KULAVA 13
13
Vandoji likumi navavali navavatuma kuKanane
(Luxi. 1.19-33)
1Jino Yehova ahanjikile kuli Mose ngwenyi,
2Tuma vatu, mangana vakasondwese lifuci lyaKanane, eli nanguhana kuli vana vaIsalele. Tumenu kumuyaci wavakakuluka javo mutu, kumuyaci wavakakuluka javo mutu, mutu himutu muka-kulitulaho muli vakwavo.
3Mose avatumine vakatuke mupambo Palane, nge omu vamulwezele kuli Yehova. Vosena vapwile malunga vamyata javana vaIsalele.
4Awa akiko apwile majinavo. Ou wakumuyaci waLuvene apwile ikiye Xamuwa mwanaZakule.
5Ou wakumuyaci waXimeyone apwile ikiye Xafwate mwanaHoli.
6Ou wakumuyaci WaYuta apwile ikiye Kaleve mwanaYefune.
7Ou wakumuyaci waIsakale apwile ikiye Ingale mwanaYosefwe.
8Ou wakumuyaci waEfwalime apwile ikiye Hoxeya mwanaNune.
9Ou wakumuyaci waMbenjamine apwile ikiye Palaci mwanaLafu.
10Ou wakumuyaci waZevulune apwile ikiye Ngaciyele mwanaSoci.
11Ou wakumuyaci waYosefwe, kumuyaci waManase, apwile ikiye Ngaci mwanaSuxi.
12Ou wakumuyaci waNdane apwile ikiye Amyele mwanaNgemali.
13Ou wakumuyaci waAxele apwile ikiye Setule mwanaMikayele.
14Ou wakumuyaci waNafwatale apwile ikiye Navi mwanaVofwoxi.
15Ou wakumuyaci waNgate apwile ikiye Nguwele mwanaMaki.
16Awa akiko majina amalunga vaze atumine Mose mangana vakasondwese lifuci. Kaha Hoxeya mwanaNune Mose amulukile ngwenyi, Yoxuwa.
17Mose avatumine kusondwesa lifuci lyaKanane, avambile ngwenyi, Kandukilenu oku #Kupu. 12.9; 13.1, 3.kuSulo, mukanduke kujipili.
18Kaha talenu lifuci mulyapwa ngacilihi, navatu vatwamamo, numba nge vali nangolo nyi vahehela, numba nge vanapu vavandende nyi vavavulu,
19nomu lyapwa lifuci lize vanatwame, numba nge lyapwa lyamwaza nyi lyalipi, namembo aze vanatwame akiko aka, numba nge vatwama kuvilombo nyi kwangolo,
20nomu lyapwa lifuci, numba nge lili nawilo nyi wilo pimbi, numba nge lili namitondo nyi pimbi. Likolezezenu, mukanehe kumihako yamulifuci. Makumbi aze apwile makumbi akuputuka kwihya mihako yavinyo.
21Ngoco vakandukile, vasondwesele lifuci kufumisa mupambo Jine mbwe nakuLehove, kwakwingilila kuHamate.
22Vakandukile kusulo, Vahetele kuHevelone. Kuze kwapwile Ahimane naXexai naTalamai, vakivo vana vaAnake. (Jino Hevelone valitungile hakavanga, mwahicile myaka yitanu nayivali numba vatunge Zowane kuEjipitu.)
23Kaha vaze vandoji Vahetele kucinema caExekole, vatetele mutango wapwile namususu wamihako yavinyo kuze, vaukulikile kuli vatu vavali kuluhango. Vanehele kujiloma nawa nakujikuyu.
24Kuze vavulukile ngwavo, Kucinema #13.24:Nge ngwavo, Camususu.caExekole, hamususu uze vateteleko vana vaIsalele.
25Hakukumisa makumbi makumi awana, vakindulukile kukusondwesa lifuci,
26vayile Vahetele kuli Mose nakuli Alone nakulizavu lyavana vaIsalele lyosena, mupambo Palane, kuKatexe. Kaha Vanehele ceka mazu kuli vakivo nakulizavu lyosena, vavalwezele mihako yalifuci lize.
27Vamulwezele ngwavo, Twahetele mulifuci watutuminyine. Camwenemwene, #Kulo. 3.8, 17; 13.5. linambwambumuka mavele nawuci, kaheyi yikiko mihako yiliko.
28Oloze vatu vatwama mulifuci kana vali nangolo, kaha membo vanawajingulwisa najikembwe, akiko amanene cikuma. Twamwene nawa vana vaAnake kuze.
29Kaha nawa, vaAmaleke vatwama mulifuci lyasulo, vaHete navaYevuse navaAmole vatwama kujipili, kaha vaKanane vatwama kukalungalwiji nakucikulo caYotau.
30Jino Kaleve aholesele vatu kumeso aMose, avambile ngwenyi, Tukandukenu waxi tukalihete, mwomwo kulihasa natukalihasa vene.
31Oloze malunga vaze vakandukile nenyi vambile ngwavo, Katwexi kuhasa kukanduka kuli vatu avako, mwomwo vali nangolo jakutuhambakanetu, xikaho.
32Ngoco vafulililile lifuci lize vasondwesele kuli vana vaIsalele ngwavo, Lifuci kana tunahici lyehi nakusondwesa, likiko lifuci lyakulya vaze vatwamako, kaha vatu vosena vaze twamweneko vakivo malunga vakutaluka cikuma.
33Twamwene nawa #13.33:Mokomoko ngwavo, Vatu vakutaluka cikuma. Tala Kupu. 6.4.vaNefwile kuze, vakivo vana vaAnake vakusemuka kuli vaNefwile. Kaha twalimwene nge tuvambimba kaha, ngoco nawa muvatumwene navakivo nawa.
Actualmente seleccionado:
KULAVA 13: LUE70
Destacar
Copiar
Comparar
Compartir
¿Quieres tener guardados todos tus destacados en todos tus dispositivos? Regístrate o inicia sesión
Luvale Bible © Bible Society of Zambia, 1970.