VYAVALEVI 26
26
Omu navavawahisanga hakwononoka
(Luxi. 7.12-24; 28.1-14)
1Kanda mukalilingila #26.1:Tala 19.4.makombeloko, cipwe kulimikila likombelo lyakusonga, cipwe lilolwa lyakwimika. Kanda mukahaka lilolwa lwakwola kulifuci lyenu mangana mukalifukuleko, mwomwo Ami yami Yehova Kalunga kenu.
2Lamenunga jisambata jami, mwivwenga nawa woma wazuvo yami yajila. Ami yami Yehova.
3Kaci nge namutambukanga mwaya vilika vyami, nakulamanga jiximbi jami nakujilinganga,
4kaha nangukamihana vula yenu hamwaka wayo, lifuci nalikahanangevi vyakwimaho, kaha mitondo yakumawande nayikemanga mihako yayo.
5Kuzungula cenu nacikatwala nahakuhela mihako yavinyo, nakuhela cenu mihako yavinyo nacikatwala nahakukuva. Kulya cenu namukacilyanga nakwikuta, nakutwama kanawa kulifuci lyenu cakuzeneka woma.
6 #
Samu 29.11; 85.8; 147.14. Nangukaunjisako kulifuci lyenu, namukasavala, kaha kakwexi kukapwa umwe mwakamivwisa womako. Nangukahonesa tunyama vavapi kulifuci, kaha jipoko jamikwale kajexi kukahita mulifuci lyenuko.
7Namukahangasana vaka-kole jenu, kaha navakalindumuka kujipoko jamikwale kumeso enu.
8Vakwenu vatanu navakahangasana likulukaji, kaha vakwenu likulukaji navakahangasana kanunu, kaha vaka-kole jenu navakalindumuka kujipoko jamikwale kumeso enu.
9Nangukamilalisa meso ami, nakumihana lusemo nakumivulisa, kaha nangukazamisa luxiko lwami nayenu.
10Namukalya vyakusweka vize vanalame lyehi Ximbu, kaha vize vyakusweka mwaka namukavilovolamo mwomwo havyevi vyavihya.
11Nangukajika #26.11:Tala 8.10.tavanaku yami mukaci kenu, kaha mwono wami kawexi kukamivwila unyengweko.
12 #
Koli. 2, 6.16; Luxi. 23.14. Nangukatambukanga muli enu, nakupwa nguKalunga kenu, kahenu namupwanga muvatu jami.
13Ami yami Yehova Kalunga kenu, ngwamilowele mulifuci lyaEjipitu mangana muzeneke kupwa muvandungo javo. Kaha ngunahokola mikambo yatoka yenu, ngunamitambukisa cakwimana hamahinji enu.
Omu navakavindamanga hakulikanga
(Luxi. 28.15-68)
14Oloze kaci nge kamwexi kungwivwililako, nge kamwexi kulinga jiximbi josenejiko,
15kaci nge namukakana vilika vyami, nge myono yenu nayikevwila mazu ami akuyula unyengwe, ngoco kamwexi kulinga jiximbi jami josenako, nge namukajiha luxiko lwami,
16kahAmi nawa nangukamilinga ngana. #Samu 78.33.Nangukatongola muzuzu ukamiwane, ukiko musongo wakahaci namusongo wacixika, ukiko naukalya meso enu, nakupilwisa myono yenu.#Kuyu. 6.3-6. Namukakuva jimbuto jenu cakulixina tuhu, mwomwo vaka-kole jenu navakajilya.
17Nangukamitala nautenu, kaha namukavetuwa kumeso avaka-kole jenu. #Samu 106.41.Vaka-kumihunga navakapwa vamyata jenu, #36, 37; Samu 53.5; Vixi. 28.1.kaha namukacina cakuzenekou mwamihangasana.
18Kaci nge hakumona vyumevi, hanga namukakana kwivwilila kuli Ami, kaha nangukamizangamisa ceka katanu nakavali hamilonga yenu yaxili.
19Nangukajiha kulivwimba cangolo jenu. Lilu lyenu nangukalilingisa kupwa nge fwelu, namavu enu nge unengu.
20Ngolo jenu najikahwilila mwamokomoko, mwomwo lifuci lyenu kalyexi kukalovolevi vyakwimahoko, kaha mitondo yakulifuci lyenu kayexi kukema mihako yayoko.
21Kaci nge namukatambuka mwakungutangika, nge kamwexi kungwivwililako, nangukaneha ceka misongo yakuvulisa katanu nakavali hali enu, nge kutesa namilonga yenu yaxili.
22Nangukatuma tunyama vamuvipapa muli enu. Vakivo navakamivindamisa vana venu, nakunongesa vimuna jenu, nakumilingisa kupwa muvandende kaha. Kaha jijila jenu najikapunda.
23Kaci nge hakumona vyumevi kamute kuzangama nakwalumukila kuli Ami, nge namukatambukanga mwakungutangika,
24kaha naYami nawa nangukatambukanga mwakumitangikenu, Ami nangukamiveta katanu nakavali hamilonga yenu yaxili.
25Nangukaneha jipoko jamikwale hali enu, jikiko najikatenda luxiko lwami, kaha namukakungulukila mumembo enu. Nangukatuma musongo wacihita muli enu, kaha nangukamihana mumavoko avaka-kole.
26Omu nangukahokola mukombo wakulya cenu, mapwevo likumi navakoca mbolo yenu mufwolonyi yimwe, navakamihana ceka mbolo yenu cakuyipezalisa, kaha namukalya cakuhona kwikuta.
27Kaci nge enu hakumona ngoco kamwexi kungwivwiiilako, nge namukatambukanga mwakungutangika,
28kaha nangukatambukanga mwakumitangika nandombo, kaha nangukamizangamisa katanu nakavali hamilonga yenu yaxili.
29Namukalya nyama yavana venu vamalunga, nanyama yavana venu vamapwevo nawa namukayilya.
30Nangukanongesa milundu yenu yakunyunga, nangukatema vyuma vyenu vyakufwanyisa likumbi, nakumbila mijimba yenu yakufwa hamijimba yamakombelo enu, kaha mwono wami naukamivwila unyengwe.
31Membo enu nangukawalingisa kupwa jingundu, jizuvo jenu jajila nangukajilingisa kupwa jamokomoko, kaha kangwexi kukahumbika kunuka camavumbenu alupengopengoko.
32Ami nangukalingisa kulifuci kupwa kwamokomoko, vaka-kole jenu vanatwameko navakalikomokelako.
33Enu #Samu 44.11; 106.27.nangukamimwanga muli vaka-mafuci eka, nakusomona jipoko jamikwale jikamikave. Kulifuci lyenu nakukapwa kwamokomoko, kaha membo enu nawakapwa jingundu.
34Hahaze vene numba lifuci likevwenga kuwaha najisambata jalyo makumbi osena ximbu nalikatwamanga lyamokomoko, ximbu muli enu kulifuci lyavaka-kole jenu. Hahaze vene numba lifuci likanokenga likevwenga kuwaha najisambata jalyo.
35Makumbi osena, ximbu nalikatwamanga lyamokomoko nalikanokanga, oco kunoka kana lyahonenenga kunoka kujisambata jenu ximbu mwatwaminengako.
36Kaha vakwenu vaze navakasalaho, nangukatuma zuku mumicima yavo kumafuci avaka-kole javo, ngoco kuwakaxa califo lyakupekumuka nacikavacinyisa, kaha navakacinanga nge omu eji kucinanga mutu poko yamukwale, navakalindumuka cakuzenekou mwavahangasana.
37Kaha navakalilimbukilila, nge kujipoko jamikwale, cakuzenekou mwavahangasana. Kaha kamwexi kukapwa nangolo jakwimana kumeso avaka-kole jenuko.
38Namukanongela muli vaka-mafuci, kaha lifuci lyavaka-kole jenu nalikamilya.
39Vakwenu navakasalaho navakanowa mukuhenga cavo kumafuci avaka-kole jenu, kaha muvilinga vyavakaka javo vyakuhenga navakanowa navo hamwe.
40Jino navaketavila kuhenga cavo nakuhenga cavakaka javo, mukuhenga cavo vahengesele kuli Ami, kaha nawa, mwomwo vatambukilenga nakungutangika,
41xikaho naYami nawa ngwata-mbukilenga nakuvatangika vakivo nakuvaneha mulifuci lyavaka-kole javo. Hahaze vene, micima yavo yazeneka kujihana kaci nge nayikalinga hiyinalinyisa, kaci nge navaketavila kuzangamisa cahakuhenga cavo,
42numba ngukanuke #Kupu. 28.13-15; 35.11, 12.luxiko lwami ngwalixikile naYakova, naluxiko lwami #Kupu. 26.2-5.ngwalixikile naIsaka, #Kupu. 22.15-18.naluxiko lwami ngwalixikile naApalahama nawa nangukalwanuka, kaha nangukanuka lifuci.
43Lifuci navakaliseza, kaha nalikevwa kuwaha najisambata jalyo hakutwama calyo lyamokomoko cakuzeneka vakivo. Vakivo navaketavila kuvazangamisa hakuhenga cavo, mwomwo vene vakanyine mazu ami akuyula, mwomwo myono yavo yevwilile vilika vyami unyengwe.
44Cipwe ngoco, omu navakapwa kulifuci lyavaka-kole javo, kangwexi kukavakanako, kaha kangwexi kukavevwila unyengwe numba nguvanongese ndolokoto nakujiha luxiko lwami ngunalixiki navoko, mwomwo Ami yami Yehova Kalunga kavo, xikaho.
45Oloze hali vakivo, xikaho nangwanukanga #Kulo. 6.6-8.luxiko Lwavakaka javo, vaze ngwalowele mulifuci lyaEjipitu kumeso avaka-mafuci, mangana ngupwenga nguKalunga kavo. Ami yami Yehova.
46Evi vikiko vilika namazu akuyula najiximbi, evi ahanyine Yehova hakaci kenyi navana vaIsalele kupili Xinai kulivoko lyaMose.
Actualmente seleccionado:
VYAVALEVI 26: LUE70
Destacar
Copiar
Comparar
Compartir
¿Quieres tener guardados todos tus destacados en todos tus dispositivos? Regístrate o inicia sesión
Luvale Bible © Bible Society of Zambia, 1970.