JINGKHEIÑ 15
15
Ki hukum shaphang ki jingainguh
1Te U Trai u la kren ha u Moses, U da ong, 2“To kren ha ki khun Israel, to ong ruh ha ki, ‘Haba phi la poi sha kata ka ri shongneh jong phi, ïa kaba nga ai ha phi, 3bad haba phi ai ka jingainguh da ka ding ha U Trai, ka jingainguh thang, lane ka jingkñia ba pyndep ïa ka jingkular skhem, lane ka jingainguh sngewbha, lane ha ki Jingkhawai Niam bakyntang jong phi, ban pynlong ïa ka jingiw baiwbih ha U Trai, na ki masi dab, lane na ki langbrot: 4Ynda kumta te, uta u ba ai ka jingainguh jong u ha U Trai, un wallam ka jingainguh bam da ka bynta bashiphew na u 'purew ïa uba la ïakhleh bad shi pawa hin ka umphniang: 5Lem bad ka jingainguh thang ruh lane ka jingkñia, men khreh shi pawa hin ka Waiñ, namar uwei uwei u khun langbrot, ban long ka jingainguh dih. 6Te namar uwei uwei u langbrot, men ainguh ar bynta na kaba shiphew u 'purew ba la khleh bad kaba lai bynta hin ka umphniang, ban long ka jingainguh bam. 7Bad namar ka jingainguh dih, men ai kaba lai bynta hin ka Waiñ, ban long ka jingiw baiwbih ha U Trai. 8Haba me khreh ïa u masi lyngraw ruh ban long ka jingainguh thang, lane ka jingkñia ba pyndep ïa ka jingkular skhem, lane ban long ka jingkñia bapynïasuk ha U Trai: 9te un wallam lem bad uta u masi lyngraw, lai bynta na kaba shiphew u 'purew ba la khleh bad shiteng hin ka umphniang, ban long ka jingainguh bam. 10Bad namar ka jingainguh dih, men wallam shiteng hin ka Waiñ, ka ban long ka jingainguh kaba da ka ding, ïa ka ban long ka jingiw baiwbih ha U Trai.’
11“Kumta, ka dei ban leh namar uwei uwei u masi lyngraw, lane namar uwei uwei u langbrot, lane namar uwei uwei u khun langbrot, ne u khun blang. 12Katba kum ka jingkheiñ jong kita ïa kiba phin khreh, kumta phin leh ha uwei pa uwei katba kum ka jingkheiñ jong ki. 13Ki trai-shnong baroh kin leh ïa kine kiei kiei ruh kumta, haba ki ai ka jingainguh kaba da ka ding, ban long ka jingiw baiwbih ha U Trai. 14#Eks. 12:49; Leb. 24:22; Jkñ. 15:15,16,29.Bad lada u nongwei u shong basa lem bad phi, ne lada uno uno ruh uba hapdeng jong phi ha ki jingkha pateng jong phi, bad un ai ka jingainguh kaba da ka ding, ban long ka jingiw baiwbih ha U Trai; kumba leh ma phi, kumta un leh ma u ruh. 15Tang kawei ka rukom kan long ha phi, kiba dei ha uta u paidlang, bad ha uta u nongwei ruh uba shong basa lem bad phi, ka rukom keiñ kaba ha la ka rta ha ki jingkha pateng jong phi: kumba long ma phi, kumta un long uta u nongwei ha khmat U Trai. 16#Leb. 24:22.Kawei ka hukum, bad kawei ka rukom ruh kan long ha phi, bad ha u nongwei uba shong basa lem bad phi.”
17 #
Eks. 34:26; Leb. 23:14. U Trai ruh u la kren ha u Moses, U da ong, 18“To kren ha ki khun Israel, to ong ruh ha ki, ‘Haba phi la poi ha kata ka ri ha kaba ngan sa ïalam ïa phi, 19te ynda phi la ïoh bam na u kpu jong kata ka ri, te phin kyntiew ïa ka jingainguh bakyntiew ha U Trai. 20Na u kpu im banyngkong jong phi, phin ainguh da uwei u kpu, ban long ka jingainguh bakyntiew; kumjuh kum ka jingainguh bakyntiew na ka kyntem, kumta phin kyntiew ïa ka ruh. 21Na uta u kpu im banyngkong jong phi, phin ainguh ïa ka jingainguh bakyntiew ha U Trai ha ki pateng la pateng jong phi.’
22 #
Leb. 4:13-21. “Te haba phi la leh palat, bad ba phim leh ïa kine ki hukum baroh, ïa kiba u la kren U Trai ha u Moses, 23ïa kata baroh keiñ ba la hukum U Trai ïa phi da ka kti u Moses, naduh kata ka sngi ha kaba u la hukum U Trai, bad naduh mynta ha ki jingkha pateng jong phi; 24kan long te, lada yn leh ei ei ruh ha ka jingbymtip, khlem da tip u paidbah, ba uta u paidbah baroh un ainguh da uwei u masi lyngraw, ban long ka jingainguh thang, ban long ka jingiw baiwbih ha U Trai, lem bad ka jingainguh bam jong ka, bad ka jingainguh dih jong ka, katba kum ka rukom, bad uwei u blang, ban long ka jingkñia sait pop. 25Te u lyngdoh un pynlong ka jingpynïasuk na ka bynta uta u paidbah baroh ki khun Israel, te yn map noh ïa ki; namar ka long ka jingbymtip, bad ki la wallam ruh ïa la ka jingainguh, ka jingkñia da ka ding ha U Trai, bad ïa ka jingkñia sait pop jong ki ha khmat U Trai, namar ka jingbymtip jong ki: 26Te yn map ïa u paidbah baroh ki khun Israel, bad ïa u nongwei uba shong basa hapdeng jong ki; naba ka la jia ha kita ki briew baroh da ka jingbymtip.”
27 #
Leb. 4:2-12. “Te lada uno uno u briew un leh pop da ka bymtip; te un wallam kawei ka blang kaba shi snem, ban long ka jingkñia namar ka pop. 28Bad u lyngdoh un pynlong ka kuna namar uta u briew uba la leh pop da ka bymtip, haba u la leh pop da ka bymtip, ha khmat U Trai, u da pynlong ka kuna namar jong u; te yn map ïa u. 29Ïa uta uba la kha na ki khun Israel, bad ïa u nongwei uba shong basa hapdeng jong ki, phin ïoh tang kawei ka rukom ïa uta uba la leh pop da ka bymtip. 30Hynrei, uta u briew uba leh pop da kaba leh meng, la u trai-shnong, lane u nongwei, uta keiñ u lehbeiñ ïa U Trai; ïa uta u briew yn ot noh napdeng ki briew jong u. 31Namar ba u la ñiewbeiñ ïa ka ktien U Trai, bad ba u la pynkheiñ ïa ka hukum jong u; ïa uta u briew yn ot noh, ka pop jong u kan long halor jong u.”
Kaba lynthem maw ïa uba pynkheiñ ïa ka sngi Sabbaton
32Te mynba ki khun Israel ki la don ha kata ka ri khlaw, ki la shem ïa uwei u briew uba lum prew ha ka sngi Sabbaton. 33Kita te kiba la shem ïa u, ki la wallam ïa uta uba lum prew ha u Moses, bad ha u Aaron, bad ha u paidlang baroh. 34Ki la set byndi ruh ïa u, naba ym pat shym la pynpaw aïu ka dei ban leh ïa u. 35U Trai te u la ong ïa u Moses, “Ïa uta u briew ka dei shisha ban pynïap noh: u paidlang baroh kin ïalynthem ïa u da ki maw, shabar ka jaka shong dara.” 36Bad uta u paidlang baroh ki la leit lam ïa u shabar kata ka jaka shong dara, bad ki la lynthem ïa u da ki maw, bad u la ïap; kumba u la hukum U Trai ïa u Moses.
Shaphang ki jingjyrthiaw ha ki rmiang jaiñ
37Te U Trai u la kren ha u Moses, U da ong, 38#Deu. 22:12.“To kren ha ki khun Israel, to ong ruh ha ki ba kin thaw ki jingjyrthiaw ha ki rmiang ki jaiñ jong ki, ha ki jingkha pateng phar jong ki, bad ba kin buh ïa ka jingteh babyrïong halor kita ki jingjyrthiaw jong ki rmiang jaiñ: 39te kan long ha phi kum ka jingjyrthiaw, ba, haba phi khmih ïa ka, phin kynmaw ïa ki hukum baroh ki jong U Trai, bad phin leh ruh ïa ki; bad ba phin ym beh katba kum la ka jong ka dohnud, bad la ki jong ki khmat, ïa kiba phi la ju beh brai: 40ba phin ïoh kynmaw, bad phin leh ruh ïa ki hukum jong nga baroh, bad ba phin long khuid ha U Blei jong phi. 41Nga U Trai U Blei jong phi, uba la wallam ïa phi na ka ri Ijipt ban long U Blei ïa phi: Nga long U Trai U Blei jong phi.”
Actualmente seleccionado:
JINGKHEIÑ 15: KHB
Destacar
Copiar
Comparar
Compartir
¿Quieres tener guardados todos tus destacados en todos tus dispositivos? Regístrate o inicia sesión
The Bible Society of India