ZABUR 72
72
Do'e umaq raje
1Léman Sulaiman.
Ya Allah, ajahang hukum Deside tipaq raje,
icanin keadilan Deside tipaq bije raje.
2Semoge ie hakimin umat Deside menurut hukum,
dait perlakuang dengan saq tetindes secare adil.
3Seandéne negeri tiang pade makmur dait sejahtere,
dait araq keadilan umaq selapuq bangse.
4Semoge raje béle hak rakyat biase,
nulung dengan-dengan miskin,
dait binaseang dengan-dengan saq nindes ie pade.
5Semoge ie tetep tahen turun-temurun
semasih araq jelo dait bulan.
6Semoge ie maraq ujan saq turun léq lendang pupaq,
maraq ujan beléq saq peraiq lendang-lendang.
7Semoge keadilan telaksane sengonéq jamanne,
dait kemakmuran belimpah sengonéq araq bulan.
8 #
Za. 9:10
Kerajaanne gen sayan beléq léman segare jangke dateng segare,
mentang léman Timuq jangke dateng Bat.
9Penduduk padang gurun gen takluk léq ie
dait musuh sujut léq bawaq cokorne.
10Raje-raje Tarsis dait pulao-pulao
gen jauqang ie persembahan.
Raje-raje Arab dait Etiopia
dateng jauq upeti.
11Selapuq raje gen sujut léq arepanne,
selapuq bangse jari hambe-hambene.
12Séngaq ie ngelepasang dengan tetindes saq lemah,
dait dengan miskin saq bekuih tipaq ie.
13Ie periak léq dengan miskin dait rakyat biase,
dait nyelametang idup dengan saq miskin gati.
14Ie bébasang ie pade léman penindesan dait kekerasan,
séngaq bagi ie idup ie pade beraji gati.
15Idup baginde raje!
Semoge tipaq ie teaturang persembahan emas léman Arab.
Semoge ie tedo'eang sebilang waktu
dait tetep teberkahin.
16Semoge gandum belimpah léq selapuq negeri,
dait bukit-bukitne penoq siq hasil gumi.
Semoge tanaqne subur maraq Pegunungan Libanon,
dait penduduk kotene sayan luwéq maraq pupaq léq lendang.
17Semoge peséngan raje teinget selaéq-laéqne,
dait kesohoranne beromboq sengonéq araq jelo.
Semoge bangse-bangse nunas adéq teberkahin maraq ie,
dait selapuq dengan nyebut ie bahagie.
18Pade puji ALLAH, Tuhan Israel!
Cume Ie saq ngelaksaneang hal-hal saq ajaip.
19Tepuji peséngan-Ne saq agung selaéq-laéqne;
semoge seantéro gumi penoq siq kemuliean-Ne!
Adéq telaksane maraq nike. Amin!
20Maraq nike do'e-do'e Daud, bije Isai.
Actualmente seleccionado:
ZABUR 72: LAISAS
Destacar
Copiar
Comparar
Compartir
¿Quieres tener guardados todos tus destacados en todos tus dispositivos? Regístrate o inicia sesión