Psom 138
138
Gran mersi Segner Bondie
Enn Psom David.
1Mo remersie twa SEGNER
ar tou mo leker;
mo sant to louanz divan lezot bondie.
2Mo fer fas to Tanp sakre,
mo azenou e mo loue to nom
pou to lamour infini e to fidelite
parski to finn prouve ki to nom ek to lalwa
zot pli ot e pli gran ki tou.
3Kan mo finn dimann to led, to finn reponn;
to finn ranpli mwa ar kouraz ek lafors.
4SEGNER, tou bann lerwa dan lemond loue twa
parski zot tann parol to labous.
5Zot tou pou sant to bann explwa
parski to laglwar li bien-bien gran.
6Mem to lao laba dan lesiel,
to okip bann ti-dimounn anba
e bann vantar to rekonet zot depi lwin.
7Si mo mars dan ladetres,
to fer mwa reviv.
To protez mwa kont lennmi redoutab
e to pouvwar sov mwa.
8LESEGNER pou onor tou promes li finn fer pou mwa;
SEGNER, to lamour infini li eternel.
Kontign zoli travay ki to finn koumanse.
Actualmente seleccionado:
Psom 138: KMNT
Destacar
Copiar
Comparar
Compartir
¿Quieres tener guardados todos tus destacados en todos tus dispositivos? Regístrate o inicia sesión
Nouvo Testaman Kreol Morisien Harmonisation NTPS KM © Bible Society of Mauritius, 2021.