MATIUS 27
27
Isa rierang mange ri Pilatus Kamateanna Yudas
27:1-10
1 #
Mark. 15:1; Luk. 23:1; Yah. 18:28 Rihattu latangnga allonamo, sikonjo imang ponggaha na tutoa-toana tau Yahudi a'rappungi na ngalle passamaturukang lalahuno Isa. 2Lasokkekii Isa, ampai laerangi na lapassareangi mange ri Pilatus pamarenta ri tampa' injo.
3 #
Suro-suro 1:18-19
Rihattunna Yudas, tau lapassareang injo Isa, laisse'i ma'nassana Isa larihukkung mate, lasassalamu kalenna. Maeng injo ia lapahuliangi doe' tallumpulo injo salaka mange risikonjo imang ponggaha na tutoa-toa, 4na appaui, ”Nakke a'jarima doraka kanara kupassareangi rarana tau tide' injo salana.” Mingka pappihalinnai, ”Tide' passilolongamba ri intu? Intu passilolongang kale-kalemu!” 5Jari Ia lapamballungi doe' salaka injo antama' ri Sapo Allataala, ampai a'lampa battu ri injo na lagojeng kalenna. 6Imang ponggaha injo laalle doe' salaka injo na lakuai, ”Ripa'liingangi doe' appakonni inni ripantama' ri patti passidakkaang, saba' inni doe' rara.” 7Sungka'i maemmo a'rappungi doe' injo lapahalli tana nuriare' Tana Pabua' Korong lalapaa'jari tampa' pakkuburang ri tau battu-battu. 8Iamo injo saba'na tana injo sa'genna konni-konnina riare'i Tana Rara. 9#Za. 11:12-13Ri appakonjona ripa'rupamu Pau Allataala nulapau injo Nabbi Yeremia, ”Iyai narima tallumpulo doe' salaka, iamo intu balli nulatantuang rise're tau assituru' tasserang nulapake injo ritangnga-tangngana tau Israele, 10na iyai lapassareangi doe' injo laa'jari tana ripabua' korong, assimpole nulapappasangang injo Karaeng mae ri nakke.”
Isa ri a'rakanna Pilatus
27:11-26
(Mark. 15:1-15; Luk. 23:1-5, 13-25; Yah. 18:33–19:16)
11Maeng injo Isa riparapa'i mange ri pamarenta. Pamarenta injo akkuta'nang mange ri Ia, ”Kaumoka karaenna tau Yahudi?” Appihali Isa, ”Kaumo mupaui.”
12Mingka pappitina nulapabattu injo sikonjo imang ponggaha surang tutoa-toa Yahudi mange ri Ia, Ia gele lapihalii. 13Jari appaui Pilatus mange ri Ia, ”Gele Mulangngere lohe pappitina risikonjo sa'bi mange ri Kau?”
14Mingka Ia gele appihali manna sipali' pau, sa'genna lannasamu pamarenta injo.
15Maeng a'jari kabiasaammu ri pamarenta laappalappasa se're tau ritarungku ampa allo passua-suarang ri tulapile injo tau lohe. 16Rihattu injo rie' lalang ri pattarungkuang tubaji' riisse'na ma'nassana sanna' daana turiare' Yesus Barabas. 17Saba' asse'reimu ri injo, appaui Pilatus mange ri iyai, ”Inai mukaa'raki kupalappasa ri kaui, Yesus Barabas iyareka Isa turiare' injo Almase?” 18Ia baji' laisse'na ma'nassana iyai injo laparapa'i Isa rikanara siriati. 19Rihattu attolonna Pilatus ri kadera pangadelang, bahinenna appikatu pasang mange ri ia, ”Ako mupantama-tamai palakarana tau baji' intu, saba' kanara Ia narubangngi sanna' sissaku lalang riso'na.”
20Mingka passabakang ripassuroanna sikonjo imang ponggaha na tutoa-toa, tau lohe injo laerai solanna Barabas ripalappasa na Isa rihukkung mate. 21Appaui pamarenta injo mange ri iyai, ”Inai ri ruaiya inni mukaa'raki kupalappasa?” Lakuaimo, ”Barabas.” 22Appaui Pilatus mange ri iyai, ”Ampa appakonjo, apamo lakugeokang mange ri Isa, turiare' injo Almase?” Appau bakka' ngase'i, ”Ia parallui risalli'!”
23Pauna, ”Mingka kasalaang apa Ia maeng lageokang?” Mingka pela' bakka' sa'rannai appau, ”Ia parallui risalli'!” 24#Ul. 21:6-9Rihattunna Pilatus laisse' ma'nassana sikonjo karesona tide' matu-matunna, la'bipa pole pakaramulamu ammumba pa'beserang, ia ngalle ere na labissai limanna ri a'rakanna tau lohe injo na appaui, ”Nakke tide' salaku mange ri raraNa tau inni; injo passilolongammui to'jua!” 25Appihali ngase'mu tau lohe injo, ”Lappasammu raraNa ripitanggongiang mae ri kambe surang ri ana'-ana'ba!” 26Jari ia lapalappasai Barabas mange ri iyai, mingka Isa lasuro rabungi maeng injo lapassareammu larisalli'.
Isa ritua-tuai
27:27-31
(Mark. 15:16-20; Yah. 19:2-3)
27Maeng injo sorodaduna pamarenta injo laerangi Isa mange ri sapo pammarianna pamarenta, ampai lakeo' ngase' uranna asse're risiappuna Isa. 28Lapu'nusi pakeanNa na lapipakeangi baju bakka' kamummu' mange ri Ia. 29Lapanganangangi se're songko' karaeng battu ri katinting na lataroi ri ulunna Isa, maeng injo lapitetengi sipappa bulo ri lima kananNa ampai joppaki ri a'rakanNa, na latua-tuai Isa, lakua, ”Sombangku, oe Karaeng tau Yahudi!” 30Lape'rui Isa na laalle bulo injo ampai larabungang ulunNa. 31Rimaenna latua-tuai lapu'nusimu baju bakka' kamummu' injo battu ri Ia na lapipakeangi poleang pakeanNa. Maeng injo laerangimu Isa ansulukang kota lamange risalli'.
Isa risalli'
27:32-44
(Mark. 15:21-32; Luk. 23:26, 33-43; Yah. 19:17-24)
32Rihattu a'lingkainna ansulukang kota, assiuppai se're tau battu ri Kirene turiareng Simon. Tau injo ripassa nyompo salli'na Isa.
33Maeng injo ambattuimu rise're tampa' nuriare' Golgota, battuanganna: Bonto Kadaro Ulu. 34Jari iyai injo lasarei Isa nginung anggoro nusanna' pai'na. Sungka'i maeng lapinyami, Ia gelei a'ra' lainung. 35#Mzm. 22:19Rimaenna lasalliki Isa labage-bageimu pakeanNa na lagossangi. 36Ampai attolongi ngase' ri injo a'jaga ri Ia. 37Rateang ulunNa rie' ta'ukiri ngurana narihukkungi, ”Innimo Isa Karaeng tau Yahudi.”
38Uranna Isa risalli' rie' rua tau palukka' bakka', se're risa'ri kananNa na se're risa'ri kairinNa.
39 #
Mzm. 22:8, 109:25 Sikuanna tau lumalo ri injo attua-tua ri Ia na lapabihe mori-morina, 40#Mat. 26:61; Yah. 2:19lakuai, ”Oe Kau tua'ra' intu anroka Sapo Tangkasa na tallungallo juai lamubaung, ampa Kau Ana' Allataala, naungko ri salli' intu na pakasalama'i kalemMu!” 41Appakonjo todo'i imang ponggaha assurang-surangi sikonjo guru Tora' na tutoa-toa injo attua-tua ri Ia na lakuai, 42”Tau maraeng Ia lapakasalama', mingka kalenNa gele akkulle lapakasalama'! Ampa Ia Karaeng Israele, sibaji'na Ia naung battu risalli' injo, jari tappa'kang mange ri Ia. 43#Mzm. 22:9Ia lapakaa'batu tajalliNa mange ri Allataala: Tantumu lapakasalama'na Allataala rikonni-konnina, ampa Allataala ngamaseang mange ri Ia! Saba' Ia maengi appau: Nakke Ana' Allataala.” 44Injo pole palukka' bakka' tuassurang injo Ia risalli' attua-tua appakonjo todo'i mange ri Ia.
Isa mate
27:45-56
(Mark. 15:33-41; Luk. 23:44-49; Yah. 19:28-30)
45Pakaramula battu ritette' sampulorua sa'genna tette' tallu karahie' laappui kalammang kapu' tampa' injo. 46#Mzm. 22:2Ritette' tallunamo appaui Isa lalang sa'ra bakka', ”Eli, Eli, lama sabakhtani?” Battuanganna: ”AllataalaKu, AllataalaKu, ngura a'bokoKo ri Nakke?” 47Lalangngere'na injo, appaui tau lohe ammentengi injo, ”Ia lakeo'i Elia.” 48#Mzm. 69:22Jari rie'mo se're tau lassiri battu ri iyai, ngalle nuassimpole taju' bassa, na lapalomai ri anggoro kassi, ampai laka'bakang ri bulo na lasareangi Isa lalainung. 49Mingka lohe tau maraeng appau, ”Ako, larijanjangi, barang rie' toje'i Elia appakasalama' ri Ia.” 50Appaui pole Isa lalang risa'ra bakka' maeng injo lapassareammu nyahaNa.
51 #
Kel. 26:31-33
Jari bissa' ruamu kaeng ampang-ampang ri Sapo Tangkasa battu rate tulusu naung na a'jarimu anggeong tana, na sikonjo batu a'poong bissa' ngase', 52surang a'ngangai sikonjo kuburu na lohe tau tangkasa maeng mate attallasa muliang. 53Rimaennamo attallasa Isa muliang ansuluki ngase'mu battu ri kuburu'na, ampai antama' ri kota tangkasa na lapappijanjangang kalenna mange ri tau lohe.
54Ponggaha pajaga na sikonjo sorodadu tulajagai injo Isa sanna' malla'na rihattu allangngerinna surang rianjanjanna tana anggeong na apa nukajariang, ampai lakuai, ”Toje'i, Ia inni Ana' Allataala.”
55 #
Mark. 15:40-41; Luk. 8:2-3, 23:49 Rie' todo' ri injo lohe tau bahine anjanjang dere, iamo intu tubahine minahang injo ri Isa battu ri Galilea lanjampangi ri Ia. 56Ri tau lohe injo rie'i Maria Magdalena, na Maria idonna Yakobus na Yusuf, surang idong ana'-ana'na Zebedeus.
Isa riloangang
27:57-61
(Mark. 15:42-47; Luk. 23:50-56; Yah. 19:38-42)
57Rihattu labangngina rie'mo tau kalumannyang, battu ri Arimatea, turiareng Yusuf na a'jari ana' gurung todo'i ri Isa. 58Ia a'lampai mange ri Pilatus na laerai batangkalenna Isa. Assarei parenta Pilatus lalapassareangi mange ri ia. 59Jari mangemu Yusuf laalle batangkalenna Isa, laroko'i kaeng balasung bau, 60maeng injo laerangi na lapaonrangi batangkalenNa lalang ri kuburu bau, nulakeke ri batu a'poong. Rimaenna lapandoluang batu mo bakka' panongko' ri babaanna kuburu injo, ampai a'lampa.
61Mingka Maria Magdalena na Maria maraeng attaang juapai ri injo na attolongi ri a'rakang kuburu injo.
Kuburu'na Isa ri jagai
27:62-66
62Rimintara'na mae, rimaennamo allo pappakasadiaang, battuimu sikonjo imang ponggaha na lohe tau Farisi mange ri Pilatus, 63#Mat. 16:21, 17:23, 20:19; Mark. 8:31, 9:31, 10:33-34; Luk. 9:22, 18:31-33na lakuai, ”Karaeng, tau'rangi ma'nassana rihattu attallasa'Na juapa tuappalingu injo maengi lapau: Ri allo makatalluna Nakke laattallasa muliang. 64Injomo saba'na, risuro jagai kuburu'Na sa'genna allo makatalluna; saba' ampa gele, si'raka rie' ana'-ana' gurunNa mange lalukka' batangkalenna Isa, ampai lapau-pau mange ri tau lohe: Ia attallasai muliang battu rikamateang, sa'genna pappalingu ribokoang inni la'bi sarroangi na nurioloang injo.” 65Appaui Pilatus mange ri iyai, ”Iyaimo inni pajaga ri kau, a'lampaimoko na jagai baji' kuburu injo.” 66Jari a'lampai toje'mu na surangang sokongang ripajaga injo lasegelei kuburu injo ampai lajagai.
Actualmente seleccionado:
MATIUS 27: LAI_SLY
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
@LAI 2012 Indonesian Bible Society (Lembaga Alkitab Indonesia)
MATIUS 27
27
Isa rierang mange ri Pilatus Kamateanna Yudas
27:1-10
1 #
Mark. 15:1; Luk. 23:1; Yah. 18:28 Rihattu latangnga allonamo, sikonjo imang ponggaha na tutoa-toana tau Yahudi a'rappungi na ngalle passamaturukang lalahuno Isa. 2Lasokkekii Isa, ampai laerangi na lapassareangi mange ri Pilatus pamarenta ri tampa' injo.
3 #
Suro-suro 1:18-19
Rihattunna Yudas, tau lapassareang injo Isa, laisse'i ma'nassana Isa larihukkung mate, lasassalamu kalenna. Maeng injo ia lapahuliangi doe' tallumpulo injo salaka mange risikonjo imang ponggaha na tutoa-toa, 4na appaui, ”Nakke a'jarima doraka kanara kupassareangi rarana tau tide' injo salana.” Mingka pappihalinnai, ”Tide' passilolongamba ri intu? Intu passilolongang kale-kalemu!” 5Jari Ia lapamballungi doe' salaka injo antama' ri Sapo Allataala, ampai a'lampa battu ri injo na lagojeng kalenna. 6Imang ponggaha injo laalle doe' salaka injo na lakuai, ”Ripa'liingangi doe' appakonni inni ripantama' ri patti passidakkaang, saba' inni doe' rara.” 7Sungka'i maemmo a'rappungi doe' injo lapahalli tana nuriare' Tana Pabua' Korong lalapaa'jari tampa' pakkuburang ri tau battu-battu. 8Iamo injo saba'na tana injo sa'genna konni-konnina riare'i Tana Rara. 9#Za. 11:12-13Ri appakonjona ripa'rupamu Pau Allataala nulapau injo Nabbi Yeremia, ”Iyai narima tallumpulo doe' salaka, iamo intu balli nulatantuang rise're tau assituru' tasserang nulapake injo ritangnga-tangngana tau Israele, 10na iyai lapassareangi doe' injo laa'jari tana ripabua' korong, assimpole nulapappasangang injo Karaeng mae ri nakke.”
Isa ri a'rakanna Pilatus
27:11-26
(Mark. 15:1-15; Luk. 23:1-5, 13-25; Yah. 18:33–19:16)
11Maeng injo Isa riparapa'i mange ri pamarenta. Pamarenta injo akkuta'nang mange ri Ia, ”Kaumoka karaenna tau Yahudi?” Appihali Isa, ”Kaumo mupaui.”
12Mingka pappitina nulapabattu injo sikonjo imang ponggaha surang tutoa-toa Yahudi mange ri Ia, Ia gele lapihalii. 13Jari appaui Pilatus mange ri Ia, ”Gele Mulangngere lohe pappitina risikonjo sa'bi mange ri Kau?”
14Mingka Ia gele appihali manna sipali' pau, sa'genna lannasamu pamarenta injo.
15Maeng a'jari kabiasaammu ri pamarenta laappalappasa se're tau ritarungku ampa allo passua-suarang ri tulapile injo tau lohe. 16Rihattu injo rie' lalang ri pattarungkuang tubaji' riisse'na ma'nassana sanna' daana turiare' Yesus Barabas. 17Saba' asse'reimu ri injo, appaui Pilatus mange ri iyai, ”Inai mukaa'raki kupalappasa ri kaui, Yesus Barabas iyareka Isa turiare' injo Almase?” 18Ia baji' laisse'na ma'nassana iyai injo laparapa'i Isa rikanara siriati. 19Rihattu attolonna Pilatus ri kadera pangadelang, bahinenna appikatu pasang mange ri ia, ”Ako mupantama-tamai palakarana tau baji' intu, saba' kanara Ia narubangngi sanna' sissaku lalang riso'na.”
20Mingka passabakang ripassuroanna sikonjo imang ponggaha na tutoa-toa, tau lohe injo laerai solanna Barabas ripalappasa na Isa rihukkung mate. 21Appaui pamarenta injo mange ri iyai, ”Inai ri ruaiya inni mukaa'raki kupalappasa?” Lakuaimo, ”Barabas.” 22Appaui Pilatus mange ri iyai, ”Ampa appakonjo, apamo lakugeokang mange ri Isa, turiare' injo Almase?” Appau bakka' ngase'i, ”Ia parallui risalli'!”
23Pauna, ”Mingka kasalaang apa Ia maeng lageokang?” Mingka pela' bakka' sa'rannai appau, ”Ia parallui risalli'!” 24#Ul. 21:6-9Rihattunna Pilatus laisse' ma'nassana sikonjo karesona tide' matu-matunna, la'bipa pole pakaramulamu ammumba pa'beserang, ia ngalle ere na labissai limanna ri a'rakanna tau lohe injo na appaui, ”Nakke tide' salaku mange ri raraNa tau inni; injo passilolongammui to'jua!” 25Appihali ngase'mu tau lohe injo, ”Lappasammu raraNa ripitanggongiang mae ri kambe surang ri ana'-ana'ba!” 26Jari ia lapalappasai Barabas mange ri iyai, mingka Isa lasuro rabungi maeng injo lapassareammu larisalli'.
Isa ritua-tuai
27:27-31
(Mark. 15:16-20; Yah. 19:2-3)
27Maeng injo sorodaduna pamarenta injo laerangi Isa mange ri sapo pammarianna pamarenta, ampai lakeo' ngase' uranna asse're risiappuna Isa. 28Lapu'nusi pakeanNa na lapipakeangi baju bakka' kamummu' mange ri Ia. 29Lapanganangangi se're songko' karaeng battu ri katinting na lataroi ri ulunna Isa, maeng injo lapitetengi sipappa bulo ri lima kananNa ampai joppaki ri a'rakanNa, na latua-tuai Isa, lakua, ”Sombangku, oe Karaeng tau Yahudi!” 30Lape'rui Isa na laalle bulo injo ampai larabungang ulunNa. 31Rimaenna latua-tuai lapu'nusimu baju bakka' kamummu' injo battu ri Ia na lapipakeangi poleang pakeanNa. Maeng injo laerangimu Isa ansulukang kota lamange risalli'.
Isa risalli'
27:32-44
(Mark. 15:21-32; Luk. 23:26, 33-43; Yah. 19:17-24)
32Rihattu a'lingkainna ansulukang kota, assiuppai se're tau battu ri Kirene turiareng Simon. Tau injo ripassa nyompo salli'na Isa.
33Maeng injo ambattuimu rise're tampa' nuriare' Golgota, battuanganna: Bonto Kadaro Ulu. 34Jari iyai injo lasarei Isa nginung anggoro nusanna' pai'na. Sungka'i maeng lapinyami, Ia gelei a'ra' lainung. 35#Mzm. 22:19Rimaenna lasalliki Isa labage-bageimu pakeanNa na lagossangi. 36Ampai attolongi ngase' ri injo a'jaga ri Ia. 37Rateang ulunNa rie' ta'ukiri ngurana narihukkungi, ”Innimo Isa Karaeng tau Yahudi.”
38Uranna Isa risalli' rie' rua tau palukka' bakka', se're risa'ri kananNa na se're risa'ri kairinNa.
39 #
Mzm. 22:8, 109:25 Sikuanna tau lumalo ri injo attua-tua ri Ia na lapabihe mori-morina, 40#Mat. 26:61; Yah. 2:19lakuai, ”Oe Kau tua'ra' intu anroka Sapo Tangkasa na tallungallo juai lamubaung, ampa Kau Ana' Allataala, naungko ri salli' intu na pakasalama'i kalemMu!” 41Appakonjo todo'i imang ponggaha assurang-surangi sikonjo guru Tora' na tutoa-toa injo attua-tua ri Ia na lakuai, 42”Tau maraeng Ia lapakasalama', mingka kalenNa gele akkulle lapakasalama'! Ampa Ia Karaeng Israele, sibaji'na Ia naung battu risalli' injo, jari tappa'kang mange ri Ia. 43#Mzm. 22:9Ia lapakaa'batu tajalliNa mange ri Allataala: Tantumu lapakasalama'na Allataala rikonni-konnina, ampa Allataala ngamaseang mange ri Ia! Saba' Ia maengi appau: Nakke Ana' Allataala.” 44Injo pole palukka' bakka' tuassurang injo Ia risalli' attua-tua appakonjo todo'i mange ri Ia.
Isa mate
27:45-56
(Mark. 15:33-41; Luk. 23:44-49; Yah. 19:28-30)
45Pakaramula battu ritette' sampulorua sa'genna tette' tallu karahie' laappui kalammang kapu' tampa' injo. 46#Mzm. 22:2Ritette' tallunamo appaui Isa lalang sa'ra bakka', ”Eli, Eli, lama sabakhtani?” Battuanganna: ”AllataalaKu, AllataalaKu, ngura a'bokoKo ri Nakke?” 47Lalangngere'na injo, appaui tau lohe ammentengi injo, ”Ia lakeo'i Elia.” 48#Mzm. 69:22Jari rie'mo se're tau lassiri battu ri iyai, ngalle nuassimpole taju' bassa, na lapalomai ri anggoro kassi, ampai laka'bakang ri bulo na lasareangi Isa lalainung. 49Mingka lohe tau maraeng appau, ”Ako, larijanjangi, barang rie' toje'i Elia appakasalama' ri Ia.” 50Appaui pole Isa lalang risa'ra bakka' maeng injo lapassareammu nyahaNa.
51 #
Kel. 26:31-33
Jari bissa' ruamu kaeng ampang-ampang ri Sapo Tangkasa battu rate tulusu naung na a'jarimu anggeong tana, na sikonjo batu a'poong bissa' ngase', 52surang a'ngangai sikonjo kuburu na lohe tau tangkasa maeng mate attallasa muliang. 53Rimaennamo attallasa Isa muliang ansuluki ngase'mu battu ri kuburu'na, ampai antama' ri kota tangkasa na lapappijanjangang kalenna mange ri tau lohe.
54Ponggaha pajaga na sikonjo sorodadu tulajagai injo Isa sanna' malla'na rihattu allangngerinna surang rianjanjanna tana anggeong na apa nukajariang, ampai lakuai, ”Toje'i, Ia inni Ana' Allataala.”
55 #
Mark. 15:40-41; Luk. 8:2-3, 23:49 Rie' todo' ri injo lohe tau bahine anjanjang dere, iamo intu tubahine minahang injo ri Isa battu ri Galilea lanjampangi ri Ia. 56Ri tau lohe injo rie'i Maria Magdalena, na Maria idonna Yakobus na Yusuf, surang idong ana'-ana'na Zebedeus.
Isa riloangang
27:57-61
(Mark. 15:42-47; Luk. 23:50-56; Yah. 19:38-42)
57Rihattu labangngina rie'mo tau kalumannyang, battu ri Arimatea, turiareng Yusuf na a'jari ana' gurung todo'i ri Isa. 58Ia a'lampai mange ri Pilatus na laerai batangkalenna Isa. Assarei parenta Pilatus lalapassareangi mange ri ia. 59Jari mangemu Yusuf laalle batangkalenna Isa, laroko'i kaeng balasung bau, 60maeng injo laerangi na lapaonrangi batangkalenNa lalang ri kuburu bau, nulakeke ri batu a'poong. Rimaenna lapandoluang batu mo bakka' panongko' ri babaanna kuburu injo, ampai a'lampa.
61Mingka Maria Magdalena na Maria maraeng attaang juapai ri injo na attolongi ri a'rakang kuburu injo.
Kuburu'na Isa ri jagai
27:62-66
62Rimintara'na mae, rimaennamo allo pappakasadiaang, battuimu sikonjo imang ponggaha na lohe tau Farisi mange ri Pilatus, 63#Mat. 16:21, 17:23, 20:19; Mark. 8:31, 9:31, 10:33-34; Luk. 9:22, 18:31-33na lakuai, ”Karaeng, tau'rangi ma'nassana rihattu attallasa'Na juapa tuappalingu injo maengi lapau: Ri allo makatalluna Nakke laattallasa muliang. 64Injomo saba'na, risuro jagai kuburu'Na sa'genna allo makatalluna; saba' ampa gele, si'raka rie' ana'-ana' gurunNa mange lalukka' batangkalenna Isa, ampai lapau-pau mange ri tau lohe: Ia attallasai muliang battu rikamateang, sa'genna pappalingu ribokoang inni la'bi sarroangi na nurioloang injo.” 65Appaui Pilatus mange ri iyai, ”Iyaimo inni pajaga ri kau, a'lampaimoko na jagai baji' kuburu injo.” 66Jari a'lampai toje'mu na surangang sokongang ripajaga injo lasegelei kuburu injo ampai lajagai.
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
@LAI 2012 Indonesian Bible Society (Lembaga Alkitab Indonesia)