1 KORINTUS 16
16
Fafnoḇek faro kawasa Kristen
16:1-4
1 #
Rm. 15:25-26
Insape kawos ro pipi naek srar mkomarisen mko ḇukfnoḇek faro kawasa Kristen, yor insa naek srar mkofrur imnis moḇ yaḇuk kwar faro jemaat-jemaat ro Galatia. 2Ro rasras Arina, iḇye naek srar mkokam mkoḇuk ḇardi pipiker ono, oser-oser ḇyuk raris moḇ ismaraya. Mko kram pipi ansi isof yarafa, insa rofyor ani koryur ssewar awer. 3Rofyor yarafa kwar, nari yawan snonkaku mkomarisensya. Nari yaḇuk farosi syap ḇekofen fasna, insa ssun pipi fafnoḇek ansi ḇe Yerusalem. 4Ma rofyor fandun ido nari yasosi kako, ma nari yasosi ḇo nkora kam.
Paulus aw ḇyedi
16:5-9
5 #
Kis. 19:21
Nari yarakaki mko rofyor yunuk ro Makedonia kwar, snar yakara fayunuk rodia. 6Rodia nari yakainus mko resari rofafisu pnunekya. Raimnai naek srar nari mkofnoḇek aya ro marandan ayedi pdef. 7Yamewer yarakaki mko rarirya monda. Rofyor Manseren ḇyukido, yamarisen yakainus mko fyoro knik resari.
8 #
Im. 23:15-21; Ul. 16:9-11 #Kis. 19:8-10Rofyor ani nari yakain ro Efesus, isof ro munara Sababu Rurḇesren. 9Fafisu nabor rodine faro fararur ḇeḇefainda, ḇape kawasa ḇesampum sibor sisya kako.
Kafkofen ḇadir ono
16:10-18
10 #
1 Kor. 4:17
Rofyor Timotius ryafa, mkosrowi kuker ḇaḇye insa isma sambraḇ rofandu mko, snar i kako ifararur ro Manseren fararur ḇyedi imnis aya. 11Imbude ono smamkyof indi. Mkofnoḇeki ro mararan ḇyedi pdef isof kyaḇer maro aya kuker aski snar yawaf raramuma ḇyedi fnoḇek naek srar ḇesesya.
12Naek koḇedi Apolos, rarwan ono yor kwar faroi insa ryakaki mko fnoḇek kuker naek srar ḇesesya. Ḇape kyara namuk ḇaim fa ryamufa. Mboi rofyor isma fafisu ḇeḇye oso ido nari ryamufa.
13Iḇye mkowaren ma mkores nako ro kakyar. Mkoḇri ma mkosambraḇ! 14Roi mkofrur nakam mkofrur nakam kuker saswar.
15 #
1 Kor. 1:16
Naek srar mkofawi kwar Stefanus kuker kina ḇyesya; si snonkaku randakya ḇeḇe Kristen ro Akhaya. Si ḇefararur kuker sneḇesiper faro Allah kawasa ḇyesi. 16Yor kaku ḇeri insa naek srar mkoso farkankin snonkaku ḇerariryasya, fnoḇek snonkaku ḇese ḇefararur kayam faḇeyuf farmyan fnoḇek si.
17Yaryaḇ kuker Stefanus, Fortunatus ma Akhaikus rarama suḇedi. Sko kada skosadwer naek srar maro aya. 18Kaku ḇeri skofrur sneryaḇ aya; rarirya kako naek srar mkosnemna. Snonkaku ḇerariryasya mko ḇesyowi kaku si.
Wos ḇesisen syap
16:19-24
19 #
Kis. 18:2
Jemaat-jemaat ro Asia sfarem aroo sena mufa ḇenaek srar mko kam. Akwila ma Priska fnoḇek jemaat ḇeryur ro rum suḇedi sfarem aroo Kristen faro mko kako. 20Naek srar kam rodine sikofen aroo mufa ḇemko.
Mkokofen arooyaye oser ḇeoser kuker syowi Kristen.
21Yafas ḇardi aroo yena rodine: Aroo ro aya, Paulus.
22Snonkaku ḇeswar Manseren Yesusḇa, Allah ḇyuk samamyai faroi.
Maranatha – Manseren ryama fasaw!
23Aski ro Manseren Yesus kyain somko kada.
24Yafarem saswar yedi mufa ḇenaek srar mko kam ḇekyar kwar faro Yesus Kristus.
Ro nu, Paulus ma Sostenes
Actualmente seleccionado:
1 KORINTUS 16: LAIBHW
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
1 KORINTUS 16
16
Fafnoḇek faro kawasa Kristen
16:1-4
1 #
Rm. 15:25-26
Insape kawos ro pipi naek srar mkomarisen mko ḇukfnoḇek faro kawasa Kristen, yor insa naek srar mkofrur imnis moḇ yaḇuk kwar faro jemaat-jemaat ro Galatia. 2Ro rasras Arina, iḇye naek srar mkokam mkoḇuk ḇardi pipiker ono, oser-oser ḇyuk raris moḇ ismaraya. Mko kram pipi ansi isof yarafa, insa rofyor ani koryur ssewar awer. 3Rofyor yarafa kwar, nari yawan snonkaku mkomarisensya. Nari yaḇuk farosi syap ḇekofen fasna, insa ssun pipi fafnoḇek ansi ḇe Yerusalem. 4Ma rofyor fandun ido nari yasosi kako, ma nari yasosi ḇo nkora kam.
Paulus aw ḇyedi
16:5-9
5 #
Kis. 19:21
Nari yarakaki mko rofyor yunuk ro Makedonia kwar, snar yakara fayunuk rodia. 6Rodia nari yakainus mko resari rofafisu pnunekya. Raimnai naek srar nari mkofnoḇek aya ro marandan ayedi pdef. 7Yamewer yarakaki mko rarirya monda. Rofyor Manseren ḇyukido, yamarisen yakainus mko fyoro knik resari.
8 #
Im. 23:15-21; Ul. 16:9-11 #Kis. 19:8-10Rofyor ani nari yakain ro Efesus, isof ro munara Sababu Rurḇesren. 9Fafisu nabor rodine faro fararur ḇeḇefainda, ḇape kawasa ḇesampum sibor sisya kako.
Kafkofen ḇadir ono
16:10-18
10 #
1 Kor. 4:17
Rofyor Timotius ryafa, mkosrowi kuker ḇaḇye insa isma sambraḇ rofandu mko, snar i kako ifararur ro Manseren fararur ḇyedi imnis aya. 11Imbude ono smamkyof indi. Mkofnoḇeki ro mararan ḇyedi pdef isof kyaḇer maro aya kuker aski snar yawaf raramuma ḇyedi fnoḇek naek srar ḇesesya.
12Naek koḇedi Apolos, rarwan ono yor kwar faroi insa ryakaki mko fnoḇek kuker naek srar ḇesesya. Ḇape kyara namuk ḇaim fa ryamufa. Mboi rofyor isma fafisu ḇeḇye oso ido nari ryamufa.
13Iḇye mkowaren ma mkores nako ro kakyar. Mkoḇri ma mkosambraḇ! 14Roi mkofrur nakam mkofrur nakam kuker saswar.
15 #
1 Kor. 1:16
Naek srar mkofawi kwar Stefanus kuker kina ḇyesya; si snonkaku randakya ḇeḇe Kristen ro Akhaya. Si ḇefararur kuker sneḇesiper faro Allah kawasa ḇyesi. 16Yor kaku ḇeri insa naek srar mkoso farkankin snonkaku ḇerariryasya, fnoḇek snonkaku ḇese ḇefararur kayam faḇeyuf farmyan fnoḇek si.
17Yaryaḇ kuker Stefanus, Fortunatus ma Akhaikus rarama suḇedi. Sko kada skosadwer naek srar maro aya. 18Kaku ḇeri skofrur sneryaḇ aya; rarirya kako naek srar mkosnemna. Snonkaku ḇerariryasya mko ḇesyowi kaku si.
Wos ḇesisen syap
16:19-24
19 #
Kis. 18:2
Jemaat-jemaat ro Asia sfarem aroo sena mufa ḇenaek srar mko kam. Akwila ma Priska fnoḇek jemaat ḇeryur ro rum suḇedi sfarem aroo Kristen faro mko kako. 20Naek srar kam rodine sikofen aroo mufa ḇemko.
Mkokofen arooyaye oser ḇeoser kuker syowi Kristen.
21Yafas ḇardi aroo yena rodine: Aroo ro aya, Paulus.
22Snonkaku ḇeswar Manseren Yesusḇa, Allah ḇyuk samamyai faroi.
Maranatha – Manseren ryama fasaw!
23Aski ro Manseren Yesus kyain somko kada.
24Yafarem saswar yedi mufa ḇenaek srar mko kam ḇekyar kwar faro Yesus Kristus.
Ro nu, Paulus ma Sostenes
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión