John 18
18
1ကိုယ်တော်ဟ အဲမိုမျိုးဆုတောတော်မူပီးနော့ ဗြိတော်ဒွေနတူတူ ကေဒြုန်ချောတဖက်ဝို ကြွတော်မူရယ်။ အဲမိုနေရာမှာ ဥယျာဥ်တခုရှေ့ရိတွက် ကိုယ်တော်ဟ ဗြိတော်ဒွေနတူတူ အဲမိုဥယျာဥ်ထဲဝို ဝမ်တော်မူရယ်။ 2ကိုယ်တော်ဟ အဲမိုရပ်ဝိုဗြိတော်ဒွေနတူတူ ခနခနသွားလေ့ရှေ့ဇာဝို ကိုယ်တော်ဝို သစ္စာဖော့ဝိုလူ ယုဒဟသိလေရယ်။ 3အဲဂျော့ရိ ယုဒဟ တပ်သားတဖွဲ့ဝိုရော၊ ပုရောဟိတ်ကြီးကဲဒွေနဖာရိရှဲဒွေဟ စေလွှတ်ဝို ရာရှေ့ချို့ဝိုရောခေါ်ရားပီး မီးအီဒွေ၊ မီးဒုတ်ဒွေန လက်နက်ဒွေကိုင်ဆော်ပီး အဲမိုနေရာဝို လာဂေ့ရယ်။ 4အဲခါမှာ ကိုယ့်မှာဖြစ်လာဝို့ရာဒွေဝို သိနှင့်တော်မူဝို ကိုယ်တော်ယေရှုဟ ရှေ့ဝိုထွက်ပီး အဲမိုလူဒွေဝို 'နန်းနို့ ဟယ်သူဝိုရှာနေနူး' ဆိုပီး မေးတော်မူခါမှာ 5သူ့နို့ဟလဲ 'နာဇရက်ဗြို့သား ယေရှုဝို ရှာရယ်'ဆိုပီး ဖြေရိတွက် ကိုယ်တော်ဟ 'ငါဟ အဲမိုလူဘဲ့ဖြစ်ရယ်'ဆိုပီး မိတော်မူလေရယ်။ ကိုယ်တော်ဝို သစ္စာဖော့ဝိုယုဒဟလဲ အဲမိုတပ်သားဒွေနတူတူ ရပ်နေလေရယ်။ 6ကိုယ်တော်ဟ သူ့နို့ဝို 'ငါဟ အဲမိုလူဖြစ်ရယ်'ဆိုပီး မိတော်မူလိုက်န အဲမိုလူဒွေဟ နော့ဝိုဆုပီး မလေပေါ်ဝို လဲကလဂူရယ်။ 7အဲဂျော့ ကိုယ်တော်ဟ ထပ်ပီး သူ့နို့ဝို 'နန်းနို့ ဟဘ်သူဝိုရှာနေနူး' ဆိုပီး မေးလေရာ သူ့နို့ဟ 'နာဇရက်ဗြို့သား ယေရှုဝို ရှာပါရယ်'ဆိုပီး ပြောဂေ့ပြန်ရယ်။ 8ကိုယ်တော်ဟလဲ 'အဲမိုလူဟ ငါဖြစ်ရယ်ဆိုပီး ပြောပီးပီမုဝလော။ အဲဂျော့ နန်းနို့ဟ ငါ့ဝိုရှာရယ်ဆိုဝါ ခြားသူဒွေဝို သွားခွမ့်ပေးလိုက်ပါ'ဆိုပီး ပလန်လည်မိတော်မူလေရယ်။ 9အဲမိုမျိုး မိတော်မူခြင်းဖြင့် 'ကျော့်ဆီ အရှင်ပေးအပ်တော်မူဝိုသူဒွေထဲဟ ဟယ်သူဝိုမှ ကျော်ဆုံးရှုံးရစ်ရ'ဆိုပီး ကိုယ်တော်မိဆိုရစ်ဝိုဂါးဟ မှန်ကန်ပလဲ့ဇုံဇေခဲ့လေရယ်။ 10 အဲမိုခီမှာ ရှိမုန်ပေတရုဟ သူ့မှာပါလာဝို ထားဝိုဆွဲထုပီး ကီးဆုံးပုရောဟိတ်ရဲ့စေခံဝို ခုတ်လိုက်ရာ အဲမိုလူရဲ့ညာဖက်နားခွက် ပြတ်ရားလေရယ်။(အဲမိုစေခံရဲ့နော်မယ်ဟ မာလခုဖြစ်ရယ်) 11ကိုယ်တော်ယေရှုဟ ပေတရုဝို 'နန့်ထားဝို ဖယ်ရားလော့၊ ငါ့ဝိုအဖဘုရားရှင် ပေးတော်မူဝို ဆင်းရဲဒုက္ခခွက်ဝို ငါသော့ဘဲနနေရမယ်လော'ဆိုပီး မိတော်မူလေရယ်။ 12 အဲခါမှာ တပ်သားဒွေ၊ ရာရှေ့ဒွေန ဂျူးလူမျိုးစော့တပ်သားဒွေဟ ကိုယ်တော်ယေရှုဝို ဖမ်းဆီးချုပ်နှော်ဂေ့လေရယ်။ 13 အဲနော့ ကိုယ်တော်ဝို အဲမိုနှစ်ကာလရဲ့ ပုရောဟိတ်ကြီးကဲဖြစ်သူ ကယာဖရဲ့ယောက္ခမဖြစ်သူ အန္နဆီဝို ဦးဆုံးခေါ်ဆော်သွားဂေ့လေရယ်။ 14ကယာဖဟ လူဒွေကိုယ်စား လူတယော့ဟ သေခံခြင်းဟ ပိုပီးကောရယ်ဆိုပီး ဂျူးလူမျိုးကြီးကဲဒွေဝို ကြံပေးသူဖြစ်ရယ်။ 15ရှိမုန်ပေတရုန ခြားဗြိတော်တယော့ဟ ကိုယ်တော်ယေရှုရဲ့နော့ဝို လိုက်သွားဂေ့လေရယ်။ အဲမိုခြားဗြိတော်တယော့ဟ ကီးဆုံးပုရောဟိတ်ကီးဝို ကောကောသိကျွမ်းသူဖြစ်ရိတွက် ကိုယ်တော်ယေရှုနတူတူ ကီးဆုံးပုရောဟိတ်ရဲ့ အီဝမ်းထဲဝို လိုက်သွားဂေ့လေရယ်။ 16ပေတရုဟခေါ့ပေါ့ပလန်မှာ ရပ်ပီး စော့နေလေရယ်။ ပုရောဟိတ်မန်းကီးန သိဝို ခြားဗြိတော်တယော့ဟ ခေါ့ပေါ့ဝဝိုပလန်သွားပီး ခေါ့ပေါ့စော့မီးမန ဂါးပြောပီးန ပေတရုဝို ခြံထဲဝို ခေါ်လာလေရယ်။ 17အဲခါမှာ ခေါ့ပေါ့စော့မီးမဟ ပေတရုဝို 'နန်လဲ အဲမိုလူရဲ့ဗြိတယော့မုဝလော'ဆိုပီး မေးခါမှာ ပေတရုဟ 'မုဝ'ဆိုပီး ပြောလေရယ်။ 18အဲမိုခီဟ အေးဗျင်းရိတွက် စေခံဒွေနရာရှေ့ဒွေဟ မီးသွေးမီးဖိုပီး အဲမိုနားမှာ ရပ်ပီး မီးလှုံနေဂေ့လေရယ်။ ပေတရုဟလဲ သူ့နို့နတူတူ ရပ်ပီး မီးလှုံနေဂေ့လေရယ်။ 19အဲမိုခီဟ အေးဗျင်းရိတွက် စေခံဒွေနရာရှေ့ဒွေဟ မီးသွေးမီးဖိုပီး အဲမိုနားမှာ ရပ်ပီး မီးလှုံနေဂေ့လေရယ်။ ပေတရုဟလဲ သူ့နို့နတူတူ ရပ်ပီး မီးလှုံနေဂေ့လေရယ်။ 20ကိုယ်တော်ယေရှုဟ သူ့ဝို 'ငါဟ လူဒွေကြားနာနိုင်ဝို နေရာဒွေမှာဘဲ့ ဟောပြောဇာဖြစ်ရယ်။ ဂျူးလူမျိုးဒွေစုဝေးဝိုနေရာ ဓမ္မာရုံဒွေန ဗိမာန်တော်မှာ မြဲဒမ်းသွန်သန်နေခဲ့ပီး ဟဲရာဇာဝိုလဲ ရှို့ဝှက်ပီး ဟောပြောခဲ့ဇာမှေ့ရ။ 21နန်ဟ ငါ့ဝို ဟဲဂျော့မေးနေရနူး။ လူဒွေဝို ငါဟဲမျိုးဟောပြောခဲ့ရယ်ဆိုဇာဝို ကြားသူဒွေဆီမှာ မေးလော့။ ငါဟောပြောရစ်ဇာဒွေဝို သူ့နို့သိဂေ့ရယ်' ဆိုပီး ပလန်မိတော်မူလေရယ်။ 22ကိုယ်တော်ယေရှု အဲမိုမျိုးမိတော်မူခါမှာ အဲမိုစော့တပ်သားတယော့ဟ 'နန်ဟ ကီးဆုံးပုရောဟိတ်မန်းကီးဝို အယ်မိုမျိုး ပလန်ပြောဆိုရဲဇာလော'ဆိုပီး ကိုယ်တော်ဝို ရိုက်နှက်လေရယ်။ 23ကိုယ်တော်ယေရှုဟ အဲမိုလူဝို 'ငါပြောဝိုကြောရာဟ မှန်ကန်ဇာမှေ့ဘဲနေဆိုဝါ မှားနေနေရာဝို ထော့ပြလော့။ အယ်ဘေမဲ့ ငါပြောဝိုကြောဟ မှန်ရယ်ဆိုဝါ ဟဲဂျော့ ငါ့ဝိုရိုက်နူး'ဆိုပီး မိတော်မူလေရယ်။ 24အဲနော့ အန္နဟ ကိုယ်တော်ယေရှုဝို ချုပ်နှော်ထားတိုင်းဘဲ့ ကီးဆုံးပုရောဟိတ်ကယာဖဆီဝို ပို့ဆော်စေလွှတ်လေရယ်။ 25ရှိမုန်ပေတရုဟလဲ ရပ်ပီးမီးလှုံနေဇဲဘဲ့ဖြစ်ရယ်။ လူဒွေဟ သူ့ဝို 'နန်ဟ အဲမိုလူရဲ့ဗြိဒွေထဲဟ ယော့မုဝလော'ဆိုပီး မေးဂေ့ပြန်ရာ သူဟ ဂျင်းပီး 'မုဝ'ဆိုပီး ပြောလေရယ်။ 26ပေတရုဟ နားခွက်ဝို လှီးဖြတ်ခဲ့ဝိုသူရဲ့ဆွေမျိုးဖြစ်ဝို ကီးဆုံးပုရောဟိတ်ရဲ့စေခံယော့ဟလဲ 'ငါ နန့်ဝို ယေရှုနတူတူ ဥယျာဥ်မှာ တွီ့ခဲ့ရယ်မုဝလော'ဆိုပီး ပြောလေရယ်။ 27အဲခါမှာ ပေတရုဟ နော့ထပ်တခါဂျင်းန ချင့်ချင်းဘဲ့ ကြစ်တွန်လေရယ်။ 28အဲနော့ မိုးလန်းစောစောမှာ သူ့နို့ဟ ကိုယ်တော်ဝို ကယာဖဆီဟနေ ဘုရင်ခံရဲ့ရုံးတော်ဝို ခေါ်ဆော်သွားဂေ့လေရယ်။ သူ့နို့ဟ ပသခါပွဲတော်ဝို စားနိုင်ဝို့တွက် စင်ကြယ်ဘဲမှုဝို ပြုလုပ်ဇာဟနေ ရှော်လိုရိတွက် ရုံးတော်ထဲဝိုဝမ်ဘဲန နေဂေ့လေရယ်။ 29အဲဂျော့ ပိလတ်ဘုရင်ခံဟ သူ့နို့ရှေ့ဝိုနေရာ ပလန်ဝိုထွက်လာပီး 'နန်းနို့ဟ အယ်မိုလူပေါ်ဝို ဟဲရာစွပ်စွဲချင့်ဝို တံဂေ့နူး'ဆိုပီး မေးလေရယ်။ 30သူ့နို့ဟလဲ 'အယ်လူဟ ပြစ်ကျူးလွန်ဇာမုဘဲနေဆိုဝါ သူ့ဝို အရှင့်ဆီဝို အပ်မှာမုဝ'ဆိုပီး ပလန်လည်ရှော့တံဂေ့လေရယ်။ 31အဲခါမှာ ပိလတ်ဘုရင်ခံဟလဲ 'နန်းနို့ကိုယ်တိုင် သူ့ဝို ခေါ်ဆော်သွားပီး နန်းနို့ဥပဒေအတိုင်း စီရင်ဂေ့ပါ။' ဆိုပီး ပြောလေရယ်။ ဂျူးလူမျိုးဒွေဟလဲ 'ကျော်ဒို့မှာ ဟယ်သူဝိုမှ ကွပ်မျက်ပိုင်ခွမ့်မှေ့ရ'ဆိုပီး ပြောဂေ့လေရယ်။ 32အဲမိုမျိုးဂျော့ ကိုယ်တော်ယေရှုဟ သူဟဲမိုမျိုးသေဆုံးရဝို့ကြောဝို ကြိုတံမိဆိုခြင်းဂါးဟ ပလဲ့ဇုံမှန်ကန်သွားလေရယ်။ 33အဲနော့ ပိလတ်ဘုရင်ခံဟ ရုံးတော်ထဲဝို ပလန်ဝမ်ပီး ကိုယ်တော်ယေရှုဝို ခေါ်ဆော်ပီးန 'နန်ဟ ဂျူးလူမျိုးဒွေရဲ့ ဘုရင်ဖြစ်ပါလော။'ဆိုပီး မေးလေရယ်။ 34ကိုယ်တော်ဟလဲ 'နန်ဟ နန့်ဆန္ဒအရ အယ်မိုမျိုးမေးဇာလော အဲမျိုးမုဘဲနေဆိုဝါ ခြားသူဒွေဟ နန့်ဝိုငါ့ကြောဝို ပြောပြရိဂျော့လော'ဆိုပီး ပလန်လည်မိတော်မူလေရယ်။ 35ပိလတ်ဘုရင်ခံဟ 'ငါဟ ဂျူးလူမျိုးမုဝ။ နန့်ရဲ့လူမျိုးဒွေန ပုရောဟိတ်ကြီးကဲဒွေဟ နန့်ဝို ငါ့ဆီဝို အပ်နှံဇာဖြစ်ရယ်။ နန် ဟဲရာဇာဒွေဝို လုပ်မိခဲ့နူး' ဆိုပီး မေးလေရယ်။ 36ကိုယ်တော်ယေရှုဟလဲ 'ငါ့နိုင်ငံတော်ဟ အယ်မိုဘာလောကမှာ မှေ့ရ။ ငါ့နိုင်ငံတော်ဟ အယ်မိုဘာလောကမှာ ရှေ့ခဲ့မယ်ဆိုဝါ ငါ့ဝို ဂျူးလူမျိုးခေါဆော်ဒွေရဲ့လက်ထဲဝို အပ်နှံဇာခံရဘဲအော် ငါ့လူဒွေဟ တိုက်ခိုက်ဂေ့လိမယ်ဖြစ်ရယ်။ အယ်ဘေမဲ့ ငါ့နိုင်ငံတော်ဟ အယ်နေရာမှာမုဝ' ဆိုပီး မိတော်မူလေရယ်။ 37ပိလတ်ဘုရင်ခံဟ ကိုယ်တော်ဝို 'အဲမျိုးဆိုဝါ နန်ဟ ဘုရင်ဖြစ်ရယ်ဆိုပီး ပြောနေဇာလော' ဆိုပီး မေးခါမှာ ကိုယ်တော်ဟ 'နန်ဟ ငါ့ဝိုဘုရင်ဖြစ်ရယ်ဆိုပီး ပြောရယ်။ မှန်တရားဝို သက်သေခံဝို့တွက် ငါဟ မွီးဖွားလာဇာဖြစ်ပီး အဲမိုတွက်ဂျော့ဘဲ့ ငါဟ အယ်မိုဘာလောကဝိုကြွလာဇာဖြစ်ရယ်။ မှန်တရားနသက်ဆိုင်ဝိုသူဒိုင်းဟ ငါ့သံဝိုနားထော်ဂေ့လိမယ်။" ဆိုပီး မိတော်မူလေရယ်။ 38ပိလတ်ဘုရင်ခံဟလဲ 'မှန်တရားဆိုဇာဟ ဟယ်မှာနူး' ဆိုပီး မေးပီးန သူဟ ဂျူးလူမျိုးဒွေဆီဝို ထပ်ထွက်သွားပီး 'အယ်မိုလူဟ ဟဲရာပြစ်မှုလဲ ကျူးလွန်ထားဇာတွီ့ရ။ 39ပိလတ်ဘုရင်ခံဟလဲ 'မှန်တရားဆိုဇာဟ ဟယ်မှာနူး' ဆိုပီး မေးပီးန သူဟ ဂျူးလူမျိုးဒွေဆီဝို ထပ်ထွက်သွားပီး 'အယ်မိုလူဟ ဟဲရာပြစ်မှုလဲ ကျူးလွန်ထားဇာတွီ့ရ။ 40ဂျူးလူမျိုးဒွေဟ 'သူ့ဝိုလွှတ်ဝို့စား ဗာရဗ္ဗဝို လွှတ်ပေးပါ။' ဆိုပီး ပလန်အော်ပီး ရှော့ထားဂေ့လေရယ်။ အဲမိုဗာရဗ္ဗဆိုဝိုလူဟ မလတယော့ဖြစ်လေရယ်။
Actualmente seleccionado:
John 18: ttpv-rv
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
This translation of the Taungyo Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
John 18
18
1ကိုယ်တော်ဟ အဲမိုမျိုးဆုတောတော်မူပီးနော့ ဗြိတော်ဒွေနတူတူ ကေဒြုန်ချောတဖက်ဝို ကြွတော်မူရယ်။ အဲမိုနေရာမှာ ဥယျာဥ်တခုရှေ့ရိတွက် ကိုယ်တော်ဟ ဗြိတော်ဒွေနတူတူ အဲမိုဥယျာဥ်ထဲဝို ဝမ်တော်မူရယ်။ 2ကိုယ်တော်ဟ အဲမိုရပ်ဝိုဗြိတော်ဒွေနတူတူ ခနခနသွားလေ့ရှေ့ဇာဝို ကိုယ်တော်ဝို သစ္စာဖော့ဝိုလူ ယုဒဟသိလေရယ်။ 3အဲဂျော့ရိ ယုဒဟ တပ်သားတဖွဲ့ဝိုရော၊ ပုရောဟိတ်ကြီးကဲဒွေနဖာရိရှဲဒွေဟ စေလွှတ်ဝို ရာရှေ့ချို့ဝိုရောခေါ်ရားပီး မီးအီဒွေ၊ မီးဒုတ်ဒွေန လက်နက်ဒွေကိုင်ဆော်ပီး အဲမိုနေရာဝို လာဂေ့ရယ်။ 4အဲခါမှာ ကိုယ့်မှာဖြစ်လာဝို့ရာဒွေဝို သိနှင့်တော်မူဝို ကိုယ်တော်ယေရှုဟ ရှေ့ဝိုထွက်ပီး အဲမိုလူဒွေဝို 'နန်းနို့ ဟယ်သူဝိုရှာနေနူး' ဆိုပီး မေးတော်မူခါမှာ 5သူ့နို့ဟလဲ 'နာဇရက်ဗြို့သား ယေရှုဝို ရှာရယ်'ဆိုပီး ဖြေရိတွက် ကိုယ်တော်ဟ 'ငါဟ အဲမိုလူဘဲ့ဖြစ်ရယ်'ဆိုပီး မိတော်မူလေရယ်။ ကိုယ်တော်ဝို သစ္စာဖော့ဝိုယုဒဟလဲ အဲမိုတပ်သားဒွေနတူတူ ရပ်နေလေရယ်။ 6ကိုယ်တော်ဟ သူ့နို့ဝို 'ငါဟ အဲမိုလူဖြစ်ရယ်'ဆိုပီး မိတော်မူလိုက်န အဲမိုလူဒွေဟ နော့ဝိုဆုပီး မလေပေါ်ဝို လဲကလဂူရယ်။ 7အဲဂျော့ ကိုယ်တော်ဟ ထပ်ပီး သူ့နို့ဝို 'နန်းနို့ ဟဘ်သူဝိုရှာနေနူး' ဆိုပီး မေးလေရာ သူ့နို့ဟ 'နာဇရက်ဗြို့သား ယေရှုဝို ရှာပါရယ်'ဆိုပီး ပြောဂေ့ပြန်ရယ်။ 8ကိုယ်တော်ဟလဲ 'အဲမိုလူဟ ငါဖြစ်ရယ်ဆိုပီး ပြောပီးပီမုဝလော။ အဲဂျော့ နန်းနို့ဟ ငါ့ဝိုရှာရယ်ဆိုဝါ ခြားသူဒွေဝို သွားခွမ့်ပေးလိုက်ပါ'ဆိုပီး ပလန်လည်မိတော်မူလေရယ်။ 9အဲမိုမျိုး မိတော်မူခြင်းဖြင့် 'ကျော့်ဆီ အရှင်ပေးအပ်တော်မူဝိုသူဒွေထဲဟ ဟယ်သူဝိုမှ ကျော်ဆုံးရှုံးရစ်ရ'ဆိုပီး ကိုယ်တော်မိဆိုရစ်ဝိုဂါးဟ မှန်ကန်ပလဲ့ဇုံဇေခဲ့လေရယ်။ 10 အဲမိုခီမှာ ရှိမုန်ပေတရုဟ သူ့မှာပါလာဝို ထားဝိုဆွဲထုပီး ကီးဆုံးပုရောဟိတ်ရဲ့စေခံဝို ခုတ်လိုက်ရာ အဲမိုလူရဲ့ညာဖက်နားခွက် ပြတ်ရားလေရယ်။(အဲမိုစေခံရဲ့နော်မယ်ဟ မာလခုဖြစ်ရယ်) 11ကိုယ်တော်ယေရှုဟ ပေတရုဝို 'နန့်ထားဝို ဖယ်ရားလော့၊ ငါ့ဝိုအဖဘုရားရှင် ပေးတော်မူဝို ဆင်းရဲဒုက္ခခွက်ဝို ငါသော့ဘဲနနေရမယ်လော'ဆိုပီး မိတော်မူလေရယ်။ 12 အဲခါမှာ တပ်သားဒွေ၊ ရာရှေ့ဒွေန ဂျူးလူမျိုးစော့တပ်သားဒွေဟ ကိုယ်တော်ယေရှုဝို ဖမ်းဆီးချုပ်နှော်ဂေ့လေရယ်။ 13 အဲနော့ ကိုယ်တော်ဝို အဲမိုနှစ်ကာလရဲ့ ပုရောဟိတ်ကြီးကဲဖြစ်သူ ကယာဖရဲ့ယောက္ခမဖြစ်သူ အန္နဆီဝို ဦးဆုံးခေါ်ဆော်သွားဂေ့လေရယ်။ 14ကယာဖဟ လူဒွေကိုယ်စား လူတယော့ဟ သေခံခြင်းဟ ပိုပီးကောရယ်ဆိုပီး ဂျူးလူမျိုးကြီးကဲဒွေဝို ကြံပေးသူဖြစ်ရယ်။ 15ရှိမုန်ပေတရုန ခြားဗြိတော်တယော့ဟ ကိုယ်တော်ယေရှုရဲ့နော့ဝို လိုက်သွားဂေ့လေရယ်။ အဲမိုခြားဗြိတော်တယော့ဟ ကီးဆုံးပုရောဟိတ်ကီးဝို ကောကောသိကျွမ်းသူဖြစ်ရိတွက် ကိုယ်တော်ယေရှုနတူတူ ကီးဆုံးပုရောဟိတ်ရဲ့ အီဝမ်းထဲဝို လိုက်သွားဂေ့လေရယ်။ 16ပေတရုဟခေါ့ပေါ့ပလန်မှာ ရပ်ပီး စော့နေလေရယ်။ ပုရောဟိတ်မန်းကီးန သိဝို ခြားဗြိတော်တယော့ဟ ခေါ့ပေါ့ဝဝိုပလန်သွားပီး ခေါ့ပေါ့စော့မီးမန ဂါးပြောပီးန ပေတရုဝို ခြံထဲဝို ခေါ်လာလေရယ်။ 17အဲခါမှာ ခေါ့ပေါ့စော့မီးမဟ ပေတရုဝို 'နန်လဲ အဲမိုလူရဲ့ဗြိတယော့မုဝလော'ဆိုပီး မေးခါမှာ ပေတရုဟ 'မုဝ'ဆိုပီး ပြောလေရယ်။ 18အဲမိုခီဟ အေးဗျင်းရိတွက် စေခံဒွေနရာရှေ့ဒွေဟ မီးသွေးမီးဖိုပီး အဲမိုနားမှာ ရပ်ပီး မီးလှုံနေဂေ့လေရယ်။ ပေတရုဟလဲ သူ့နို့နတူတူ ရပ်ပီး မီးလှုံနေဂေ့လေရယ်။ 19အဲမိုခီဟ အေးဗျင်းရိတွက် စေခံဒွေနရာရှေ့ဒွေဟ မီးသွေးမီးဖိုပီး အဲမိုနားမှာ ရပ်ပီး မီးလှုံနေဂေ့လေရယ်။ ပေတရုဟလဲ သူ့နို့နတူတူ ရပ်ပီး မီးလှုံနေဂေ့လေရယ်။ 20ကိုယ်တော်ယေရှုဟ သူ့ဝို 'ငါဟ လူဒွေကြားနာနိုင်ဝို နေရာဒွေမှာဘဲ့ ဟောပြောဇာဖြစ်ရယ်။ ဂျူးလူမျိုးဒွေစုဝေးဝိုနေရာ ဓမ္မာရုံဒွေန ဗိမာန်တော်မှာ မြဲဒမ်းသွန်သန်နေခဲ့ပီး ဟဲရာဇာဝိုလဲ ရှို့ဝှက်ပီး ဟောပြောခဲ့ဇာမှေ့ရ။ 21နန်ဟ ငါ့ဝို ဟဲဂျော့မေးနေရနူး။ လူဒွေဝို ငါဟဲမျိုးဟောပြောခဲ့ရယ်ဆိုဇာဝို ကြားသူဒွေဆီမှာ မေးလော့။ ငါဟောပြောရစ်ဇာဒွေဝို သူ့နို့သိဂေ့ရယ်' ဆိုပီး ပလန်မိတော်မူလေရယ်။ 22ကိုယ်တော်ယေရှု အဲမိုမျိုးမိတော်မူခါမှာ အဲမိုစော့တပ်သားတယော့ဟ 'နန်ဟ ကီးဆုံးပုရောဟိတ်မန်းကီးဝို အယ်မိုမျိုး ပလန်ပြောဆိုရဲဇာလော'ဆိုပီး ကိုယ်တော်ဝို ရိုက်နှက်လေရယ်။ 23ကိုယ်တော်ယေရှုဟ အဲမိုလူဝို 'ငါပြောဝိုကြောရာဟ မှန်ကန်ဇာမှေ့ဘဲနေဆိုဝါ မှားနေနေရာဝို ထော့ပြလော့။ အယ်ဘေမဲ့ ငါပြောဝိုကြောဟ မှန်ရယ်ဆိုဝါ ဟဲဂျော့ ငါ့ဝိုရိုက်နူး'ဆိုပီး မိတော်မူလေရယ်။ 24အဲနော့ အန္နဟ ကိုယ်တော်ယေရှုဝို ချုပ်နှော်ထားတိုင်းဘဲ့ ကီးဆုံးပုရောဟိတ်ကယာဖဆီဝို ပို့ဆော်စေလွှတ်လေရယ်။ 25ရှိမုန်ပေတရုဟလဲ ရပ်ပီးမီးလှုံနေဇဲဘဲ့ဖြစ်ရယ်။ လူဒွေဟ သူ့ဝို 'နန်ဟ အဲမိုလူရဲ့ဗြိဒွေထဲဟ ယော့မုဝလော'ဆိုပီး မေးဂေ့ပြန်ရာ သူဟ ဂျင်းပီး 'မုဝ'ဆိုပီး ပြောလေရယ်။ 26ပေတရုဟ နားခွက်ဝို လှီးဖြတ်ခဲ့ဝိုသူရဲ့ဆွေမျိုးဖြစ်ဝို ကီးဆုံးပုရောဟိတ်ရဲ့စေခံယော့ဟလဲ 'ငါ နန့်ဝို ယေရှုနတူတူ ဥယျာဥ်မှာ တွီ့ခဲ့ရယ်မုဝလော'ဆိုပီး ပြောလေရယ်။ 27အဲခါမှာ ပေတရုဟ နော့ထပ်တခါဂျင်းန ချင့်ချင်းဘဲ့ ကြစ်တွန်လေရယ်။ 28အဲနော့ မိုးလန်းစောစောမှာ သူ့နို့ဟ ကိုယ်တော်ဝို ကယာဖဆီဟနေ ဘုရင်ခံရဲ့ရုံးတော်ဝို ခေါ်ဆော်သွားဂေ့လေရယ်။ သူ့နို့ဟ ပသခါပွဲတော်ဝို စားနိုင်ဝို့တွက် စင်ကြယ်ဘဲမှုဝို ပြုလုပ်ဇာဟနေ ရှော်လိုရိတွက် ရုံးတော်ထဲဝိုဝမ်ဘဲန နေဂေ့လေရယ်။ 29အဲဂျော့ ပိလတ်ဘုရင်ခံဟ သူ့နို့ရှေ့ဝိုနေရာ ပလန်ဝိုထွက်လာပီး 'နန်းနို့ဟ အယ်မိုလူပေါ်ဝို ဟဲရာစွပ်စွဲချင့်ဝို တံဂေ့နူး'ဆိုပီး မေးလေရယ်။ 30သူ့နို့ဟလဲ 'အယ်လူဟ ပြစ်ကျူးလွန်ဇာမုဘဲနေဆိုဝါ သူ့ဝို အရှင့်ဆီဝို အပ်မှာမုဝ'ဆိုပီး ပလန်လည်ရှော့တံဂေ့လေရယ်။ 31အဲခါမှာ ပိလတ်ဘုရင်ခံဟလဲ 'နန်းနို့ကိုယ်တိုင် သူ့ဝို ခေါ်ဆော်သွားပီး နန်းနို့ဥပဒေအတိုင်း စီရင်ဂေ့ပါ။' ဆိုပီး ပြောလေရယ်။ ဂျူးလူမျိုးဒွေဟလဲ 'ကျော်ဒို့မှာ ဟယ်သူဝိုမှ ကွပ်မျက်ပိုင်ခွမ့်မှေ့ရ'ဆိုပီး ပြောဂေ့လေရယ်။ 32အဲမိုမျိုးဂျော့ ကိုယ်တော်ယေရှုဟ သူဟဲမိုမျိုးသေဆုံးရဝို့ကြောဝို ကြိုတံမိဆိုခြင်းဂါးဟ ပလဲ့ဇုံမှန်ကန်သွားလေရယ်။ 33အဲနော့ ပိလတ်ဘုရင်ခံဟ ရုံးတော်ထဲဝို ပလန်ဝမ်ပီး ကိုယ်တော်ယေရှုဝို ခေါ်ဆော်ပီးန 'နန်ဟ ဂျူးလူမျိုးဒွေရဲ့ ဘုရင်ဖြစ်ပါလော။'ဆိုပီး မေးလေရယ်။ 34ကိုယ်တော်ဟလဲ 'နန်ဟ နန့်ဆန္ဒအရ အယ်မိုမျိုးမေးဇာလော အဲမျိုးမုဘဲနေဆိုဝါ ခြားသူဒွေဟ နန့်ဝိုငါ့ကြောဝို ပြောပြရိဂျော့လော'ဆိုပီး ပလန်လည်မိတော်မူလေရယ်။ 35ပိလတ်ဘုရင်ခံဟ 'ငါဟ ဂျူးလူမျိုးမုဝ။ နန့်ရဲ့လူမျိုးဒွေန ပုရောဟိတ်ကြီးကဲဒွေဟ နန့်ဝို ငါ့ဆီဝို အပ်နှံဇာဖြစ်ရယ်။ နန် ဟဲရာဇာဒွေဝို လုပ်မိခဲ့နူး' ဆိုပီး မေးလေရယ်။ 36ကိုယ်တော်ယေရှုဟလဲ 'ငါ့နိုင်ငံတော်ဟ အယ်မိုဘာလောကမှာ မှေ့ရ။ ငါ့နိုင်ငံတော်ဟ အယ်မိုဘာလောကမှာ ရှေ့ခဲ့မယ်ဆိုဝါ ငါ့ဝို ဂျူးလူမျိုးခေါဆော်ဒွေရဲ့လက်ထဲဝို အပ်နှံဇာခံရဘဲအော် ငါ့လူဒွေဟ တိုက်ခိုက်ဂေ့လိမယ်ဖြစ်ရယ်။ အယ်ဘေမဲ့ ငါ့နိုင်ငံတော်ဟ အယ်နေရာမှာမုဝ' ဆိုပီး မိတော်မူလေရယ်။ 37ပိလတ်ဘုရင်ခံဟ ကိုယ်တော်ဝို 'အဲမျိုးဆိုဝါ နန်ဟ ဘုရင်ဖြစ်ရယ်ဆိုပီး ပြောနေဇာလော' ဆိုပီး မေးခါမှာ ကိုယ်တော်ဟ 'နန်ဟ ငါ့ဝိုဘုရင်ဖြစ်ရယ်ဆိုပီး ပြောရယ်။ မှန်တရားဝို သက်သေခံဝို့တွက် ငါဟ မွီးဖွားလာဇာဖြစ်ပီး အဲမိုတွက်ဂျော့ဘဲ့ ငါဟ အယ်မိုဘာလောကဝိုကြွလာဇာဖြစ်ရယ်။ မှန်တရားနသက်ဆိုင်ဝိုသူဒိုင်းဟ ငါ့သံဝိုနားထော်ဂေ့လိမယ်။" ဆိုပီး မိတော်မူလေရယ်။ 38ပိလတ်ဘုရင်ခံဟလဲ 'မှန်တရားဆိုဇာဟ ဟယ်မှာနူး' ဆိုပီး မေးပီးန သူဟ ဂျူးလူမျိုးဒွေဆီဝို ထပ်ထွက်သွားပီး 'အယ်မိုလူဟ ဟဲရာပြစ်မှုလဲ ကျူးလွန်ထားဇာတွီ့ရ။ 39ပိလတ်ဘုရင်ခံဟလဲ 'မှန်တရားဆိုဇာဟ ဟယ်မှာနူး' ဆိုပီး မေးပီးန သူဟ ဂျူးလူမျိုးဒွေဆီဝို ထပ်ထွက်သွားပီး 'အယ်မိုလူဟ ဟဲရာပြစ်မှုလဲ ကျူးလွန်ထားဇာတွီ့ရ။ 40ဂျူးလူမျိုးဒွေဟ 'သူ့ဝိုလွှတ်ဝို့စား ဗာရဗ္ဗဝို လွှတ်ပေးပါ။' ဆိုပီး ပလန်အော်ပီး ရှော့ထားဂေ့လေရယ်။ အဲမိုဗာရဗ္ဗဆိုဝိုလူဟ မလတယော့ဖြစ်လေရယ်။
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
This translation of the Taungyo Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.