Psalms 27
27
1ဘုရားရှင်သည် အကျွန်ုပ်၏အလင်း၊ အကျွန်ုပ်အား ကယ်တင်တော်မူသောအရှင်ဖြစ်ပါ၏။ အကျွန်ုပ်သည် မည်သူ့ကိုကြောက်ရွံ့ရမည်နည်း။ ဘုရားရှင်သည် အကျွန်ုပ်အား ဘေးအန္တရာယ်အပေါင်းမှ ကာကွယ်စောင့်ရှောက်တော်မူသည့်အတွက် အကျွန်ုသည် မည်သူ့ကိုမျှ ကြောက်ရွံ့လိမ့်မည်မဟုတ်။ 2အကျွန်ုပ်အား ရန်ဖက်ပြုကြသောသူများနှင့် အကျွန်ုပ်၏ရန်သူများဖြစ်ကြသည့် ယုတ်မာကောက်ကျစ်သောအမှုကို ပြုကြသူတို့သည် အကျွန်ုပ်၏အသားကို ကိုက်စားရန် အကျွန်ုပ်ထံသို့ ချဉ်းကပ်လာကြသောအခါ ခလုတ်တိုက်၍ လဲကျကြလိမ့်မည်။ 3စစ်တပ်တစ်တပ်သည် အကျွန်ုပ်၏တစ်ဖက်၌ စခန်းချထားလျှင်လည်း အကျွန်ုပ်၏စိတ်နှလုံးသည် ကြောက်ရွံ့လိမ့်မည်မဟုတ်။ အကျွန်ုပ်အားတိုက်ခိုက်သည့် စစ်ပွဲဖြစ်ပွားလျှင်လည်း အကျွန်ုပ်သည် ယုံကြည်မှုအပြည့်ဖြစ် ရဲရင့်နေမည်ဖြစ်၏။ 4ဘုရှင်အား အကျွန်ုပ်တောင်းလျှောက်လိုသောဆု၊ အကျွန်ုပ်လိုချင်တောင့်တသောဆု တစ်ခုတည်းရှိ၏။ ထိုဆုသည်ကား ဘုရားရှင်၏အိမ်တော်တွင် အကျွန်ုပ်၏ ဘဝတစ်သက်သာလုံးနေထိုင်ရ၍ ကျေးဇူးတော်ကိုချီးမွမ်းကာ ကိုယ်တော်၏လမ်းပြမှုကို တောင်းခံနိုင်သော အခွင့်ပင်ဖြစ်၏။ 5အကြောင်းမူကား အကျွန်ုပ်ဒုက္ခရောက်သောနေ့၌ ကိုယ်တော်သည် မိမိကိန်းဝပ်ရာအရပ်၌ အကျွန်ုပ်အား ဝှက်ထားတော်မူလိမ့်မည်။ ကိုယ်တော်၏ တဲတော်ရှိသည့် ကွယ်ကာရာအရပ်၌ အကျွန်ုပ်ကို ဖုံးကွယ်ထား၍ ကျောက်ဆောင်ပေါ်သို့ အကျွန်ုပ်အား ဆွဲတင်တော်မူလိမ့်မည်။ 6ထို့နောက် အကျွန်ုပ်၏ဦးခေါင်းသည် အကျွန်ုပ်ပတ်လည်တွင်ရှိသော အကျွန်ုပ်၏ရန်သူတို့အထက်၌ ချီးမြှောက်ခြင်းခံရလိမ့်မည်။ ထို့ကြောင့် အကျွန်ုပ်သည် ကိုယ်တော်၏တဲတော်၌ ဝမ်းမြောက်စွာကြွေးကြော်သောအသံများအား ပူဇော်သက္ကာများအဖြစ် ပူဇော်ပါမည်။ အကျွန်ုပ်သည် ဘုရားရှင်အား ချီးမွမ်းသီဆိုပါ၏။ 7အို ဘုရားရှင်၊ အကျွန်ုပ်ခေါ်သောအသံကို နားထောင်တော်မူပါ။ အကျွန်ုပ်အား သနားကရုဏာထား၍ ထူးတော်မူပါ။ 8"ငါ့ထံသို့ချဉ်းကပ်၍ ကိုးကွယ်ဝတ်ပြုလော့" ဟု ကိုယ်တော်မိန့်တော်မူသည့်အတိုင်း အို ဘုရားရှင်၊ အကျွန်ုပ်သည် ကိုယ်တော်ထံသို့ ချဉ်းကပ်ပါမည်။ 9အကျွန်ုပ်အား မျက်နှာလွှဲတော်မမူပါနှင့်။ အမျက်ထွက်တော်မူပါနှင့်။ ကိုယ်တော်သည် အစေခံဖြစ်သူ အကျွန်ုပ်အား ကူညီမစတော်မသော အရှင်ဖြစ်တော်မူပါ၏။ အကျွန်ုပ်၏ ကယ်တင်ရှင်ဖြစ်တော်မူသော အို ဘုရားရှင်၊ အကျွန်ုပ်အား ပစ်ပယ်တော်မမူပါနှင့်။ အကျွန်ုပ်အား စွန့်ပစ်တော်မမူပါနှင့်။ 10အကျွန်ုပ်၏မိဘတို့သည် အကျွန်ုပ်အား စွန့်ပစ်ကြလျှင်လည်း ဘုရာရှင်သည် အကျွန်ုပ်ကို ခေါ်ထားတော်မူလိမ့်မည်။ 11အို ဘုရားရှင်၊ ကိုယ်တော်၏လမ်းကို အကျွန်ုပ်အား သွန်သင်ပြသတော်မူပါ။ အကျွန်ုပ်၏ရန်သူတို့ကြောင့် အကျွန်ုပ်ကို ညီညာသောလမ်းသို့ ပို့ဆောင်တော်မူပါ 12အကျွန်ုပ်၏ရန်သူတို့ အလိုရှိသည့်အတိုင်း ပြုကြစေရန် သူတို့လက်သို့ အကျွန်ုပ်ကို အပ်တော်မမူပါနှင့်။ အကြောင်းမူကား သူတို့သည် မမှန်ကန်သော လိမ်လည်စွပ်စွဲချက်များဖြင့် အကျွန်ုပ်အား စွပ်စွဲကြပြီး ရက်စက်ကြမ်းကြုတ်သော စကားတို့ကိုလည်း တရစပ်ပြောဆိုကြပါ၏။ 13အမှန်စင်စစ် အသက်ရှင်သောသူတို့၏တိုင်းပြည်၌ ဘုရားရှင်၏ကောင်းမြတ်ခြင်းကို တွေ့မြင်ရမည်ဟု အကျွန်ုပ်ယုံကြည်စိတ်ချပါ၏။ 14ဘုရားရှင်အား စောင့်မျှော်လော့။ ခွန်အားယူ၍ သင်၏စိတ်နှလုံးကို ရဲရင့်စေလော့။ ဘုရားရှင်အား စောင့်မျှော်လော့။
Actualmente seleccionado:
Psalms 27: TPV-RV
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.