मत्ती 4
4
शतान थमां यीशु मसीह दी परिख्या
1ओस बेलै पवित्र आत्मा यीशु गी सनसांन जगै च लेई गीया तां जे शतान थमां ओसदी अजमैश उवै। 2ओ चाली देन ते चाली रात बगैर रुट्टी दे रिया, इसदे बाद उसी पोक्ख लगी। 3ओस बेलै शतान ने कोल आईयै उसी आखया, “जे तू परमेसर दा पुत्तर ऐं, तां आखी दे के ऐ पत्थर रुट्टी बनी जांन।” 4यीशु ने जबाब दिता;
“पवित्र शास्त्र बेच लिखे दा ऐ, मनुक्ख सड़ा रुट्टी कन्ने गै नेई,
लेकन अर एक वचन जेड़ा परमेसर दे मुंह चा निकलदा ऐ, उसी मननें कन्ने जिंदा रौग।”
5ओस बेलै शतान उसी पवित्र शैर यरूशलेम च लेई गीया ते मंदर दी चोटी उपर खड़ेरी दिता, 6ते ओसगी आखया, “जे तू परमेसर दा पुत्तर ऐं, ते अपने आप गी इत्थूं थलै सुट्टी ओड़; किके पवित्र शास्त्र च लिखे दा ऐ; ओ तेरे बारै च अपने सोर्गदूत गी उक्म देग, ते ओ तुगी अथ्थों अथ्थ चुकी लैगन; कुदै ऐसा नेई ओऐ के तेरे पैरें च पत्थरें कन्ने ठोकर लगे।” 7यीशु ने उसी आखया, “ऐ बी पवित्र शास्त्र च लिखे दा ऐ; तू प्रभु अपने परमेसर दी परिख्या नां कर।” 8पी शतान उसी एक बडे उच्चे पाड़े उपर लेई गीया ते सारी दुनिया दा राज ते ओसदी तन-दौलत दसियै 9उसी आखया, “जे तू गिरीयै मिगी मत्था टेकें, तां आऊँ सब केछ तुगी देई देगा।” 10ओस बेलै यीशु ने उसी आखया, “ऐ शतान दूर ओई जा, किके पवित्र शास्त्र च लिखे दा ऐ; तू प्रभु अपने परमेसर गी मत्था टेक, ते शड़ी ओसदी गै उपासना कर।” 11इसदे बाद शतान ओदे कोलां चली गीया, ते दिखो सोर्गदूत आईयै ओदी सेवा करन लगे।
यीशु दी शिखया दी शुरुआत
12जेसलै ओसने ए सुनया के यूहन्ना बंधी बनाई लिते दा ऐ, तां ओ यहूदीया दे लाके गी छुड़ीयै गलील जिले गी चली गीया। 13ते ओ नासरत गी छुड़ीयै कफरनहूम च, जेड़ा चील दे कंडै जबूलून ते नप्ताली दे गोत्रें दे लाके च हा, जाईयै रौन लगया; 14तां जे जेड़ा यशायाह पविखवक्तें थमां आखे गेदा हा, ओ पूरा उवै;
15“जबूलून ते नप्ताली दे लाकें च,
चील दे रस्ते थमां यरदन दे पार, दुई जातीयें दा गलील जिला
16जेड़े लोक नेरे च बैठे दे हे, उनै बड़ी लो दिखी; ते जेड़े मौत दे लाके ते ओदी छाऊं च बैठे दे हे, उंदे उपर लो चमकी।”
17ओस बेलै थमां यीशु ने प्रचार करना ते ऐ आखना शुरू कित्ता, “मने गी फेरो किके सोर्ग दा राज कोल आई गेदा ऐ।”
पैलैं चेलें दा सदया जाना
18गलील दी चील दे कंडै फिरदे ओई ओसने दो प्राऐं गी मतलब शमौन गी जिसी पतरस आखया जंदा ऐ, ते ओसदे प्रा अन्द्रियास गी चील च जाल सूटदे दिखया; किके ओ मछ्वे हे। 19यीशु ने उनेंगी गी आखया, “मेरे पिछें चली आओ, ते आऊँ तुसेंगी मनुक्ख दा पकड़ाने आला बनागा।” 20ओ तौलै जाले गी छुड़ीयै ओदे पिछें ओईये।
21उत्त्थुआं दा अगें बदियै, यीशु ने ओर दो प्राऐं गी मतलब जब्दी दे पुत्तर याकूब ते ओदे प्रा यूहन्ना गी दिखया। ओ अपने पिता जब्दी दे कन्ने किशती उपर जालें गी सधारा दे हे। ओसने उनेंगी गी बी बलाया। 22ओ फोरन किशती ते अपने पिता गी छुड़ीयै ओदे पिछें ओईये।
गलील बेच बमारें गी चंगा करना
23ते यीशु सारे गलील जिले च फिरदे ओई उंदे प्रार्थनाकार च प्रचार करदा, ते राज दे शोभ समाचार दा प्रचार करदा, ते लोकें दी अर चाली दी बमारी ते कमजोरी गी दूर करदा रिया। 24ते सारे सीरिया लाके च जेड़ा गालील दे उतरी पासे च हा ओसदा यस फैली गीया; ते लोक सारें बमारें गी, जेड़े बखरी-बखरी केसम दी बमारियें ते दुखे च झकड़े दे हे, ते जिंदे बेच दोष्टआत्मा हियां, ते मिर्गी आलें ते लकवे दे रोगियें गी उंदे कोल लेई आए ते ओसने उनेंगी गी चंगा कित्ता। 25ते गलील जिले ते दिकापुलिस (दस शैर) ते यरूशलेम, यहूदीया ते यरदन नदी दे परली बखी थमां पीड दी पीड ओदे पिछें ओई गेई।
Actualmente seleccionado:
मत्ती 4: DOG
Destacar
Compartir
Comparar
Copiar
¿Quieres tener guardados todos tus destacados en todos tus dispositivos? Regístrate o inicia sesión
This work is licensed under Creative Commons Attribution-ShareAlike 4.0 License.