Psalms 39
39
1"အကျွန်ုပ်သည် နှုတ်ဖြင့်မပြစ်မှားမိစေရန် အကျွန်ုပ်၏ အပြုအမူအကျင့်အကြံတို့ကို စောင့်ထိန်းမည်။ အကျွန်ု၏ရှေ့၌ ယုတ်မာကောက်ကျစ်သူတို့ရှိနေစဉ် အကျွန်ုပ်သည် မည်သည့်စကားကိုမျှ မပြောဘဲနေမည်" ဟု အကျွန်ုပ်ဆိုခဲ့၏။ 2အကျွန်ုပ်သည် ကောင်းသောအရာကိုပင်မပြောဘဲ တိတ်ဆိတ်ငြိမ်သက်စွာနေ၏။ ထိုအခါ အကျွန်ုပ်၏ဝေဒနာသည် ပိုမိုပြင်းထန်လာ၏။ 3အကျွန်ုပ်၏စိတ်နှလုံးသည် အကျွန်ုပ်ထဲ၌ ပူလောင်လာ၏။ အကျွန်ုပ် ညည်းညူမြည်တမ်းသောအခါ မီးတောက်လောင်၏။ ထိုအခါ အကျွန်ုပ်၏နှုတ်ဖြင့် အကျွန်ုပ်ပြောဆိုသည်မှာ 4"အို ဘုရားရှင်၊ အကျွန်ုပ်၏ ဘဝနိဂုံးကိုလည်းကောင်း၊ အကျွန်ုပ်အသက်တာ၏ နေ့ရက်ပမာဏ မည်မျှရှိသည်ကိုလည်းကောင်း အကျွန်ုပ်အား သိစေတော်မူပါ။ အကျွန်သည် အခိုက်အတန့်မျှသာ တည်ကြောင်းကိုလည်း သိစေတော်မူပါ။ 5ကိုယ်တော်သည် အကျွန်ုပ်အသက်တာ၏ နေ့ရက်များကို လက်တစ်ဝါးမျှသာ ရှည်စေတော်မူ၏။ အကျွန်ုပ်၏အသက်တာသည်လည်း ကိုယ်တော်၏ရှေ့တွင် ဘာမျှမဟုတ်သကဲ့သို့ ဖြစ်ရပါ၏။ အမှန်စင်စစ် လူတိုင်းသည် မြဲမြံစွာရပ်တည်လျက်နေစဉ်မှာပင် ဝင်သက်ထွက်သက်မျှပင် ဖြစ်ကြပါ၏။ 6အမှန်စင်စစ် လူသည်အရိပ်ကဲ့သို့ သွားလာပါ၏။ သူတို့သည် အချည်းနှီးသောအရာကြောင့်သာ မငြိမ်မသက်ဖြစ်တတ်ကြပါ၏။ လူသည် ပစ္စည်းဥစ္စာများကို စုဆောင်းသော်လည်း ထိုအရာတို့အား မည်သူရမည်ကို မသိပါ။ 7သို့ဖြစ်၍ အို ဘုရားရှင်၊ ယခု အကျွန်ုပ်သည် မည်သည့်အရာကို စောင့်မျှော်ရပါမည်နည်း။ အကျွန်ုပ်မျှော်လင့်သောအရာသည် ကိုယ်တော်ထံ၌သာရှိပါ၏။ 8အကျွန်ုပ်ကျူးလွန်သော အပြစ်အားလုံးတို့မှ အကျွန်ုပ်အား ကယ်တင်တော်မူပါ။ အကျွန်ုပ်အား မိုက်မဲသောသူ၏ ကဲ့ရဲ့ပြစ်တင်စရာ ဖြစ်စေတော်မူပါနှင့်။ 9ကိုယ်တော်သည် ဤသို့ပြုတော်မူသောကြောင့် အကျွန်ုပ်သည် တိတ်ဆိတ်စွာနေလျက် အကျွန်ုပ်၏နှုတ်ကို မဖွင့်ဘဲနေပါ၏။ 10ကိုယ်တော်၏ဒဏ်ခတ်ခြင်းကို အကျွန်ုပ်ထံမှ ဖယ်ရှားတော်မူပါ။ လက်တော်၏ရိုက်ခတ်မှုကြောင့် အကျွန်ုပ်သည် အားအင်ကုန်ခန်းပါပြီ။ 11ကိုယ်တော်သည် အပြစ်ဒုစရိုက်အတွက် လူကိုဆုံးမပဲ့ပြင်တော်မူ၍ လူတပ်မက်သောအရာတို့အား ပိုးဖလံကဲ့သို့ ဖျက်ဆီးတော်မူ၏။ လူတိုင်းသည် ဝင်သက်ထွက်သက်မျှသာဖြစ်ကြပါ၏။ 12အို ဘုရားရှင်၊ အကျွန်ုပ်၏ဆုတောင်းချက်ကို နားထောင်တော်မူပါ။ အကျွန်ုပ်အား ကူညီမစရန် အော်ဟစ်တောင်းလျှောက်သည့်အသံကို စူးစိုက်၍နားထောင်တော်မူပါ။ အကျွန်ုပ်၏မျက်ရည်ကိုကြည့်၍ တိတ်ဆိတ်စွာနေတော်မမူပါနှင့်။ အကြောင်းမူကား ကိုယ်တော့်ထံ၌ရှိသော တိုင်းတစ်ပါးသားဖြစ်၍ အကျွန်ုပ်၏ ဘိုးဘေးအပေါင်းတို့နည်းတူ ဧည့်သည်မျှသာဖြစ်ပါ၏။ 13အကျွန်ုပ်ထွက်ခွာသွား၍ ပျောက်ကွယ်မသွားမီ အကျွန်ုပ်ရွှင်လန်းခြင်းရှိစေရန် အကျွန်ုပ်ထံမှ အကြည့်လွှဲတော်မူပါ။
Actualmente seleccionado:
Psalms 39: TPV-RV
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.