Mitengo 2
2
Milayo nya mahundzu lizumboni
(Mitengo 10:11-28)
1 Pfhumu Nungungulu a di ganela ga Mosi ni Aroni, khuye: 2“Va na Israyeli, moyo ni moyo a na zumba vbavbatshi nya ngavbya yawe, gukhedza khu dzinyumba dza vababe waye; va na zumba khu vbavbandze va khedzana ni Tshatsha nya Tshangano. 3Avo va na zumbago khu mbeli, khu phuvbo ga Khugadambo, va na wonegiswa khu ngavbya ya na Judha, gukhedza khu mitsawa yawe; Nasoni, mwamana wa Aminadhabhi, a na khala uye muthangeli wa va na Judha. 4Tsawa waye nya masotshwa avo va lovedwego wu na ni tengo nya livbandre na mavili magumi ni magumana na livbandre na limwedo mazana (74.600). 5Vbafuvbi gwaye, gu di ghova lihundzu la na Isakari, ni Nataniyeli, mwamana wa Suwari, a gu muthangeli wa va na Isakari, 6vama vaye nya nyimbi, gukhedza khu avo va lovedwego, va diri tengo nya livbandre magumi ni magumana na mana mazana (54.400). 7Gulandrela lihundzu la na Zabhuloni; ni Eliyabhi, mwamana wa Heloni, a gu muthangeli wa va na Zabhuloni. 8Gikwata gyaye, gukhedza khidzo va nga lovedwago khidzo, va diri tengo nya livbandre magumi ni livbandre na mavili, ni mazana mana (57.400). 9Vatshavbo avo va nga saywago lizumboni ga na Judha, va diri khu tengo nya lizana ni livbandre na mararu ni livbandre na limwedo magumi ni mazana mana (186.400), gukhedza khu mitsawa yawe; ava khavo va na phelago khavo gu khuga. 10Khu Marandzi, gu na bani guri ni ngavbya ya na Rubheni, gukhedza khu mitsawa yawe; muthangeli wa va na Rubheni, a na bani nari Elizuri, mwamana wa Sedhewuri. 11Gikwata nya vathu vaye, gukhedza khidzo va lovedwego khidzo a diri tengo nya magumana na livbandre na limwedo magumi, ni livbandre mazana (46.500). 12Vbafuvbi gwaye li di zumbide lihundzu la va na Simiyoni; Selumiyeli, mwamana wa Surisadhayi, a diri uye muthangeli wa va na Simiyoni. 13Gikwata nya vathu vaye gukhedza khidzo va nga lovedwa khidzo, va diri tengo nya livbandre magumi ni livbandre na mana, ni mazana mararu (59.300). 14Khu hwane gwawe gu di landrela lihundzu la na Gadhi; muthangeli wawe a diri Eliyasafi, mwamana wa Dheweli; 15Gikwata gyaye, gukhedza khidzo va nga lovedwago khidzo, va diri tengo nya magumana na livbandre magumi, ni livbandre na limwedo mazana ni livbandre magumi (45.650). 16Vatshavbo va lovedwego lizumboni la na Rubheni, va diri lizana ni livbandre magumi na limwedo, ni mazana mana ni livbandre magumi (151.450), gukhedza khu mitsawa yawe, va na khala gikwata nya wuvili gukhuga. 17Gu na landrela Tshatsha nya Tshangano, gumogo ni lizumbo la va na Levhi na liri khu vbakari ni vbakari nya mambe mazumbo; edzi va nga bani vari khidzo vbalizumbotunu, khidzo gambe kharato va na khugago khidzo va gimbila, moyo ni moyo wulangani gwaye, gukhedza khu dzingavbya dzawe. 18Khu phuvbo ga Muhwadambo gu na bani gu romo ngavbya ya va na Efrayimi, gukhedza khu sikwata sawe; Elisamani, mwamana wa Amiyudhi, a na bani ari uye muthangeli wa va na Efrayimi. 19Gikwata nya vathu vaye, gukhedza khu edzi va lovedwego khidzo, va diri tengo nya magumana magumi ni livbandre mazana (40.500). 20Vbafuvbi ni gikwata gya Elisamani, gu na khala lihundzu la na Manasi; Gamaliyeli, mwamana wa Pedhasuri a na bani ari uye muthangeli wa va na Manasi. 21Gikwata nya vathu vaye, gukhedza khu edzi va lovedwego khidzo, va diri tengo nya magumararu na mavili magumi ni mazana mavili (32.200). 22Khu hwane gu landrela lihundzu la na Bhejami; Abhidhani, mwamana wa Gidheyoni, a na bani ari uye muthangeli wa va na Bhejami. 23Gikwata nya vathu vaye, gukhedza khu edzi va lovedwego khidzo, va diri tengo nya magumararu na livbandre magumi ni mazana mana (35.400). 24Vathu vatshavbo va lovedwego lizumboni la na Efrayimi, a diri tengo nya lizana ni livbandre na mararu magumi ni lizana (108.100), gukhedza khu sikwata sawe, va gira va nya wuraru gukhuga. 25Ngavbya nya lizumbo la va na Dhani yi na khala khu phuvbo ga Wuronga; Ayezeri, mwamana wa Amisadhayi, a na bani ari uye muthangeli wa va na Dhani. 26Gikwata nya vathu vaye, gukhedza khu edzi va lovedwego khidzo, va diri tengo nya livbandre na limwedo magumi na mavili, ni livbandre na mavili mazana (62.700). 27Vbafuvbi ni gikwata gya Aseri, gu na khala lihundzu la Aseri; Pagiyeli, mwamana wa Okarani, a na bani ari uye muthangeli wa va na Aseri. 28Gikwata nya vathu vaye, gukhedza khu edzi va lovedwego khidzo, va diri tengo nya magumana na limwedo magumi ni livbandre mazana (41.500). 29Khu hwane gu landrela lihundzu la na Nafitali; Ayira, mwamana wa Enani, a na bani ari uye muthangeli wa va na Nafitali. 30Gikwata nya vathu vaye, gukhedza khu edzi va lovedwego khidzo, va diri tengo nya livbandre magumi ni magumararu na mana mazana (53.400). 31Vathu vatshavbo va lovedwego lizumboni la Dhani, va diri tengo nya lizana ni livbandre magumi ni livbandre na mavili ni livbandre na limwedo mazana (157.600). Avo va na bani vari va gu hegisela gukhuga, gukhedza khu dzingavbya dzawe. 32Esi khu sanana sa Israyeli si lovedwego, gukhedza khu dzinyumba dza vababe vawe. Vatshavbo va lovedwego mazumboni, gukhedza khu mitsawa yawe, va diri tengo nya livbandre na limwedo magumi na mararu ni livbandre mazana ni livbandre magumi (603.550). 33Aholu va na Levhi kha va nga lovedwa gumogo ni va na Israyeli kha nga edzi Pfhumu Nungungulu a nga leletelago khidzo Mosi. 34Va na Israyeli va di gira satshavbo kha nga edzi Pfhumu Nungungulu a nga leletelago khidzo Mosi. Va di zumba kharati, gukhedza khu dzingavbya dzawe, va di gimbila kharato khu dzinyumba, gukhedza khu linyangwa la vababe vawe.
Actualmente seleccionado:
Mitengo 2: BGG2014
Destacar
Copiar
Comparar
Compartir
¿Quieres tener guardados todos tus destacados en todos tus dispositivos? Regístrate o inicia sesión
Gitonga DC Bible © Bible Society in Mozambique, 2014.