စံးထီၣ်ပတြၢၤ 63
63
တၢ်သးသယုၢ်ဘၣ်ကစၢ်ယွၤ
1ကစၢ်ယွၤဧၢ, နမ့ၢ်ယကစၢ်ယွၤ
ဒီးယသးသယုၢ်ဘၣ်နၤလီၤ.
ယနီၢ်ဒီတဂၤညါဆၢန့ၢ်ဘၣ်နၤ
ဒ်ကီၢ်လၢအဃ့စိၢ်ဃ့ထီဒီး
ထံတအိၣ်ဘၣ်အသိးန့ၣ်လီၤ.
ယသးအံၤသူအသးလၢနၤလီၤ.
2ပျဲယထံၣ်ဘၣ်နၤလၢတၢ်လီၢ်စီဆှံအပူၤ,
ပျဲယထံၣ်ဘၣ်နအိၣ်ဒီးတၢ်စိတၢ်ကမီၤ,
ဒီးတၢ်လၤတၢ်ကပီၤထဲလဲၣ်န့ၣ်တက့ၢ်.
3အဂ့ၢ်ဒ်အံၤ, နတၢ်အဲၣ်ဂၢၢ်ကျၢၤဂ့ၤန့ၢ်သးသမူ,
ဒီးယနိးဖံးကစံးထီၣ်ပတြၢၤနၤန့ၣ်လီၤ.
4မ်ဒ်န့ၣ်ဒီး, ဖဲယမူဒံးယဲန့ၣ်ယကစံးထီၣ်ပတြၢၤနၤ,
ယကယူာ်ထီၣ်ယစုဒီးကိးထီၣ်နမံၤန့ၣ်လီၤ.
5ယသးကအီၣ်ဘျဲးအီၣ်တၢ်အီၣ်ဝံၣ်, ဒီးသိဧိၤချါဧိၤ,
ဒီးယထးခိၣ်စံးထီၣ်ပတြၢၤနၤလၢ
နိးဖံးလၢအသးခုန့ၣ်လီၤ.
6ဖဲယသ့ၣ်နီၣ်ထီၣ်က့ၤနၤလၢယလီၢ်မံအဖီခိၣ်,
ဒီးယဆိကမိၣ်လၢနဂ့ၢ်နကျိၤသီတနၤကျၢၤန့ၣ်လီၤ.
7အဂ့ၢ်ဒ်အံၤ, ထီဘိနမ့ၢ်တ့ၢ်ယတၢ်မၤစၢၤ
ဒီးယသးဝံၣ်တၢ်လၢတၢ်သူၣ်ဖှံသးညီအဃိ,
လၢနဒံးဆ့အဖီလာ်လီၤ.
8ယသးသန့ၤယသးလၢနၤ, နစုထွဲမၤစၢၤယၤလီၤ.
9ဘၣ်ဆၣ်ပှၤလၢအဃုမၤဟးဂီၤယသးသမူန့ၣ်,
ကလဲၤလီၤဆူဟီၣ်ခိၣ်အဖီလာ်န့ၣ်လီၤ.
10အဝဲသ့ၣ်ကဘၣ်တၢ်မၤသံအီၤလၢတၢ်ဒုးအပူၤ,
ဒီးထွံၣ်မံၤတဖၣ်ကအီၣ်ကွံာ်အီၤလီၤ.
11ဘၣ်ဆၣ်စီၤပၤန့ၣ် ကသးခုလၢကစၢ်ယွၤအပူၤလီၤ.
ကယဲၢ်ပှၤလၢအဆိၣ်တၢ်ဒီးအီၤလၢကစၢ်ယွၤအမံၤန့ၣ်
ကစံးထီၣ်ပတြၢၤယွၤလီၤ.
မ့မ့ၢ်ပှၤလၢအကတိၤတၢ်ကဘျံးကဘျၣ်
အထးခိၣ်ကဘၣ်တၢ်ဆွံတံာ်အီၤလီၤ.
Actualmente seleccionado:
စံးထီၣ်ပတြၢၤ 63: KSWC
Destacar
Copiar
Comparar
Compartir
¿Quieres tener guardados todos tus destacados en todos tus dispositivos? Regístrate o inicia sesión
Sgaw Karen Common Bible © Bible Society of Myanmar, 1992.