انجیلِ مَتی 17
17
عِوَض بی‌یِه‌نِ نِما ری عیسی
1دِما شَش رو، عیسی، پطرس وَ یعقوب وَ یوحنا نِه کِه بِرارِ یعقوب بی، وا خُوش وِرداشت وَ وِنُو نِه بُرد وِ بالا كُوء بُلِنی. 2دِ اوچِه، دِ بِرُووَرِ وِنُو، نِما ری عیسی عِوَض بی: ریش چی اَفتُو بِریقَه مِی‌زَه وَ جُومَه‌ش چی نیر، اِسبی بیئی. 3دِ ایی موقَع، موسی نبی وَ ایلیا نبی دِ بِرُووَرِ چَش‌یا وِنُو ظاهر بییِن کِه وا عیسی قِصَه می‌کِردِن. 4پطرس وِ عیسی گُت: «اِ آقا، چَنی خوئَه اِیما هایم ایچِه، اَر باحای، سه تا کولا می‌سازیم: یَكی سی تو، یَكی سی موسی وَ یَکی هَم سی ایلیا.» 5هَنی ایی قِصَه ری زِوُونِ پطرس بی كِه یِگِلی یِه اُورِ بِرچَه‌داری سا وَن ریشُو وَ دَنگی دِ اُور رَسِس وِ گوش: «کِه یِنَه‌آ کُرِ عزیزِمِ كِه دِ او خیلی راضی‌اِم؛ وِ او گوش بِئیت!» 6وا اِشنَفتِه‌نِ ایی دَنگ، شاگردیا زَرتِلاق بییِن وَ وا ری، اُفتان وِ زِمی. 7اما عیسی اُوما وِ نِزیک وَ دَس نِئا ریشُو وَ گُت: «وِریسیت وَ زَلَه‌تُو نَرُوئَه!» 8وِنُو چَش‌یا خُوشُو نِه واز کِردِن وَ غیرِ عیسی کَسی نِه نِئییِن.
9هِه کِه دِ كُوء می‌اُومان وِ هار، عیسی وِشُو هُد کِرد: «او چیئی کِه دیئیت سی کَس نُوئیت، تا زِمُونی کِه کُرِ انسان دِ مُردَه‌یا زِنَه با.» 10شاگردیا دِ عیسی پُرسیئِن: «سی چی معلم‌یا تورات مُوئَن کِه بایِس اول ایلیا نبی بیایَه؟» 11عیسی وِشُو جُئُو دَه: «دُرِس اَ، اول ایلیا می‌آیَه وَ همَه چی نِه دُرِس می‌کَه. 12اما وِ شِما مُوئِم كِه ایلیا اُوما، اما وَه نِه نَشناختِن وَ هَر چی کِه حاسِن وا وَه کِردِن. وَ هِه وِ ایی صورت کُرِ انسان هَم وِ دَسِ وِنُو آزار مِئی‌نَه.» 13اوسِه شاگردیا فَمِسِن كِه دِبارَه یحیی تعمیددهندَه واشُو قِصَه می‌کَه.
شفا کُرِ دیوزِئَه
14هِه کِه وِرگَشتِن وِ تِه جماعت، پیائی وِ عیسی نِزیک بی وَ دِ بِرُووَرِ او زُونی زَه وُ گُت: 15«اِ آقا، وِ کُرِ مِه رَحم کُو. او صَرع دارَه وَ سخت عَذُو می‌کَشَه. بیشتِر وَخت‌یا مِی‌فتَه دِ مینِ تَش وَ اُو. 16او نِه اُوِردِم وِ تِه شاگردیات، اما نَتُونِسِن شفاش بِئَن.» 17عیسی دِ جُئُوش گُت: «اِ نسلِ بی‌ایمُو وَ منحرف، تا وِ كِی وا شِما بوئِم وَ تحملتُو بَکِم؟ وَه نِه بیاریت وِ تِه مِه.» 18پس عیسی توپِس وِ دیو، وَ دیو دِ کُر اُوما وِ دَر، وَ او کُر هِه دِ او موقَع شفا گِرِت. 19اوسِه شاگردیا اُومان وِ تِه عیسی وَ دِ غَلوَت دِش پُرسیئِن: «سی چی اِیما نَتُونِسیم او دیوِ نِه وِ دَر بَکیم؟» 20عیسی وِشُو جُئُو دَه «سی یَکه ایمُونِتُو كَم اَ. وِ راسی وِ شِما مُوئِم، اَر ایمُونی وِ کُچِکی یِه دُونَه خَردَل داشتوئیت، تُونیت وِ ایی كُوء بُوئیت”دِ ایچِه جُوواز با وِ اوچِه“ وَ جُوواز موئَه، وَ هیچ کاری سی شِما مُحال نی. 21[اما ایی جنس، غیرِ روزَه وَ دعا نِمِی‌رَه وِ دَر.]»
عیسی دِبارَه مرگ وَ زِنَه‌بی‌یِه‌نِ خُوش هَنی پیشگوئی می‌کَه
22هِه کِه دِ جلیل دُورِ یَک بییِن، عیسی وِ وِنُو گُت: «کُرِ انسان وِ دَسِ مردِم تسلیم موئَه. 23وِنُو او نِه مِی‌کُشَن وَ او دِ روزِ سِئِم زِنَه موئَه.» شاگردیا خیلی غُصَه حَردِن.
مالیاتِ معبدِ خدا
24دِما وَه کِه عیسی وَ شاگردیا رَسِسِن وِ شهرِ كَفَرناحوم، مأموریا کِه مالیاتِ معبدِ خدا نِه کِه دو دِرهَم بی، جمع می‌کِردِن، اُومان وِ تِه پطرس وَ گُتِن: «یعنی استادِ شِما مالیاتِ نِمِی‌ئَه؟» 25پطرس جُئُو دَه: «اَلوَت کِه مِی‌ئَه!» هِه کِه پطرس اُوما وِ مینِ حُونَه، وِرَز یَکِه چیئی بُوئَه، عیسی وِش گُت: «اِ شَمعون، وِ نظرِ تو پاتشایا دنیا دِ چِه کَسُونی باج وَ خراج می‌سُونَن؟ دِ بَچُونِ خُوشُو یا دِ بی‌گُنَه‌یا؟ چی مُوئی؟» 26پطرس جُئُو دَه:«دِ بی‌گُنَه‌یا.» عیسی وِش گُـت: «پس بَچُو مُعاف‌اَن! 27اما سی یَکِه وِنُو نِه نَرَنجُونیم، رُو وِ لُوء دریا وَ قُلُوئی بُون. اولین ماهی نِه کِه گِرِتی، دَمِشِه واز کُو. یِه سِکَه چهار دِرهَمی پیا می‌کی. وا وَه بَرِ مِه وَ خُوتِه وِ وِنُو بِه.»
Actualmente seleccionado:
انجیلِ مَتی 17: NLB
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
@ 2024 Korpu Company
انجیلِ مَتی 17
17
عِوَض بی‌یِه‌نِ نِما ری عیسی
1دِما شَش رو، عیسی، پطرس وَ یعقوب وَ یوحنا نِه کِه بِرارِ یعقوب بی، وا خُوش وِرداشت وَ وِنُو نِه بُرد وِ بالا كُوء بُلِنی. 2دِ اوچِه، دِ بِرُووَرِ وِنُو، نِما ری عیسی عِوَض بی: ریش چی اَفتُو بِریقَه مِی‌زَه وَ جُومَه‌ش چی نیر، اِسبی بیئی. 3دِ ایی موقَع، موسی نبی وَ ایلیا نبی دِ بِرُووَرِ چَش‌یا وِنُو ظاهر بییِن کِه وا عیسی قِصَه می‌کِردِن. 4پطرس وِ عیسی گُت: «اِ آقا، چَنی خوئَه اِیما هایم ایچِه، اَر باحای، سه تا کولا می‌سازیم: یَكی سی تو، یَكی سی موسی وَ یَکی هَم سی ایلیا.» 5هَنی ایی قِصَه ری زِوُونِ پطرس بی كِه یِگِلی یِه اُورِ بِرچَه‌داری سا وَن ریشُو وَ دَنگی دِ اُور رَسِس وِ گوش: «کِه یِنَه‌آ کُرِ عزیزِمِ كِه دِ او خیلی راضی‌اِم؛ وِ او گوش بِئیت!» 6وا اِشنَفتِه‌نِ ایی دَنگ، شاگردیا زَرتِلاق بییِن وَ وا ری، اُفتان وِ زِمی. 7اما عیسی اُوما وِ نِزیک وَ دَس نِئا ریشُو وَ گُت: «وِریسیت وَ زَلَه‌تُو نَرُوئَه!» 8وِنُو چَش‌یا خُوشُو نِه واز کِردِن وَ غیرِ عیسی کَسی نِه نِئییِن.
9هِه کِه دِ كُوء می‌اُومان وِ هار، عیسی وِشُو هُد کِرد: «او چیئی کِه دیئیت سی کَس نُوئیت، تا زِمُونی کِه کُرِ انسان دِ مُردَه‌یا زِنَه با.» 10شاگردیا دِ عیسی پُرسیئِن: «سی چی معلم‌یا تورات مُوئَن کِه بایِس اول ایلیا نبی بیایَه؟» 11عیسی وِشُو جُئُو دَه: «دُرِس اَ، اول ایلیا می‌آیَه وَ همَه چی نِه دُرِس می‌کَه. 12اما وِ شِما مُوئِم كِه ایلیا اُوما، اما وَه نِه نَشناختِن وَ هَر چی کِه حاسِن وا وَه کِردِن. وَ هِه وِ ایی صورت کُرِ انسان هَم وِ دَسِ وِنُو آزار مِئی‌نَه.» 13اوسِه شاگردیا فَمِسِن كِه دِبارَه یحیی تعمیددهندَه واشُو قِصَه می‌کَه.
شفا کُرِ دیوزِئَه
14هِه کِه وِرگَشتِن وِ تِه جماعت، پیائی وِ عیسی نِزیک بی وَ دِ بِرُووَرِ او زُونی زَه وُ گُت: 15«اِ آقا، وِ کُرِ مِه رَحم کُو. او صَرع دارَه وَ سخت عَذُو می‌کَشَه. بیشتِر وَخت‌یا مِی‌فتَه دِ مینِ تَش وَ اُو. 16او نِه اُوِردِم وِ تِه شاگردیات، اما نَتُونِسِن شفاش بِئَن.» 17عیسی دِ جُئُوش گُت: «اِ نسلِ بی‌ایمُو وَ منحرف، تا وِ كِی وا شِما بوئِم وَ تحملتُو بَکِم؟ وَه نِه بیاریت وِ تِه مِه.» 18پس عیسی توپِس وِ دیو، وَ دیو دِ کُر اُوما وِ دَر، وَ او کُر هِه دِ او موقَع شفا گِرِت. 19اوسِه شاگردیا اُومان وِ تِه عیسی وَ دِ غَلوَت دِش پُرسیئِن: «سی چی اِیما نَتُونِسیم او دیوِ نِه وِ دَر بَکیم؟» 20عیسی وِشُو جُئُو دَه «سی یَکه ایمُونِتُو كَم اَ. وِ راسی وِ شِما مُوئِم، اَر ایمُونی وِ کُچِکی یِه دُونَه خَردَل داشتوئیت، تُونیت وِ ایی كُوء بُوئیت”دِ ایچِه جُوواز با وِ اوچِه“ وَ جُوواز موئَه، وَ هیچ کاری سی شِما مُحال نی. 21[اما ایی جنس، غیرِ روزَه وَ دعا نِمِی‌رَه وِ دَر.]»
عیسی دِبارَه مرگ وَ زِنَه‌بی‌یِه‌نِ خُوش هَنی پیشگوئی می‌کَه
22هِه کِه دِ جلیل دُورِ یَک بییِن، عیسی وِ وِنُو گُت: «کُرِ انسان وِ دَسِ مردِم تسلیم موئَه. 23وِنُو او نِه مِی‌کُشَن وَ او دِ روزِ سِئِم زِنَه موئَه.» شاگردیا خیلی غُصَه حَردِن.
مالیاتِ معبدِ خدا
24دِما وَه کِه عیسی وَ شاگردیا رَسِسِن وِ شهرِ كَفَرناحوم، مأموریا کِه مالیاتِ معبدِ خدا نِه کِه دو دِرهَم بی، جمع می‌کِردِن، اُومان وِ تِه پطرس وَ گُتِن: «یعنی استادِ شِما مالیاتِ نِمِی‌ئَه؟» 25پطرس جُئُو دَه: «اَلوَت کِه مِی‌ئَه!» هِه کِه پطرس اُوما وِ مینِ حُونَه، وِرَز یَکِه چیئی بُوئَه، عیسی وِش گُت: «اِ شَمعون، وِ نظرِ تو پاتشایا دنیا دِ چِه کَسُونی باج وَ خراج می‌سُونَن؟ دِ بَچُونِ خُوشُو یا دِ بی‌گُنَه‌یا؟ چی مُوئی؟» 26پطرس جُئُو دَه:«دِ بی‌گُنَه‌یا.» عیسی وِش گُـت: «پس بَچُو مُعاف‌اَن! 27اما سی یَکِه وِنُو نِه نَرَنجُونیم، رُو وِ لُوء دریا وَ قُلُوئی بُون. اولین ماهی نِه کِه گِرِتی، دَمِشِه واز کُو. یِه سِکَه چهار دِرهَمی پیا می‌کی. وا وَه بَرِ مِه وَ خُوتِه وِ وِنُو بِه.»
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
@ 2024 Korpu Company