Yâng 16
16
Dê Pajiông
1“Ita krung hu đôm thong khol hư dôm kabha ni piêh khol hư klah di gok hanek jalơh. 2Mưca khol nhu tiaup khol hư truh di thang nhom; thong mưca tal tuk bloh ra halei pamưtai khol hư gilaic xanưng laic drei krưh dok ragxa Pô Lingik. 3Mưca khol nhu ngak dôm kabha ni kaywa khol nhu ôh thau Amư, lijang ôh thau Ita trah. 4Min Ita krung hu đôm dôm kabha ni ka khol hư piêh tuk tal tuk vag khol nhu, khol hư kanal vơk laic Ita krung hu đôm ka khol hư pajơ.
Gruk hit Pô Nưbi Ginrơh
Ita ôh đôm kabha ni thong khol hư mưng tamưrơp, kaywa Ita krưh dok thong khol hư. 5Min urak ni Ita thi mưrai tom Dê krung hu pachai Ita mưrai, thong ôh thei dalam khol hư tanhi Ita: ‘Gru nao tao?’ 6Min kaywa Ita krung hu đôm dôm kabha ni ka khol hư nạn ka tian khol hư bak rau ri. 7Yau nan min, Ita đôm biak thong khol hư: Ita nao nạn hu hanim ka khol hư. Kaywa mưyah Ita ôh nao, yơ Dê Pajiông mưca ôh mưrai tom khol hư. Min mưyah Ita nao, mưca Ita pachai Bhô mưrai. 8Tuk Bhô mưrai, mưca Bhô sahadah ka dunya thau ka danuh glaic, ka gruk kahanôt thong ka gruk bican inư. 9Ka danuh glaic, kaywa khol nhu ôh dial Ita; 10ka gruk kahanôt, kaywa Ita nao mưrai tom Amư, bloh khol hư ôh dok ƀôh Ita vơk; 11ka gruk bican inư, kaywa ra pakrang dunya ni krung hu gok bican inư.
12Ita dok ralô kabha piêh đôm thong khol hư, min urak ni khol hư ôh mưda thau nôi. 13Tuk Yang Tantu mưrai, mưca Bhô ba khol hư tamư abih tantu, kaywa Bhô ôh êng drei đôm, min mưca đôm dôm haget drei hu pang, thong pablo ka khol hư dôm haget mưca mưrai. 14Mưca Bhô tahamid Ita, mưca Bhô mưk dôm haget bha di Ita bloh pablo ka khol hư. 15Abih dôm haget Amư hu nạn anưd Ita, nan ka Ita đôm laic mưca Bhô mưk dôm haget bha di Ita bloh pablo ka khol hư.”
Likau drei thong gōk vơk
16“Takik tuk vag tra, mưca khol hư ôh dok ƀôh Ita, thong bloh tha tuk vag hadei, mưca khol hư gilaic ƀôh Ita.” 17Yau nan, hadôm anưk xêh Bhô đôm thong gaup laic: “Gru đôm thong khol drei: ‘Tha tuk vag tra, mưca khol hư ôh dok ƀôh Ita, thong bloh tha tuk vag hadei, mưca khol hư gilaic ƀôh Ita, kaywa Ita mưrai tom Amư.’ Kabha ni hu ar haget?” 18Khol nhu đôm: “‘Tha tuk vag’ hu ar haget? Khol drei ôh thau Bhô ưng đôm haget.” 19Pô Yê-su thau dôm anưk xêh ưng tanhi Bhô nạn ka đôm laic: “Hu njaup khol hư dok tanhi gaup ka kanen đôm: ‘Takik tuk vag tra, mưca khol hư ôh dok ƀôh Ita, thong bloh hadôm tuk vag hadei, mưca khol hư gilaic ƀôh Ita’ hu ar haget njaup halei? 20Biak jơh, Ita đôm thong khol hư, khol hư mưca hia cok, patak parai, dok dunya mưca bui ôn. Khol hư mưca pađik padrôi, min gruk pađik padrôi anưd khol hư mưca gilaic jiơng bui ôn. 21Urang kamei tuk thi mưnưk mưboh yơ pađik pađwa, kaywa krung hu tal tuk drei, min tuk ban xit tabiak di rai yơ muk nan ôh dok kanal tal gruk pađik pađwa tra, bloh bui ôn kaywa tha urang krung bihu mưnưk tabiak dalam dunya. 22Lijang yau nan, urak ni khol hư biak pađik padrôi, min mưca Ita gōk vơk khol hư yơ tian khol hư bui ôn, thong ôh thei hu mưda poh blah pakal bui khol hư. 23Dalam harei nan, mưca khol hư ôh tanhi Ita kabha haget vơk. Biak jơh, Ita đôm thong khol hư, pathar pathar kabha haget khol hư likau kanư Amư yơ mưca Bhô nưmax angan Ita ƀai brei ka khol hư.#16:23 pathar pathar kabha haget... ƀai brei ka khol hư: Dalam tha thanôn blah vak tangin nạn pathar pathar kabha haget khol hư likau kanư Amư, yơ mưca Bhô ƀai brei ka khol hư dalam angan Ita. 24Tal urak ni, khol hư ôh tuk halei nưmax angan Ita likau kanư kabha haget. Xang likau kanư mek, mưca khol hư tôk bihu, piêh pakal bui khol hư bihu tamo tamê.
Jaiyak dunya
25Ita krung hu angui arkatê piêh đôm dôm kabha ni ka khol hư. Min tuk vag tal, Ita ôh dok angui arkatê piêh đôm thong khol hư vơk, min mưca đôm ka Amư thong khol hư tha ganap jalang jalôi. 26Dalam harei nan, mưca khol hư nưmax angan Ita bloh likau kanư. Ita ôh đôm laic, mưca Ita kaywa khol hư bloh likau kanư Amư ô; 27kaywa êng Amư anit ranam khol hư, kaywa khol hư krung hu anit ranam Ita thong dial laic Ita mưng Pô Lingik mưrai. 28Ita krung hu mưng Amư mưrai dunya, thong Ita gilaic niga dunya piêh mưrai tom Amư.”
29Dôm anưk xêh thuuk laic: “Urak ni Gru đôm jalang jalôi, ôh angui arkatê vơk. 30Urak ni khol dahlak thau laic Gru thau abih, ôh hajat xang hu thei tanhi Gru. Ywa nan ka, khol dahlak dial laic Gru mưrai mưng Pô Lingik.” 31Pô Yê-su thuuk: “Urak ni khol hư dial halei? 32Mưni tuk vag tal thong krung hu mưrai pajơ, mưca tuk khol hư calah blah, thei nao jalan thei, klāk Ita vơk tha drei. Min Ita ôh dok tha drei, kaywa Amư dok thong Ita. 33Ita krung hu đôm thong khol hư dôm kabha ni, piêh khol hư hu gruk thug siam dalam Ita. Mưca khol hư hu rijan dalam dunya, min xang kajap hatai, Ita krung hu jaiyak dunya pajơ.”
Actualmente seleccionado:
Yâng 16: CJM2024
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2024 Bible Society Vietnam. All rights reserved.
Yâng 16
16
Dê Pajiông
1“Ita krung hu đôm thong khol hư dôm kabha ni piêh khol hư klah di gok hanek jalơh. 2Mưca khol nhu tiaup khol hư truh di thang nhom; thong mưca tal tuk bloh ra halei pamưtai khol hư gilaic xanưng laic drei krưh dok ragxa Pô Lingik. 3Mưca khol nhu ngak dôm kabha ni kaywa khol nhu ôh thau Amư, lijang ôh thau Ita trah. 4Min Ita krung hu đôm dôm kabha ni ka khol hư piêh tuk tal tuk vag khol nhu, khol hư kanal vơk laic Ita krung hu đôm ka khol hư pajơ.
Gruk hit Pô Nưbi Ginrơh
Ita ôh đôm kabha ni thong khol hư mưng tamưrơp, kaywa Ita krưh dok thong khol hư. 5Min urak ni Ita thi mưrai tom Dê krung hu pachai Ita mưrai, thong ôh thei dalam khol hư tanhi Ita: ‘Gru nao tao?’ 6Min kaywa Ita krung hu đôm dôm kabha ni ka khol hư nạn ka tian khol hư bak rau ri. 7Yau nan min, Ita đôm biak thong khol hư: Ita nao nạn hu hanim ka khol hư. Kaywa mưyah Ita ôh nao, yơ Dê Pajiông mưca ôh mưrai tom khol hư. Min mưyah Ita nao, mưca Ita pachai Bhô mưrai. 8Tuk Bhô mưrai, mưca Bhô sahadah ka dunya thau ka danuh glaic, ka gruk kahanôt thong ka gruk bican inư. 9Ka danuh glaic, kaywa khol nhu ôh dial Ita; 10ka gruk kahanôt, kaywa Ita nao mưrai tom Amư, bloh khol hư ôh dok ƀôh Ita vơk; 11ka gruk bican inư, kaywa ra pakrang dunya ni krung hu gok bican inư.
12Ita dok ralô kabha piêh đôm thong khol hư, min urak ni khol hư ôh mưda thau nôi. 13Tuk Yang Tantu mưrai, mưca Bhô ba khol hư tamư abih tantu, kaywa Bhô ôh êng drei đôm, min mưca đôm dôm haget drei hu pang, thong pablo ka khol hư dôm haget mưca mưrai. 14Mưca Bhô tahamid Ita, mưca Bhô mưk dôm haget bha di Ita bloh pablo ka khol hư. 15Abih dôm haget Amư hu nạn anưd Ita, nan ka Ita đôm laic mưca Bhô mưk dôm haget bha di Ita bloh pablo ka khol hư.”
Likau drei thong gōk vơk
16“Takik tuk vag tra, mưca khol hư ôh dok ƀôh Ita, thong bloh tha tuk vag hadei, mưca khol hư gilaic ƀôh Ita.” 17Yau nan, hadôm anưk xêh Bhô đôm thong gaup laic: “Gru đôm thong khol drei: ‘Tha tuk vag tra, mưca khol hư ôh dok ƀôh Ita, thong bloh tha tuk vag hadei, mưca khol hư gilaic ƀôh Ita, kaywa Ita mưrai tom Amư.’ Kabha ni hu ar haget?” 18Khol nhu đôm: “‘Tha tuk vag’ hu ar haget? Khol drei ôh thau Bhô ưng đôm haget.” 19Pô Yê-su thau dôm anưk xêh ưng tanhi Bhô nạn ka đôm laic: “Hu njaup khol hư dok tanhi gaup ka kanen đôm: ‘Takik tuk vag tra, mưca khol hư ôh dok ƀôh Ita, thong bloh hadôm tuk vag hadei, mưca khol hư gilaic ƀôh Ita’ hu ar haget njaup halei? 20Biak jơh, Ita đôm thong khol hư, khol hư mưca hia cok, patak parai, dok dunya mưca bui ôn. Khol hư mưca pađik padrôi, min gruk pađik padrôi anưd khol hư mưca gilaic jiơng bui ôn. 21Urang kamei tuk thi mưnưk mưboh yơ pađik pađwa, kaywa krung hu tal tuk drei, min tuk ban xit tabiak di rai yơ muk nan ôh dok kanal tal gruk pađik pađwa tra, bloh bui ôn kaywa tha urang krung bihu mưnưk tabiak dalam dunya. 22Lijang yau nan, urak ni khol hư biak pađik padrôi, min mưca Ita gōk vơk khol hư yơ tian khol hư bui ôn, thong ôh thei hu mưda poh blah pakal bui khol hư. 23Dalam harei nan, mưca khol hư ôh tanhi Ita kabha haget vơk. Biak jơh, Ita đôm thong khol hư, pathar pathar kabha haget khol hư likau kanư Amư yơ mưca Bhô nưmax angan Ita ƀai brei ka khol hư.#16:23 pathar pathar kabha haget... ƀai brei ka khol hư: Dalam tha thanôn blah vak tangin nạn pathar pathar kabha haget khol hư likau kanư Amư, yơ mưca Bhô ƀai brei ka khol hư dalam angan Ita. 24Tal urak ni, khol hư ôh tuk halei nưmax angan Ita likau kanư kabha haget. Xang likau kanư mek, mưca khol hư tôk bihu, piêh pakal bui khol hư bihu tamo tamê.
Jaiyak dunya
25Ita krung hu angui arkatê piêh đôm dôm kabha ni ka khol hư. Min tuk vag tal, Ita ôh dok angui arkatê piêh đôm thong khol hư vơk, min mưca đôm ka Amư thong khol hư tha ganap jalang jalôi. 26Dalam harei nan, mưca khol hư nưmax angan Ita bloh likau kanư. Ita ôh đôm laic, mưca Ita kaywa khol hư bloh likau kanư Amư ô; 27kaywa êng Amư anit ranam khol hư, kaywa khol hư krung hu anit ranam Ita thong dial laic Ita mưng Pô Lingik mưrai. 28Ita krung hu mưng Amư mưrai dunya, thong Ita gilaic niga dunya piêh mưrai tom Amư.”
29Dôm anưk xêh thuuk laic: “Urak ni Gru đôm jalang jalôi, ôh angui arkatê vơk. 30Urak ni khol dahlak thau laic Gru thau abih, ôh hajat xang hu thei tanhi Gru. Ywa nan ka, khol dahlak dial laic Gru mưrai mưng Pô Lingik.” 31Pô Yê-su thuuk: “Urak ni khol hư dial halei? 32Mưni tuk vag tal thong krung hu mưrai pajơ, mưca tuk khol hư calah blah, thei nao jalan thei, klāk Ita vơk tha drei. Min Ita ôh dok tha drei, kaywa Amư dok thong Ita. 33Ita krung hu đôm thong khol hư dôm kabha ni, piêh khol hư hu gruk thug siam dalam Ita. Mưca khol hư hu rijan dalam dunya, min xang kajap hatai, Ita krung hu jaiyak dunya pajơ.”
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2024 Bible Society Vietnam. All rights reserved.