Kapada awrang Efesus 2
2
1Lagipawn kamu ini, jang sudah ada mati dalam persalahan dan dawsa‐dawsa,
2Dalam jang mana pada waktu di‐hulu kamu sudah berdjalan‐djalan menurut kaadaän alam ini, menurut panghulu jang berkawasa di dalam adara, jani roch itu jang pada sakarang ini bakardja di dalam anak‐anak kadurhakaän;
3Di dalam sijapa kami ini lagi sudah bowat kaïnginan daging dan kira‐kiräan, sedang deri tabiet kami ini djuga sudah ada anak‐anak morka, sabagimana segala awrang lajin‐lajin itu;
4Tetapi Allah jang bagitu kaja dengan rachmet, awleh karana pengasehannja jang demikijen besar itu, dengan jang mana Ija sudah mengasehi kami,
5Dan itupawn sedang kami sudah ada mati awleh persalahan, sudah menghidopkan kami dengan Tuhan Christos, (karana awleh nimet djuga kamu sudah mendapat salamat)
6Dan sudah membangkitkan kami bersama‐sama dengan Dija; dan Ija sudah angkat taroh kami baserta dengan Dija di dalam sawrga, itupawn di dalam Tuhan Christos Jesus.
7Sopaja, pada segala awal jang nanti datang, Ija akan bertondjok kakajaän nimetnja, jang terlalu amat besar itu, awleh kamurahannja akan kami, di dalam Tuhan Christos Jesus.
8Karana deri sebab nimet djuga, kamu sudah berawleh salamat, itupawn awleh iman, dan bukan deri sebab kamu punja diri sendiri; Allah punja pemberian itu;
9Bukan djuga deri sebab bowatan‐bowatan, agar djangan barang saäwrang pudji‐pudji diri;
10Karana kami ini ada perbowatannja, jang telah dedjadikan di dalam Tuhan Christos Jesus akan pakardjaän‐pakardjaän jang bajik, pada jang mana Allah sudah melangkap kami, sopaja kami bawleh berdjalan‐djalan di dalamnja itu.
11Sebab itu hendaklah kamu ingat‐ingat, hé awrang‐awrang chalajik di dalam daging! jang kamu sudah dapat denamaï awrang‐awrang jang tijada depersunat, awleh awrang‐awrang jang depersunat itu di dalam daging, jang deperbowat dengan tangan‐tangan.
12Jang pada tatkala itu kamu sudah ada djawoh deri Tuhan Christos, dan tijada bahagian dengan pengatoran parenta awrang‐awrang Israël, dan djawoh lagi deri pada segala djandjian itu, dengan tijada barang pengharapan dan tijada barang Allah di dalam dunja.
13Tetapi pada sakarang ini di dalam Tuhan Christos Jesus, kamu, jang di‐hulu sudah ada djawoh, kamu sudah datang hampir, awleh darah Tuhan Christos.
14Karana Ija djuga ada perdameän kami, Dija itu, jang deri duwa sudah djadikan sawatu djuga, dan sudah merombak dinding pampele, jang sudah ada pada sama tengah,
15Jani persataruwan itu, sedang Ija sudah mentijadakan Tawrat titah‐titah dan ondang‐ondang; sopaja Ija akan mendjadikan, di dalam sendirinja, akan sawatu djuga manusija baharu, kaduwanja itu, itupawn dengan berbowat dame.
16Dan sopaja Ija akan bawleh perdamekan kaduwa itu, dalam sawatu djuga tuboh dengan Allah awleh tsalib, dan mematikan persataruwan itu, awleh sendirinja.
17Dan sedang Ija sudah datang, Ija sudah mengchotbatkan dame kapada kamu jang djawoh, dan dame kapada jang hampir.
18Karana awlehnja djuga kaduwa kami sudah berawleh djalan terbuka, di dalam sawatu djuga Roch, kapada Bapa.
19Bagitupawn kamu bukan lagi awrang dagang dan awrang menompang, tetapi awrang sakampong djuga, bersama‐sama dengan segala awrang mutaki dan awrang isi rumah Allah,
20Taperusah atas pengalasan Rasul‐rasul dan Nabi‐nabi, sedang Tuhan Jesus Christos sendiri ada batu pengalas djiku,
21Dalam sijapa saganap perusahan itu sudah terkantjing sama‐sama dan deperdirikan akan sawatu kaba jang kudus di dalam maha besar Tuhan;
22Dalam sijapa lagi kamu ini deperusah sama‐sama kapada sawatu kadijaman Allah di dalam Roch.
Actualmente seleccionado:
Kapada awrang Efesus 2: ABSNT
Destacar
Copiar
Comparar
Compartir
¿Quieres tener guardados todos tus destacados en todos tus dispositivos? Regístrate o inicia sesión
First published by the National Bible Society of Scotland (Scottish Bible Society) in 1877