MARKUS 10
10
Passipelakang
10:1-12
(Mat. 19:1-9)
1Battu ri injo a'lampai Isa mange ri tana Yudea na ri tana ha'leanna Balang Yordan na lohemo isse' tau battu a'domung riampi'Na; na assimpole biasana Ia laajarai pole. 2Jari rie'mo lohe tau Farisi, na lalaso'ri Isa jari akkuta'nangimu mange ri Ia, ”Apa se're inni bura'ne akkulle lapela' bahinenna?” 3Mingka pappihalinna Isa mange ri iyai, ”Apa nulapassurang injo Musa mange ri kau?” 4#Ul. 24:1-4; Mat. 5:31Lakuamo, ”Musa lapa'biangi se're inni bura'ne lapela' bahinenna ampa lapa'buakangi sura' talla'.” 5Jari appaui Isa mange ri iyai, ”Saba' pammate terasa'na atimu jari Musa laukiri parenta inni mange ri kau. 6#Kej. 1:27, 5:2Sitoje'na minang ripakaramulana lino inni, Allataala appaa'jari bura'ne na bahine, 7#Kej. 2:24injomo saba'na se're inni bura'ne lalabokoi ammanna surang idonna na assialle surang bahinenna, 8jari ruaiya a'jarimu se're batangkale. Ri appakonjona iyai injo gelemo rua mingka se're. 9Injomo saba'na apa numaeng lapasse're Allataala gele akkulle lapassipelakang rupatau.”
10Rihattunnamo ambattui ri sapo, akkuta'nangi pole ana'-ana' gurung injo mange ri Isa ripassala injo. 11#Mat. 5:32; Luk. 16:18; 1 Kor. 7:10-11Jari lakuamo Isa mange ri iyai, ”Inai jua lapela' bahinenna ampai a'bonting ri bahine maraeng, ia assangkili mange ri bahinenna. 12Ampa rie' bahine lapela' bura'nenna na a'bontingi ri bura'ne maraeng, ia assangkili mange bura'nenna.”
Isa ambarakkaki ana'-ana'
10:13-16
(Mat. 19:13-15; Luk. 18:15-17)
13Rie'mo tau ngerang ana'-ana' ki'di' mange ri Isa, solanna labarakkaki ngase'i Isa, mingka ana'-ana' gurunNa lapisangkai tau lohe injo. 14Lajanjanna passala injo, kuku'i Isa na appaui mange ri iyai, ”Lappasangi ana'-ana' ki'di' intu battu mae ri Nakke, ako muampangi, saba' tau assimpole injomo inni lalaampunnai Pakkaraengang Allataala. 15#Mat. 18:3; Luk. 18:17Sitoje'na Nakke appau mange ri kaui: Inai jua gele anruppai Pakkaraengang Allataala assimpole ana'-ana' ki'di' inni, ia gele laantama' ri injo.” 16Jari laraka'i Isa ana'-ana' ki'di' injo na lataro limanNa rateang ulunnai tanra pambarakkaki.
Tau kalumannyang inni sukkarai antama' ri Pakkaraengang Allataala
10:17-27
(Mat. 19:16-26; Luk. 18:18-27)
17Rihattunna Isa latarrusang pa'lingkaanNa, rie'mo se're tau allari anruppai ri Ia na akkolantu'i ri a'rakanNa ampai akkuta'nang, ”Guru tubaji', apamo parallu kugeokang lakuuppai tallasa mannannungang?” 18Appihalimu Isa, ”Ngura mupaui Nakke tubaji? Gele rie' manna se're tau baji' passangadinna Allataala jua. 19#Kel. 20:12-16; Ul. 5:16-20Tantu muisse'na sikonjo parenta inni: Akolalo muno, akolalo assangkili, akolalo a'lukka', akolalo assare sa'bi gele naba, akolalo tipui parammu tau, ngali'ko ri ammammu na ri idommu!” 20Jari lakuamo tau injo mange ri Isa, ”Guru, iangase'na injo maeng kugeokammu minang ri ana'-ana'ku juapa.” 21Mingka latangarai Isa tau injo na lakamaseangi, jari appaui mange ri ia, ”Rie'pa se're nukurang ri kau: A'lampako, na balukangi sikuanna pa'barang-barangammu na pa'dahu-dahuangi mange risikuanna tau kaasi-asi, jari nguppako pa'barang-barangang ri Suruga, maeng injo maeko konni na minahangko ri Nakke.” 22Rilalangngere'na pau injo pi'lasamu rupanna, ampai a'lampa lalang ri kapa'risang, saba' tau kalumannyangi.
23Jari Isa latangarai ana'-ana' gurunNa rie' injo ri ampi'Na na appaui mange ri iyai, ”Sukku' terasa'na tau kalumannyang inni laantama' ri Pakkaraengang Allataala.” 24Kaliru ngase' ana'-ana' gurunNa lalangngere'na pau injo. Mingka appaui pole Isa, ”Ana'-ana'Ku, sukku' terasa'na antama' ri Pakkaraengang Allataala. 25La'bi lo'morangi sikaju unta a'molong ri balo jarung na tukalumannyang antama' ri Pakkaraengang Allataala.” 26Jari pela' lannasamu ana'-ana' gurunNa na assilagari, ”Ampa appakonjo, inaimo akkulle ripakasalama'?” 27Latangarai Isa na appaui, ”Ri rupatau inni passala injo gele ma'ring, mingka gele appakonjo ri Allataala. Saba' sikuanna ma'ringi Allataala.”
Sahala minahang ri Isa
10:28-31
(Mat. 19:27-30; Luk. 18:28-30)
28Jari appaui Petrus mange ri Isa, ”Kambe inni tabokoi ngase'mu anumba na minahangkang ri ditte!” 29Appihali Isa mange ri ia, ”Sitoje'na Nakke appau mange ri kaui, sikuanna tau passabakang ri Nakke na rikanara Injili na labokoi saponna, iyareka urang siana' bura'nena iyareka urang siana' bahinena, iyareka idonna iyareka ammanna, iyareka ana'-ana'na, iyareka kokonna, 30tau injo rihattu inni jua na latarimai muliang a'lappi sibilangang: sapo, urang siana' bura'ne, urang siana' bahine, idong, amma, ana' na koko manna injo lapinahangi kasissaang, na sallo' lanarimai tallasa mannannungang. 31#Mat. 20:16; Luk. 13:30Mingka lalohe tau kaminang riolo laa'jari kaminang riboko na tukaminang riboko injo laa'jari kaminang riolo.”
Makapintallunna lapappiissekang passala kasissaanna Isa
10:32-34
(Mat. 20:17-19; Luk. 18:31-34)
32Isa na ana'-ana' gurunNa attangnga lalangimu lamange ri Yerusalem na Isa a'lingkai ri a'rakang. Bentere ngase'i ana' gurunNa na tau lohe minahang injo ri Ia battu ri boko mallaki todo'i. Sikalipa pole Isa lakeo'i sampuloiya rua suro-suroNa na pakaramulamu Isa lapau mange ri iyai apa nulaa'jari ri kalenNa, 33”Konni-konnina a'lampaki mange ri Yerusalem na Ana' Rupatau laripassareangi mange risikonjo imang ponggaha surang risikonjo guru Tora', na iyai lalasare hukkungang mate mange ri Ia. Iyaimo lalapassareangi mange ri tau maraeng, 34na Ia laritua-tuai, laripe'rui, larirabungi na larihuno, mingka ri allo makatalluna Ia laattallasai muliang.”
Pangerana Yakobus na Yahya Gele lamarenta mingka lanjampangi
10:35-45
(Mat. 20:20-28)
35Jari Yakobus surang Yahya, ana'-ana'na Zebedeus, laseppaki Isa na appaui mange ri Ia, ”Guru, taminasai ri Kau bisannabali narigeokangi ri nutaera injo ri Kau!” 36Appihali Isa mange ri iyai, ”Apa mukaa'raki Kugeokangi ri kau?” 37Lakuaimo, ”Ripa'biangkang attolong lalang rikala'biranTa sallo', se're risa'ri kananTa na se're risa'ri kairinTa.” 38#Luk. 12:50Mingka appaui Isa mange ri iyai, ”Gele muisseki numuera injo. Makala akkulle juako laminahang rikasissaang nuparallu injo laKupa'lalangi iyareka ri panrio nuparallu injo laKutarima?” 39Pappihalinnai, ”Akkullekang.” Appaui Isa mange ri iyai, ”Toje'i, laminahangiko rikasissaang laKupa'lalangi injo na lanrioiko ripanrio laKutarima injo. 40Mingka passala attolong risa'ri kanangKu iyareka risa'ri kairingKu, Nakke tide' pakkulleKu laassare. Injo risareangi mange risikuanna tau numaeng ripasakadiaang injo mange ri ia.”
41Lalangngere'na injo kukukimu sampuloiya suro-suro maraeng mange ri Yakobus na ri Yahya. 42#Luk. 22:25Jari Isa lakeo' ngase'i na appaui, ”Muisse'i ma'nassana turiakui injo assimpole pamarenta risikuanna tau lapalingka kahasana assimpole karaeng ri jannanganna, na sikuanna tau kahasa lalisakangi. 43#Mat. 23:11; Mark. 9:35; Luk. 22:26Gele appakonjo ri kaui. Inai jua a'ra' a'jari lakaminang bakka' ri kaui, parallui a'jari pajampangimmu, 44na inai jua a'ra' a'jari lakaminang rate, parallui lapaa'jari ata kalenna. 45Saba' Ana' Rupatau rie'i gele larijampangi, mingka lanjampangi na lalapassareangi nyahaNa a'jari pallappasi kadorakaang rilohe tau.”
Isa lapakaanjanjangi Bartimeus
10:46-52
(Mat. 20:29-34; Luk. 18:35-43)
46Jari ambattumu Isa surang ana'-ana' gurunNa ri Yerikho. Sungka'i ansulu' Isa ri Yerikho surang ana'-ana' gurunNa na lohe pole tau a'rurung-rurung minahang, rie'mo se're paera-era buta, turiare' Bartimeus attolong ri biring lalang. 47Sungka'i lalangngere ma'nassana tua'molong injo iamo Isa tau battu injo ri Nazaret, pakaramulamu a'nga'ngara, ”Isa Ana' Daud, rikamaseanga!” 48Lohe tau appisangka solanna ammakkang. Mingka pela' bakka'i sa'ranna a'nga'ngara, ”Ana' Daud rikamaseanga.” 49Jari attaangi Isa ampai appau, ”Keo'i mae!” Jari lakeokimu tau buta injo na appaui mange ri ia, ”Pakasa'ga'i nyahamu, na ammentengko, Ia lakeo'ko.” 50Tau buta injo lataro baju bakka'na, ampai lassiri ammenteng na a'lingkai mange ri Isa. 51Pakkuta'nanna Isa mange ri ia, ”Apa mukaa'raki ri Nakke laKugeokangi ri kau?” Pappihalinna tau buta injo, ”Guru, a'ra'a kodong anjanjang!” 52Jari appaui Isa mange ri ia, ”A'lampamoko, tappa'mu lapakasalama'ko!” Rihattu injo jua na akkullei anjanjang matanna, jari minahammu ri Isa ripa'lingkaanNa.
Actualmente seleccionado:
MARKUS 10: LAI_SLY
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
@LAI 2012 Indonesian Bible Society (Lembaga Alkitab Indonesia)
MARKUS 10
10
Passipelakang
10:1-12
(Mat. 19:1-9)
1Battu ri injo a'lampai Isa mange ri tana Yudea na ri tana ha'leanna Balang Yordan na lohemo isse' tau battu a'domung riampi'Na; na assimpole biasana Ia laajarai pole. 2Jari rie'mo lohe tau Farisi, na lalaso'ri Isa jari akkuta'nangimu mange ri Ia, ”Apa se're inni bura'ne akkulle lapela' bahinenna?” 3Mingka pappihalinna Isa mange ri iyai, ”Apa nulapassurang injo Musa mange ri kau?” 4#Ul. 24:1-4; Mat. 5:31Lakuamo, ”Musa lapa'biangi se're inni bura'ne lapela' bahinenna ampa lapa'buakangi sura' talla'.” 5Jari appaui Isa mange ri iyai, ”Saba' pammate terasa'na atimu jari Musa laukiri parenta inni mange ri kau. 6#Kej. 1:27, 5:2Sitoje'na minang ripakaramulana lino inni, Allataala appaa'jari bura'ne na bahine, 7#Kej. 2:24injomo saba'na se're inni bura'ne lalabokoi ammanna surang idonna na assialle surang bahinenna, 8jari ruaiya a'jarimu se're batangkale. Ri appakonjona iyai injo gelemo rua mingka se're. 9Injomo saba'na apa numaeng lapasse're Allataala gele akkulle lapassipelakang rupatau.”
10Rihattunnamo ambattui ri sapo, akkuta'nangi pole ana'-ana' gurung injo mange ri Isa ripassala injo. 11#Mat. 5:32; Luk. 16:18; 1 Kor. 7:10-11Jari lakuamo Isa mange ri iyai, ”Inai jua lapela' bahinenna ampai a'bonting ri bahine maraeng, ia assangkili mange ri bahinenna. 12Ampa rie' bahine lapela' bura'nenna na a'bontingi ri bura'ne maraeng, ia assangkili mange bura'nenna.”
Isa ambarakkaki ana'-ana'
10:13-16
(Mat. 19:13-15; Luk. 18:15-17)
13Rie'mo tau ngerang ana'-ana' ki'di' mange ri Isa, solanna labarakkaki ngase'i Isa, mingka ana'-ana' gurunNa lapisangkai tau lohe injo. 14Lajanjanna passala injo, kuku'i Isa na appaui mange ri iyai, ”Lappasangi ana'-ana' ki'di' intu battu mae ri Nakke, ako muampangi, saba' tau assimpole injomo inni lalaampunnai Pakkaraengang Allataala. 15#Mat. 18:3; Luk. 18:17Sitoje'na Nakke appau mange ri kaui: Inai jua gele anruppai Pakkaraengang Allataala assimpole ana'-ana' ki'di' inni, ia gele laantama' ri injo.” 16Jari laraka'i Isa ana'-ana' ki'di' injo na lataro limanNa rateang ulunnai tanra pambarakkaki.
Tau kalumannyang inni sukkarai antama' ri Pakkaraengang Allataala
10:17-27
(Mat. 19:16-26; Luk. 18:18-27)
17Rihattunna Isa latarrusang pa'lingkaanNa, rie'mo se're tau allari anruppai ri Ia na akkolantu'i ri a'rakanNa ampai akkuta'nang, ”Guru tubaji', apamo parallu kugeokang lakuuppai tallasa mannannungang?” 18Appihalimu Isa, ”Ngura mupaui Nakke tubaji? Gele rie' manna se're tau baji' passangadinna Allataala jua. 19#Kel. 20:12-16; Ul. 5:16-20Tantu muisse'na sikonjo parenta inni: Akolalo muno, akolalo assangkili, akolalo a'lukka', akolalo assare sa'bi gele naba, akolalo tipui parammu tau, ngali'ko ri ammammu na ri idommu!” 20Jari lakuamo tau injo mange ri Isa, ”Guru, iangase'na injo maeng kugeokammu minang ri ana'-ana'ku juapa.” 21Mingka latangarai Isa tau injo na lakamaseangi, jari appaui mange ri ia, ”Rie'pa se're nukurang ri kau: A'lampako, na balukangi sikuanna pa'barang-barangammu na pa'dahu-dahuangi mange risikuanna tau kaasi-asi, jari nguppako pa'barang-barangang ri Suruga, maeng injo maeko konni na minahangko ri Nakke.” 22Rilalangngere'na pau injo pi'lasamu rupanna, ampai a'lampa lalang ri kapa'risang, saba' tau kalumannyangi.
23Jari Isa latangarai ana'-ana' gurunNa rie' injo ri ampi'Na na appaui mange ri iyai, ”Sukku' terasa'na tau kalumannyang inni laantama' ri Pakkaraengang Allataala.” 24Kaliru ngase' ana'-ana' gurunNa lalangngere'na pau injo. Mingka appaui pole Isa, ”Ana'-ana'Ku, sukku' terasa'na antama' ri Pakkaraengang Allataala. 25La'bi lo'morangi sikaju unta a'molong ri balo jarung na tukalumannyang antama' ri Pakkaraengang Allataala.” 26Jari pela' lannasamu ana'-ana' gurunNa na assilagari, ”Ampa appakonjo, inaimo akkulle ripakasalama'?” 27Latangarai Isa na appaui, ”Ri rupatau inni passala injo gele ma'ring, mingka gele appakonjo ri Allataala. Saba' sikuanna ma'ringi Allataala.”
Sahala minahang ri Isa
10:28-31
(Mat. 19:27-30; Luk. 18:28-30)
28Jari appaui Petrus mange ri Isa, ”Kambe inni tabokoi ngase'mu anumba na minahangkang ri ditte!” 29Appihali Isa mange ri ia, ”Sitoje'na Nakke appau mange ri kaui, sikuanna tau passabakang ri Nakke na rikanara Injili na labokoi saponna, iyareka urang siana' bura'nena iyareka urang siana' bahinena, iyareka idonna iyareka ammanna, iyareka ana'-ana'na, iyareka kokonna, 30tau injo rihattu inni jua na latarimai muliang a'lappi sibilangang: sapo, urang siana' bura'ne, urang siana' bahine, idong, amma, ana' na koko manna injo lapinahangi kasissaang, na sallo' lanarimai tallasa mannannungang. 31#Mat. 20:16; Luk. 13:30Mingka lalohe tau kaminang riolo laa'jari kaminang riboko na tukaminang riboko injo laa'jari kaminang riolo.”
Makapintallunna lapappiissekang passala kasissaanna Isa
10:32-34
(Mat. 20:17-19; Luk. 18:31-34)
32Isa na ana'-ana' gurunNa attangnga lalangimu lamange ri Yerusalem na Isa a'lingkai ri a'rakang. Bentere ngase'i ana' gurunNa na tau lohe minahang injo ri Ia battu ri boko mallaki todo'i. Sikalipa pole Isa lakeo'i sampuloiya rua suro-suroNa na pakaramulamu Isa lapau mange ri iyai apa nulaa'jari ri kalenNa, 33”Konni-konnina a'lampaki mange ri Yerusalem na Ana' Rupatau laripassareangi mange risikonjo imang ponggaha surang risikonjo guru Tora', na iyai lalasare hukkungang mate mange ri Ia. Iyaimo lalapassareangi mange ri tau maraeng, 34na Ia laritua-tuai, laripe'rui, larirabungi na larihuno, mingka ri allo makatalluna Ia laattallasai muliang.”
Pangerana Yakobus na Yahya Gele lamarenta mingka lanjampangi
10:35-45
(Mat. 20:20-28)
35Jari Yakobus surang Yahya, ana'-ana'na Zebedeus, laseppaki Isa na appaui mange ri Ia, ”Guru, taminasai ri Kau bisannabali narigeokangi ri nutaera injo ri Kau!” 36Appihali Isa mange ri iyai, ”Apa mukaa'raki Kugeokangi ri kau?” 37Lakuaimo, ”Ripa'biangkang attolong lalang rikala'biranTa sallo', se're risa'ri kananTa na se're risa'ri kairinTa.” 38#Luk. 12:50Mingka appaui Isa mange ri iyai, ”Gele muisseki numuera injo. Makala akkulle juako laminahang rikasissaang nuparallu injo laKupa'lalangi iyareka ri panrio nuparallu injo laKutarima?” 39Pappihalinnai, ”Akkullekang.” Appaui Isa mange ri iyai, ”Toje'i, laminahangiko rikasissaang laKupa'lalangi injo na lanrioiko ripanrio laKutarima injo. 40Mingka passala attolong risa'ri kanangKu iyareka risa'ri kairingKu, Nakke tide' pakkulleKu laassare. Injo risareangi mange risikuanna tau numaeng ripasakadiaang injo mange ri ia.”
41Lalangngere'na injo kukukimu sampuloiya suro-suro maraeng mange ri Yakobus na ri Yahya. 42#Luk. 22:25Jari Isa lakeo' ngase'i na appaui, ”Muisse'i ma'nassana turiakui injo assimpole pamarenta risikuanna tau lapalingka kahasana assimpole karaeng ri jannanganna, na sikuanna tau kahasa lalisakangi. 43#Mat. 23:11; Mark. 9:35; Luk. 22:26Gele appakonjo ri kaui. Inai jua a'ra' a'jari lakaminang bakka' ri kaui, parallui a'jari pajampangimmu, 44na inai jua a'ra' a'jari lakaminang rate, parallui lapaa'jari ata kalenna. 45Saba' Ana' Rupatau rie'i gele larijampangi, mingka lanjampangi na lalapassareangi nyahaNa a'jari pallappasi kadorakaang rilohe tau.”
Isa lapakaanjanjangi Bartimeus
10:46-52
(Mat. 20:29-34; Luk. 18:35-43)
46Jari ambattumu Isa surang ana'-ana' gurunNa ri Yerikho. Sungka'i ansulu' Isa ri Yerikho surang ana'-ana' gurunNa na lohe pole tau a'rurung-rurung minahang, rie'mo se're paera-era buta, turiare' Bartimeus attolong ri biring lalang. 47Sungka'i lalangngere ma'nassana tua'molong injo iamo Isa tau battu injo ri Nazaret, pakaramulamu a'nga'ngara, ”Isa Ana' Daud, rikamaseanga!” 48Lohe tau appisangka solanna ammakkang. Mingka pela' bakka'i sa'ranna a'nga'ngara, ”Ana' Daud rikamaseanga.” 49Jari attaangi Isa ampai appau, ”Keo'i mae!” Jari lakeokimu tau buta injo na appaui mange ri ia, ”Pakasa'ga'i nyahamu, na ammentengko, Ia lakeo'ko.” 50Tau buta injo lataro baju bakka'na, ampai lassiri ammenteng na a'lingkai mange ri Isa. 51Pakkuta'nanna Isa mange ri ia, ”Apa mukaa'raki ri Nakke laKugeokangi ri kau?” Pappihalinna tau buta injo, ”Guru, a'ra'a kodong anjanjang!” 52Jari appaui Isa mange ri ia, ”A'lampamoko, tappa'mu lapakasalama'ko!” Rihattu injo jua na akkullei anjanjang matanna, jari minahammu ri Isa ripa'lingkaanNa.
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
@LAI 2012 Indonesian Bible Society (Lembaga Alkitab Indonesia)