Psom 23

Lesegner limem mo Berze

Enn Psom David.

1LESEGNER limem mo berze;

akoz sa mo pa mank nanye.

2Li amenn mwa repoze dan patiraz lerb tann;

li gid mwa kot rwiso dilo trankil,

3pou mo regagn lavi;

li kondir mwa lor bon sime

pou loner so nom.

4Mem kan mo travers vale bien som, parey lamor

nanye pa fer mwa per

parski to touletan la koste ar mwa,

ar to baton berze to protez mwa.

5To dres latab pou mwa

divan mo bann adverser.

To vers delwil parfime lor mo latet pou resevwar mwa ar loner,

e to plin mo koup ziska li deborde.

6Mo kone ki to bonte ek to lamour

pou akonpagn mwa toulezour mo lavi,

e mo pou res dan lakaz mo SEGNER

osi lontan ki mo viv.

Actualmente seleccionado:

Psom 23: KMNT

Destacar

Copiar

Comparar

¿Quieres tener guardados todos tus destacados en todos tus dispositivos? Regístrate o inicia sesión

Versículos bíblicos populares de
Psom 23