2 KORINTUS 1
1
Aroo
1:1-2
1 #
Kis. 18:1
Naek srar Allah kawasa ḇyesi ro Korintus ma Allah kawasa ḇyesi kam ro Akhaya ḇesiper.
Ayaine, Paulus, Yesus Kristus manwawan ḇyedi, Allah mankundi isiḇeri imnis mankundi marisen ḇyedi, fnoḇek naek koḇedi Timotius, 2nukyar Allah Kma koḇedi ma Manseren Yesus Kristus ḇyeḇok ma ḇyuk aski faro mko.
Paulus ikofen kasumasa faro Allah
1:3-11
3Sanandik faḇe Allah, Kma ro Yesus Kristus Manseren koḇedi. I Kma sneḇeḇye, ma Allah ḇeḇuk samambraḇ sne faro snonkaku. 4Ḇyuk samambraḇ ro kosnesna, ro fafisu ḇaḇekandera kosma na, insa samambraḇ Allah ḇyuk maḇeko ani, ko kako koḇuk samambraḇ sne faro kawasa kam ḇesma marindisya. 5Kandera-kandera Kristus isma na nabor kaksma na kwar. Iso eḇedari kuker Kristus kako, kosnesna nasma samambraḇ kaku. 6Rofafisu nkoisya rofyor ḇaḇekandera fafisu ani ḇyuk samambraḇ ro mkosnemna, faro aski mkoḇena. Rofyor nkosma samambraḇ ro nkosnesna, rarirya naek mko kako mkaksma samambraḇ isof naek mkomku rofafisu ḇaḇekandera imnis kandera nkaksma na kako. 7Nko ḇeḇirḇarḇa ro rosai nkokyar ro mko naek srar, snar nkofawi mkakḇe kandera fnoḇek nko. Ma snar rarirya mkosma samambraḇ fnoḇek nko.
8 #
1 Kor. 15:32
Naek mko! Nkomarisen naek mkakfawi kandera nkosma ro Asia. Kandera nkosma anna nmarḇak mankenem ma nbarekepen nko, isof nkokyar nari nkokenem werḇa; 9nkokara imnis ssḇuk samamyai marmari maro nko kwar. Ḇape roi ḇerariryana ndarirya insa kokyar samambraḇ ro mankunkoḇena awer, mboi faro Allah ḇeḇuk aḇiḇer faro snonkaku ḇemarsya. 10Allah iso ḇeḇuk koreri kwar maḇeko ro kandera raro marmar ḇeba ani. Ma ikako nari ḇeḇuk koreri maḇeko wer ro ras ḇepupesya, snar iso kokyarya. 11Nkokyar kaku mkoḇenadi warek nko, rarirya Allah nari ḇyuk aski maḇeinko wer ro kandera na. Raimnai snonkaku sibor senadi warek nko, ma nari sikofen kasumasa mufaḇe Allah; snar Allah imarisen ḇyeḇok nko imnis kankarem faro nadi ḇeḇor na.
Paulus damrer aw ḇyena
1:12–2:4
12Roi nkoryaḇya mboi swaruser ro nkosnesna ro roi ḇeḇor nkofrur ro supswan ine – isyadi ro ḇaḇeoser nkoḇedi kuker naek mko – nkofrurna kwar kuker kakara ḇenapes ma ḇesren ro Allah. Nkofrurna kuker fawawi snonkakuḇa, ḇape kuker samambraḇ Allah ḇyuk maḇenko. 13-14Roi nkofas mufa ḇemko ido nkofas monda roi mkowasya ma mkofawi. Fafisu ine mkofawibos nko ḇaim, ḇape yakyar naek srar nari mkofawi kaku nko. Rarirya, fafisu Manseren Yesus ifyafer wer, naek srar nari mkomsik snar nkoimnis raris nko kako nkomsik snar mko.
15Snar kakyar ine iso randakya yaw fayarakaki mko insa naek srar mkosma ḇok ḇerarwan risuru. 16#Kis. 19:21Yakara fayaḇe yaramufa ḇemko ro marandan ayedi ḇeraḇe Makedonia ma yakaḇer nari yasnefer wer faro mko, insa naek mkofnoḇek aya fa yambran pdefḇe Yudea. 17Ḇape yamḇrer kwar swaruser ine; inja, aw ine fyasna yafrur famfnom mondake? Rofafisu yawya, yaw imnis marisen ayedi mondake, inja yakofen, “Mboi”, kniko wer, “Roḇa”? 18Kaku ḇeri kuker Allah ḇedworen, snonsnon ḇyedi ro rosai ikofen na, asas ayedi mufa ḇemko yakofenḇa, “Mboi” ma “Roḇa”. 19#Kis. 18:5Snar Yesus Kristus Allah Rumkun ḇyedi, Silas ma Timotius suḇaryas faro mko kwar ani, ma mankundaya kako yakofenḇa “Mboi” ma “Roḇa”. Inja imnis kankarem “Mboi” ro Allah. 20Snar kuker Yesus Allah ikofen kwar “Mboi” ro asas-asas ḇyena. Knam ine eḇedari kokarem “Amin” (“Kaku ḇeri”) mufaḇe Allah snar Yesus Kristus. Kofrur rarirya insa Allah isma sanandik. 21Allah ḇefrur fa nko ma mko kodworen koḇeoser kuker Kristus; iso ḇekimfir koḇardi faro mankundi. 22Iso eḇedari ryem kofa koḇe kawasa ḇyesi ma ḇyuk Rur ḇyedi ro kosnesna imnis fafnoḇek ro roi ḇeḇor kam fyasos maḇeko.
23Allah ḇyesaksi ḇeaya – snar ifawi aya – mboi yaraḇe Korintusḇaya, snar yamewer yafrur mkosnemna nfafardundi. 24Yaḇedafdifer mkoḇa ro rosai nari mkokyarya, snar kakyar mkoḇena nadworen kwar. Mboi yafararur fnoḇek mko monda insa mkomarisen syadi wer.
Actualmente seleccionado:
2 KORINTUS 1: LAIBHW
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
2 KORINTUS 1
1
Aroo
1:1-2
1 #
Kis. 18:1
Naek srar Allah kawasa ḇyesi ro Korintus ma Allah kawasa ḇyesi kam ro Akhaya ḇesiper.
Ayaine, Paulus, Yesus Kristus manwawan ḇyedi, Allah mankundi isiḇeri imnis mankundi marisen ḇyedi, fnoḇek naek koḇedi Timotius, 2nukyar Allah Kma koḇedi ma Manseren Yesus Kristus ḇyeḇok ma ḇyuk aski faro mko.
Paulus ikofen kasumasa faro Allah
1:3-11
3Sanandik faḇe Allah, Kma ro Yesus Kristus Manseren koḇedi. I Kma sneḇeḇye, ma Allah ḇeḇuk samambraḇ sne faro snonkaku. 4Ḇyuk samambraḇ ro kosnesna, ro fafisu ḇaḇekandera kosma na, insa samambraḇ Allah ḇyuk maḇeko ani, ko kako koḇuk samambraḇ sne faro kawasa kam ḇesma marindisya. 5Kandera-kandera Kristus isma na nabor kaksma na kwar. Iso eḇedari kuker Kristus kako, kosnesna nasma samambraḇ kaku. 6Rofafisu nkoisya rofyor ḇaḇekandera fafisu ani ḇyuk samambraḇ ro mkosnemna, faro aski mkoḇena. Rofyor nkosma samambraḇ ro nkosnesna, rarirya naek mko kako mkaksma samambraḇ isof naek mkomku rofafisu ḇaḇekandera imnis kandera nkaksma na kako. 7Nko ḇeḇirḇarḇa ro rosai nkokyar ro mko naek srar, snar nkofawi mkakḇe kandera fnoḇek nko. Ma snar rarirya mkosma samambraḇ fnoḇek nko.
8 #
1 Kor. 15:32
Naek mko! Nkomarisen naek mkakfawi kandera nkosma ro Asia. Kandera nkosma anna nmarḇak mankenem ma nbarekepen nko, isof nkokyar nari nkokenem werḇa; 9nkokara imnis ssḇuk samamyai marmari maro nko kwar. Ḇape roi ḇerariryana ndarirya insa kokyar samambraḇ ro mankunkoḇena awer, mboi faro Allah ḇeḇuk aḇiḇer faro snonkaku ḇemarsya. 10Allah iso ḇeḇuk koreri kwar maḇeko ro kandera raro marmar ḇeba ani. Ma ikako nari ḇeḇuk koreri maḇeko wer ro ras ḇepupesya, snar iso kokyarya. 11Nkokyar kaku mkoḇenadi warek nko, rarirya Allah nari ḇyuk aski maḇeinko wer ro kandera na. Raimnai snonkaku sibor senadi warek nko, ma nari sikofen kasumasa mufaḇe Allah; snar Allah imarisen ḇyeḇok nko imnis kankarem faro nadi ḇeḇor na.
Paulus damrer aw ḇyena
1:12–2:4
12Roi nkoryaḇya mboi swaruser ro nkosnesna ro roi ḇeḇor nkofrur ro supswan ine – isyadi ro ḇaḇeoser nkoḇedi kuker naek mko – nkofrurna kwar kuker kakara ḇenapes ma ḇesren ro Allah. Nkofrurna kuker fawawi snonkakuḇa, ḇape kuker samambraḇ Allah ḇyuk maḇenko. 13-14Roi nkofas mufa ḇemko ido nkofas monda roi mkowasya ma mkofawi. Fafisu ine mkofawibos nko ḇaim, ḇape yakyar naek srar nari mkofawi kaku nko. Rarirya, fafisu Manseren Yesus ifyafer wer, naek srar nari mkomsik snar nkoimnis raris nko kako nkomsik snar mko.
15Snar kakyar ine iso randakya yaw fayarakaki mko insa naek srar mkosma ḇok ḇerarwan risuru. 16#Kis. 19:21Yakara fayaḇe yaramufa ḇemko ro marandan ayedi ḇeraḇe Makedonia ma yakaḇer nari yasnefer wer faro mko, insa naek mkofnoḇek aya fa yambran pdefḇe Yudea. 17Ḇape yamḇrer kwar swaruser ine; inja, aw ine fyasna yafrur famfnom mondake? Rofafisu yawya, yaw imnis marisen ayedi mondake, inja yakofen, “Mboi”, kniko wer, “Roḇa”? 18Kaku ḇeri kuker Allah ḇedworen, snonsnon ḇyedi ro rosai ikofen na, asas ayedi mufa ḇemko yakofenḇa, “Mboi” ma “Roḇa”. 19#Kis. 18:5Snar Yesus Kristus Allah Rumkun ḇyedi, Silas ma Timotius suḇaryas faro mko kwar ani, ma mankundaya kako yakofenḇa “Mboi” ma “Roḇa”. Inja imnis kankarem “Mboi” ro Allah. 20Snar kuker Yesus Allah ikofen kwar “Mboi” ro asas-asas ḇyena. Knam ine eḇedari kokarem “Amin” (“Kaku ḇeri”) mufaḇe Allah snar Yesus Kristus. Kofrur rarirya insa Allah isma sanandik. 21Allah ḇefrur fa nko ma mko kodworen koḇeoser kuker Kristus; iso ḇekimfir koḇardi faro mankundi. 22Iso eḇedari ryem kofa koḇe kawasa ḇyesi ma ḇyuk Rur ḇyedi ro kosnesna imnis fafnoḇek ro roi ḇeḇor kam fyasos maḇeko.
23Allah ḇyesaksi ḇeaya – snar ifawi aya – mboi yaraḇe Korintusḇaya, snar yamewer yafrur mkosnemna nfafardundi. 24Yaḇedafdifer mkoḇa ro rosai nari mkokyarya, snar kakyar mkoḇena nadworen kwar. Mboi yafararur fnoḇek mko monda insa mkomarisen syadi wer.
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión