Yâng 15
15
Pô Yê-su nạn phun nho biak
1“Ita nạn phun nho biak, Amư Ita nạn mưnuix pala nho. 2Pathar pathar dhān halei dalam Ita ôh athal jiơng yơ Bhô koh, dok dôm dhān halei athal jiơng yơ Pô trêm pamưk piêh bihu ralô boh hơl. 3Khol hư krung bihu haci hacih nhơ di panôic Ita krung hu tathit pato khol hư. 4Xang kưk dok dalam Ita yơ mưca Ita dok dalam khol hư. Yau dhān nho, mưyah ôh dok dalam phun nho yơ êng nhu ôh mưda tabiak boh bihu. Mưyah khol hư ôh kưk dok dalam Ita yơ lijang yau nan. 5Ita nạn phun nho, khol hư nạn dhān. Thei kưk mưdok dalam Ita, thong Ita dalam urang nan yơ hu ralô boh, kaywa mưdok lingiu Ita khol hư ôh ngak bihu haget. 6Mưyah thei ôh kưk mưdok dalam Ita yơ gok parah tabiak lingiu yau dhān nho thong gok bôi, mưnuix urang dôn mưk parah tamư apui yơ nhu khiak. 7Mưyah khol hư kưk dok dalam Ita thong panôic Ita kưk dok dalam khol hư, xang likau kanư pathar pathar kabha haget drei ưng, mưca khol hư tôk bihu kabha nan. 8Kaywa kabha ni Amư Ita bihu tahamid, nan nạn khol hư athal jiơng ralô boh thong gilaic jiơng anưk xêh Ita. 9Yau Amư krung hu anit ranam Ita yau halei, Ita lijang anit ranam khol hư yau nan. Xang kưk dok dalam tiak anit ranam Ita. 10Mưyah khol hư pang khik dôm vahi Ita yơ mưca dok dalam tiak anit ranam Ita, lijang yau Ita krung hu pang khik dôm vahi Amư Ita thong kưk dok dalam tiak anit ranam Bhô. 11Ita đôm thong khol hư dôm kabha ni piêh pakal bui Ita dok dalam khol hư, thong pakal bui khol hư bihu tamo tamê.
12 #
Yâ 13:34; Yâ 15:17; I Yâ 3:23; II Yâ 1:5. Sani nạn vahi Ita: Khol hư xang anit ranam gaup, yau Ita krung hu anit ranam khol hư. 13Ôh hu tiak anit ranam halei prong hơl tiak anit ranam kaywa ayut côi bloh klāk xwan diup drei. 14Mưyah khol hư ngak tui kabha Ita tathit pato yơ khol hư nạn ayut côi Ita. 15Ita ôh dok iêu khol hư nạn halun tra, kaywa halun ôh thau kabha pô ngak. Min Ita iêu khol hư nạn ayut côi, kaywa Ita krung hu sahadah ka khol hư thau dôm haget Ita krung hu hamit mưng Amư Ita. 16Ôh njaup khol hư krung hu rwah Ita, min Ita krung hu pabak rapajan khol hư, piêh khol hư nao, bihu athal jiơng, thong boh khol hư kưk dok hamiêt, piêh pathar pathar kabha haget khol hư nưmax angan Ita likau kanư Amư yơ Bhô ƀai brei ka khol hư. 17Ita tathit pato kabha ni ka khol hư piêh khol hư anit ranam gaup.”
Bruk dunya mưbai limuk
18“Mưyah dunya limuk di khol hư yơ xang thau laic dunya krung hu limuk di Ita dahlau khol hư. 19Mưyah khol hư bha di dunya yơ dunya ghat anit ranam dôm urang bha di drei. Min khol hư ôh bha di dunya, thong Ita krung hu cwah rwah khol hư mưng krưh dunya, nan ka dunya limuk khol hư. 20#Mat 10:24; Lu 6:40; Yâ 13:16.Xang kanal panôic Ita krung hu đôm thong khol hư: ‘Halun ôh hơl di pô.’ Mưyah khol nhu gơk tatơk Ita, khol nhu mưca lijang gơk tatơk khol hư. Mưyah khol nhu pang khik panôic Ita, khol nhu lijang pang khik panôic khol hư. 21Min kaywa angan Ita, mưca khol nhu ngak dôm kabha nan ka khol hư, kaywa khol nhu ôh thau Dê krung hu pachai Ita mưrai. 22Mưyah Ita ôh mưrai thong ôh đôm thong khol nhu yơ khol nhu ôh hu glaic di haget. Min urak ni khol nhu ôh mưda kamlah glaic drei bihu. 23Thei limuk di Ita yơ lijang limuk Amư Ita gêk. 24Mưyah Ita ôh ngak di krưh khol nhu dôm bruk ôh ka hu thei ngak yơ khol nhu ôh hu glaic. Min urak ni khol nhu krung hu ƀôh bloh gilaic limuk di Ita thong Amư Ita. 25Yau nan panôic krung hu vak dalam hakum jakar khol nhu bihu thit bloh: ‘Khol nhu limuk di Ita ôh gađi.’
26Min tuk Dê Pajiông mưrai, nạn Dê bloh mưca Ita mưng Amư pachai mưrai tom khol hư, nạn Yang Libang Tantu tabiak mưng Amư, mưca êng Bhô ngak kaxan ka Ita. 27Khol hư lijang ngak kaxan ka Ita, kaywa khol hư krung hu dok thong Ita mưng tuk phunti.”
Actualmente seleccionado:
Yâng 15: CJM2024
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2024 Bible Society Vietnam. All rights reserved.
Yâng 15
15
Pô Yê-su nạn phun nho biak
1“Ita nạn phun nho biak, Amư Ita nạn mưnuix pala nho. 2Pathar pathar dhān halei dalam Ita ôh athal jiơng yơ Bhô koh, dok dôm dhān halei athal jiơng yơ Pô trêm pamưk piêh bihu ralô boh hơl. 3Khol hư krung bihu haci hacih nhơ di panôic Ita krung hu tathit pato khol hư. 4Xang kưk dok dalam Ita yơ mưca Ita dok dalam khol hư. Yau dhān nho, mưyah ôh dok dalam phun nho yơ êng nhu ôh mưda tabiak boh bihu. Mưyah khol hư ôh kưk dok dalam Ita yơ lijang yau nan. 5Ita nạn phun nho, khol hư nạn dhān. Thei kưk mưdok dalam Ita, thong Ita dalam urang nan yơ hu ralô boh, kaywa mưdok lingiu Ita khol hư ôh ngak bihu haget. 6Mưyah thei ôh kưk mưdok dalam Ita yơ gok parah tabiak lingiu yau dhān nho thong gok bôi, mưnuix urang dôn mưk parah tamư apui yơ nhu khiak. 7Mưyah khol hư kưk dok dalam Ita thong panôic Ita kưk dok dalam khol hư, xang likau kanư pathar pathar kabha haget drei ưng, mưca khol hư tôk bihu kabha nan. 8Kaywa kabha ni Amư Ita bihu tahamid, nan nạn khol hư athal jiơng ralô boh thong gilaic jiơng anưk xêh Ita. 9Yau Amư krung hu anit ranam Ita yau halei, Ita lijang anit ranam khol hư yau nan. Xang kưk dok dalam tiak anit ranam Ita. 10Mưyah khol hư pang khik dôm vahi Ita yơ mưca dok dalam tiak anit ranam Ita, lijang yau Ita krung hu pang khik dôm vahi Amư Ita thong kưk dok dalam tiak anit ranam Bhô. 11Ita đôm thong khol hư dôm kabha ni piêh pakal bui Ita dok dalam khol hư, thong pakal bui khol hư bihu tamo tamê.
12 #
Yâ 13:34; Yâ 15:17; I Yâ 3:23; II Yâ 1:5. Sani nạn vahi Ita: Khol hư xang anit ranam gaup, yau Ita krung hu anit ranam khol hư. 13Ôh hu tiak anit ranam halei prong hơl tiak anit ranam kaywa ayut côi bloh klāk xwan diup drei. 14Mưyah khol hư ngak tui kabha Ita tathit pato yơ khol hư nạn ayut côi Ita. 15Ita ôh dok iêu khol hư nạn halun tra, kaywa halun ôh thau kabha pô ngak. Min Ita iêu khol hư nạn ayut côi, kaywa Ita krung hu sahadah ka khol hư thau dôm haget Ita krung hu hamit mưng Amư Ita. 16Ôh njaup khol hư krung hu rwah Ita, min Ita krung hu pabak rapajan khol hư, piêh khol hư nao, bihu athal jiơng, thong boh khol hư kưk dok hamiêt, piêh pathar pathar kabha haget khol hư nưmax angan Ita likau kanư Amư yơ Bhô ƀai brei ka khol hư. 17Ita tathit pato kabha ni ka khol hư piêh khol hư anit ranam gaup.”
Bruk dunya mưbai limuk
18“Mưyah dunya limuk di khol hư yơ xang thau laic dunya krung hu limuk di Ita dahlau khol hư. 19Mưyah khol hư bha di dunya yơ dunya ghat anit ranam dôm urang bha di drei. Min khol hư ôh bha di dunya, thong Ita krung hu cwah rwah khol hư mưng krưh dunya, nan ka dunya limuk khol hư. 20#Mat 10:24; Lu 6:40; Yâ 13:16.Xang kanal panôic Ita krung hu đôm thong khol hư: ‘Halun ôh hơl di pô.’ Mưyah khol nhu gơk tatơk Ita, khol nhu mưca lijang gơk tatơk khol hư. Mưyah khol nhu pang khik panôic Ita, khol nhu lijang pang khik panôic khol hư. 21Min kaywa angan Ita, mưca khol nhu ngak dôm kabha nan ka khol hư, kaywa khol nhu ôh thau Dê krung hu pachai Ita mưrai. 22Mưyah Ita ôh mưrai thong ôh đôm thong khol nhu yơ khol nhu ôh hu glaic di haget. Min urak ni khol nhu ôh mưda kamlah glaic drei bihu. 23Thei limuk di Ita yơ lijang limuk Amư Ita gêk. 24Mưyah Ita ôh ngak di krưh khol nhu dôm bruk ôh ka hu thei ngak yơ khol nhu ôh hu glaic. Min urak ni khol nhu krung hu ƀôh bloh gilaic limuk di Ita thong Amư Ita. 25Yau nan panôic krung hu vak dalam hakum jakar khol nhu bihu thit bloh: ‘Khol nhu limuk di Ita ôh gađi.’
26Min tuk Dê Pajiông mưrai, nạn Dê bloh mưca Ita mưng Amư pachai mưrai tom khol hư, nạn Yang Libang Tantu tabiak mưng Amư, mưca êng Bhô ngak kaxan ka Ita. 27Khol hư lijang ngak kaxan ka Ita, kaywa khol hư krung hu dok thong Ita mưng tuk phunti.”
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2024 Bible Society Vietnam. All rights reserved.