ZABUR 112
112
Kebahagiean dengan saq kenaq
1Pade puji ALLAH !
Bahagie dengan saq takut léq ALLAH ,
saq demen léq préntah-préntah-Ne.
2Bije-bijene gen bekuase léq negeri niki,
keturunan dengan solah gen teberkahin.
3Keluargene gen sugih dait makmur,
kesolahanne gen tetep selaéq-laéqne.
4Terang besinar léq dalem peteng tipaq dengan saq kenaq,
tipaq dengan saq adil, pengasih dait penyayang.
5Bahagie dengan saq murah até dait demen nyinggaqang
dait jujur léq dalem selapuq urusan.
6Dengan solah ndéq gen gagal;
ie gen teinget selaéq-laéqne.
7Ie ndéq takut nerimaq kabar saq lengé,
aténe teguq séngaq percaye léq ALLAH.
8Ie ndéq kuatir atao takut,
lantaran yakin musuhne gen tekalahang.
9 #
2Kor. 9:9
Ie bagi-bagiang dowéne,
dait ngebéng sedekah tipaq dengan miskin;
kesolahanne tetep selaéq-laéqne,
keranaq nike ie bekuase dait tehormatin.
10Dengan jahat serioq ie dait jari sili;
ie pade ngeretekang gigi lantaran meriq.
Beterus ie pade binase;
harepan ie pade telang selaéq-laéqne.
Actualmente seleccionado:
ZABUR 112: LAISAS
Destacar
Copiar
Comparar
Compartir
¿Quieres tener guardados todos tus destacados en todos tus dispositivos? Regístrate o inicia sesión