min alag birau xang tuh tamư tabik birau. 39Lijang ôh thei krung hu mưnhum alag klak bloh gilaic đôk alag birau, kaywa urang nan đôm laic: ‘Alag klak bingi hơl.’”
Actualmente seleccionado:
Lu-ka 5: CJM2024
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2024 Bible Society Vietnam. All rights reserved.
Lu-ka 5
5
Pô Yê-su iêu dôm anưk xêh tamưrơp
(Ma-thi-ơ 4:18-22; Mag 1:16-20)
1 #
Mat 13:1,2; Mag 3:9,10; Mag 4:1. Tha ƀang dêh, tuk Pô Yê-su dang ngok takai tathik Kavei Ghê-nê-xa-rêt, bôl bhap pablak jhel tom dar Bhô piêh pang Panôic Pô Lingik. 2Bhô ƀôh dwa thruh gilai danưng jek takai tathik; dôm urang tong ikan krung hu tabiak truh di gilai thong krưh dok papah nhôl. 3Bhô đik tha dalam dwa thruh gilai, nạn thruh Si-môn, bloh kanư ong vah gilai tabiak atah di takai tathik đơ xit; bloh Bhô dok ngok gilai lang pato ka bôl bhap.
4Tuk lang bloh, Bhô pađar Si-môn: “Xang vah tamư libik jalam, lek nhôl, piêh tong ikan.” 5#Yâ 21:3.Si-môn thuuk: “Pathau Gru, khol dahlak krung hu ngak bruk taluic mưlam bloh ôh mưk bihu haget, min pang panôic Gru, mưca dahlak lek nhôl.” 6#Yâ 21:6.Khol nhu lek nhôl trun bloh mưk bihu ralô ikan thangak thi tek nhôl. 7Khol nhu tabiak habang iêu dôm ayut dok di gilai pakan mai pajup. Dôm ayut nan mai pajiơng ikan dwa thruh gilai bak, thangak jek karam. 8Ƀôh yau nan, Si-môn Phi-e-rơ khôi trun krah di tauk Pô Yê-su thong pathau: “Pô lơy, likau niga truh di dahlak, kaywa dahlak nạn mưnuix hu glaic.” 9Kaywa Si-môn thong abih urang dok tak nan thong ong jang plơng kadơng ka bruk mưk ikan birau bloh; 10Ya-kơ thong Yâng anưk Xê-ƀê-đê ayut Si-môn lijang yau nan. Pô Yê-su bican thong Si-môn: “Jôi hôic, hakê mưng ni mưca hư gilaic hajiơng urang tong nhôl di mưnuix.” 11Khol nhu ba gilai tamư ar, klāk abih gruk, nao tui Bhô.
Pô Yê-su pajru rwak khalong
(Ma-thi-ơ 8:1-4; Mag 1:40-45)
12Tuk Pô Yê-su krưh dok tak dhan dêh, hu tha urang libuh rwak khalong bak rup, ƀôh Bhô grwak ƀok trun di haluk halar likau: “Pô lơy, mưyah Pô ưng, Pô hu mưda ngak ka dahlak bihu hacih!” 13Pô Yê-su yêr tangin ravơk tal urang nan thong bican: “Ita ưng, xang hacih mek!” Binhêt rwak khalong thrơh lihik. 14Bhô tathit kakei nhu ôh bihu đôm thong thei bloh pađar: “Xang nao biđang ƀok thong gru mưliêng thong ƀai panôja ka bruk hư bihu hacih, tui yau Mô-se pato, yau tha panôic kaxan ka abih drei.” 15Nưm angan Bhô dak harei bik bihu hamit ralô, tapôr mưnuix patom nhom piêh pang Bhô thong piêh bihu pajru dhit rwak. 16Min Bhô pleh tamư libik jwa piêh lang kar.
Pô Yê-su pajru rwak mưtai arak
(Ma-thi-ơ 9:1-8; Mag 2:1-12)
17Tha harei dêh, Pô Yê-su krưh lang pato hu dôm urang Pha-ri-si thong gru pato adat mưng dôm palei dalam nưgar Ga-li-lê, Yu-đê thong mưng dhan Yê-ru-sa-lem mưrai dok tak nan. Gon xagta Pô dok thong Bhô piêh pajru dhit rwak hakik. 18Dêh, hu dôm urang cakông tha urang mưtai arak ngok katong, krưh dwah ganap ba urang nan tamư dalam thang bloh padok di anak Bhô. 19Kaywa ralô urang lô, ôh mưda ba urang mưtai arak tamư bihu, nan ka khol nhu kajān tagôk pabung thang, pok akiak tabiak, bloh ginro mưnuix gam katong trun di anak Pô Yê-su, krưh tapôr ralô. 20Ƀôh sagar khol nhu, Bhô bican: “Anưk lơy, danuh glaic hư krung bihu ampun!” 21Dôm gru pato adat thong mưnuix Pha-ri-si raup tanhi laic: “Urang ni nạn thei bloh khin đôm hanoh niêm yau nan? Klāk Pô Lingik tabiak, thei hu gon ampun glaic?” 22Min Pô Yê-su thau thangka khol nhu, yơ bican: “Ywa haget khol hư thrơh kadha dalam tian yau nan? 23Krưh dwa ganap đôm: ‘Danuh glaic hư krung bihu ampun,’ ngan: ‘Xang dang tagôk yam nao’ ganap halei ƀôn hơl? 24Min piêh ka khol hư thau laic Anưk Mưnuix dok di dunya hu aco gon ampun glaic...” Bhô bican thong urang mưtai arak: “Ita đôm thong hư: Xang dang tagôk, gilam katong gilaic mai thang!” 25Binhêt urang mưtai arak dang tagôk di anak khol nhu, gilam katong krung hu drei đih, bloh nao thang, tahamid Pô Lingik. 26Abih drei jang plơng kadơng bloh tahamid Pô Lingik. Khol nhu thur mưk đôm: “Harei ni khol drei krung hu ƀôh dôm bruk camrih!”
Pô Yê-su iêu Lê-vi
(Ma-thi-ơ 9:9-13; Mag 2:13-17)
27Hadei di nan, Pô Yê-su tabiak lingiu, ƀôh tha urang mưk jiư angan Lê-vi, krưh dok tak libik mưk jiư yơ Bhô bican thong ong: “Xang tui Ita!” 28Lê-vi klāk abih bloh dang tagôk nao tui Bhô. 29Lê-vi pơh đam prong payak Bhô tak thang drei; hu ralô urang mưk jiư, thong dôm urang pakan dok thubik paban thong Bhô. 30#Lu 15:1,2.Dôm urang Pha-ri-si thong dôm gru pato adat ih oh thong anưk xêh Bhô laic: “Habar dôm ong ƀang mưnhum thong kavôm mưnuix mưk jiư thong tapôr mưnuix danuh glaic?” 31Pô Yê-su thuuk: “Mưnuix khang kadang ôh hajat gru bet, min nạn mưnuix rwak. 32Ita ôh mưrai piêh iêu mưnuix kahanôt, min iêu ra hu glaic tumal.”
Panôic tanhi ka gruk ikak tian ơk
(Ma-thi-ơ 9:14-17; Mag 2:18-22)
33Khol nhu đôm thong Bhô: “Anưk xêh Yâng lijang yau anưk xêh mưnuix Pha-ri-si bhian ikak tian ơk lang kar, min anưk xêh Gru gilaic ƀang thong mưnhum!” 34Pô Yê-su thuuk: “Khol hư hu mưda ep tatơk tôi tamưbha đam likhah ikak tian ơk, dalam tuk pacei mưtau mưdok thong khol nhu ô? 35Min tal tuk pacei mưtau bihu ba nao truh di khol nhu, yơ dalam dôm harei nan khol nhu mưng ikak tian ơk.” 36Bhô lijang binô ka khol nhu tha arkatê: “Ôh thei hak tha danan ao birau bloh bal tamư ao klak. Ngak yau nan, ao birau mưca tek, thong danan khan bai birau lijang ôh lek ligeh thong ao klak. 37Lijang ôh thei tuh alag birau tamư tabik kalik klak, kaywa yau nan, alag birau ngak taraic tabik kalik, alag hok tabiak bloh tabik kalik lijang gok pao. 38Min alag birau xang tuh tamư tabik birau. 39Lijang ôh thei krung hu mưnhum alag klak bloh gilaic đôk alag birau, kaywa urang nan đôm laic: ‘Alag klak bingi hơl.’”
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2024 Bible Society Vietnam. All rights reserved.