मत्ती 17
17
यीशु को रूप बदलून
(मरकुस 9:1-13; लूका 9:28-36)
1और छ: दिन का बाद यीशु अपून शिष्य पतरस, याकूब और यहूना स अपून दगाड़ एक ऊँचा डाँण में ली ग्यो जा उन एकला छ्या। 2वाँ शिष्यून का सामुनि उको रूप बदल ग्यो, और यीशु को मुँख सूरज को जसो चमकून लागछ्य और उक कपाड़ा उज्याला की नियाती चमकून लाग्यान। 3और मूसा और एलिय्याह यीशु का दगाड़ बात करनै उनून दिखाई दीयान।
4यो सब देखिभरेन पतरस ले यीशु थैं क्योछ, “हे गुरू जी, हमोरो या रून ठीक छै; अगर तेरि इच्छा हो त मैं याँ तीन तम्बू ठाड़ करूँ, एक तुमून खिन, एक मूसा खिन और एक एलिय्याह खिन।” 5पतरस यो कुन मरछ्यो, तब अचानक एक बादल ले प्रगट हो भेरन उनुस ढक लीछ, परमेश्वर ले बादल में भटे हो भेरन बात करछ्य, “यो म्येरो लाड़िलो च्योलो छै, जैस देखभेरन मैं भौत खुश छू, येकी बातुन सुणा।” 6शिष्य यो सुणिभेरन मुँखा का बल खितीनान और भौत त डरी जानान। 7यीशु ले उनून पास आभेन छूँछ, और क्योछ, “उठा जन डरा।” 8तब शिष्यून ले चारू तरफ नजर घुमाछ, और यीशु छोड़ कैसे नै देख्यो।
9जब उ तीन शिष्य डाँण भटे तलि उतुरून मरेछ्या तब यीशु ले उनून हुकुम दीछ, “जब तलक मैं आदिमी को च्योलो मरिना में भटे ज्यून नी हो ज्यू, तब तक तुमून ले जो कुछ ले पहाड़ में देखछ्य, उ कैसे जन बताया।” 10तब शिष्यून ले यीशु थैं पुछ्छै, “मूसा का नियम सिखून वाला लोग किलैं कुंनान मसीहा का उन है पैलि एलिय्याह को उन जरूरी छै?” 11यीशु ले जबाब दीछ, “एलिय्याह जरूर आलो, और सब कुछ सुधारोलो। 12लेकिन में तुमूनथैं कुछूँ, कि एलिय्याह त आग्योछ, और लोगून ले ऊस नै पछ्याणो; लेकिन जस चाछ उक दगाड़ करछ्य। इसीकैं मैं आदिमी को च्योलो ले उनार हातून ले दुखी उठालो।” 13तब शिष्यून ले समझछ्य कि उले हमून थैं यहूना बपतिस्मा दिनवाला का बारिमें कुन मरेछ्य।
भूत लागीनाका च्याला स चंगो करून
(मरकुस 9:14-29; लूका 9:37-43)
14और जब उन भीड़ का पास पुज्यान, त एक आदिमी उनार पास आछ, और घुण टेकी भेरन कुंछो, 15“हे प्रभु, म्यारा च्याला में दया करा! क्याखिनकि ऊस मीर्गी उछी, और उ भौत तखलीफ उठूछो; और बार-बार आग और पानि में खिती जाछो। 16मैं ऊस त्यारा शिष्यून का पास ल्यायू, लेकिन इन त नै निकाली सक्या।” 17तब यीशु ले उनून जबाब दीछ भेरन क्योछ, “हे अविश्वासी लोगो मैं कब तक तुमार दगाड़ रूलो, और मैं कब तक तुमोरो इन्तजार करूँ की तुम मैंमें विश्वास करा, उ च्याला स म्यार पास ल्या।” 18तब यीशु ले भूत स डांटछ्य और उ उमें भटे निकल जाछो; और उ लडौ उतुंजैई ठीक हो जाछो।
19तब शिष्यून ले ऐकाला में यीशु का पास आभेरन क्योछ, “हमु उ भूत किलैं नै निकाली सकियो?” 20उले क्योछ, “तुमार विश्वास का कमी का कारण, क्याखिनकि मैं तुमूनथैं सच्ची कुंछूँ, अगर तुमोरो विश्वास राई का दान का बराबर ले हो, त यो डाँणान थैं कौला, ‘याँ भटे हट जा,’ त उ हट जालो; और कोई ले बात तुमून खिन असम्भव नी होलि। 21लेकिन यो जाति प्रार्थना और बर्त बिना नै निकलनी।”
अपूना मौता का बारिमें यीशु की एक बार फिर भविष्यवाणी
(मरकुस 9:30-32; लूका 9:43-45)
22जब उन गलील प्रदेश में छ्या, त यीशु ले अपून शिष्यून थैं क्योछ, “मैं आदिमी को च्योलो, दुश्मनून का हात पकड़ाई जालो। 23और उन मैंस मार द्याल, लेकिन मैं मरिनान में भटे तीसारा दिन फिर ज्यून है ज्यूलो।” यो सुणिभेरन शिष्य भौत दुखी हुनान।
मन्दिर को कर
24जब उन कफरनहूम गौं पुज्यान, त मन्दिर का कर लिनवाला ले पतरस का पास आभेरन पुछ्छै, “क्या तुमोरो गुरू मन्दिर कर नै दिनोई?” 25उनूनले जबाब दीछ, “दीनान।” जब पतरस घर पुजछ्य, त उक कुन है पैलि यीशु ले उथैं पूछ्छय, “हे शमौन तैं कि सोचछ्य? संसार का राजा खिन लोगूनथै कर उगूनान? अपून च्यालानथैं या परायान थैं?” 26तब पतरसले जबाब दीछ, “परायान थैं।” त यीशु ले क्योछ, “तब त च्याला कर भटे मुक्त हो ग्या। 27फिरले हमून उन लोगून खिन बुरो उदारण नै बनून चैनो, तुम नदी का किनारा में जाभेरन बलछी लगा, जो माँछो पैलि फसोलो, उको मुँख खोल्या उमें एक चाँदी को सिक्का मिलोलो, उ सिक्का लीभेरन उनून म्यारो और अपून कर दी दीया।”
Actualmente seleccionado:
मत्ती 17: SORNT
Destacar
Compartir
Comparar
Copiar
¿Quieres tener guardados todos tus destacados en todos tus dispositivos? Regístrate o inicia sesión
Soriyali New Testament (सोरियाली नय्या नियम) 2020 by The Love Fellowship is licensed under a Creative Commons Attribution-ShareAlike 4.0 International License.