John 19
19
1အဲနော့ ပိလတ်မန်းဟ ကိုယ်တော်ယေရှုဝို ခေါ်ထုပီး ဒဏ်ခတ်ပီး ချင့်ပေါများကီး ရိုက်စေရယ်။ 2စစ်သားဒွေဟလဲ ဆူးခက်ဆူးကိုင်းဒွေဝို သရဖူမျိုးရစ်ခွေပီး ကိုယ်တော်ရဲ့ဦးခေါပေါ်မှာ ဆောစေပီး ခရမ်းရော်ဝတ်ရုံ ဝတ်ခိုင်းပီးန 3ကိုယ်တော်နားဝို ကပ်ပီး 'ဂျူးလူမျိုးဒွေရဲ့ဘုရင် ဘုန်းကီးပါစေသော်'ဆိုပီး ပြောဂေ့ပီး ကိုယ်တော်ဝို ရိုက်နှက်ဂေ့လေရယ်။ 4ပိလတ်ဘုရင်ခံဟ ထပ်ထွက်လာပီး 'ဂေ့လော့၊ အယ်မိုလူဝို ပြစ်တံရှုံ့ခလဝို့ ဟဲရာပြစ်လဲမှေ့ဘဲကြောဝို နန်းနို့သိစေဝို့ သူ့ဝိုအယ်နေရာဝို ငါခေါ်ဆော်လာမယ်'ဆိုပီး ပြောလေရယ်။ 5အဲခါမှာ ကိုယ်တော်ယေရှုဟ ဆူးခက်ဒွေနလုပ်ရားဝို သရဖူန ခရမ်းရော်ဝတ်ရုံ ဝတ်ပီး ပလန်ဝိုထွက်လာရယ်။ ပိလတ်ဘုရင်ခံဟလဲ 'ဂေ့လော့၊ အယ်မိုလူဘဲ့ဖြစ်ရယ်' ဆိုပီး ပြောလေရယ်။ 6ပုရောဟိတ်ကြီးကဲဒွေန စော့တပ်သားဒွေဟ ကိုယ်တော်ဝိုဗြင်န 'အယ်မိုလူဝို လက်ဝါးကပ်ဝိုင်ပေါ်တံပီး သတ်လိုက်ပါ'ဆိုပီး အော်ဟစ်ဂေ့လေရယ်။ အဲခါမှာ ပိလတ်ဘုရင်ခံဟ 'ငါဟ အယ်လူဆီမှာ ဟဲရာပြစ်လဲ တွီ့ဘဲရိတွက် နန်းနို့ကိုယ်တိုင်ဘဲ့ သူ့ဝိုခေါ်သွားပီး စီရင်ဂေ့လော့'ဆိုပီး ပြောလေရယ်။ 7လူအုပ်ကီးဟလဲ သူ့ဝို 'နို့မှာ ပညတ်ရားတခုရှေ့ရယ်။ အဲမိုပညတ်ရားအရ အယ်လူဟ ဘုရားရှင်ရဲ့သားတော်ဖြစ်ရယ်ဆိုပီး ပြောရိတွက် သေသင့်ရယ်'ဆိုပီး ပြောဆိုဂေ့လေရယ်။ 8ပိလတ်ဘုရင်ခံဟလဲ အဲမိုဂါးဝိုကြားရခီမှာ စဟထက်ပိုပီး ကြော့ဝါးလေရယ်။ 9အဲနော့ သူဟ အီတော်ထဲဝိုပလန်ဝမ်လာပီး ကိုယ်တော်ယေရှုဝို 'နန်ဟ ဟယ်ရပ်ဟနေ လာနူး'ဆိုပီး မေးလေရယ်။ အယ်ဘေမဲ့ ကိုယ်တော်ယေရှုဟ ပလန်လည်ဖြေကြားခြင်းမှေ့ရ။ 10ပိလတ်ဟ ကိုယ်တော်ဝို "သင်ဟ ငါ့ဝို ဂါးပြောဘဲန နေဝို့လော။ငါ့မှာ သင့်ဝို လွှတ်ပေးနိုင်ဝိုခွမ့်အာဏာရှေ့ပီး လက်ဝါးကပ်တိုင်ပေါ်ဝိုတံနိုင်ဝို ခွမ့်အာဏာလည်းရှေ့ဇာဝို သင်သိရလော” ဆိုပီး ပြောလေရယ်။ 11ကိုယ်တော်ယေရှုဟ ပိလတ်ဘုရင်ခံဝို 'ထက်ရပ်ဟနေ ပေးအပ်တော်မူဇာမှေ့ဘဲနေဆိုဝါ နန့်ရဲ့ခွမ့်အာဏာဟ ငါ့ပေါ်မှာ ဟဲရာကျိုးသက်ရော့မှုလဲမှေ့ရ။ အဲ့ဂျော့ ငါ့ဝို နန့်လက်ထဲဝို အပ်နှံဝိုလူဟ ပိုပီး ကီးလေးဝိုပြစ်ရှေ့ရယ်'ဆိုပီး ပလန်လည်မိတော်မူလေရယ်။ 12ကိုယ်တော်ယေရှုမိတော်မူဇာဝို ပိလတ်ဘုရင်ခံ ကြားခီမှာ သူဟ ကိုယ်တော်ဝိုလွှတ်ပေးလိုရယ်။ အယ်ဘေမဲ့ ဂျူးလူမျိုးကြီးကဲဒွေဟ 'အရှင်ဟ အယ်မိုလူဝို လွှတ်ပေးမယ်ဆိုဝါ ဆီဇာဧကရာဇ်ရဲ့ ဘက်တော်သားမုဝ။ ကိုယ့်ကိုကိုယ်ဘုရင်ဖြစ်ရယ်ဆိုပီး ကြေငြာသူဂူလုံးဟ ဆီဇာဧကရာဇ်ဝို ဆန့်ကျင်ပြောဆိုသူဖြစ်ပါရယ်' ဆိုပီး အော်ဟစ်ပြောဆိုဂေ့လေရယ်။ 13သူ့နို့ပြောဆိုနေဝိုဂါးဒွေဝို ပိလတ်ဘုရင်ခံ ကြားခီမှာ ကိုယ်တော်ယေရှုဝို ပလန်ဝိုခေါ်ထုသွားပီး ကလော့ခမ်းဇင်းကြန်ဆိုပီးခေါ်ဝိုနေရာမှာရှေ့ဝို ရားသူကြီးခုံမှာ ထိုင်နေလေရယ်။ ဟေဗြဲဘာသာဂါးနဆိုဝါ ဂဗ္ဗသ ဆိုပီး ခေါ်ရယ်။ 14အဲမိုနေ့ဟ ပသခါပွဲတော်တွက် ပြင်ဆင်ဝိုနေ့ဖြစ်ဝို သော့ကြာနေ့ မွန်းဒဲ့ခီဖြစ်ပီး ပိလတ်ဘုရင်ခံဟ ဂျူးလူမျိုးဒွေဝို 'ကေ့ကေ့လော့၊ အယ်မိုရပ်မှာရှေ့နေဝိုလူဟ နန်းနို့ရဲ့ ရှင်ဘုရင်ဖြစ်ရယ်'ဆိုပီး ပြောလေရယ်။ 15အဲခါ လူဒွေဟ 'သူ့ဝိုသတ်ပါ၊သူ့ဝိုသတ်ပါ၊ လက်ဝါးကပ်တိုင်ပေါ်ဝို တံလိုက်ပါ'ဆိုပီး အော်ဂေ့ရိတွက် ပိလတ်ဘုရင်ခံဟ 'နန်းနို့ရဲ့ ရှင်ဘုရင်ဝို လက်ဝါးကပ်တိုင်ပေါ်ဝို ငါတံရဝို့လော'ဆိုပီး မေးလေရယ်။ ပုရောဟိတ်ကြီးကဲဒွေဟလဲ 'ကျော်ဒို့မှာ ဆီဇာဧကရာဇ်ဟနေလွဲပီး ခြားဘုရင်မှေ့ရ'ဆိုပီး ရှော့တံဂေ့လေရယ်။ 16အဲခါမှာ ပိလတ်ဘုရင်ခံဟ ကိုယ်တော်ဝို လက်ဝါးကပ်တိုင်ပေါ်ဝို တံဝို့ သူ့နို့လက်ထဲဝိုအပ်လိုက်ရိတွက် သူ့နို့ဟ ကိုယ်တော်ဝို ခေါ်သွားဂေ့လေရယ်။ 17ကိုယ်တော်ဟ လက်ဝါးကပ်တိုင်ဝို ကိုယ်တိုင်ထမ်းပီး ဦးခေါခွံဆိုပီးခေါ်ဝို နေရာဝို ထွက်ခွာတော်မူလေရယ်။ အဲမိုနေရာဝို ဟေဘရူးဘာသာဂါးန ဂေါလဂေါသ ဆိုပီး ခေါ်ရယ်။ 18သူ့နို့ဟ အဲမိုနေရာမှာ ကိုယ်တော်ဝို ခြားလူနှေ့ယော့နတူတူ လက်ဝါးကပ်တိုင်ပေါ်ဝို တံဂေ့လေရယ်။ ကိုယ်တော်ဟ သူ့နို့နှေ့ယော့လယ်မှာ ရှေ့လေရယ်။ 19ပိလတ်ဘုရင်ခံဟ ကဘီးရေးထိုးပီး ကိုယ်တော်ရဲ့လက်ဝါးကပ်တိုင်ပေါ်မှာ တပ်ရားလေရယ်။ အဲမို ကဘီးမှာ 'ဂျူးဒွေရဲ့ဘုရင် နာဇရက်ဗြို့သားယေရှု'ဆိုပီး ရေးရားလေရယ်။ 20ကိုယ်တော်ယေရှုဝို လက်ဝါးကပ်တိုင်ပေါ်ဝို တံဂေ့ဝိုနေရာဟ ဗြို့နနီးရိအပြင် စာဝိုလဲ ဟေဘရူးဘာသာ၊ လက်တင်ဘာသာန ဂရိဘာသာဒို့န ရေးရားဇာဖြစ်ရိတွက် ဂျူးလူမျိုးများကီးဟ အဲမိုစာဝို ဖတ်ဂေ့လေရယ်။ 21ကိုယ်တော်ယေရှုဝို လက်ဝါးကပ်တိုင်ပေါ်ဝို တံဂေ့ဝိုနေရာဟ ဗြို့နနီးရိအပြင် စာဝိုလဲ ဟေဘရူးဘာသာ၊ လက်တင်ဘာသာန ဂရိဘာသာဒို့န ရေးရားဇာဖြစ်ရိတွက် ဂျူးလူမျိုးများကီးဟ အဲမိုစာဝို ဖတ်ဂေ့လေရယ်။ 22ပိလတ်ဟလဲ 'ငါရေးရားပီးဝိုတိုင်းဘဲ့ထားမယ်'ဆိုပီး ပြောလေရယ်။ 23တပ်သားဒွေဟ ကိုယ်တော်ဝို လက်ဝါးကပ်တိုင်ပေါ်ဝိုတံခါမှာ သူ့ရဲ့ဝတ်စားဝို လေးပိုင်းပိုင်းပီး ယော့တပိုင်းစီယူဂေ့လေရယ်။ တွမ်းမှာဝတ်ဝို ဝတ်ဒွေဝိုလဲ ယူဂေ့လေရာ အဲမိုဝတ်ဒွေဟ ချုပ်ရိုးမှေ့ဘဲန ထက်ဟနေ ထည်လုံးဝို တဆက်ဒဲရစ်လုပ်ဝါးဝို ဝတ်ဖြစ်ရိတွက် 24အယ်မိုဝတ်ဝိုစုဖလဲဘဲန မဲနှိုက်ပီးယူဂေ့စို့'ဆိုပီး ချင်းချင်းပြောဆိုဂေ့လေရယ်။ အယ်မိုဇာဟ 'သူ့နို့ ငါ့ဝတ်ရုံဝို ခွဲယူဂေ့ပီး ဝတ်စားတွက် မဲနှိုက်ဂေ့ရယ်' ဆိုပီးပြောဝို ကျမ်းစာပါစာပိုဒ်ဟ ပလဲ့ဇုံခြင်းဝို ရော့လေရယ်။ 25အဲမိုခီမှာ ကိုယ်တော်ရဲ့လက်ဝါးကပ်တိုင်နီးမှာ ကိုယ်တော်ရဲ့မယ်တော်၊ မယ်တော်ရဲ့ညီမ၊ ကလောဖရဲ့မယားဖြစ်ဝို မာရိ န မာဂဒလဗြို့သူ မာရိဒို့လဲရပ်နေဂေ့ရယ်။ 26ကိုယ်တော်ဟ သူ့မယ်တော်န သူရှစ်ခင်မြတ်နိုးတော်မူဝို သူ့ရဲ့ဗြိတော်ဝို ဗြင်တော်မူခါမှာ မယ်တော်ဝို 'အသင်မျိုးမီး၊ သူဟ သင့်ရဲ့သားဘဲ့'ဆိုပီး မိတော်မူလေရယ်။ 27ပီးန ဗြိတော်ဝိုလဲ 'သူမဟ သင့်ရဲ့မိခင်ဖြစ်ရယ်'ဆိုပီး မိတော်မူရယ်။ အဲခီဟနေစပီး အဲမိုဗြိတော်ဟ သူမဝို သူ့အီမှာနေထိုင်ဝို့ ခေါ်ရားလေရယ်။ 28အဲနော့ ရာအားလုံးဟ ပီးဆုံးပီး ကျမ်းစာမှာပါဇာဒွေ ပလဲ့ဇုံဝေါ့မှာ ဆိုဇာဝိုသိရိတွက် 'ငါရေငတ်ရယ်'ဆိုပီး မိတော်မူလေရယ်။ 29အဲမိုနေရာမှာ ဝိုင်ချဥ်ပလဲ့ရှေ့ဝို အိုးတလုံးဝို ထားရားဇာဖြစ်ရိတွက် လူဒွေဟ ရေမလုပ်ဝို ဝိုင်ချဥ်စီပီး ကိုယ်တော်ရဲ့ နှုတ်ခမ်းတော်နားဝို ကပ်ပေးဂေ့ရယ်။ 30ကိုယ်တော်ယေရှုဟ အဲမိုဝိုင်ချဥ်ချို့ဝို စုပ်ယူသော့သုံးပီးနော့ 'ငါ့မှုကိစ ပီးမြော့လေပီ' ဆိုပီး မိတော်မူပီးနော့ ကိုယ်တော်ဟ သူ့ရဲ့ဦးခေါတော်ဝို ငိုက်စိုက်ကလပီး သက်တော်ဝိုစွန့်တော်မူလေရယ်။ 31အဲမိုနေ့ဟ ပြင်ဆင်ရဝိုဥပုသ်ဖိနေ့ဖြစ်ရိတွက် ဂျူးလူမျိုးကြီးကဲဒွေဟ လက်ဝါးကပ်တိုင်ပေါ်မှာ လောဒွေရှေ့ဇေရှင်ရ။ နော့နေ့ဟ ဥပုသ်နေ့နပသခါပွဲတော် ထပ်တည်းကလပီး ရားဒိုင်းရေးပါဝိုနေ့ဖြစ်ရိတွက် သူ့နို့ဟ ကွပ်မျက်ခံရဝိုလူဒွေရဲ့ ခေဒေါ့ဒွေဝို ခလိုးပီး ခန္ဓာကိုယ်ဒွေဝို ဖယ်ရှားဝို့ ပိလတ်ဘုရင်ခံဆီဝို တောဆိုဂေ့လေရယ်။ 32အဲဂျော့ စစ်သားဒွေဟ ကိုယ်တော်နတူတူ ကွပ်မျက်ဇာခံရဝို ပထမယော့န နော့တယော့ရဲ့ခေဒေါ့ဒွေဝို လာပီး ခလိုးဂေ့လေရယ်။ 33အယ်ဘေမဲ့ စစ်သားဒွေဟ ကိုယ်တော်ယေရှုဆီဝို လာခါမှာ ကိုယ်တော်သေဆုံးနေပီဖြစ်ရိတွက် ကိုယ်တော်ရဲ့ ခေဒေါ့ဝို ခလိုးဂေ့ရ။ 34အယ်ဘေမဲ့ စစ်သားတယော့ဟ ကိုယ်တော်ရဲ့နံကြားဝို လှံနထိုးခါမှာ သွီးနရေဒွေဟ ချင့်ချင်းထွက်လာလေရယ်။ 35အဲမိုဇာဝို ဗြင်ဝိုလူတယော့ဟ အဲမိုကြောရာဝို သက်သေခံရိတွက် နန်းနို့လဲ ယုံကြည်ဂေ့လိမယ်ဖြစ်ရယ်။ သူ့ရဲ့သက်သေခံချင့်ဟ မှန်ကန်ပီး သူဟ မှန်တရားဝို ပြောဆိုဇာဖြစ်ရယ်ဆိုဇာဝို သူကိုယ်တိုင်သိရယ်။ 36အဲမိုမျိုးဖြစ်ပျစ်ရားဇာဂျော့ ကျမ်းစာမှာရေးသားထားဝို 'သူဟ ရိုးချောလဲ ချိုးခံထိမှာမုဝ' ဆိုဝို ကျမ်းချက်ဟ ပလဲ့ဇုံမှန်ကန်လေရယ်။ 37ပီးရယ်ဆိုဝါ ခြားကျမ်းချက်မှာဟ 'သူ့နို့ဟ လှံနထိုးဖော့ဝိုလူဝို ဂေ့နေဂေ့လိမယ်'ဆိုပီး ဖော်ပြထားလေရယ်။ 38အဲမိုမျိုးဖြစ်ပီးနော့မှာ ဂျူးလူမျိုးကြီးကဲဒွေဝို ကြော့ရိတွက် ကိုယ်တော်ယေရှုရဲ့ ဗြိတော်ဖြစ်ရယ်ဆိုဇာဝို ရှို့ဝှက်ရားဝို အရိမဿဲဗြို့ဟ ယောသပ်ဆိုပီးခေါ်ဝိုလူဟ ကိုယ်တော်ယေရှုရဲ့လောတော်ဝို ယူဆော်ခွမ့်ပြုဝို့ ပိလတ်ဘုရင်ခံဆီမှာ တောရှော့လေရယ်။ ပိလတ်ဘုရင်ခံဟ ခွမ့်ပြုလိုက်ရိတွက် သူဟ ကိုယ်တော်ရဲ့လောတော်ဝို လာရော့ပီး ယူဆော်လေရယ်။ 39ကိုယ်တော်ယေရှုဆီဝို ညစ်ခမ်းဇာခီမှာ ပထမဦးဆုံးလာပီး ဖူးမျှော်ဝို သောနိကောဒင်ဟလဲ မုရန်နကြော်ရောနှောဝါးဝို မွှီးကြိုင်ဒွေဝို ပိဿာနှေ့ဆယ်လော့ ယူဆော်လာရယ်။ 40သူ့နို့ဟ ကိုယ်တော်ယေရှုရဲ့လောဝို ယူဆော်လာဂေ့ပီး ဂျူးလူမျိုးဒွေရဲ့ဓလေ့ထုံးတမ်းစဥ်လာရ လောတော်ဝို မွှီးကြိုင်ဒွေနတူတူ ပိစထည်ဒွေန ပတ်ဂေ့လေရယ်။ 41ကိုယ်တော်ယေရှုကွပ်မျက်ခံရဝိုနေရာမှာ ဥယျာဥ်တခုရှေ့ပီး အဲမိုဥယျာဥ်မှာ ဟယ်သူဝိုမှ ဂြိုလ်ဖူးသေးဘဲဝို သန်းခလိုင်းဂူတခုရှေ့လေရယ် 42အဲမိုနေ့ဟ ပြင်ဆင်ဝိုနေ့ဖြစ်ဝို ဥပုသ်ဖိနေ့ဖြစ်ပီး သန်းခလိုင်းဂူဟလဲ နီးနားမှာရှေ့ရိတွက် သူ့နို့ဟ ကိုယ်တော်ယေရှုဝို အဲမိုသန်းခလိုင်းဂူမှာ ဂြိုလ်ရစ်လေရယ်။
Actualmente seleccionado:
John 19: ttpv-rv
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
This translation of the Taungyo Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
John 19
19
1အဲနော့ ပိလတ်မန်းဟ ကိုယ်တော်ယေရှုဝို ခေါ်ထုပီး ဒဏ်ခတ်ပီး ချင့်ပေါများကီး ရိုက်စေရယ်။ 2စစ်သားဒွေဟလဲ ဆူးခက်ဆူးကိုင်းဒွေဝို သရဖူမျိုးရစ်ခွေပီး ကိုယ်တော်ရဲ့ဦးခေါပေါ်မှာ ဆောစေပီး ခရမ်းရော်ဝတ်ရုံ ဝတ်ခိုင်းပီးန 3ကိုယ်တော်နားဝို ကပ်ပီး 'ဂျူးလူမျိုးဒွေရဲ့ဘုရင် ဘုန်းကီးပါစေသော်'ဆိုပီး ပြောဂေ့ပီး ကိုယ်တော်ဝို ရိုက်နှက်ဂေ့လေရယ်။ 4ပိလတ်ဘုရင်ခံဟ ထပ်ထွက်လာပီး 'ဂေ့လော့၊ အယ်မိုလူဝို ပြစ်တံရှုံ့ခလဝို့ ဟဲရာပြစ်လဲမှေ့ဘဲကြောဝို နန်းနို့သိစေဝို့ သူ့ဝိုအယ်နေရာဝို ငါခေါ်ဆော်လာမယ်'ဆိုပီး ပြောလေရယ်။ 5အဲခါမှာ ကိုယ်တော်ယေရှုဟ ဆူးခက်ဒွေနလုပ်ရားဝို သရဖူန ခရမ်းရော်ဝတ်ရုံ ဝတ်ပီး ပလန်ဝိုထွက်လာရယ်။ ပိလတ်ဘုရင်ခံဟလဲ 'ဂေ့လော့၊ အယ်မိုလူဘဲ့ဖြစ်ရယ်' ဆိုပီး ပြောလေရယ်။ 6ပုရောဟိတ်ကြီးကဲဒွေန စော့တပ်သားဒွေဟ ကိုယ်တော်ဝိုဗြင်န 'အယ်မိုလူဝို လက်ဝါးကပ်ဝိုင်ပေါ်တံပီး သတ်လိုက်ပါ'ဆိုပီး အော်ဟစ်ဂေ့လေရယ်။ အဲခါမှာ ပိလတ်ဘုရင်ခံဟ 'ငါဟ အယ်လူဆီမှာ ဟဲရာပြစ်လဲ တွီ့ဘဲရိတွက် နန်းနို့ကိုယ်တိုင်ဘဲ့ သူ့ဝိုခေါ်သွားပီး စီရင်ဂေ့လော့'ဆိုပီး ပြောလေရယ်။ 7လူအုပ်ကီးဟလဲ သူ့ဝို 'နို့မှာ ပညတ်ရားတခုရှေ့ရယ်။ အဲမိုပညတ်ရားအရ အယ်လူဟ ဘုရားရှင်ရဲ့သားတော်ဖြစ်ရယ်ဆိုပီး ပြောရိတွက် သေသင့်ရယ်'ဆိုပီး ပြောဆိုဂေ့လေရယ်။ 8ပိလတ်ဘုရင်ခံဟလဲ အဲမိုဂါးဝိုကြားရခီမှာ စဟထက်ပိုပီး ကြော့ဝါးလေရယ်။ 9အဲနော့ သူဟ အီတော်ထဲဝိုပလန်ဝမ်လာပီး ကိုယ်တော်ယေရှုဝို 'နန်ဟ ဟယ်ရပ်ဟနေ လာနူး'ဆိုပီး မေးလေရယ်။ အယ်ဘေမဲ့ ကိုယ်တော်ယေရှုဟ ပလန်လည်ဖြေကြားခြင်းမှေ့ရ။ 10ပိလတ်ဟ ကိုယ်တော်ဝို "သင်ဟ ငါ့ဝို ဂါးပြောဘဲန နေဝို့လော။ငါ့မှာ သင့်ဝို လွှတ်ပေးနိုင်ဝိုခွမ့်အာဏာရှေ့ပီး လက်ဝါးကပ်တိုင်ပေါ်ဝိုတံနိုင်ဝို ခွမ့်အာဏာလည်းရှေ့ဇာဝို သင်သိရလော” ဆိုပီး ပြောလေရယ်။ 11ကိုယ်တော်ယေရှုဟ ပိလတ်ဘုရင်ခံဝို 'ထက်ရပ်ဟနေ ပေးအပ်တော်မူဇာမှေ့ဘဲနေဆိုဝါ နန့်ရဲ့ခွမ့်အာဏာဟ ငါ့ပေါ်မှာ ဟဲရာကျိုးသက်ရော့မှုလဲမှေ့ရ။ အဲ့ဂျော့ ငါ့ဝို နန့်လက်ထဲဝို အပ်နှံဝိုလူဟ ပိုပီး ကီးလေးဝိုပြစ်ရှေ့ရယ်'ဆိုပီး ပလန်လည်မိတော်မူလေရယ်။ 12ကိုယ်တော်ယေရှုမိတော်မူဇာဝို ပိလတ်ဘုရင်ခံ ကြားခီမှာ သူဟ ကိုယ်တော်ဝိုလွှတ်ပေးလိုရယ်။ အယ်ဘေမဲ့ ဂျူးလူမျိုးကြီးကဲဒွေဟ 'အရှင်ဟ အယ်မိုလူဝို လွှတ်ပေးမယ်ဆိုဝါ ဆီဇာဧကရာဇ်ရဲ့ ဘက်တော်သားမုဝ။ ကိုယ့်ကိုကိုယ်ဘုရင်ဖြစ်ရယ်ဆိုပီး ကြေငြာသူဂူလုံးဟ ဆီဇာဧကရာဇ်ဝို ဆန့်ကျင်ပြောဆိုသူဖြစ်ပါရယ်' ဆိုပီး အော်ဟစ်ပြောဆိုဂေ့လေရယ်။ 13သူ့နို့ပြောဆိုနေဝိုဂါးဒွေဝို ပိလတ်ဘုရင်ခံ ကြားခီမှာ ကိုယ်တော်ယေရှုဝို ပလန်ဝိုခေါ်ထုသွားပီး ကလော့ခမ်းဇင်းကြန်ဆိုပီးခေါ်ဝိုနေရာမှာရှေ့ဝို ရားသူကြီးခုံမှာ ထိုင်နေလေရယ်။ ဟေဗြဲဘာသာဂါးနဆိုဝါ ဂဗ္ဗသ ဆိုပီး ခေါ်ရယ်။ 14အဲမိုနေ့ဟ ပသခါပွဲတော်တွက် ပြင်ဆင်ဝိုနေ့ဖြစ်ဝို သော့ကြာနေ့ မွန်းဒဲ့ခီဖြစ်ပီး ပိလတ်ဘုရင်ခံဟ ဂျူးလူမျိုးဒွေဝို 'ကေ့ကေ့လော့၊ အယ်မိုရပ်မှာရှေ့နေဝိုလူဟ နန်းနို့ရဲ့ ရှင်ဘုရင်ဖြစ်ရယ်'ဆိုပီး ပြောလေရယ်။ 15အဲခါ လူဒွေဟ 'သူ့ဝိုသတ်ပါ၊သူ့ဝိုသတ်ပါ၊ လက်ဝါးကပ်တိုင်ပေါ်ဝို တံလိုက်ပါ'ဆိုပီး အော်ဂေ့ရိတွက် ပိလတ်ဘုရင်ခံဟ 'နန်းနို့ရဲ့ ရှင်ဘုရင်ဝို လက်ဝါးကပ်တိုင်ပေါ်ဝို ငါတံရဝို့လော'ဆိုပီး မေးလေရယ်။ ပုရောဟိတ်ကြီးကဲဒွေဟလဲ 'ကျော်ဒို့မှာ ဆီဇာဧကရာဇ်ဟနေလွဲပီး ခြားဘုရင်မှေ့ရ'ဆိုပီး ရှော့တံဂေ့လေရယ်။ 16အဲခါမှာ ပိလတ်ဘုရင်ခံဟ ကိုယ်တော်ဝို လက်ဝါးကပ်တိုင်ပေါ်ဝို တံဝို့ သူ့နို့လက်ထဲဝိုအပ်လိုက်ရိတွက် သူ့နို့ဟ ကိုယ်တော်ဝို ခေါ်သွားဂေ့လေရယ်။ 17ကိုယ်တော်ဟ လက်ဝါးကပ်တိုင်ဝို ကိုယ်တိုင်ထမ်းပီး ဦးခေါခွံဆိုပီးခေါ်ဝို နေရာဝို ထွက်ခွာတော်မူလေရယ်။ အဲမိုနေရာဝို ဟေဘရူးဘာသာဂါးန ဂေါလဂေါသ ဆိုပီး ခေါ်ရယ်။ 18သူ့နို့ဟ အဲမိုနေရာမှာ ကိုယ်တော်ဝို ခြားလူနှေ့ယော့နတူတူ လက်ဝါးကပ်တိုင်ပေါ်ဝို တံဂေ့လေရယ်။ ကိုယ်တော်ဟ သူ့နို့နှေ့ယော့လယ်မှာ ရှေ့လေရယ်။ 19ပိလတ်ဘုရင်ခံဟ ကဘီးရေးထိုးပီး ကိုယ်တော်ရဲ့လက်ဝါးကပ်တိုင်ပေါ်မှာ တပ်ရားလေရယ်။ အဲမို ကဘီးမှာ 'ဂျူးဒွေရဲ့ဘုရင် နာဇရက်ဗြို့သားယေရှု'ဆိုပီး ရေးရားလေရယ်။ 20ကိုယ်တော်ယေရှုဝို လက်ဝါးကပ်တိုင်ပေါ်ဝို တံဂေ့ဝိုနေရာဟ ဗြို့နနီးရိအပြင် စာဝိုလဲ ဟေဘရူးဘာသာ၊ လက်တင်ဘာသာန ဂရိဘာသာဒို့န ရေးရားဇာဖြစ်ရိတွက် ဂျူးလူမျိုးများကီးဟ အဲမိုစာဝို ဖတ်ဂေ့လေရယ်။ 21ကိုယ်တော်ယေရှုဝို လက်ဝါးကပ်တိုင်ပေါ်ဝို တံဂေ့ဝိုနေရာဟ ဗြို့နနီးရိအပြင် စာဝိုလဲ ဟေဘရူးဘာသာ၊ လက်တင်ဘာသာန ဂရိဘာသာဒို့န ရေးရားဇာဖြစ်ရိတွက် ဂျူးလူမျိုးများကီးဟ အဲမိုစာဝို ဖတ်ဂေ့လေရယ်။ 22ပိလတ်ဟလဲ 'ငါရေးရားပီးဝိုတိုင်းဘဲ့ထားမယ်'ဆိုပီး ပြောလေရယ်။ 23တပ်သားဒွေဟ ကိုယ်တော်ဝို လက်ဝါးကပ်တိုင်ပေါ်ဝိုတံခါမှာ သူ့ရဲ့ဝတ်စားဝို လေးပိုင်းပိုင်းပီး ယော့တပိုင်းစီယူဂေ့လေရယ်။ တွမ်းမှာဝတ်ဝို ဝတ်ဒွေဝိုလဲ ယူဂေ့လေရာ အဲမိုဝတ်ဒွေဟ ချုပ်ရိုးမှေ့ဘဲန ထက်ဟနေ ထည်လုံးဝို တဆက်ဒဲရစ်လုပ်ဝါးဝို ဝတ်ဖြစ်ရိတွက် 24အယ်မိုဝတ်ဝိုစုဖလဲဘဲန မဲနှိုက်ပီးယူဂေ့စို့'ဆိုပီး ချင်းချင်းပြောဆိုဂေ့လေရယ်။ အယ်မိုဇာဟ 'သူ့နို့ ငါ့ဝတ်ရုံဝို ခွဲယူဂေ့ပီး ဝတ်စားတွက် မဲနှိုက်ဂေ့ရယ်' ဆိုပီးပြောဝို ကျမ်းစာပါစာပိုဒ်ဟ ပလဲ့ဇုံခြင်းဝို ရော့လေရယ်။ 25အဲမိုခီမှာ ကိုယ်တော်ရဲ့လက်ဝါးကပ်တိုင်နီးမှာ ကိုယ်တော်ရဲ့မယ်တော်၊ မယ်တော်ရဲ့ညီမ၊ ကလောဖရဲ့မယားဖြစ်ဝို မာရိ န မာဂဒလဗြို့သူ မာရိဒို့လဲရပ်နေဂေ့ရယ်။ 26ကိုယ်တော်ဟ သူ့မယ်တော်န သူရှစ်ခင်မြတ်နိုးတော်မူဝို သူ့ရဲ့ဗြိတော်ဝို ဗြင်တော်မူခါမှာ မယ်တော်ဝို 'အသင်မျိုးမီး၊ သူဟ သင့်ရဲ့သားဘဲ့'ဆိုပီး မိတော်မူလေရယ်။ 27ပီးန ဗြိတော်ဝိုလဲ 'သူမဟ သင့်ရဲ့မိခင်ဖြစ်ရယ်'ဆိုပီး မိတော်မူရယ်။ အဲခီဟနေစပီး အဲမိုဗြိတော်ဟ သူမဝို သူ့အီမှာနေထိုင်ဝို့ ခေါ်ရားလေရယ်။ 28အဲနော့ ရာအားလုံးဟ ပီးဆုံးပီး ကျမ်းစာမှာပါဇာဒွေ ပလဲ့ဇုံဝေါ့မှာ ဆိုဇာဝိုသိရိတွက် 'ငါရေငတ်ရယ်'ဆိုပီး မိတော်မူလေရယ်။ 29အဲမိုနေရာမှာ ဝိုင်ချဥ်ပလဲ့ရှေ့ဝို အိုးတလုံးဝို ထားရားဇာဖြစ်ရိတွက် လူဒွေဟ ရေမလုပ်ဝို ဝိုင်ချဥ်စီပီး ကိုယ်တော်ရဲ့ နှုတ်ခမ်းတော်နားဝို ကပ်ပေးဂေ့ရယ်။ 30ကိုယ်တော်ယေရှုဟ အဲမိုဝိုင်ချဥ်ချို့ဝို စုပ်ယူသော့သုံးပီးနော့ 'ငါ့မှုကိစ ပီးမြော့လေပီ' ဆိုပီး မိတော်မူပီးနော့ ကိုယ်တော်ဟ သူ့ရဲ့ဦးခေါတော်ဝို ငိုက်စိုက်ကလပီး သက်တော်ဝိုစွန့်တော်မူလေရယ်။ 31အဲမိုနေ့ဟ ပြင်ဆင်ရဝိုဥပုသ်ဖိနေ့ဖြစ်ရိတွက် ဂျူးလူမျိုးကြီးကဲဒွေဟ လက်ဝါးကပ်တိုင်ပေါ်မှာ လောဒွေရှေ့ဇေရှင်ရ။ နော့နေ့ဟ ဥပုသ်နေ့နပသခါပွဲတော် ထပ်တည်းကလပီး ရားဒိုင်းရေးပါဝိုနေ့ဖြစ်ရိတွက် သူ့နို့ဟ ကွပ်မျက်ခံရဝိုလူဒွေရဲ့ ခေဒေါ့ဒွေဝို ခလိုးပီး ခန္ဓာကိုယ်ဒွေဝို ဖယ်ရှားဝို့ ပိလတ်ဘုရင်ခံဆီဝို တောဆိုဂေ့လေရယ်။ 32အဲဂျော့ စစ်သားဒွေဟ ကိုယ်တော်နတူတူ ကွပ်မျက်ဇာခံရဝို ပထမယော့န နော့တယော့ရဲ့ခေဒေါ့ဒွေဝို လာပီး ခလိုးဂေ့လေရယ်။ 33အယ်ဘေမဲ့ စစ်သားဒွေဟ ကိုယ်တော်ယေရှုဆီဝို လာခါမှာ ကိုယ်တော်သေဆုံးနေပီဖြစ်ရိတွက် ကိုယ်တော်ရဲ့ ခေဒေါ့ဝို ခလိုးဂေ့ရ။ 34အယ်ဘေမဲ့ စစ်သားတယော့ဟ ကိုယ်တော်ရဲ့နံကြားဝို လှံနထိုးခါမှာ သွီးနရေဒွေဟ ချင့်ချင်းထွက်လာလေရယ်။ 35အဲမိုဇာဝို ဗြင်ဝိုလူတယော့ဟ အဲမိုကြောရာဝို သက်သေခံရိတွက် နန်းနို့လဲ ယုံကြည်ဂေ့လိမယ်ဖြစ်ရယ်။ သူ့ရဲ့သက်သေခံချင့်ဟ မှန်ကန်ပီး သူဟ မှန်တရားဝို ပြောဆိုဇာဖြစ်ရယ်ဆိုဇာဝို သူကိုယ်တိုင်သိရယ်။ 36အဲမိုမျိုးဖြစ်ပျစ်ရားဇာဂျော့ ကျမ်းစာမှာရေးသားထားဝို 'သူဟ ရိုးချောလဲ ချိုးခံထိမှာမုဝ' ဆိုဝို ကျမ်းချက်ဟ ပလဲ့ဇုံမှန်ကန်လေရယ်။ 37ပီးရယ်ဆိုဝါ ခြားကျမ်းချက်မှာဟ 'သူ့နို့ဟ လှံနထိုးဖော့ဝိုလူဝို ဂေ့နေဂေ့လိမယ်'ဆိုပီး ဖော်ပြထားလေရယ်။ 38အဲမိုမျိုးဖြစ်ပီးနော့မှာ ဂျူးလူမျိုးကြီးကဲဒွေဝို ကြော့ရိတွက် ကိုယ်တော်ယေရှုရဲ့ ဗြိတော်ဖြစ်ရယ်ဆိုဇာဝို ရှို့ဝှက်ရားဝို အရိမဿဲဗြို့ဟ ယောသပ်ဆိုပီးခေါ်ဝိုလူဟ ကိုယ်တော်ယေရှုရဲ့လောတော်ဝို ယူဆော်ခွမ့်ပြုဝို့ ပိလတ်ဘုရင်ခံဆီမှာ တောရှော့လေရယ်။ ပိလတ်ဘုရင်ခံဟ ခွမ့်ပြုလိုက်ရိတွက် သူဟ ကိုယ်တော်ရဲ့လောတော်ဝို လာရော့ပီး ယူဆော်လေရယ်။ 39ကိုယ်တော်ယေရှုဆီဝို ညစ်ခမ်းဇာခီမှာ ပထမဦးဆုံးလာပီး ဖူးမျှော်ဝို သောနိကောဒင်ဟလဲ မုရန်နကြော်ရောနှောဝါးဝို မွှီးကြိုင်ဒွေဝို ပိဿာနှေ့ဆယ်လော့ ယူဆော်လာရယ်။ 40သူ့နို့ဟ ကိုယ်တော်ယေရှုရဲ့လောဝို ယူဆော်လာဂေ့ပီး ဂျူးလူမျိုးဒွေရဲ့ဓလေ့ထုံးတမ်းစဥ်လာရ လောတော်ဝို မွှီးကြိုင်ဒွေနတူတူ ပိစထည်ဒွေန ပတ်ဂေ့လေရယ်။ 41ကိုယ်တော်ယေရှုကွပ်မျက်ခံရဝိုနေရာမှာ ဥယျာဥ်တခုရှေ့ပီး အဲမိုဥယျာဥ်မှာ ဟယ်သူဝိုမှ ဂြိုလ်ဖူးသေးဘဲဝို သန်းခလိုင်းဂူတခုရှေ့လေရယ် 42အဲမိုနေ့ဟ ပြင်ဆင်ဝိုနေ့ဖြစ်ဝို ဥပုသ်ဖိနေ့ဖြစ်ပီး သန်းခလိုင်းဂူဟလဲ နီးနားမှာရှေ့ရိတွက် သူ့နို့ဟ ကိုယ်တော်ယေရှုဝို အဲမိုသန်းခလိုင်းဂူမှာ ဂြိုလ်ရစ်လေရယ်။
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
This translation of the Taungyo Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.