II Kô-rir-tô 2
2
1Yau nan, dahlak mư irat ôh gilaic vơk ravang piêh ngak ka dei ai pađik padrôi. 2Kaywa mưyah dahlak ngak ka dei ai pađik padrôi, yơ thei nạn mưnuix ngak ka dahlak bui, mưyah ôh njaup nạn dôm mưnuix dahlak krung hu ngak pađik padrôi? 3Dahlak krung hu vak ka dei ai yau nan, piêh tuk mưrai ravang, mưca dahlak ôh pađik padrôi kaywa êng dôm urang dêh ô xang ngak ka dahlak bui. Kaywa dahlak parcaya laic abih dei ai mưk pakal bui dahlak ngak pakal bui dei ai. 4Tuk vak ka dei ai, tian dahlak pađik pađwa, joh drei thong ia mưta jram jrê, ôh njaup laic piêh ngak ka dei ai pađik padrôi, min piêh dei ai thau laic tiak dahlak jom thong dei ai jamji yau halei.
Ampun ka mưnuix xuk xak
5Mưyah urang halei ngak ka pađik padrôi, urang nan ô kan ngak pađik padrôi ka dahlak, bloh dalam tha thia halei nan — ôh tapa panôic ô — krung hu ngak padrôi ka abih dei ai. 6Urang nan krung hu gok ralô dei ai ƀwah tamar yau nan nạn tal pajơ. 7Min urak ni, dei ai xang hajiơng ampun thong pajiông urang nan yơ hơl, piêh urang nan ôh gok daup karam dalam gruk pađik padrôi tapa nưm. 8Yau nan, dahlak neh likau dei ai xang ba tian anit ranam jom thong urang nan. 9Ywa habar dahlak vak ka dei ai, nạn long iơk dei ai hu pang panôic dalam abih bruk lei. 10Min dei ai ampun ka thei yơ dahlak lijang ampun. Dok mưyah dahlak ampun kabha haget yơ lijang kaywa dei ai bloh ampun di anak Dê Krist, 11piêh Sa-tan ôh chat khol drei bihu, kaywa khol drei ôh crih haget dôm anngak nhu.
Harum hangau anưd Dê Krist
12 #
Bruk 20:1. Tuk dahlak mưrai dhan Trô-ac piêh rao lang Khao Siam Dê Krist, kanê Pô krung hu pơh baƀang ka dahlak pak nan, 13min dahlak ôh thug hatai kaywa ôh gōk bihu Tit, urang dei ai dahlak. Yau nan, dahlak krung hu likau drei dôm urang mưdok tak nạn piêh tapa Ma-xê-đô-ni-a.
14Min đwa karun Pô Lingik, nạn Dê bhian ba akok khol dahlak dalam gruk bui ôn jaiyak dalam Dê Krist; thong tapa khol dahlak, Bhô ngak ka harum hangau ka gruk dul thau Pô taƀak hamaic graup libik. 15Kaywa khol dahlak nạn harum hangau anưd Dê Krist limah tagôk ka Pô Lingik, krưh dôm urang bihu dong paklah thong dôm ra gok pao lihik. 16Jom thong dôm urang gok pao lihik, khol dahlak nạn haup gruk mưtai, ba nao tal gruk mưtai; jom thong dôm urang bihu dong paklah, khol dahlak nạn haup gruk diup, ba tal gruk diup. Thei nạn urang hu tal xagta ngak dôm bruk ni? 17Kaywa, khol dahlak ôh pablei talei Panôic Pô Lingik yau ralô urang pakan. Min nạn mưnuix bihu Pô Lingik pachai pabrei, khol dahlak rao lang tha ganap tapi tapak dalam Dê Krist, di anak Pô Lingik.
Actualmente seleccionado:
II Kô-rir-tô 2: CJM2024
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2024 Bible Society Vietnam. All rights reserved.