Yâng Panôic paha xakrưn
Panôic paha xakrưn
Khao Siam tui Yâng yah yaic Pô Yê-su drơh yau Panôic Kakal Nittiak anưd Pô Lingik, nan Dê krung hu jrang lôk ngak mưnuix thong mưdok krưh khol drei (1:14). Khao Siam tui Yâng đôm pajip, tapuk ni bihu vak tabiak piêh urang pôic hu mưda dial laic Pô Yê-su êng nan Dê Dong Dunya tui panôic he anưd Pô Lingik, Anưk Pô Lingik, thong nhơ di dial Pô Yê-su bloh khol nhu tôk bihu gruk diup kakal nittiak (20:31).
Hadei di panôic paha xakrưn pakrưn Panôic êng nạn Pô Yê-su, nôk akok tapuk Khao Siam tui Yâng yah yaic dôm thunau crih sahadah Pô Yê-su nạn Anưk Pô Lingik, nạn Pô Dong Dunya bloh Pô Lingik krung hu he. Nôk patui vơk nạn dôm thunau crih piêh lang yah kabha krung bihu sahadah. Nôk ni lijang yah yaic ngak habar tha thanôn mưnuix krung hu dial thong ngak anưk xêh Pô Yê-su, dalam tuk nan hu tha thanôn pakan krung hu pagan gađi thong ôh dial Bhô. Dôm Pat 13 tal 17 vak vơk biak ralô avan xit ka gruk mưyut jamji di Pô Yê-su thong dôm anưk xêh dalam mưlam Pô gok mưk, thong dôm panôic pato pakai, Pô Yê-su paxơh khol nhu dahlau di tuk Pô ciup pang đin ngok gai gan gak. Dôm pat taluic lak vơk pajip gruk Pô gok mưk, bican inư an, pang đin, gruk diup vơk, thong dôm ƀang Bhô bhat tabiak hadei di tuk diup vơk.
Kadha ka urang kamei payar gok mưk di tangin tak nan. (8:1-11) bihu cek dalam nưm veh kaywa ralô blah yao thong dôm blah mưlih tamưrơp klāk kalek kanen kadha ni, dalam tuk ralô blah vak tangin pakan, cek nhu pak ralô libik karei di gaup.
Khao Siam tui Yâng iak katang tal gruk diup kakal nittiak dalam Dê Krist, nan tha drap alin urak ni caga thudia ka dôm urang halei dial tôk Pô Yê-su nạn jalan, tantu thong gruk diup. Tha tanut kateh kơy tagôk dalam tapuk Khao Siam tui Yâng nan bruk angui dôm kabha rai bhian dalam rai diup yau ia, tapei, tanrak hadah, mưnuix glang thong pabo, phun nho thong dôm boh nhu piêh đôm tal dôm kabha bha di nưbi ginrơh.
Mưadak
Nôk pakāk (1:1-18)
Yâng Bap-tit thong dôm anưk xêh tamưrơp anưd Pô Yê-su (1:19-51)
Pô Yê-su angak naphôl (2:1 – 12:50)
Dôm harei taluic jek thong tak Yê-ru-sa-lem (13:1 – 19:42)
Pô Yê-su diup vơk thong dôm ƀang bhat tabiak (20:1-31)
Nôk patek: Dôm ƀang bhat tabiak pakan tak Ga-li-lê (21:1-25)
Actualmente seleccionado:
Yâng Panôic paha xakrưn: CJM2024
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2024 Bible Society Vietnam. All rights reserved.