Chhut Âi-khi̍p Ki 8

(2) Koái-é Châi

1Song-chú tui Mô-sî kóng: “Ngì hi-kien Âi-khi̍p-vòng, tui kì kóng: ‘Song-chú án-ngiòng kóng: Piong Ngài ke chṳ́-mìn chéu, pûn kì-têu hi kin-pai Ngài. 2Na-he ngì hàn-he m̀-hén, Ngài oi chit-fa̍t ngì ke koet-kâ, sṳ́ chhiòn-koet mân-thi yû koái-é. 3Nì-lò hò-tú voi-yû cha̍t-cha̍t ke koái-é; koái-é tui hò-pa tú oi thiau chhut-lòi, chin-ngi̍p ngì ke vòng-kiûng, ngì ke kiên-tú, thiau-sông ngì ke mìn-chhòng, to ngì kôn-yèn ke vuk-hâ, to ngì ngìn-mìn ke vuk-hâ, sṳm-chṳ thiau-ngi̍p cho-hâ, thiau-ngi̍p vo̍k-thèu tú, 4ya oi thiau-to ngì sṳ̂n-hong, ngì kôn-yèn ke sṳ̂n-hong, lâu ngì ngìn-mìn ke sṳ̂n-hong.’ ”

5Song-chú tui Mô-sî kóng: “Ngì oi lâu Â-lùn kóng, ham kì sú khià kì ke koái-kun-é, chhûn-hiong hò-pa, yun-hò, fù lâu pî-thòng, ham koái-é chhut-lòi, sṳ́ chhiòn-koet mân-thi he koái-é.” 6Só-yî Â-lùn chhûn-chhut kì ke koái-kun-é, chṳ́-tén Âi-khi̍p ke súi, koái-é chhiu thiau chhut-lòi, mân-thi cha̍t-cha̍t. 7Chúng-he hàng sià-su̍t ke ya pien fap-su̍t, ham koái-é thiau-to thi-mien song.

8Koet-vòng ham Mô-sî lâu Â-lùn lòi, kóng: “Chhiáng ngì-têu khiù Song-chú kiuk-chéu ke-têu koái-é lì-khôi ngài lâu ngài ke chṳ́-mìn, ngài chhiu piong Ngì ke ngìn-mìn chéu, pûn kì-têu hi hiong Song-chú hien-chi.”

9Mô-sî en-kóng: “Ngài ngien-yi vi ngì khì-khiù. Chhiáng ngì thin yit-ke sṳ̀-kiên, ngài lòi vi ngì, ngì ke kôn-yèn, lâu ngì ke ngìn-mìn khì-tó. Ke-sṳ̀, só-yû ke koái-é chhiòn-phu voi me̍t-thet, chṳ́-yû Nì-lò hò-tú hàn-yû.”

10Koet-vòng en-kóng: “Chhiáng ngì thiên-kông-ngit vi ngài khì-khiù.”

Mô-sî kóng: “Ngài voi cheu ngì só yêu-khiù ke cho, ngì chhiu tî thiên-ha mò-chhiong Song-chú — ngài-têu ke Song-ti án-ngiòng ke sṳ̀n. 11Koái-é voi lì-khôi ngì, ngì ke vòng-kiûng, ngì ke kôn-yèn, lâu ngì ke ngìn-mìn, chṳ́-yû Nì-lò hò-tú hàn-yû.” 12Mô-sî lâu Â-lùn lì-khôi Âi-khi̍p-vòng chhut-hi; Mô-sî khì-tó Song-chú, khiù Song-chú chiông kong-pûn Âi-khi̍p-vòng ke koái-é chhù-thet. 13Song-chú cheu Mô-sî só-khiù ke hi-cho. Só-yû chhai vuk-tú, thìn-yen lâu thièn-tú ke koái-é chhiòn-phu sí-thet. 14Âi-khi̍p-ngìn chiông sí koái-é tôi-cho yit-tôi yit-tôi, chhiòn-koet chhu-to mò-kat mò-sat. 15Chúng-he, cheu Song-chú só-kóng ke, koet-vòng yit khon-tó châi-nan thìn-thet, sîm yu ngang hí-lòi, m̀-hén thâng Mô-sî lâu Â-lùn ke fa.

(3) Set-mà Châi

16Song-chú tui Mô-sî kóng: “Ngì oi lâu Â-lùn kóng, yung kì ke koái-kun-é tá thi-song ke nài-fún, sṳ́ Âi-khi̍p chhiòn-thi ke nài-fún chhiòn-phu pien-cho set-mà.” 17Kì-têu chhiu án-ngiòng cho. Â-lùn yung koái-kun-é tá thi-song ke nài-fún, Âi-khi̍p chhiòn-thi ke nài-fún chhiu pien-cho set-mà, ngìn lâu thèu-sâng sṳ̂n-hong chhiòn-phu yû set-mà. 18Hàng sià-su̍t ke ya sióng yung kì-têu ke fap-su̍t sṳ́ set-mà chhut-hien, chúng-he pien m̀ chhut-lòi. Ke-sṳ̀, ngìn lâu thèu-sâng sṳ̂n-hong chhiòn-phu yû set-mà. 19Hàng sià-su̍t ke lâu koet-vòng kóng: “Liá-khien sṳ he Song-ti chhîn-sú cho ke!” Chúng-he, cheu Song-chú só-kóng ke, koet-vòng ke sîm hàn-he án-ngang, m̀-thâng Mô-sî lâu Â-lùn ke fa.

(4) Vû-yìn Châi

20Song-chú tui Mô-sî kóng: “Thiên-kông-ngit tá-chó, ngì oi-to hò-pa sùn hi-kien koet-vòng, lâu kì kóng: ‘Song-chú án-ngiòng kóng: Piong Ngài ke chṳ́-mìn chéu, pûn kì-têu hi kin-pai Ngài. 21Ngài kín-ko ngì, ngì na m̀-hén piong Ngài ke chṳ́-mìn chéu, Ngài chhiu-oi phai kûi thai-khiùn ke vû-yìn pî-to ngì, ngì ke kôn-yèn, lâu ngì ke ngìn-mìn sṳ̂n-song. Âi-khi̍p-ngìn kâ-kâ fu-fu voi-yû vû-yìn, mân-thi he vû-yìn. 22Chúng-he Ngài ke chṳ́-mìn só-he̍t ke Kô-sân thi-khî m̀ voi-yû pan-chak vû-yìn. Ngài án-ngiòng cho he-oi pûn ngì tî, Ngài he chhiòn-thi ke Song-chú. 23Ngài oi sṳ́ Ngài ke chṳ́-mìn lâu ngì ke ngìn-mìn yû fûn-phe̍t#8:23 “fûn-phe̍t” ke kîn-kí yit-têu kú yi̍t-pún, Hî-pak-lòi-vùn he “kié-kiu”.. Liá sṳ̀n-chiak thiên-kông-ngit chhiu-voi sṳ̍t-hien.’ ” 24Song-chú chhiu yung kûi thai-khiùn ke vû-yìn pî-ngi̍p koet-vòng ke vòng-kiûng, ya pî-ngi̍p kì kôn-yèn ke vuk-hâ; Âi-khi̍p chhiòn-thi su-tó vû-yìn ke châi-hoi.

25Koet-vòng ham Mô-sî lâu Â-lùn lòi, kóng: “Ngì-têu hi â, chhiu chhai ngài ke koet-nui hiong ngì-têu ke Song-ti hien-chi.”

26Mô-sî kóng: “Án-ngiòng cho-m̀-tet! Na-he ngài-têu hien thèu-sâng pûn Song-chú — ngài-têu ke Song-ti, Âi-khi̍p-ngìn voi nâu-sí ngài-têu; pûn Âi-khi̍p-ngìn khon-tó ngài-têu yung thèu-sâng hien-chi voi ngiâ kì-têu fat-khién, kì-têu voi yung sa̍k-thèu te̍p-sí ngài-têu! 27Ngài-têu yit-thin oi cheu Song-chú — ngài-têu ke Song-ti só min-lin ke, hàng sâm-ngit lu, to khóng-yâ hi hiong Kì hien-chi.”

28Koet-vòng kóng: “Ngài chún ngì-têu to khóng-yâ hi, hiong Song-chú — ngì-têu ke Song-ti hien-chi, chúng-he ngì-têu m̀-hó chéu thet-yén. Ngì-têu oi vi ngài khì-tó.”

29Mô-sî en-kóng: “Ngài yit lì-khôi chhiu khì-khiù Song-chú chhai thiên-kông-ngit sṳ́ vû-yìn chhiòn-phu lì-khôi ngì, ngì ke kôn-yèn lâu ngìn-mìn. Chúng-he koet-vòng m̀-hó chai phien ngài-têu, chú-tóng ngài-têu hi hiong Song-chú hien-chi.”

30Mô-sî lì-khôi Âi-khi̍p-vòng, hi hiong Song-chú khì-tó; 31Song-chú cheu Mô-sî só khì-khiù ke hi-cho. Vû-yìn lì-khôi Âi-khi̍p-vòng, kì ke kôn-yèn lâu ngìn-mìn, lièn yit-chak ya-mò liù hâ-lòi. 32Chúng-he liá-pái, koet-vòng ke sîm hàn-he án-ngang, m̀ piong Yî-set-lie̍t-ngìn chéu.

Actualmente seleccionado:

Chhut Âi-khi̍p Ki 8: THV12Rdb

Destacar

Copiar

¿Quieres tener guardados todos tus destacados en todos tus dispositivos? Regístrate o inicia sesión

Aprende más sobre HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Chhut Âi-khi̍p Ki 8

Versículos bíblicos populares de
Chhut Âi-khi̍p Ki 8

Biblia:

Hakkafa (Roman script)

Versión: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Chhut Âi-khi̍p Ki 8

Chhut Âi-khi̍p Ki 8

Versículos bíblicos populares de Chhut Âi-khi̍p Ki 8

Biblia:

Hakkafa (Roman script)

Versión: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Chhut Âi-khi̍p Ki 8

Versículos bíblicos populares de
Chhut Âi-khi̍p Ki 8