John 20
20
1ရစ်သတ္တပတ်ရဲ့ ပထမဆုံးနေ့ဖြစ်ဝို နန်းနွေနေ့မိုးလန်းစောစောမှာ မာဂဒလဗြို့သူမာရိဟ မှော်နေသေးဝိုခီမှာ သန်းခလိုင်ဂူဝို ရော့လာရာ ကလော့တုံးကီးဝို ဂူဝဟနေ ဖယ်ရှားထားပီးဖြစ်နေဇာဝို ဗြင်ရလေရယ်။ 2အဲမျိုးနဘဲ့ သူမဟ ရှိမုန်ပေတရုန ကိုယ်တော်ယေရှုရှစ်ခင်တော်မူဝို ခြားဗြိတော်ဒွေဆီဝို ပလေးသွားပီး 'ကိုယ်တော့်ဝို သန်းခလိုင်းဂူဟနေ သူ့နို့ယူဆော်သွားပီး ဟယ်နေရာမှာ ထားရယ်ဆိုဇာဝို သိရ'ဆိုပီး ပြောလေရယ်။ 3အဲခါမှာ ပေတရုန ခြားဗြိတော်ဟ သန်းခလိုင်းဂူဝို လိုက်သွားဂေ့လေရယ်။ 4သူ့နို့နှေ့ယော့လုံး တူတူပလေးသွားဂေ့ဘေမဲ့ ခြားဗြိတော်ဒွေဟ ပေတရုထက် ဗြန်ဗြန်ပလေးပီး သန်းခလိုင်းဆီဝို ရင်ဦးဆုံးရော့နေဂေ့လေရယ်။ 5အဲနော့ သူ့နို့ဟ ငုံ့ကေ့လိုက်ဝိုခီမှာ ပိပိုင်းစဒွေဝိုဘဲ့ ဗြင်ရလေရယ်။ အယ်ဘေမဲ့ ထဲဝို ဝမ်သေးဘဲနနေလေရယ်။ 6အဲမိုခီမှာ နော့မှရော့လာဝို ရှိမုန်ပေတရုလဲ ရော့လာရိတွက် သန်းခလိုင်းဂူထဲ တည့်တည့်မတ်မတ် ဝမ်ရားပီး ပိထည်ဒွေရှေ့နေဇာဝိုရော 7ကိုယ်တော်ယေရှုရဲ့ ဦးခေါတော်ဝို ပတ်ဆဲရားဝို ပုဝါဟ ပိထည်ဒွေနတူတူရှေ့နေဘဲန ခြားတနေရာမှာ သက်သက်လိရားဇာဝို ဗြင်ရလေရယ်။ 8သန်းခလိုင်းတော်ဝို ရော့နေဝို ခြားဗြိတော်ဒွေဟလဲ ဝမ်ဂေ့ရိတွက် ဗြင်ခါမှာ ယုံဂေ့လေရယ်။ 9သူ့နို့ဟ ကျမ်းစာမှာပါဝို ကိုယ်တော်ဟ သေရာဟနေပလန်ရှင်လာမယ်ဆိုဝို ကျမ်းချက်ဝို နားမလည်ဂေ့သေးရ။ 10အဲနော့ ဗြိတော်ဒွေဟ သူ့နို့နေထိုင်ရာနေရာသီးသီးဝို ပလန်သွားဂေ့လေရယ်။ 11အယ်ဘေမဲ့ မာရိဟ သန်းခလိုင်းဂူရဲ့ ပလန်ဖက်မှာ ရပ်ပီး ငိုနေလေရယ်။ သူမဟ အဲမိုမျိုးငိုကြွေးပီး သန်းခလိုင်းဂူတွမ်းဝို ငုံ့ကေ့လေရာ 12ကိုယ်တော်ရဲ့လောတော်လှဲလျောရာနေရာမှာ ဖြူရော်ဝတ်ဒွေဝတ်ဝါးဝို နတ်မန်းနှေ့ပါးဝို တွီ့လေရယ်။ ပါးဟ ကိုယ်တော်ရဲ့ခေါရင်းမှာထိုင်နေပီး ပါးဟ ကိုယ်တော်ရဲ့ခေရင်းမှာ ထိုင်နေဇာဝိုတွီ့လေရယ်။ 13အဲမိုနတ်ဒေဝါနှေ့ပါးဟ သူမဝို 'သင်မျိုးမီး၊ သင်ဟ ဟဲရာဂျော့ ငိုနေနူး'ဆိုပီး မေးခါမှာ သူမဟ 'ကျော်မျိုးမရဲ့အရှင်ဝို သူ့နို့ယူသွားဂေ့ပီး ဟယ်နေရာမှာ သွားထားရယ်ဆိုဇာဝို ကျော်မျိုးမသိရ။' ဆိုပီး ဖြေလေရယ်။ 14သူမဟ အဲမိုမျိုးပြောပီး နော့ဝိုလှည့်ကေ့လိုက်ခီမှာ ကိုယ်တော်ယေရှုရပ်ပီး နေနေဇာဝို တွီ့ဘေမဲ့ ကိုယ်တော်ယေရှုမှန်းသူသိရ။ 15ကိုယ်တော်ယေရှုဟ 'သင်မျိုးမီး၊ သင်ဟ ဟဲရာဂျော့ ငိုနေနူး၊ သင်ဟ ဟယ်သူဝို လိုက်ရှာနေနူး'ဆိုပီး မေးတော်မူလေရယ်။ မာရိဟ ကိုယ်တော်ဝို ဥယျာဥ်မှူး ထံပီး 'ဆရာ၊ သင်ဟ ကိုယ်တော့်ဝို ယူသွားရယ်ဆိုဝါ သူ့ဝို ဟယ်နေရာမှာထားရယ်ဆိုဇာဝို ကျမဝို ပြောပြပါ။ ကျမ ကိုယ်တော်ဝို ဝွီးဝိုရွှေ့သွားပါမယ်"ဆိုပီး ပြောလေရယ်။ 16ကိုယ်တော်ယေရှုဟ သူမဝို 'မာရိ' ဆိုပီး ခေါ်တော်မူခါမှာ မာရိဟ လှည့်ပီး ကိုယ်တော်ဝို ဟေဗြဲဘာသာဂါးန 'ရဗ္ဗနိ' ဆိုပီး ထူးလေရယ်။ ( 'ရဗ္ဗနိ'ဟ ဆရာ ဆိုပီး ဓိပ္ပါယ်ရရယ်) 17ကိုယ်တော်ယေရှုဟလဲ 'ငါဟ ဖခမည်းတော်ဆီဝို သွားရသေးဘဲရိတွက် ငါ့ဝိုထိနဦး။ အယ်ဘေမဲ့ ငါ့ရဲ့ဗြိတော်ဒွေဆီ သွားပီး 'ငါဟ နန်းနို့ဘုရားရှင်ဖြစ်ဝို ငါ့ရဲ့ ခမည်းတော်ဆီဝို မကြာခံတက်ဟော့မယ်ဖြစ်ရယ်။ အရှင်ဟ ငါ့ဘုရားရှင်ဖြစ်မျိုး နန်းနို့ရဲ့ဘုရားရှင်လဲဖြစ်ရယ်။' ဆိုဇာဝို သွားပြောပြလော့' ဆိုပီး မိတော်မူလေရယ်။ 18မာဂဒလဗြို့သူမာရိဟ ဗြိတော်ဒွေဆီသွားပီး 'ငါဟ အရှင့်ဝို ဗြင်တွီ့ခဲ့ရရယ်' ဆိုပီး ပြောပီး သူ့ဝို ကိုယ်တော်မိဆိုရစ်ဇာဒွေဝို ပြောပြလေရယ်။ 19ရစ်သတ္တပတ်ရဲ့ ပထမဆုံးနေ့ဖြစ်ဝို အဲမိုနေ့ညစ်နေမှာဘဲ့ ကိုယ်တော်ရဲ့ဗြိတော်ဒွေဟ အီတအီမှာ တူတူရှေ့နေဂေ့လေရယ်။ သူ့နို့ဟ ဂျူးလူမျိုးကြီးကဲဒွေဝို ကြော့ရိတွက် အီခေါ့ပေါ့ဒွေဝို သော့ခတ်ရားလေရယ်။ ကိုယ်တော်ယေရှုကြွလာတော်မူပီး သူ့နို့လယ်မှာရပ်ပီး 'နန်းနို့မှာငြီးချမ်းခြင်း ရှေ့ပါစေ' ဆိုပီး မိတော်မူလေရယ်။ 20အဲမိုမျိုးမိတော်မူပီးနော့ ကိုယ်တော်ဟ သူ့ရဲ့လက်တော်န နံဘေးတော်ဒွေဝို သူ့နို့တိုပြတော်မူရယ်။ ဗြိတော်ဒွေဟလဲ ကိုယ်တော်ဝိုဗြင်ဂေ့ရရိတွက် ဝမ်းသာဂေ့လေရယ်။ 21ထပ်ပီး ကိုယ်တော်ဟ 'နန်းနို့မှာငြီးချမ်းခြင်း ရှေ့ပါစေ၊ငါ့ရဲ့ခမည်းတော်ဟ ငါ့ဝိုစေလွှတ်ဇာဖြစ်ရိတွက် ငါဟလဲ နန်းနို့ဝို စေလွှတ်တော်မူရယ်'ဆိုပီး မိတော်မူလေရယ်။ 22အဲမိုမျိုးမိတော်မူပီးနော့ ကိုယ်တော်ဝို သူ့နို့ဝို မန်းမှုပီး 'ဉာဏ်လင်းတော်ဝို ခံယူဂေ့လော့။ 23ဇုံတယော့ရဲ့ပြစ်ဒွေဝို နန်းနို့ခွမ့်လွှတ်မယ်ဆိုဝါ သူ့နို့ဟ ခွမ့်လွှတ်ခြင်းခံရမယ်။ နန်းနို့ခွမ့်မလွှတ်ဘဲဝို သူဒွေကလလော ပြစ်ဟနေလွတ်မှာမုဝ'ဆိုပီး မိတော်မူလေရယ်။ 24ဗြိတော်ဆယ်နှေ့ယော့ထဲဟ ယော့ဖြစ်ဝို ဒိဒုမုဆိုပီးခေါ်ဝိုသောမဟ ကိုယ်တော်ယေရှုကြွလာဝိုခီမှာ သူ့နို့နတူတူရှေ့ရ။ 25အဲဖြစ်ရိတွက် ခြားဗြိတော်ဒွေဟ သောမဝို ' နို့ ကိုယ်တော်ဝို ဗြင်ရပီ' ဆိုပီး ပြောဂေ့လေရယ်။ အယ်ဘေမဲ့ သောမဟ 'ငါဟ လက်မှာသံရိုက်ရာဝိုဗြင်ရ၊ အဲမို သံရိုက်ရာဝို လက်ညှိုးနလဲစမ်းရရ၊ နံဘေးဝိုလဲ ငါ့လက်န ထိုးသွမ်းပီး စမ်းသပ်ရဘဲနေဆိုဝါ ဟယ်ခါလဲယုံမှာမုဝ'ဆိုပီး ပြောလေရယ်။ 26အဲနော့ ဘတ်လော့ကြာခါမှာ ဗြိတော်ဒွေဟ အီထဲမှာ တူတူရှေ့နေဂေ့ပီး သောမဟလဲ သူ့နို့နတူတူရှေ့နေလေရယ်။ခေါ့ပေါ့ဒွေဝို သော့ခတ်ရားဘေမဲ့ ကိုယ်တော်ယေရှုဟ ရော့လာပီး သူ့နို့လယ်မှာရပ်တော်မူပီး 'နန်းနို့ဟ ငြီးချမ်းခြင်းရှေ့ပါစေ'ဆိုပီး မိတော်မူလေရယ်။ 27အဲနော့ ကိုယ်တော်ဟ သောမဝို 'နန့်ရဲ့လက်ညှိုးန အယ်နေရာဝိုတို့ထိပီး ငါ့လက်ဝိုဂေ့လော့။ နန့်ရဲ့လက်ဝိုလဲဆန့်ပီး ငါ့နံဘေးထဲဝို စမ်းဂေ့လော့။ နန့်ရဲ့သံသယဒွေဝို ဖယ်ရှားပီး ယုံကြည်ပါလော့'ဆိုပီး မိတော်မူလေရယ်။ 28အဲခါမှာ သောမတ်ဟလဲ 'ကျော့်ရဲ့အရှင်၊ ကျော့်ရဲ့ကိုယ်တော်'ဆိုပီး ပလန်ရှော့လေရယ်။ 29ကိုယ်တော်ယေရှုဟလဲ 'သင်ဟ ငါ့ဝိုဗြင်ရရိတွက် ယုံကြည်ပီဖြစ်ရယ်။ ဗြင်ဘဲန ယုံကြည်ဂေ့ဝိုသူဒွေဟ ဟယ်မျှလော့ ပျော်နေဂေ့မယ်နူး'ဆိုပီး မိတော်မူလေရယ်။ 30ကိုယ်တော်ယေရှုဟ အယ်မိုကျမ်းစာမှာ ရေးထားဘဲဝို ခြားအံ့ဖွယ်မှုကိစများကီးဝို ဗြိတော်ဒွေရှေ့မှာ လုပ်ဆော်ပြရစ်လေရယ်။ 31အယ်ဘေမဲ့ ကိုယ်တော်ယေရှုဟ ဘုရားရှင်ရဲ့သားတော် ခရစ်တော်ဖြစ်ကြောဝို နန်းနို့ယုံကြည်ဂေ့ဝို့န အဲမိုမျိုးယုံကြည်ဂေ့ခြင်းအားန ကိုယ်တော်ရဲ့နာမတော်အားန သက်ဝိုရရှေ့ဂေ့စေဝို့ အယ်မိုဇာဒွေဝို ရေးရားဇာဖြစ်ရယ်။
Actualmente seleccionado:
John 20: ttpv-rv
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
This translation of the Taungyo Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.